Author: Ko Lay

ရခိုင်တွင် ကုလကြီးကြပ်မှုဖြင့် အရပ်သားများကို ကာကွယ်ပေးရန် ဘင်္ဂလားဒေ့ရ်ှဝန်ကြီးချုပ် အဆိုပြု

စက်တင်ဘာ ၂၂၊ ၂၀၁၇
M-Media

ယမန်နေ့က ကုလတွင် မိန့်ခွန်းပြောနေသည့် ရှိခ် ဟာဆီနာ

– ရခိုင်ပြည်နယ်မှာ လူမျိုးတုန်း သတ်ဖြတ်နေတာတွေကို မြန်မာနိုင်ငံက ရပ်တန့်ရမှာဖြစ်ပြီး အရပ်သားတွေကို ကာကွယ်ဖို့အတွက် ကုလရဲ့ ကြီးကြပ်မှုနဲ့ ‘အန္တရာယ်ကင်းဇုန်’ တွေ ဖန်တီးပေးဖို့ လိုတယ်လို့ ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာက ကုလ အထွေထွေညီလာခံမှာ ပြောကြားလိုက်ပါတယ်။

“ဆာလောင်မွတ်သိပ်မှုအတိနဲ့ ပရိဒေ၀မီး တောက်လောင်ကာ မျှော်လင့်ချက်မဲ့ပြီး ဘင်္ဂလားဒေ့ရှ် ကော့ဇ်ဘဇားဒေသကို ထွက်ပြေးလာတဲ့ မြန်မာနိုင်ငံက ရိုဟင်ဂျာတွေကို ဒီမလာခင် ကျွန်မ သွားကြည့်ခဲ့ပါတယ်။ အဓမ္မ မောင်းထုတ်ခံရတဲ့ မြန်မာနိုင်ငံက ဒီလူတွေဟာ သူတို့ ရာစုနှစ်များစွာ နေထိုင်ခဲ့ကြတဲ့ သူတို့ရဲ့ နိုင်ငံကနေ ‘လူမျိုးစုလိုက် သုတ်သင်မှု’ ကြောင့် ထွက်ပြေးလာရတာပါ” လို့ ဟာဆီနာက မနေ့က မိန့်ခွန်းမှာ ထည့်သွင်းပြောဆိုခဲ့တာပါ။

လက်ရှိမှာ သူတို့နိုင်ငံဟာ မြန်မာနိုင်ငံက ထွက်ပြေးလာကြတဲ့ ရိုဟင်ဂျာ ၈ သိန်းလောက်ကို ခိုလှုံခွင့်ပေးထားရပြီး၊ မြန်မာနိုင်ငံမှာ ရက်စက်ကြမ်းကြုတ်မှုတွေ၊ လူ့အခွင့်အရေး ချိုးဖောက်မှုတွေ ဆက်လက်ဖြစ်ပွားနေတာကြောင့် မြန်မာ-ဘင်္ဂလားဒေ့ရှ် နယ်စပ်က အခြေအနေတွေကို ပိုမိုဆိုးရွားစေတယ်လို့လည်း ၀န်ကြီးချုပ်က ဆိုပါတယ်။

မြန်မာနိုင်ငံအနေနဲ့ ရခိုင်ပြည်နယ်က ‘လူမျိုးစုလိုက်သုတ်သင်မှု’ လုပ်ရပ်တွေကို ခြွင်းချက်မဲ့ လုံးဝ ရပ်တန့်ဖို့၊ ကုလအနေနဲ့ အချက်အလက်ရှာဖွေရေးအဖွဲ့ကို အမြန်ဆုံးလွှတ်ဖို့၊ ကုလရဲ့ ကြီးကြပ်မှုအောက်မှာ ဘာသာလူမျိုး မခွဲခြားဘဲ ‘အန္တရာယ်ကင်းဇုန်’ တွေ ဖန်တီးပေးဖို့၊ အဓမ္မနှင်ထုတ်ခံရပြီး ဘင်္ဂလားဒေ့ရ်ှကို ရောက်ရှိနေကြတဲ့ ရိုဟင်ဂျာတွေအားလုံးကို ရှေရှည်အဆင်ပြေစေမယ့် နည်းလမ်းနဲ့ မြန်မာနိုင်ငံက သူတို့ရဲ့အိမ်တွေကို ပြန်နိုင်ဖို့ ဘင်္ဂလားဒေ့ရ်ှဝန်ကြီးချုပ်က ထည့်သွင်း အဆိုပြုခဲ့ပါတယ်။

