Author: Ko Lay

ဟိန္ဒူဘာသာဝင်မှသည် အစ္စလာမ့် ထိပ်တန်း ဓမ္မပညာရှင် ဖြစ်လာခဲ့သည့် ဒီယာ အွရ်-ရဟ်မန်

မတ် ၄၊ ၂၀၁၇
M-Media

ဖရော်ဖက်ဆာ ဒီယာ အွရ်-ရဟ်မန် အဇ်မီ (၀ဲ)

– တစ်ခြားအယူဝါဒကနေ အစ္စလာမ်ဘာသာ လေ့လာလိုက်စားပြီ ပြောင်းလဲသက်ဝင်လာကြသူတွေထဲမှာ တစ်ချို့ဟာ အစ္စလာမ့် ဓမ္မရေးရာကဏ္ဍနဲ့ အစ္စလာမ်သာသနာ ဖြန့်ချီမှုကဏ္ဍတွေမှာ တော်တော်လေး ထူးထူးချွန်ချွန် ဖြစ်ခဲ့ကြတယ်၊ ဖြစ်နေကြတယ်ဆိုတဲ့ အကြောင်းအရာတွေကို တော်တော်များများ ကြားဖူးကြမှာပါ။

အဲဒီလို ထူးချွန်ပြောက်မြောက်ခဲ့ကြသူတွေထဲမှာ ဟိန္ဒူဘာသာကနေ အစ္စလာမ်ကို ပြောင်းလဲသက်ဝင်ခဲ့တဲ့ ဖရော်ဖက်ဆာ ဒီယာ အွရ်-ရဟ်မန် အဇ်မီလည်း ပါဝင်ပါတယ်။

ဟိန္ဒူအမည် ဘန်ကီ လာလ်လို့ခေါ်တဲ့ ဒီယာ အွရ်-ရဟ်မန်ကို ၁၉၄၃ ခုနှစ်မှာ အိန္ဒိယနိုင်ငံ အဇမ်ဂါရ်ဟ်ခရိုင်က ရွာငယ်လေးတစ်ခုမှာ ဘီလာရ်ယာ ဂန်းဂ်ျလို့ခေါ်တဲ့ ဟိန္ဒူမိသားစုကနေ မွေးဖွားခဲ့တာဖြစ်ပါတယ်။ အစ္စလာမ်သာသနာက သွန်သင်တဲ့ တန်းတူညီမျှရေး၊ တရားမျှတရေး ၀ါဒတွေကို နှစ်သက် သဘောကျခဲ့ပြီးတဲ့နောက် အသက် ၁၈ နှစ်အရွယ်မှာ သူဟာ အစ္စလာမ်ဘာသာကို ပြောင်းလဲသက်ဝင်ခဲ့ပါတယ်။ အိန္ဒိယမှာ အခြားသော ဘာသာတရားတွေကနေ အစ္စလာမ်သာသနာကို ပြောင်းလဲသက်ဝင်ကြတဲ့ အဓိကအကြောင်းအရင်းတွေထဲမှာ အစ္စလာမ်သာသနာရဲ့ သာတူညီမျှမှု၊ တရားမျှတမှု၊ အမှန်တရားအပေါ် တန်ဖိုးထားမှု၊ လူသားဆန်မှုတွေလည်း ပါဝင်ပါတယ်။

‘ဂါရ် ၀က်ပ်စီ’ လို အဖွဲ့တွေက ဟိန္ဒူမဟုတ်သူတွေကို ဟိန္ဒူအယူဝါဒ ပြောင်းလဲသက်ဝင်ဖို့ လှုပ်ရှားမှုတွေ တော်တော်များများ ပြုလုပ်နေပေမယ့် အိန္ဒိယက မွတ်စလင်လူ့အဖွဲ့အစည်းမှာတော့ ဒီလို ဘာသာပြောင်းဖို့ ကြိုးပမ်းတာတွေ၊ ဘာသာပြောင်းလာသူတွေကို ငွေကြေးထောက်ပံ့တာမျိုးတွေ ရှိမနေပါဘူး။

ဒီယာ အွရ်-ရဟ်မန် အဇ်မီ ဆိုတဲ့ နာမည်တစ်လုံးဖြစ်လာကာ ‘မဒီနာ အစ္စလာမ့်တက္ကသိုလ်’ မှာ ပါမောက္ခအဖြစ် တာဝန်ထမ်းဆောင်ဖို့အထိ ဘန်ကီ လာလ်ကို တွန်းပို့ပေးခဲ့သူကတော့ ကွယ်လွန်သွားပြီဖြစ်တဲ့ အစ္စလာမ့်ဓမ္မပညာရှင်ကြီး ဟာကင် အယွဘ် ဖြစ်ပါတယ်။

