Author: M-Media

အီဘိုလာသံသယရှိသူ နိုင်ငံခြားသားတစ်ဦး ထိုင်းမှာ ပျောက်ဆုံးနေ

နိုဝင်ဘာ ၊ ၂၆ ၊ ၂၀၁၄
M-Media

– နိုင်ငံအတွင်းသို့ ရောက်ရှိလာပြီး အီဘိုလာ လက္ခဏာများတွေ့ရသည့် ဆီရာလီယွန် နိုင်ငံသားတစ်ဦးမှာ နေ့စဉ် ဆေးစစ်မှုအတွက် လာရောက်ခြင်း မရှိသောကြောင့် ရှာဖွေမှုများပြုလုပ်နေသည်ဟု ထိုင်းတာဝန်ရှိသူများက အောက်တိုဘာ ၂၄ ရက်နေ့တွင် ပြောကြားလိုက်သည်။

အသက် ၃၁ နှစ်အရွယ် ဆီဆေးဆင်မြူယဲလ်ဆိုသူဖြစ်ပြီး နိုဝင်ဘာ ၁၆ ရက်နေ့မှ စတင်ကာ ပျောက်ဆုံးသွားဖြစ်သည်။ ၎င်းမှာ ဆီရာလီယွန် နိုင်ငံမှ နိုဝင်ဘာ ၁၃ ရက်နေ့က အခြား သူငယ်ချင်း ၇ ဦးနှင့်အတူ သုဝဏ္ဏဘူမိလေဆိပ်သို့ ရောက်ရှိလာခြင်းဖြစ်ပြီး ထိုင်း ကျန်းမာရေးတာဝန်ရှိသူများ၏ စစ်ဆေးမှုများအရ အီဘိုလာရှိနိုင်သည့် လက္ခဏာများကို တွေ့ရှိခဲ့ရသည်။

ထို့ကြောင့် ၎င်းအား ပြည်သူ့ကျန်းမာရေးဌာနသို့ ခေါ်ဆောင်သွားကာ စစ်ဆေးမှုများ ပြုလုပ်ခဲ့ပြီးနောက် Bang Rak ခရိုင်ရှိ Mode Sathorn ဟိုတယ်သို့ နိုဝင်ဘာ ၁၅ ရက်နေ့တွင် ပို့ဆောင်ပေးခဲ့သည်။ ထို့ပြင် ဆင်မြူယဲလ်နှင့် ၎င်း၏ သူငယ်ချင်းများကို နေ့စဉ် ကျန်းမာရေး လာရောက်စစ်ဆေးရန် တာဝန်ရှိသူများက မှာကြားခဲ့သည်။

သို့သော်လည်း ဆင်မြူယဲလ်မှာ အဆိုပါဟိုတယ်တွင် တည်းခိုခြင်းမရှိဘဲ၊ လက်ကိုင်ဖုန်းကိုလည်း ပိတ်ထားကြောင်း နိုဝင်ဘာ ၁၆ ရက်နေ့တွင် တာဝန်ရှိသူများက တွေ့ရှိခဲ့ရသောကြောင့် ဘန်ကောက်မြို့နှင့် အခြားသော ပြည်နယ်များရှိ တည်းခိုခန်းများနှင့် ဟိုတယ်များ၊ နိုင်ငံခြားခရီးသွားများ သွားရောက်လေ့ရှိသည့် နေရာများတွင် လိုက်လံရှာဖွေမှုများ ပြုလုပ်နေသည်။

တာဝန်ရှိသူများက ယမန်နေ့က သတင်းထုတ်ပြန်ရာတွင် ဆင်မြူယဲလ်၌ အီဘိုလာကူးစက်နေကြောင်း မတွေ့ရှိရသေးသော်လည်း ၎င်းအားရှာဖွေကာ အတိအကျ စစ်ဆးမှုများ ပြုလုပ်ရန် ဆက်လက်ကြိုးစားသွားမည်ဟု ပြောကြားခဲ့သည်။

Bangkokpost.