Ref: un.org

September 22, 2017
ဆိုရှယ်မီဒီယာများတွင် အစ္စလာမ်ကိုစော်ကားသည့် စကားလုံးများကို တရုတ်ဖယ်ရှား

စက်တင်ဘာ ၂၁၊ ၂၀၁၇
M-Media

အစ္စလာမ်ဘာသာဝင် တရုတ်လူမျိုးများ

– တရုတ်လူမှုကွန်ယက် အသုံးပြုသူများကြားတွင် လတ်တလော ကျယ်ပြန့်လာသည့် အစ္စလာမ်သာသနာကို စော်ကားသော စကားလုံးများကို တရုတ်အာဏာပိုင်များက ပိတ်ပင်လိုက်သည်ဟု နိုင်ငံပိုင် မီဒီယာ Global Times က ယမန်နေ့တွင် ဖော်ပြခဲ့သည်။

“မွတ်စလင်လူနည်းစုတွေဖက်ကို သိသိသာသာ ဘက်လိုက်တယ်လို့ ပြည်သူတွေက ဝေဖန်မှု ရှိနေပေမယ့် မွတ်စလင်တွေကို နစ်နာစေဖို့ တရုတ်အင်တာနက် အသုံးပြုသူတွေက တီထွင်သုံးစွဲနေကြတဲ့ စကားလုံးတွေကို တရုတ် ဆိုရှယ်မီဒီယာ အာဏာပိုင်တွေက ပိတ်ပင်လိုက်ပါတယ်” ဟု ရေးသားထားသည်။

ထိုကဲ့သို့ ပိတ်ပင်မှုများကြောင့် တရုတ်၏ ဆိုရှယ်မီဒီယာ အက်ပလီကေးရှင်းတစ်ခုဖြစ်သော Weibo တွင် ယမန်နေ့မှစ၍ ထိုစကားလုံးများကို ရှာ၍ မရတော့ဘဲ၊ ထိုစကားလုံးများ အသုံးပြုထားသည့် ပို့စ်များကိုလည်း တင်ခွင့်မပေးတော့ပေ။ Weibo ရှာဖွေရေး စာမျက်နှာတွင်လည်း အစ္စလာမ်အား စော်ကားသည့် ရေးသားမှုများကို တရုတ်အစိုးရက ပိတ်ပင်ထားသည်။

တရုတ်နိုင်ငံတွင် အင်တာနက်အသုံးပြုသူမှာ သန်းပေါင်း ၇၀၀ ကျော်ရှိပြီး Twitter၊ Facebook နှင့် Google တို့ကို တရုတ်အစိုးရက သုံးခွင့်မပေးဘဲ၊ နိုင်ငံ၏ အင်တာနက် စည်းမျဉ်းစည်းကမ်းများမှာကိုလည်း အလွန်တင်းကျပ်ထားသည်။

ဘေဂျင်းရှိ Minzu တက္ကသိုလ်မှ ပါမောက္ခ Xiong Kunxin က အစ္စလာမ်ဘာသာဝင်များနှင့်ပတ်သက်၍ အမုန်တရားများ မပြန့်နှံ့စေရန်အတွက် ထိုကဲ့သို့သော တစ်ဖက်စွန်းစကားလုံးများ၊ ၀ါဒဖြန့် ပြောဆိုမှုများကို အင်တာနက်စာမျက်နှာများမှ အချိန်နှင့်တစ်ပြေးညီ ဖယ်ရှားရန် လိုအပ်သည်ဟု ပြောကြားခဲ့သည်။

တရားဝင် စစ်တမ်းကောက်ယူမှုများ မရှိသော်လည်း တရုတ်နိုင်ငံတွင် အစ္စလာမ်ဘာသာဝင် ၂၁ သန်းကျော် ရှိမည်ဟု ခန့်မှန်းထားပြီး အများစုမှာ ၀ီဂါနှင့် ဟွေလူမျိုးများ ဖြစ်ကြသည်။

Ref: Times of India

September 21, 2017
ပါကစ္စတန် ထိပ်တန်းရူပဗေဒပညာရှင်၏ ဂုဏ်ပြုရုပ်ထုကို IAEA ရုံးချုပ်တွင် ဖွင့်လှစ်