ပရော်ဖက်ဆာ အဇ်မီဟာ တက္ကသိုလ်ရဲ့ ဟဒီးဆ်ဌာန Dean of Faculty of Hadith မှာ အငြိမ်းစားယူတဲ့အထိ တာဝန်ထမ်းဆောင်ခဲ့ပြီး ၂၀၁၃ ခုနှစ်မှာတော့ မဒီနာက ‘တမန်တော်မြတ် ဗလီဝတ်ကျောင်းတော်’ ရဲ့ ဟဒီးဆ်သင်ကြားရေး ဆရာအဖြစ် ခန့်အပ်ခံခဲ့ရပါတယ်။

‘မဒီနာ အစ္စလာမ့်တက္ကသိုလ်’ က ဘွဲ့ရခဲ့တဲ့ အဇ်မီဟာ မက္ကာမြို့မှာရှိတဲ့ ‘ဘုရင် အဘ်ဒူလ် အဇစ် တက္ကသိုလ်’ ကနေ မဟာဘွဲ့ရခဲ့ပြီး၊ ပီအိတ်ခ်ျဒီဘွဲ့ကိုတော့ အီဂျစ်နိုင်ငံ အလ်-အဇ်ဟာရ် တက္ကသိုလ်ကနေ ရရှိခဲ့ပါတယ်။ တမန်တော် မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ) ရဲ့ သြ၀ါဒတော်တွေနဲ့ပတ်သက်ပြီး တစ်ဖက်ကမ်းခတ် တော်ခဲ့တာကြောင့် ‘မဒီနာ အစ္စလာမ့်တက္ကသိုလ်’ ရဲ့ Dean of Faculty of Hadith ဌာနမှာ ပါမောက္ခအဖြစ် ခန့်အပ်ခံခဲ့ရပါတယ်။

‘ကမ္ဘာ့မွတ်စလင်လိဂ်’ အပါအ၀င် မွတ်စလင်အသင်းအဖွဲ့ တော်တော်များများမှာလည်း ပါဝင်ဆောင်ရွက်ခဲ့တဲ့ အဇ်မီဟာ အစ္စလာမ့်ရေးရာ စာအုပ်စာပေ များစွာကို ရေးသားခဲ့ကာ အကျော်ကြားဆုံးကတော့ “Al-Jami’ al-Kamil fi al-Hadith al-Sahih al-Shamil” လို့ခေါ်တဲ့ ဟဒီးဆ်းကျမ်းတွဲကြီး ဖြစ်ပါတယ်။ အတွဲ ၂၀ ပါဝင်တဲ့ ဒီကျမ်းကြီးမှာ ဟဒီးဆ်ပေါင်း ၁၆၀၀၀ လောက် ပါဝင်ပြီး ဒီကျမ်းကြီးဟာ အစ္စလာမ်သာသနာသမိုင်းမှာ လူပုဂ္ဂိုလ်တစ်ဦးက ရေးသားခဲ့ပြီး အပြည့်စုံဆုံး
ဟဒီးဆ်ကျမ်းတွေထဲက တစ်ကျမ်းအဖြစ်လည်း မှတ်တမ်းဝင်ခဲ့ပါတယ်။

အဇ်မီရဲ့ နောက်ထပ် ကျော်ကြားတဲ့ စာအုပ်တစ်အုပ်က ဟင်ဒီဘာသာစကားနဲ့ ရေးသားထားတဲ့ ကုရ်အာန်စွယ်စုံကျမ်း “Encyclopedia of the Glorious Qurn’an” ဖြစ်ပါတယ်။ ဒီကျမ်းကြီးမှာ ကဏ္ဍပေါင်း ၆၀၀ ကျေ်လောက်ပါဝင်ပြီး ဟင်ဒီဘာသာစကားနဲ့ ပထမဆုံးရေးသားနိုင်ခဲ့တဲ့ ကုရ်အာန်စွယ်စုံကျမ်းလည်း ဖြစ်ပါတယ်။ အိန္ဒိယနိုင်ငံမှာ ဒီစာအုပ်ဟာ ရောင်းအားကောင်းနေပြီး ၈ ကြိမ်တိုင်တိုင် ပြန်လည်ထုတ်ဝေခဲ့ရပါတယ်။