November 26, 2014
မက်ဆီအား မန်စီးတီး ခေါ်ယူမည့်သတင်း ကောလဟာလဟု မန်စီးတီးနည်းပြ ပယ်လီဂရီနီပြော

နိုဝင်ဘာ ၊ ၂၆ ၊ ၂၀၁၄
M-Media

– ပြီးခဲ့သည့် တစ်ပတ်ကပင် လာလီဂါသမိုင်းတစ်လျှောက် ဂိုးအများဆုံးသွင်းယူထားသူ ဖြစ်လာခဲ့သည့် ဘာစီလိုနာတိုက်စစ်မှူး မက်ဆီအား ခေါ်ယူမည်ဆိုသည့် သတင်းများကို မန်စီးတီးနည်းပြ ပယ်လီဂရီနီက ငြင်းဆိုလိုက်သည်။

မက်ဆီမှာ ယခုနှစ်ရာသီကုန်တွင် ဘာကာမှ ထွက်ခွာနိုင်သည်ဟု ပြီးခဲ့သည့်တစ်ပတ်က အရိပ်အမြွက် ပြောကြားထားပြီး ဥရောကလပ်အသင်းများကလည်း ပြောင်းရွှေ့ကြေး အမြောက်အများသုံး၍ ခေါ်ယူသွားရန် ဆက်သွယ်နေကြသည်။

မန်စီးတီးအသင်းမှာ ပြီးခဲ့သည်တစ်ပတ် တနင်္ဂနွေနေ့က အင်္ဂလန်တွင် ကစားခဲ့သည့် အာဂျင်တီးနားနှင့် ပေါ်တူဂီတို့၏ ခြေစမ်းပွဲမတိုင်မီ ၎င်းတို့၏ ပေါင်သန်းချီတန် အကယ်ဒမီသို့ မက်ဆီအား ဖိတ်ခေါ်ခဲ့ပြီးနောက် မက်ဆီအား ခေါ်ယူရန် ကြိုစားမှုတွင် ပါဝင်လာသည်ဟု သတင်းများ ထွက်ပေါ်လာခဲ့သည်။

`ကောလဟာလဆိုတာ ကောလဟာလပါပဲ။ သူဟာ ထူးခြားတဲ့အရာတွေကို လုပ်ပြခဲ့ပြီး သူ့လိုအဆင့်မျိုးကို ရောက်နိုင်တဲ့ကစားသမား အနည်းငယ်လောက်ပဲ ရှိပါတယ်။ သူရခဲ့တဲ့ မှတ်တမ်းက သူဟာ ဘာစီလိုနာမှာ ဘယ်လောက် အရေးပါသလဲဆိုတာ ပြနေတာပါပဲ´ ဟု ပယ်လီဂရီနီက သတင်းထောက်များအား ပြောကြားခဲ့သည်။

ပြီးခဲ့သည့်နှစ်မှစတင်ကာ ခြေစွမ်းကျဆင်းခြင်း၊ ပြဿနာအချို့နှင့် ရင်ဆိုင်နေရခြင်း၊ ဘာစီလိုနာမှာလည်း အရှုပ်အထွေးများရှိနေခြင်း စသည်တို့ကြောင့် မက်ဆီ၏အနာဂတ်မှာ မသေချာတော့ဘဲ ရီးယဲလ်အပါအ၀င် အသင်းကြီးများကလည်း ခေါ်ယူရန် ကြိုးစားနေကြသည်။

November 26, 2014
လူမည်းလူငယ်အား ပစ်သတ်သည့် ရဲကို တရားမစွဲဟု တရားရုံး၏ ဆုံးဖြတ်ချက် အမေရိကန် တစ်ဝှမ်း ဆန္ဒပြ

နိုဝင်ဘာ ၊ ၂၆ ၊ ၂၀၁၄
M-Media

– အမေရိကန်ပြည်ထောင်စု မစ်ဇူရီပြည်နယ်တွင် ပြီးခဲ့သည့်သြဂုတ်လက လူမည်းလူငယ် မိုက်ကယ်ဘရောင်းအား သေနတ်ဖြင့် ပစ်ခတ်ခဲ့သော ရဲအရာအရှိကို တရားစွဲဆိုခြင်းမပြုလုပ်ရန် တရားရုံးက ဆုံးဖြတ်ခဲ့ပြီးနောက် အမေရိကန်နိုင်ငံတစ်ဝှမ်း ဆန္ဒပြမှုများ ဖြစ်ပွားခဲ့သည်ဟု သိရသည်။