စက်တင်ဘာ ၂၁၊ ၂၀၁၇
M-Media

– ပါကစ္စတန်မှ နာမည်ကျော် ရူပဗေဒပညာရှင် ဒေါက်တာ အဘ်ဒွတ်စ် စလာမ်၏ ကြိုးပမ်းမှုများကို ဂုဏ်ပြုသောအားဖြင့် နိုင်ငံတကာ အနုမြူစွမ်းအင်အေဂျင်စီ IAEA က ဗီယင်နာမြို့ရှိ ရုံးချုပ်တွင် ၎င်း၏ ကိုယ်တစ်ပိုင်းရုပ်ထုအား ဖွင့်လှစ်ခဲ့သည်ဟု သိရသည်။

ယနေ့ကျင်းပသော အေဂျင်စီ၏ ၆၁ ကြိမ်မြောက် အထွေထွေညီလာခံတွင် IAEA ဒါရိုက်တာ ယူကီယာ အေမာနိုက ရုပ်တုအား ဖွင့်လှစ်ပေးခဲ့ခြင်းဖြစ်သည်။

ပါကစ္စတန်နိုင်ငံ၏ ပထမဆုံး နိုဘယ်ဆုရှင် ဒေါက်တာ စလာမ်မှာ ဖွံ့ဖြိုးဆဲကမ္ဘာတွင် အခြေခံ သိပ္ပံဆိုင်ရာ အသိပညာ ကျယ်ပြန့်စေရေး အထူး ကြိုးစားအားထုတ်ခဲ့သူဖြစ်ပြီး ‘အနုမြူသည် ငြိမ်းချမ်းရေးအတွက်’ ဆိုသည့် ခံယူချက်ကို ပြန့်နှံ့စေခဲ့သူလည်းဖြစ်သည်။

နျူကလီးယား နည်းပညာကို ငြိမ်းချမ်းရေး၊ ကျန်းမာရေး၊ သာယာဝပြောရေးအတွက် အသုံးချကာ အကျိုးကျေးဇူးများရယူရန်အတွက် ဒေါက်တာစလာမ်မှာ ကမ္ဘာကြီးကို လှုံ့ဆော်ခဲ့ပြီး ၎င်း၏ ထိုကြိုးပမ်းအားထုတ်မှုအား ကမ္ဘာတစ်ဝှမ်းက အသိအမှတ်ပြုခဲ့ကြသည်။

IAEA ရုံးချုပ်တွင် ယနေ့ဖွင့်လှစ်ခဲ့သည့် ရုပ်တု

ဒေါက်တာစလာမ်မှာ အီတလီနိုင်ငံ ထရီယက်စ်တီမြို့ရှိ International Center for Theoretical Physics အဖွဲ့ကို တည်ထောင်ခဲ့သူလည်းဖြစ်သည်။

၁၉၂၆ ခုနှစ်တွင် မွေးဖွားခဲ့ပြီး ၂၀ ရာစု၏ အထင်ရှားဆုံး ရူပဗေဒပညာရှင်များထဲမှ တစ်ဦးဖြစ်ကာ ၁၉၇၉ ခုနှစ်တွင် ရူပဗေဒဆိုင်ရာ နိုဘယ်ဆုကို ရှဲလ်ဒန် ဂလက်ရှိုနှင့်အတူ ရရှိခဲ့သည်။

ပါကစ္စတန်နိုင်ငံ၏ သိပ္ပံနယ်ပယ်တွင် တိုးတက်မှုများ ရရှိအောင် စွမ်းဆောင်ပေးခဲ့သည့် ဒေါက်စလာမ်မှာ ၁၉၉၆ ခုနှစ်တွင် ကွယ်လွန်အနိစ္စရောက်ခဲ့သည်။

၎င်း၏ ကိုယ်တစ်ပိုင်းရုပ်ထုကို IAEA ရုံးချုပ်တွင် နျူကလီးယားသိပ္ပံနှင့် နည်းပညာနယ်ပယ်ကို မြှင့်တင်ပေးခဲ့သည့် ထင်ရှားကျော်ကြားသူများ၏ ရုပ်ထုများနှင့်အတူ ထားရှိမည်ဖြစ်သည်။