“From Ganga to Zamzam” ဆိုတဲ့ စာအုပ်မှာတော့ ဒီယာ အွရ်-ရဟ်မန် အဇ်မီဟာ ဟိန္ဒူဘာသာကနေ အစ္စလာမ်ဘာသာကို ပြောင်းလဲသက်ဝင်လာတဲ့ သူ့ရဲ့အကြောင်းကို ဖော်ပြထားပြီး၊ “Comparative Study of Judaism, Christianity and Indian Religions” ဆိုတဲ့ စာအုပ်ကတော့ ဆော်ဒီတက္ကသိုလ်တွေမှာ သင်ရိုးညွှန်းတမ်းအဖြစ် ပြဌာန်း ရတဲ့အဆင့်အထိ ရောက်ခဲ့ပါတယ်။ ဟိန္ဒူ၊ ဗုဒ္ဓဘာသာ၊ ဂျိန်းနဲ့ ဆစ်ခ်ဘာသာတရားတွေကို လေ့လာမှုဆိုင်ရာ စာအုပ်တစ်အုပ်ကိုလည်း အဇ်မီက မကြာခင် ထုတ်ဝေဖို့ ရှိနေပါတယ်။

လက်ရှိအချိန်မှာတော့ အဇ်မီဟာ ဆော်ဒီနိုင်ငံသားအဖြစ် ခံယူကာ ဆော်ဒီအာရေဗျမှာ အခြေချနေထိုင်နေပါတယ်။

Ref : saudigazette

March 4, 2017
ရိုဟင်ဂျာများအပေါ် ဖိနှိပ်မှု ရပ်တန့်ရန် ဒလိုင်းလားမား တိုက်တွန်း

မတ် ၄၊ ၂၀၁၇
M-Media

– ရခိုင်ပြည်နယ်က ရိုဟင်ဂျာမွတ်စလင်တွေအပေါ် အကြမ်းဖက်မှုတွေ ရပ်တန့်ရေးအတွက် မြန်မာနိုင်ငံက ဗုဒ္ဓဘာသာဝင်တွေကို ကမ္ဘာ့ဘာသာရေးခေါင်းဆောင်တွေက တိုက်တွန်းမှုမှာ တီဘက်ဘုန်းတော်ကြီး ဒလိုင်းလားမားလည်း ပါဝင်လာပါတယ်။

ရိုဟင်ဂျာပြည်သူတွေအပေါ် အစိုးရ လုံခြုံရေးတပ်ဖွဲ့တွေက အဓမ္မပြုကျင့်မှုတွေ၊ သတ်ဖြတ်မှုတွေ၊ ရိုက်နှက်မှုတွေ၊ အိမ်တွင်းမှာ သော့ခတ်ပြီး အရှင်လတ်လတ်မီးရှို့မှုတွေရှိနေပြီး ဒီလိုလုပ်ရပ်တွေက လူသားထုအပေါ်ကျူးလွန်တဲ့ ရာဇ၀တ်မှုတွေအဖြစ် သတ်မှတ်လို့ရနေပြီလို့ ကုလရဲ့ အစီရင်ခံစာ ထွက်လာပြီးနောက်ပိုင်းမှာ ပုပ်ရဟန်းမင်းကြီး ဖရန်စစ်က ဒီလိုလုပ်ရပ်တွေအတွက် ဖေဖော်ဝါရီလက ရှုတ်ချခဲ့ပါတယ်။

ဘုန်းတော်ကြီး ဒလိုင်းလားမာကတော့ သူ့အနေနဲ့ ဒေါ်အောင်ဆန်းစုကြည်နဲ့ သီးသန့် စကားပြောဆိုခဲ့ပြီး ‘ဒီပြဿနာမှာ ငြိမ်းချမ်းတဲ့ အဖြေတစ်ခု ပေါ်ထွက်လာဖို့အတွက် သူမရဲ့ လွှမ်းမိုးမှုကို အသုံးချဖို့’ ပြောကြားခဲ့တယ်လို့ ဆိုပါတယ်။

ရိုဟင်ဂျာပြဿနာနဲ့ပတ်သက်ပြီး ‘မြန်မာနိုင်ငံဆိုင်ရာ အမြဲတမ်း ပြည်သူ့ခုံသမာဓိရုံး’ ရဲ့ ပထမဆုံး ကြားနာမှုကို မတ်လ ၆ ရက်နဲ့ ၇ ရက်နေ့တွေမှာ လန်ဒန်က Queen Mary တက္ကသိုလ်မှာ ပြုလုပ်မှာဖြစ်ပြီး ဒီကြားနာမှုအတွင်း ဒလိုင်းလားမား ပေးပို့တဲ့ မေတ္တာရပ်ခံချက်ကို ဖတ်ကြားမှာဖြစ်ပါတယ်။