စိန့်လူးဝစ်ခရိုင် ဖာဂူဆန်တွင် ဖြစ်ပွားခဲ့သည့် အဆိုပါ အဖြစ်အပျက်တွင် ရဲတပ်ဖွဲ့က အဆိုပါလူငယ်အား သေနတ်ဖြင့် ၆ ချက် ပစ်ခတ်ခဲ့ခြင်းဖြစ်ပြီး တရားရုံးကမူ ရဲအရာရှိမှာ မိမိကိုယ်ကို ကာကွယ်သည့်အနေဖြင့် ပစ်ခဲ့ခြင်းဖြစ်သည်ဟု တနင်္လာနေ့က ဆုံးဖြတ်ခဲ့သည်။

မိုက်ကယ်ဘရောင်း၏ မိသားစုကလည်း မိမိတို့အနေဖြင့် ထိုဆုံးဖြတ်ချက်အတွက် စိတ်ပျက်ခဲ့ရသည်ဟု ပြောကြားခဲ့သည်။ ထိုသို့ ဆုံးဖြတ်ခဲ့ပြီးနောက် စိန့်လူးဝစ်ခရိုင်တွင် ဆန္ဒပြမှုများ ဖြစ်ပွားခဲ့ပြီး ဈေးဆိုင်များ၊ အစိုးရအဆောက်အအုံများ၊ ရဲကားများအား ဖျက်ဆီး မီးရှို့သည်အထိ ပြင်းထန်ခဲ့သည်။ ထို့ပြင် ဆန္ဒပြသူများမှာ မစ်ဇူရီရှိ ပြည်နယ်ချင်းဆက် အဝေးပြေးလမ်းမနှင့် မစ္စစီပီမြစ်ကူးတံတားများကိုလည်း ပိတ်ဆို့ခဲ့ကြသည်။

အမေရိကန်လုံခြုံရေးတပ်ဖွဲ့ဝင်များကလည်း ဆန္ဒပြသူများအား မျက်ရည်ယိုဗုံးများ၊ မီးခိုးဗုံးများ အသုံးပြုကာ လူစုခွဲခဲ့ကြပြီး ဖမ်းဆီးမှုများလည်း ရှိခဲ့သည်။

အမေရိကန်ရှိ အခြားသော မြို့ကြီးများတွင်လည်း တရားရုံး၏ ထိုဆုံးဖြတ်ချက်ကို မကျေနပ်သည့်အတွက် ပြည်သူအများအပြား ချီတက်ဆန္ဒပြခဲ့ကြသည်။ သမ္မတအိုဘားမားကမူ အမေရိကန်ပြည်သူများအနေဖြင့် ငြိမ်းချမ်းစွာရှိကြရန် တိုက်တွန်းခဲ့သည်။

Al Jazeera and agencies

November 26, 2014
ဂါဇာ၏ အခြေအနေက မိမိကို တုန်လှုပ်စေခဲ့ကြောင်း ဗြိတိန်ကက်သလစ် ဂိုဏ်းချုပ် ဘုန်းတော်ကြီးပြော

နိုဝင်ဘာ ၊ ၂၆ ၊ ၂၀၁၄
M-Media

– အုတ်ပုံများ အပျက်အဆီးများကြားတွင် ပိတ်မိနေသာ ဂါဇာပြည်သူများ၏ အခြေအနေကို မြင်ရသည်မှာ အလွန်ပင်တုန်လှုပ်ခဲ့ရသည်ဟု ဂါဇာသို့ လာရောက်လည်ပတ်ခဲ့သည့် ၀က်မင်စတာ ရိုမန်ကက်သလစ်ဘုန်းတော်ကြီး ဗင်းဆင့် နီကိုးလ်စ်က ပြောကြားလိုက်သည်။

ဘုန်းတော်ကြီးနီကိုးလ်စ်မှာ ဂါဇာဒေသရှိ ခရစ်ယာန်ကက်သလစ်အသိုင်းအ၀ိုင်းအား ကြည့်ရှုရန်အတွက် ဘုရားဖူး ၁၀၀ နှင့်အတူ ရောက်ရှိလာခြင်းဖြစ်ပြီး ၂ လနီးပါးကြာ အစ္စရေး၏ ကျူးကျော်တိုက်ခိုက်မှုကြောင့် ပျက်ဆီးခဲ့ရသည့် ဂါဇာရှိ ဆေးရုံတစ်ခုနှင့် စီးပွားရေး ဇုန်တစ်ခုကိုလည်း သွားရောက်ကြည့်ရှုခဲ့သည်။

