သြဂုတ် ၂၀၊ ၂၀၂၄
M-Media
-ဂါဇာကမ်းမြှောင်မြောက်ပိုင်း ဂါဇာစီးတီးမြို့က Mustafa Hafez စာသင်ကျောင်းကို အစ္စရေးက အင်္ဂါနေ့မှာ တိုက်ခိုက်ရာ အနည်းဆုံး လူ ၁၀ ဦး သေဆုံးတယ်လို့ သိရပါတယ်။
အဲဒီစာသင်ကျောင်းဟာ အစ္စရေးရဲ့ တိုက်ခိုက်မှုတွေကြောင့် အိုးအိမ်စွန့်ခွာ ထွက်ပြေးလာရသူတွေ နေထိုင်နေရတဲ့ နေရာပါ။ စာသင်ကျောင်း ဒုတိယထပ်ကို ဒုံးကျည်ထိမှန်ခဲ့ပြီး သေဆုံးသူတွေထဲက အနည်းဆုံး ၂ ဦးဟာ ကလေးငယ်တွေဖြစ်တယ်လို့ ဂါဇာပြည်သူ့ ကယ်ဆယ်ရေးအဖွဲ့က ပြောပါတယ်။
တိုက်ခိုက်မှုကြောင့် ဒဏ်ရာရသူတွေလည်း အများအပြား ရှိခဲ့ပါတယ်။
၁၁ လနီးပါး ကြာလာပြီဖြစ်တဲ့ ဂါဇာက အစ္စရေးရဲ့ တစ်ကျော့ပြန်လူသတ်ပွဲအတွင်း ပါလက်စတိုင်းပြည်သူ ၄ သောင်းကျော် အသတ်ခံထားရပါတယ်။
Ref: Aljazeera