“ကမ္ဘာ့အဓိက ဘာသာတရားအားလုံးက ငြိမ်းချမ်းရေးနဲ့ ချစ်ခြင်းမေတ္တာ သတင်းစကားကိုသာ ဖြန့်ချီကြတာပါ။ မြန်မာနိုင်ငံက မွတ်စလင်လူ့အဖွဲ့အစည်းနဲ့ပတ်သက်ပြီး အလွန်အကြောင်းမလှတဲ့ ဖြစ်ရပ်တွေလို ကိစ္စမျိုးမှာ ဘာသာတရားရဲ့ အမည်ကိုသုံးပြီး အကြမ်းဖက်နေတာကို ကြားနေရတာ အလွန်ဝမ်းနည်းကြေကွဲစရာပါပဲ” လို့ ရခိုင်ပြည်နယ်မှာ နေထိုင်တဲ့ ၁ သန်းသော ရိုဟင်ဂျာမွတ်စလင်တွေရဲ့ ဒုက္ခသုက္ခကို ရည်ညွှန်ပြီး ဒလိုင်းလားမားက အဲဒီ မေတ္တာရပ်ခံချက်မှာ ဖော်ပြထားပါတယ်။

ရောမအခြေပြု ‘အမြဲတမ်း ပြည်သူ့ခုံသမာဓိရုံး’ ဟာ အစိုးရက ကျောထောက်နောက်ခံပြုတဲ့ ရာဇ၀တ်မှုတွေကို ခံစားခဲ့ရတဲ့ လူ့အဖွဲ့အစည်းတွေအတွက် ဆုံးဖြတ်ချက်ပေါင်း ၄၃ ခုကို ချမှတ်ခဲ့ပြီးပါပြီ။

အခု မြန်မာနိုင်ငံဆိုင်ရာ ခုံရုံးကတော့ လန်ဒန်၊ နယူးယောက်နဲ့ ကွာလာလမ်ပူတို့မှာ ပြုလုပ်သွားမှာဖြစ်ပြီး မြန်မာအစိုးရစစ်တပ်ရဲ့ ကျူးလွန်မှုတွေကို ခံစားနေရပါတယ်လို့ ပြောကြားထားတဲ့ ရိုဟင်ဂျာနဲ့ ကချင်လူမျိုးတွေရဲ့ တောင်းဆိုချက်ကြောင့် ပြုလုပ်တာ ဖြစ်ပါတယ်။

ထိခိုက်ခံစားရသူတွေ၊ လူမျိုးတုန်းသတ်ဖြတ်မှုဆိုင်ရာ ပညာရှင်တွေရဲ့ ထွက်ဆိုချက်တွေကို ဒီကြားနာမှုမှာ တွေ့မြင်ရမှာဖြစ်ပြီး ဆုံးဖြတ်ချက်ကိုတော့ ဒီနှစ်နှောင်းပိုင်းမှာ ချမှတ်ဖို့ ရှိနေပါတယ်။

ဟာရာကာ အလ်-ယကင်လို့ခေါ်တဲ့ ရိုဟင်ဂျာ အဖွဲ့တစ်ခုက ပြီးခဲ့တဲ့နှစ် အောက်တိုဘာလမှာ ရခိုင်ပြည်နယ်က နယ်ခြားစောင့်စခန်းတွေကို တိုက်ခိုက်ခဲ့ပြီးနောက်ပိုင်း မြန်မာအစိုးရတပ်က ပြုလုပ်ခဲ့တဲ့ စစ်ဆင်ရေးအတွင်းမှာ ရိုဟင်ဂျာ အရပ်သားတွ အဓမ္မပြုကျင့်ခံရမှု၊ အစုလိုက်အပြုံလိုက် သတ်ဖြတ်ခံရမှု၊ နေအိမ်မီးရှို့ခံရမှုတွေ ရှိနေတယ်လို့ သတင်းတွေ ထွက်ပေါ်နေပြီး မြန်မာအစိုးရနဲ့ စစ်တပ်ကတော့ ဒီသတင်းတွေကို ငြင်းဆိုထားပါတယ်။

Ref: Tribunalonmyanmar.org

March 4, 2017
အမေရိကန်မွတ်စလင်ဒေါက်တာတစ်ဦး မီချီဂန်အုပ်ချုပ်ရေးမှူးအဖြစ် ၀င်ပြိုင်မည်

