ဒီဇင်ဘာ ၁၈ ၊၂၀၁၂
ဂျဒ္ဒား ။ ။ အစ္စလာမစ်ပူးပေါင်းဆောင်ရွက်ရေးအဖွဲ့ (OIC) အထွေထွေအတွင်းရေးမှူးချုပ် Prof. Ekmeleddin Ihsanoglu သည်မြန်မာနိုင်ငံသို့ မကြာမှီ သွားရောက်မည်ဖြစ်သည်ဟု အင်္ဂါနေ့ တွင် ဆော်ဒီ အာရေဗျာနိုင်ငံ ဂျဒ္ဒားမြို့၌ကျင်းပခဲ့သော သတင်းစာရှင်းလင်း ပွဲတွင်ပြောကြား ခဲ့ကြောင်းသိရ သည်။ Prof. Ekmeleddin Ihsanoglu သည် OIC အဖွဲ့ဝင်နိုင်ငံများ ၏နိုင်ငံခြားရေးဝန်ကြီးများ ပါဝင်သော အဆင့်မြင့် ကိုယ်စားလှယ်အဖွဲ့ကို ဦးဆောင်၍ မြန်မာနိုင်ငံတွင် ရိုဟင်ဂျာမွတ်စလင်များကို တိုက်ခိုက်နေသည် များအား ရပ်တန့်ရေးအတွက် သွားရောက်မည်ဖြစ်သည်။
အရှေ့အလယ်ပိုင်းဒေသ၏ နာမည်ကြီး အင်္ဂလိပ်သတင်းစာဖြစ်သော Arab News အားအဆိုပါသတင်းစာ ရှင်းလင်းပွဲတွင် ယခုသွားမည့် ခရီးစဉ်သည် မြန်မာနိုင်ငံသမ္မတဦးသိန်းစိန်မှ ဖိတ်ကြားခဲ့သောဖိတ်ကြားမှုအရ သွားရောက်ရခြင်းဖြစ်ပြီး၊ နဂိုမူလစီစဉ်ခဲ့သည့် ခရီးစဉ်သာဖြစ်ပြီး၊ ထိုခရီးစဉ်ကို ဖျက်သိမ်းခဲ့ခြင်း မရှိဘဲ မြန်မာနိုင်ငံအတွင်း လုံခြုံရေးအခြေအနေ အားနည်းမှုကြောင့် ခရီးစဉ်ကြန့်ကြာ ရခြင်းဖြစ်ကြောင်း Prof.Ihsanoglu မှပြောကြားကြောင်းသိရသည်။
မကြာမှီအီဂျစ်နိုင်ငံ၊ ကိုင်ရိုမြို့တွင်ကျင်းပမည့် အစ္စလာမစ်ပူးပေါင်းဆောင်ရွက်ရေးအဖွဲ့ (OIC) ၏ညီလာခံ တွင်လည်း မြန်မာနိုင်ငံအကြောင်း ထည့်သွင်းဆွေးနွေးကြမည်ဟု သိရပါသည်။
မြန်မာနိုင်ငံတွင် ရခိုင်ပြည်နယ်၌ ရိုဟင်ဂျာမွတ်စလင်များကို စတင်တိုက်ခိုက်ခဲ့သည့် အချိန်မှစ၍ OIC မှ အရေးပေါ် အထောက်အပံ့ အကူအညီများပေး အပ်ရန် မြန်မာနိုင်ငံအစိုးရနှင့် ပူးပေါင်း၍ ကြိုးစား ခဲ့သော်လည်း အစွန်းရောက်များ၏အဟန့်အတားများကြောင့် ယခုအချိန် ထိနှောင့်နှေးကြန့် ကြာနေခြင်းဖြစ် သည်။ လွန်ခဲ့ သည့် ရက် ပိုင်း များတွင် OIC အထွေထွေ အတွင်းရေးမှူးချုပ်နှင့် အင်ဒိုနီးရှားနိုင်ငံ ကြက်ခြေနီ အသင်းဥက္ကဌ Mr.JusufKalla တို့ဂျကာတာမြို့တွင်တွေ့ဆုံ၍ ရခိုင်ပြည်နယ်တွင် အထောက်အပံ့များပေး အပ်နိုင် ရေးကိစ္စ ကိုဆွေးနွေးခဲ့ကြသည်။
Leave a Reply
You must be logged in to post a comment.