Ref: nation.com

September 21, 2017
ကချင်အရပ်သား ၃ ဦးကို ဖမ်းဆီး သတ်ဖြတ်ခဲ့သည်ဟု မြန်မာစစ်သားများ ၀န်ခံ

စက်တင်ဘာ ၂၁၊ ၂၀၁၇
M-Media

သေဆုံးသွားသူများ၏ အလောင်းများ ရှာဖွေတွေ့ရှိစဉ်က

– မေလနှောင်းပိုင်းက ကချင်ပြည်နယ်မှာ ဖြစ်ပွားခဲ့တဲ့ ကချင်အရပ်သား ၃ ဦး သတ်ဖြတ်ခံရမှုဟာ သူတို့လက်ချက်ဖြစ်တယ်လို့ မြန်မာစစ်တပ်က အရာရှိ၊ စစ်သည် ၆ ဦးက စစ်ခုံရုံးမှာ အင်္ဂါနေ့က ၀န်ခံလိုက်တယ်လို့ သိရပါတယ်။

အသက် ၂၂ နှစ်အရွယ် Maran Brang Seng၊ ၃၁ နှစ်အရွယ် Nhkum Gam Awng၊ ၂၇ နှစ်အရွယ် Labya Naw Hkum တို့ဟာ မန်ဆီမြို့နယ် Mai Hkawng ရွာက စစ်စခန်းကနေ ၃ မိုင်အကွာလောက်မှာ သေနတ် ဒဏ်ရာတွေနဲ့ သေဆုံးနေတာကို တွေ့ခဲ့ရပြီးတဲ့နောက် စစ်တပ်က တာဝန်ရှိသူတွေကို ဇွန်လအစောပိုင်းကစလို့ စုံစမ်းစစ်ဆေးမှုတွေ ပြုလုပ်ခဲ့တာပါ။

သတ်ဖြတ်တယ်လို့ ၀န်ခံသူတွေက တပ်မမှူးတစ်ဦး၊ အရာရှိ ၃ ဦးနဲ့ စစ်သည် ၂ ဦးတို့ဖြစ်ပါတယ်။

မန်စီမြို့နယ်တစ်ဝိုက်ဟာ မြန်မာစစ်တပ်နဲ့ ကချင်လက်နက်ကိုင်အဖွဲ့ KIA တို့အကြား တိုက်ပွဲတွေကြောင့် ထောင်နဲ့ချီတဲ့ပြည်သူတွေ အိုးအိမ်စွန့်ခွာ ထွက်ပြေးရတဲ့ ဒေသလည်း ဖြစ်ပါတယ်။

သေဆုံးသွားတဲ့ ကချင်အရပ်သား ၃ ဦးဟာ မေလ ၂၅ ရက်နေ့က သူတို့နေထိုင်ရာ စစ်ဘေးရှောင်စခန်းကနေ ထင်းရှာဖို့ သွားတဲ့အချိန် အမှတ် ၃၁၉ ခြေမြန်တပ်ရင်းက စစ်သားတွေက ဖမ်းဆီးခဲ့တယ်လို့ သတင်းထွက်ခဲ့ပြီး သေနတ်သံတွေ ကြားခဲ့တာကြောင့် မေလ ၂၈ ရက်နေ့မှာ မိသားစုက လိုက်လံရှာဖွေရာ အလောင်းတွေကို တွေ့ခဲ့တာဖြစ်ပါတယ်။

အလောင်းတွေကို စစ်ဆေးရာမှာ ဦးခေါင်းကွဲဒဏ်ရာ၊ ဓားဒဏ်ရာ၊ နားရွက်ပြတ်ဒဏ်ရာနဲ့ သေနတ်ဒဏ်ရာတွေကို တွေ့ခဲ့ရပါတယ်။

အလောင်းတွေ့ပြီး နောက်တစ်နေ့မှာ အမှတ် ၃၁၉ ခြေမြန်တပ်ရင်းရဲ့ တပ်မှူးက သေဆုံးသူတွေ နေထိုင်ခဲ့တဲ့ စခန်းတွေကိုလာပြီး ကျူးလွန်သူတွေကို စစ်သည်တော်ကျင့်ဝတ်တွေနဲ့အညီ အရေးယူသွားမယ်လို့ ပြောကြားခဲ့ပါတယ်။