မတ် ၃၊ ၂၀၁၇
M-Media

– ဒေါ်နယ်ထရမ့် သမ္မတဖြစ်လာပြီးနောက်ပိုင်း မွတ်စလင်တွေအပါအ၀င် အမေရိကန်က လူနည်းစုတွေဟာ လူဖြူအစွန်းရောက်တွေရဲ့ ပစ်မှတ်ထားမှုကို သိသိသာသာ ခံလာရတဲ့အချိန် မွတ်စလင် ဆရာဝန်တစ်ယောက်ကတော့ မီချီဂန်ပြည်နယ် အုပ်ချုပ်ရေးမှူးအဖြစ် ၀င်ရောက်ယှဉ်ပြိုင်ဖို့ စီစဉ်နေပါတယ်။

အသက် ၃၂ နှစ်အရွယ် ဒေါက်တာ အဘ်ဒူလ် အလ်-ဆယဒ်ဖြစ်ပြီး မီချီဂန်က ဂရာတီယွတ်ကောင်တီမှာ အီဂျစ်လူမျိုး မိဘနှစ်ပါးကနေ မွေးဖွားကြီးပြင်လာခဲ့သူ ဖြစ်ပါတယ်။ အလ်-ဆယဒ်ဟာ ဆရာဝန်၊ ပညာရေးလှုပ်ရှားသူ၊ နိုင်ငံဝန်ထမ်း ဖြစ်ခဲ့ဖူးပြီး အခုအချိန်မှာတော့ မီချီဂန်ပြည်နယ် အုပ်ချုပ်ရေးမှူး ဖြစ်လာဖို့အတွက် မျက်စပစ်နေပါတယ်။

“ပထမဆုံး မွတ်စလင်အုပ်ချုပ်ရေးမှူး ဖြစ်ဖို့တစ်ခုတည်းအတွက် ကျွန်တော် ၀င်ပြိုင်မှာမဟုတ်ပါဘူး။ မီချီဂန်ပြည်နယ်ရဲ့ အကောင်းဆုံးအုပ်ချုပ်ရေးမှူး ဖြစ်လာရမယ်ဆိုတဲ့ ယုံကြည်ချက်နဲ့ ကျွန်တော် ယှဉ်ပြိုင်တာဖြစ်ပါတယ်”

တကယ်လို့ ရွေးချယ်ခံရမယ်ဆိုရင် အလ်-ဆယဒ်ဟာ ၁၉၇၈ ခုနှစ် ဘီလ်ကလင်တန်နောက်ပိုင်း အမေရိကန်ရဲ့ အသက်အငယ်ဆုံး ပြည်နယ်အုပ်ချုပ်ရေးမှူးနဲ့ အမေရိကန်မှာ ပထမဆုံး မွတ်စလင်အုပ်ချုပ်ရေးမှူးဆိုတဲ့ စံချိန်နှစ်ခုကို ရရှိမှာဖြစ်ပါတယ်။

အလ်-ဆယဒ်ဟာ ဒက်ထရွိုက်မြို့တော်ရဲ့ ကျန်းမာရေးဌာနကို ပြုပြင်ပြောင်းလဲမှုတွေ လုပ်ဆောင်ပေးခဲ့ပြီး၊ အခုအချိန်မှာတော့ နောက်ထပ် စိန်ခေါ်မှုတစ်ခုဖြစ်တဲ့ လူမှုရေး၊ နိုင်ငံရးမှာ မွတ်စလင်ဆန့်ကျင်ရေးသဘောထားတွေ မြင့်တက်လာမှုကို ကျော်ဖြတ်ရမှာပါ။

သူက အစိုးရ၀န်ထမ်းတစ်ယောက်အဖြစ် ပြည်သူတွေရဲ့ အကျိုးကို သယ်ပိုးရာမှာ အစ္စလာမ့်တန်ဖိုးတွေက အဓိကအခန်းကဏ္ဍကနေ ပါဝင်ခဲ့ပြီး သူ့ရဲ့ ပထမဦးစားပေးက မီချီဂန်ပြည်သူတွေဖြစ်တယ်ဆိုတာ လူတွေကို သိစေချင်တယ်လို့လည်း ဆိုပါတယ်။