`စစ်ပွဲနဲ့ ဆင်းရဲမွဲတေမှုတွေရဲ့ ရိုက်ခတ်မှုတွေက ကျွန်တော့်ကို အရမ်း တုန်လှုပ်စေခဲ့ပါတယ်။ ပုပ်ရဟန်းမင်းကြီးကတော့ စစ်ပွဲရဲ့အဆုံးသတ်ဆိုတာ ရှိကိုရှိရမယ်လို့ ပြောခဲ့ပါတယ်။ ဂါဇာလိုနေရာမျိုးမှာ ဒီလိုသက်ရောက်မှုကိုမြင်ရတဲ့အခါ ဒီအယူအဆကို ခိုင်မာစေပါတယ်´ ဟု အင်္ဂလန်နှင့် ဝေးလ်နိုင်ငံ ခရစ်ယာန်ရိုမန်ကက်သလစ် အသင်းအတော် အကြီးအကဲ ဘုန်းတော်ကြီးနီကိုးလ်စ်က ပြောကြားခဲ့သည်။

အစ္စရေး၏ ကျူးကျော်တိုက်ခိုက်မှု ပြီးဆုံးခဲ့သည်မှာ တစ်လကျော်ကြာပြီဖြစ်သော်လည်း အပျက်အဆီးများကို ဖယ်ရှားမှုနှင့် အဆောက်အဦးများကို ပြန်လည်ဆောက်လုပ်မှုမှာ အနည်းငယ်သာ ရှိနေသေးသည်။

ထို့ပြင် စိတ်ဒဏ်ရာရနေသော ကလေးများနှင့် မိဘမဲ့ကလေးများကို စောင့်ရှောက်မှုများပေးနေသော မိဘမဲ့ဂေဟာတစ်ခုကိုလည်း ဘုန်းတော်ကြီးက သွားရောက်ကြည့်ရှု အားပေးခဲ့သည်။

`ဘာမှလုပ်စရာမရှိတဲ့ပုံစံနဲ့ လူတွေဟာ လမ်းမတွေပေါ်မှာ ထိုင်နေတာကိုတွေ့ရတာ အံ့အားသင့်စရာပါပဲ။ ဒီလူဦးရေကို ထောက်ပံ့ဖို့ စီးပွားရေးဆိုတာလည်း ဒီမှာ မရှိပါဘူး´ ဟု ဘုန်းတော်ကြီးက ထပ်လောင်းပြောကြားခဲ့သည်။

ဟားမက်စ်အဖွဲ့က ဒုံးကျည်ဖြင့် ပစ်ခတ်မှုကို တုံ့ပြန်သည်ဟု အကြောင်းပြကာ နှစ်လနီးပါး ကြာမြင့်သည့် ဂါဇာကမ်းမြှောင်အား အစ္စရေး၏ ကျူးကျော်တိုက်ခိုက်မှုအတွင်း လူပေါင်း ၂၁၀၀ ကျော် သေဆုံးခဲ့သည်။ ကုလသမဂ္ဂကမူ သေဆုံးသူများထဲတွင် ၈၀ ရာခိုင်နှုန်းခန့်မှာ အရပ်သားများဖြစ်ကြပြီး ကလေးငယ်များနှင့် အမျိုးသမီးများ အများစုဖြစ်သည်ဟု ပြောကြားခဲ့သည်။ ထို့ပြင် သေဆုံးသွားသော ကလေးငယ်များ၏ ၇၀ ရာခိုင်နှုန်းမှာ အသက် ၁၂ အောက် ကလေးများ ဖြစ်ကြသည်ဟုလည်း ဆိုသည်။

ဘုန်းတော်ကြီး နီကိုးလ်စ်ကလည်း အပြစ်မဲ့ ဂါဇာပြည်သူများမှာ ပဋိပက္ခအယူအဆများအတွင်း ကြားညပ်နေခြင်းမှာ လက်ခံနိုင်ဖွယ်မရှိသည့် အခြေအနေဖြစ်ကြောင်း၊ ပိုမိုကြောက်ရွံ့စရာကောင်းသည်က အရှေ့အလယ်ပိုင်းဒေသအတွင်း အစွန်းရောက်များ၏ အုပ်ချုပ်မှုများ ဖြစ်လာခြင်းဖြစ်ကြောင်း ထည့်သွင်းပြောကြားခဲ့သည်။

`နိုင်ငံရေးခေါင်းဆောင်တွေဟာ လုံခြုံရေးဆိုင်ရာ ဒါမှမဟုတ် စစ်ရေးတုံ့ပြန်မှုမျိုးနဲ့ ကျေနပ်မနေရပါဘူး။ နိုင်ငံရေးအဖြေတစ်ခု လိုအပ်ပါတယ်´ ဟု ၎င်းက ဆိုသည်။

