ဇွန် ၂၂၊ ၂၀၂၃
M-Media
-ဟဂျ်ဘုရားဖူးကာလ လုံခြုံရေးအဖွဲ့ရဲ့ စစ်ရေးပြအခမ်းအနားကို မနေ့က ကျင်းပပြုလုပ်ခဲ့ပြီး ဆော်ဒီအာရေဗျ ပြည်ထဲရေး၀န်ကြီး အဘ်ဒူလ် အဇစ် ဘင် ဆာအွဒ် တက်ရောက်ခဲ့ပါတယ်။
ဒီစစ်ရေးပြအခမ်းအနားကို လုံခြုံရေးတပ်ဖွဲ့ လေ့ကျင့်ပြင်ဆင်မှု ပြီးမြောက်တဲ့ အထိမ်းအမှတ်အနေနဲ့ ပြုလုပ်တာပါ။ မက္ကာနဲ့ မဒီနာမြို့တွေမှာ တပ်ဖွဲ့၀င်တွေ စတင် တာ၀န်ထမ်းဆောင်နေပြီလို့ ဆော်ဒီ ပြည်သူ့လုံခြုံရေး ညွှန်ကြားရေးမှူး မိုဟာမက် အလ်-ဘာဆာမီက ပြောပါတယ်။
ဟဂျ်လုံခြုံရေးတပ်ဖွဲ့ဟာ တာ၀န်ထမ်းဆောင်ရာမှာ ဉာဏ်ရည်တုလို အဆင့်မြင့် နည်းပညာတွေကို သုံးစွဲမှာဖြစ်ပြီး စစ်တပ်၊ ရဲနဲ့ အခြား ဆော်ဒီအစိုးရဌာနတွေနဲ့ ပူးပေါင်းဆောင်ရွက်သွားမှာ ဖြစ်ပါတယ်။
မကြာခင်ကျရောက်မယ့် ဟဂျ်ဘုရားဖူးကာလမှာ ကမ္ဘာတစ်၀ှမ်းက သန်းနဲ့ချီတဲ့ အစ္စလာမ်ဘာသာ၀င်တွေ ဆော်ဒီအာရေဗျကို လာရောက်ပြီး ဟဂျ်ပြုကြမှာ ဖြစ်ပါတယ်။
Ref: Arab News