“ကျွန်တော် ဦးစားပေးတဲ့အရာဟာ အမြဲတမ်း ပြည်သူပဲဖြစ်မှာပါ။ ကျွန်တော်ရဲ့အလုပ်က ကျွန်တော်တို့ကလေးတွေအတွက် ကျွန်တော်တို့လိုချင်တဲ့ အခွင့်အလမ်းမျိုး ရရှိနိုင်ဖို့ နေ့စဉ်ဘ၀မှာ ရင်ဆိုင်နေရတဲ့ အခက်အခဲတွေကို ချေဖျက်ခြင်းအားဖြင့် တကယ့်ပြည်သူတွေအတွက် အခွင့်အလမ်းတွေ ဖန်တီးပေးနိုင်တဲ့ အဖွဲ့အစည်းမျိုးကို တည်ဆောက်ပေးဖို့၊ ဦးဆောင်ပေးဖို့ ဖြစ်ပါတယ်” လို့ အလ်-ဆယဒ်က ဆိုပါတယ်။

မီချီဂန်ဟာ အစ္စလာမ်ကြောက်ရောဂါ သိသိသာသာရှိနေတဲ့ ပြည်နယ်တစ်ခုဖြစ်ပြီး ပြည်နယ်မြို့တော် ဒက်ထရွိုက်မြို့လယ်ကောင်က အာရပ်-အမေရိကန် ရပ်ကွက်ဟာ မွတ်စလင်ဆန့်ကျင်ရေးသမားတွေ မကြာခဏ ပစ်မှတ်ထားရာနေရာလည်းဖြစ်ပါတယ်။

အလ်-ဆယဒ်ကတော့ မွတ်စလင်ဆန့်ကျင်ရေး စကားတွေ၊ အကြမ်းဖက်မှုတွေကြောင့် မီချီဂန်ပြည်သူတွေ စိတ်ခြောက်ခြားတာမျိုးကို မလိုလားဘဲ၊ အစ္စလာမ့်တန်ဖိုးတွေက သူ့ရဲ့ ပြည်သူအပေါ် အလုပ်အကျွေးပြုမှုကို လမ်းညွှန်ပေးတယ်ဆိုတာ သိစေချင်နေပါတယ်။

“သာတူညီမျှဖြစ်မှု၊ လူသားအားလုံးအတွက် အခြေခံအခွင့်အရေး၊ အချို့တဲ့ဆုံးသူတွေကို ဘယ်လိုဆက်ဆံလဲဆိုတာကို အခြေခံပြီး ကျွန်တော်တို့အပေါ် စီရင်ဆုံးဖြတ်မယ် စတဲ့ ယုံကြည်ချက်တွေပါဝင်တဲ့ အစ္စလာမ့်သာသနာရဲ့တန်ဖိုးတွေကြောင့် ကျွန်တော် ဒီလို ၀င်ပြိုင်တာပါ။ အခြားသူတွေကို အခြေခံကစပြီး အကောင်းပြုဖို့၊ အိမ်နီးချင်း၊ မိတ်တွေနဲ့ မိသားစုတွေအပေါ် လေးစားဂုဏ်ပေးရမယ်ဆိုတဲ့ ယုံကြည်မှုတွေကို သင်ပေးတဲ့ အယူဝါဒပါ”

ဒက်ထရွိုက်မြို့တော်ဝန်အဖြစ် မိုက် ဒဂ်ဂန် တာဝန်ထမ်းဆောင်တဲ့အချိန် ၂၀၁၅ ခုနှစ် စက်တင်ဘာလက အလ်-ဆယဒ်ဟာ မြို့တော် ကျန်းမာရေးဌာနမှာ အမှုဆောင်ဒါရိုက်တာအဖြစ် တာဝန်ထမ်းဆောင်ခဲ့ပြီး အမေရိကန်ရဲ့ အဓိကမြို့ကြီးတွေမှာ အသက်ငယ်ဆုံး ကျန်းမာရေးအကြီးအကဲအဖြစ် မှတ်တမ်းဝင်ခဲ့ပါတယ်။ ဖေဖော်ဝါရီအစောပိုင်းမှာတော့ မီချီဂန်ပြည်နယ် အုပ်ချုပ်ရေးမှူးအဖြစ် ၀င်ရောက်ယှဉ်ပြိုင်ဖို့အတွက် အဲဒီတာဝန်ကနေ နှုတ်ထွက်ခဲ့ပါတယ်။