အစ္စရေး၏ ကျူးကျော်တိုက်ခိုက်မှုအတွင်း လူနေအိမ်များ၊ ဆေးရုံများ၊ ကျောင်းများ၊ ဗလီဝတ်ကျောင်းတော်များ၊ မသန်စွမ်းကုသရေးစင်တာများ၊ ဒုက္ခသည်များ ခိုလှုံနေသည့် ဘောလုံးကွင်းများ ကုလစာသင်ကျောင်းများ စသည်တို့ကို ပစ်မှတ်ထားခဲ့သောကြောင့် ဂါဇာရှိ လူနေတိုင်ခန်းပေါင်း ၅၅၁၀ မှာ လုံးဝပျက်ဆီးခဲ့ပြီး ၃၁၀၀၀ မှာလည်း ထိခိုက်မှုများ ရှိခဲ့သည်။

ထို့ပြင် အခြားသော အများပြည်သူနှင့်သက်ဆိုင်သည့် အဆောက်အဦးများမှာလည်း ထိခိုက်ပျက်ဆီးခဲ့ရသည်။

OnIslam & Newspapers

November 26, 2014
အီရန်နျူအရေး ဆွေးနွေးပွဲ ၂၀၁၅ ဇူလိုင်လ အထိ အချိန်ထပ်တိုး

နိုဝင်ဘာ ၊ ၂၆ ၊ ၂၀၁၄
M-Media

– အီရန်၏ နျူအရေးနှင့်ပတ်သက်၍ နောက်ဆုံးအဆင့် ဆွေးနွေးပွဲတွင့် ပြည့်ဝသည့် သဘောတူညီချက် မရရှိသောကြောင့် ဆက်လက်ဆွေးနွေးရန် ဆုံးဖြတ်ခဲ့ကြပြီး နောက်ဆုံးရက်ကို ၂၀၁၅ ခုနှစ် ဇူလိုင်လအထိ သတ်မှတ်ခဲ့သည်ဟု သိရသည်။

ဗီယင်နာတွင် ၆ ရက်တာ ပြုလုပ်ခဲ့သည့် အီရန်နှင့် အင်အားကြီး ၆ နိုင်ငံတို့၏ ညှိနှိုင်းဆွေးနွေးမှုမှာ အောက်တိုဘာ ၂၄ ရက်နေ့က ပြီးဆုံးခဲ့ပြီး ပါဝင်သူများအားလုံးက အချိန်ထပ်တိုးရန် သဘောတူညီခဲ့ကြခြင်း ဖြစ်သည်။ အီရန်သမ္မတ ရူဟာနီကမူ ယခုအကျော့တွင် မအောင်မြင်ခဲ့သော်လည်း သဘောတူညီချက်ရအောင် ဆောင်ရွက်သွားမည်ဖြစ်ကြောင်း ပြောကြားခဲ့သည်။

`ဒီဆွေးနွေးမှုလမ်းကြောင်းဟာ နောက်ဆုံး သဘောတူညီချက်ကို ရမှာပါ။ ကွဟာမှုအများစုကိုတော့ ဖယ်ရှားခဲ့ပြီးပါပြီ´ ဟု ရူဟာနီက ရုပ်သံမိန့်ခွန်းတွင် ထည့်သွင်း ပြောကြားခဲ့သည်။

အမေရိကန်နိုင်ငံခြားရေးဝန်ကြီး ဂျွန်ကယ်ရီကလည်း ဆွေးနွေးမှုများအတွင်း သိသာသည့် တိုးတက်မှုများ ရရှိခဲ့ကြောင်း ပြောကြားခဲ့ပြီး အမေရိကန် လွှတ်တော်အမတ်များအနေဖြင့် အီရန်အပေါ် ပိတ်ဆို့မှုများ မပြုလုပ်ရန် တိုက်တွန်းခဲ့သည်။

နောက်ထပ်ဆွေးနွေးမှုများကို မတ်လ ၁ ရက်နေ့တွင် ပြုလုပ်သွားမည်ဖြစ်ပြီး အဆုံးသတ်ဆွေးနွေးမှုကိုမူ နောက်ထပ်လေးလအကြာ ဇူလိုင်လတွင် ပြုလုပ်သွားမည်ဖြစ်သည်။

November 26, 2014