စစ်ဘေးရှောင်စခန်း တာဝန်ရှိသူတစ်ဦးက အင်္ဂါနေ့ ကြားနာမှုပြီးတဲ့နောက် ဒီစစ်သည်တွေရဲ့ ၀န်ခံမှုနဲ့ သေဆုံးသွားသူတွေရဲ့ ဇနီးတွေရဲ့ ထွက်ဆိုချက်တွေကို နေပြည်တော်ပို့ကာ သုံးသပ်စေမှာဖြစ်ပြီး အဲဒီနောက်မှာမှ အမိန့်ချမယ်လို့ ပြောကြားခဲ့ပါတယ်။

ပဋိပက္ခတွေ ဖြစ်ပွားနေတဲ့ ဒေသတွေမှာ မြန်မာစစ်တပ်က အရပ်သားတွေအပေါ်မှာ ကျူးလွန်မှုဟာ ပုံမှန်လိုလိုဖြစ်နေပြီး ဒီကိစ္စကို စတင်မစစ်ဆေးခင် ရက်အနည်းငယ်အရင်က ရှမ်းပြည်နယ်မှာ ဖမ်းပြီး လက်ထိပ်ခတ်ထားတဲ့ အရပ်သားတွေကို စစ်သားတွေက ပြင်းပြင်းထန်ထန် ရိုက်နှက်တာ၊ သတ်မယ်လို့ ခြိမ်းခြောက်တာမျိုးတွေလုပ်တဲ့ ဗီဒီယိုတစ်ခုလည်း ထွက်လာပါတယ်။

Ref: coconuts.yangon

September 21, 2017
ပုပ်ရဟန်းမင်းကြီးနှင့် ကမ္ဘာ့မွတ်စလင်လိဂ် အတွင်းရေးမှူးတို့ တွေ့ဆုံ

စက်တင်ဘာ ၂၁၊ ၂၀၁၇
M-Media

– ဗာတီကန်သို့ ရောက်ရှိနေသည့် ကမ္ဘာ့မွတ်စလင်လိဂ် အထွေထွေအတွင်းရေးမှူး ဒေါက်တာ မိုဟာမက် ဘင် အဘ်ဒူလ် ကရင် အလ်-အီဆာမှာ ယမန်နေ့က ပုပ်ရဟန်းမင်းကြီး ဖရန်စစ်နှင့် တွေ့ဆုံခဲ့ပြီး ငြိမ်းချမ်းစွာ အတူယှဉ်တွဲနေထိုင်ရေး ကိစ္စများကို ဆွေးနွေးခဲ့သည်ဟု သိရသည်။

အလ်-အီဆာက အစွန်းရောက်ဝါဒ၊ အကြမ်းဖက်မှုများကို အစ္စလာမ်နှင့် ချိတ်ဆက်ပြောဆိုခြင်းမှာ မှားယွင်းသော ပြောဆိုမှုသာ ဖြစ်ပြီး၊ ထိုလုပ်ရပ်များမှာ အစ္စလာမ်နှင့် မပတ်သက်ကြောင်း၊ ဘာသာတရားတိုင်းတွင် အစွန်းရောက်သမားများရှိကြောင်း ပုပ်ရဟန်းမင်းကြီး၏ ရပ်တည်ချက်အပေါ် ကျေနပ် ပီတိဖြစ်ရသည်ဟု ပြောကြားခဲ့သည်။

တွေ့ဆုံမှုအတွင်း ခေါင်းဆောင်နှစ်ဦးမှ ဘာသာနှစ်ခုအကြား ဘုံအကျိုးစီးပွားဖြစ်သည့် ငြိမ်းချမ်းရေးနှင့် ကမ္ဘာ့ဟန်ချက်ညီရေး ကိစ္စများ၊ ငြိမ်းချမ်းရေး၊ အတူယှဉ်တွဲနေထိုင်ရေး၊ မေတ္တာတရား ပြန့်နှံ့ရေးတို့တွင် ပူးပေါင်းဆောင်ရွက်နိုင်မှုများ အကြောင်းကို ဆွေးနွေးခဲ့ကြသည်။

ဆွေးနွေးပွဲပြီးနောက် ပုပ်ရဟန်းမင်းကြီးနှင့် အလ်-အီဆာတို့မှာ လက်ဆောင်များ အပြန်အလှန် လဲလှယ်ခဲ့ကြသည်။

Ref: Alarabiya

September 21, 2017