ကျန်းမာရေးအကြီးအကဲအဖြစ် တာဝန်ထမ်းဆောင်ချိန်မှာ အလ်-ဆယဒ်ဟာ ကလေးငယ်တွေနဲ့ မိသားစု ကျန်းမာရေးတွေကို အဓိကထား ဆောင်ရွက်ခဲ့ပြီး၊ မြို့တွင်းက ကျောင်းတွေမှာ ကလေးငယ်တွေအတွက် မျက်မှန်တွေ အခမဲ့ဝေပေးတာမျိုးတွေလည်း လုပ်ခဲ့ပါတယ်။ ဖလင့်မြို့က ရေပြဿနာဖြစ်ပွားပြီးတဲ့နောက်ပိုင်းမှာ ချက်ခြင်းဘဲ စာသင်ကျောင်းတွေက ရေအရင်းအမြစ်သန့်စင်ရေးကို ဦးဆောင်ပြုလုပ်ခဲ့ပါတယ်။

နောက်ပြီး မြို့အတွင်းမှာ မစီစဉ်ထားဘဲနဲ့ ကိုယ်ဝန်ဆောင်ရမှုကိစ္စကို တိုက်ဖျက်ခဲ့သလို၊ ကလေးငယ်သေဆုံးမှုနှုန်းတွေကို လျော့ကျအောင် ဆောင်ရွက်ပေးခဲ့ပြီး မြို့တွင်း ကာဘွန်ထုတ်လုပ်မှုကိုလည်း လျော့ကျအောင် ကတိအတိုင်း ဆောင်ရွက်ခဲ့ပါတယ်။

မီချီဂန် အစိုးကျောင်းမှာ ပညာသင်ကြားကာ အားကစားမှာလည်း ထူးချွန်ခဲ့တဲ့ အလ်-ဆယဒ်ဟာ ၂၀၀၇ ခုနှစ်မှာ ဂုဏ်ထူးတွေ တစ်သီတစ်သန်းကြီးနဲ့ ဘွဲ့ရခဲ့ပြီး၊ မီချီဂန်တက္ကသိုလ်မှာ ပညာတော်သင်ဆုနဲ့ ဆေးပညာကို သင်ကြားခွင့်ရခဲ့ပါတယ်။ ဆေးဘက်ဆိုင်ရာ ခရီးစဉ်အဖြစ် ပီရူးကိုသွားတဲ့အချိန်မှာတော့ အလ်-ဆယဒ်ဟာ အခမဲ့ကျန်းမာရေး စောင့်ရှောက်မှု ပေးနိုင်ဖို့အတွက် ဒေသတွင်းဆေးခန်းတွေ ပေါ်ပေါက်လာဖို့ ကျောင်းသားအဖွဲ့အစည်းတစ်ခုကို ဖွဲ့စည်းခဲ့ပါတယ်။

၂၀၀၉ ခုနှစ်မှာ ပညာသင်ဆုနဲ့ အောက်စဖို့ဒ်တက္ကသိုလ်မှာ ပြည်သူ့ကျန်းမာရေး ဒေါက်တာဘွဲ့ကိုရခဲ့ပြီး၊ ကိုလံဘီယာတက္ကသိုလ်ကနေလည်း ဆေးဘက်ဆိုင်ရာဘွဲ့ရကာ အဲဒီမှာ လက်ထောက်ပါမောက္ခအဖြစ် တာဝန်ထမ်းဆောင်ခဲ့ပါတယ်။

Ref: Bussiness Insider

March 3, 2017
ကာကွယ်ဆေးထိုးခြင်း – ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၄၁)

မတ် ၃၊ ၂၀၁၇

M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

ဒေါက်တာဂျင်းနားက ဆေးရုံတွင် ကာကွယ်ဆေးထိုးမှုကို ၁၈၀၂ ခုနှစ်တွင် သရုပ်ဖော်ထားသည့် ကာတွန်း

– ဒီနေ့ခေတ်မှာ ကာကွယ်ဆေးထိုးခြင်းဟာ အငြင်းပွားဖွယ်ရာ ကိစ္စတစ်ခု ဖြစ်ကောင်းဖြစ်နိုင်ပေမယ့် လွန်ခဲ့တဲ့ နှစ်ပေါင်း ၃၀၀ အရင် ဒီကာကွယ်ဆေးထိုးမှုနည်းလမ်း တူရကီနိုင်ငံနေ အင်္ဂလန်ကို ရောက်လာတဲ့အချိန်မှာ ဘယ်သူမှ လက်မခံခဲ့ကြပါဘူး။ ကာကွယ်ဆေး ထိုးရမယ်ဆိုတဲ့အသိကို အနာတိုလီယန် အော်တိုမန် တာ့က် (Anatolian Ottoman Turks) တွေက သိရှိခဲ့ကြပြီး၊ ကာကွယ်ဆေးထိုးနှံမှုကို ‘အရှီ’ (Ashi) လို့ခေါ်ဆိုကာ အဓိပ္ပါယ်ကတော့ ‘အစားထိုးခြင်း’ ဖြစ်ပါတယ်။ ဒီနည်းလမ်းကို သူတိုတွေဟာ ရှေးဟောင်း တူရကီမျိုးနွယ်တွေဆီကနေ အမွေဆက်ခံခဲ့တာပါ။

