မတ် ၁၆၊ ၂၀၂၂
M-Media
-လာအို၊ ကမ္ဘောဒီးယားနဲ့ မြန်မာနိုင်ငံက အလုပ်သမားတွေရဲ့ အလုပ်လုပ်ခွင့်ပါမစ်ကို နောက်ထပ် ၂ နှစ် သက်တမ်းတိုးခွင့်ပြုဖို့ ထိုင်းအစိုးရက အင်္ဂါနေ့မှာ အတည်ပြုလိုက်ပါတယ်။
ထိုင်းနိုင်ငံမှာ အနည်းဆုံး ၄ နှစ် တရား၀င် နေထိုင်အလုပ်လုပ်ကိုင်ခဲ့တဲ့သူတွေသာ ဒီအခွင့်အရေးကို ခံစားရမှာပါ။ သက်တမ်းကုန်ရင် မိခင်နိုင်ငံ ပြန်စရာမလိုဘဲ ၆ လအတွင်း နောက်ထပ် ၂ နှစ် သက်တမ်းတိုးနိုင်မှာ ဖြစ်ပါတယ်။
ထိုင်းအစိုးရ ပြောရေးဆိုခွင့်ရှိသူ သာနာကွန် ၀မ်ဘွန် ကွန်ချနာက ကိုဗစ်ကပ်ရောဂါကြောင့် ခရီးသွားလာလို့ မရတဲ့ နိုင်ငံခြား အလုပ်သမားတွေ အဆင်ပြေဖို့ လုပ်ဆောင်ပေးတာဖြစ်ပြီး၊ တစ်ချိန်တည်းမှာပဲ နိုင်ငံခြားသားအလုပ်သမား လိုအပ်ချက်ကို ဖြေရှင်းပြီးသားဖြစ်ကာ စီးပွားရေးလုပ်ငန်းတွေ ရှေ့ဆက်နိုင်လိမ့်မယ်လို့ ပြောကြားခဲ့ပါတယ်။
ထိုင်းနိုင်ငံမှာ တရား၀င်ရော၊ တရားမ၀င်ပါ သွားရောက်အလုပ်လုပ်ကိုင်နေတဲ့ မြန်မာနိုင်ငံသား သန်းချီရှိနေပါတယ်။ ၂၀၂၁ ခုနှစ် ဖေဖော်၀ါရီ ၁ ရက်နေ့ စစ်တပ်က အာဏာသိမ်းပြီးနောက်ပိုင်း ထိုင်းဖက်ကို တရားမ၀င်သွားရောက် အလုပ်ရှာဖွေတဲ့ မြန်မာနိုင်ငံသားအရေအတွက် ပိုများလာပြီး ထိုင်းအာဏာပိုင်တွေကလည်း ဖမ်းဆီးမှုတွေ ပိုမိုလုပ်ဆောင်လာပါတယ်။
Ref : The Star