ဆီးရီးယားငလျင်တွင် မိသားစုတစ်စုလုံး အံ့ဖွယ် အသက်ရှင်လွတ်မြောက်

ဖေဖော်၀ါရီ ၈၊ ၂၀၂၃

M-Media 

• 

• 

• 

• 

-ဆီးရီးယားနိုင်ငံ အီဒလစ်မြို့က ငလျင်ကြောင့် ပြိုကြသွားတဲ့ လူနေတိုက်ခန်းအောက်ကနေ မိသားစုတစ်စုလုံး အံ့သြဖွယ် အသက်ရှင်လွတ်မြောက်ခဲ့ပါတယ်။

လူကြီး ၂ ဦးနဲ့ ကလေးငယ်လေးဦးဖြစ်ပြီး အသက်အငယ်ဆုံးက ၄ နှစ်အရွယ် သမီးငယ်လေးဖြစ်ပါတယ်။ အဆောက်အဦးတစ်ခုလုံး လုံး၀ပြိုကျသွားပြီး ပိတ်မိနေတဲ့အနေအထားကနေ အံ့ဖွယ် အသက်ရှင်လွတ်မြောက်လာတာပါ။

ဆီးရီးယား ကယ်ဆယ်ရေးအဖွဲ့ White Helmets က ဒီမိသားစုကို ခက်ခက်ခဲခဲ ကယ်တင်ခဲ့ရပြီး ပြည်သူလူထုကလည်း ချီးကျူးသြဘာ ပေးခဲ့ကြပါတယ်။ 

တူရကီနိုင်ငံတောင်ပိုင်းနဲ့ ဆီးရီးယားနိုင်ငံမြောက်ပိုင်းတို့ကို ဗဟိုပြုပြီး လှုပ်ခတ်ခဲ့တဲ့ တနင်္လာနေ့ငလျင်ကြောင့် သေဆုံးသူဟာ ၈၇၀၀ ကျော်လာပြီဖြစ်ပါတယ်။ 

တူရကီမှာ သေဆုံးသူ ၆၂၃၄ ဦးရှိပြီး ဆီးရီးယားမှာတော့ ၂၅၀၀ လောက် ရှိနေပြီဖြစ်ပါတယ်။ အပျက်အဆီးတွေကြားထဲ ပိတ်မိနေသူတွေလည်း ရှိပြီး ကယ်ဆယ်ရေးအတွက် အချိန်နှောင့်နှေးနေပြီလို့ ပညာရှင်တွေက သတိပေးထားပါတယ်။ 

Ref: ABC