ကာကွယ်ဆေးထိုးခြင်းဆိုတာ လူတစ်ယောက်ရဲ့ ခန္ဓာကိုယ်ထဲမှာရှိတဲ့ ရောဂါဖြစ်ပွားနိုင်တဲ့ ဇီဝရုပ်တွေကို အားနည်းသွားအောင် ဒါမှမဟုတ် ထိရောက်မှုမရှိအောင် လုပ်ဆောင်တဲ့ လုပ်ငန်းစဉ်ဖြစ်ပါတယ်။ ဒီလို ကာကွယ်ဆေးထိုးလိုက်ခြင်းအားဖြင့် ကိုယ်ခံစွမ်းအားစနစ်ကို အာကောင်းစေပြီး သက်ဆိုင်ရာ ရောဂါကို တိုက်ဖျက်ဖို့တွက် ပဋိပစ္စည်းတွေကို ထုတ်လုပ်ပေးပါတယ်။ ဒီနေ့မှာတော့ ကာကွယ်ဆေးသစ်တစ်မျိုး ပေါ်ထွက်လာဖို့ ၈ နှစ်ကနေ ၁၂ နှစ်လောက်သာ ကြာမြင့်တော့ပြီး အန္တရာယ်ကင်းကင်းနဲ့ ထိုးနှံနိုင်ဖို့ သေသေချာချာ စမ်းသပ်မှုတွေလည်း ပြုလုပ်နိုင်နေပါပြီ။

တာ့က်လူမျိုးတွေဟာ နွားကျောက်ရောဂါပေါက်နေတဲ့ ကျွဲနွားတွေရဲ့ ရင်အုံက နွားကျောက်ကို ယူပြီး ကလေးငယ်တွေကို ကာကွယ်ဆေးထိုးပေးရင် ကျောက်ကြီးရေဂါ မပေါက်ဘူးဆိုတာကို ရှာဖွေတွေ့ရှိခဲ့ပါတယ်။ ဒီလိုပုံစံ ကာကွယ်ဆေး၊ အခြားပုံစံ ကာကွယ်ဆေးတွေကို နာမည်ကျော် အင်္ဂလိပ် စာလွှာရေးသူဖြစ်ပြီး ၁၇၁၆ ကနေ ၁၇၁၈ ခုနှစ်ကြား အော်တိုမန်အင်ပါယာဆိုင်ရာ အင်္ဂလိပ် သံအမတ်ရဲ့ ဇနီး လေဒီ မွန်တာဂူ (Lady Montagu) က အင်္ဂလန်နိုင်ငံမှာ မိတ်ဆက်ပေးခဲ့တာပါ။ သူမဟာ တာ့က်လူမျိုးတွေရဲ့ ကာကွယ်ဆေးထိုးမှု နည်းလမ်းတွေကို ထိတွေ့ခဲ့ပြီး၊ သားဖြစ်သူ ကျောက်ကြီးရောဂါဖြစ်တဲ့အချိန် ကာကွယ်ဆေးထိုးဖို့ သံရုံးသမားတော် ချားလ်စ် မိတ်လန်း (Charles Maitland) ကို ခွင့်ပြုခဲ့ပြီးတဲ့နောက်မှာ ကျောက်ရောဂါ ကာကွယ်ဆေးနဲ့ ပတ်သက်လို့ စိတ်ဝင်စားခဲ့တာပါ။

အစ္စတန်ဘူလ်မှာရှိနေတဲ့အချိန် လေဒီ မွန်တာဂူဟာ အင်္ဂလန်ကို စာလွှာတော်တော်များများ ရေးသားပေးပို့ခဲ့ပြီး အဲဒီစာတွေထဲမှာ ကျောက်ရောဂါကာကွယ်ဆေး ထိုးနှံမှုအကြောင်းကို အသေးစိတ် ရေးသားခဲ့ပါတယ်။ အင်္ဂလန်ပြန်ရောက်တဲ့အခါမှာလည်း သူဟာ တူရကီတွေရဲ့ ကာကွယ်ဆေးထိုးမှု နည်းလမ်းတွေကို ပြန့်နှံ့အောင်လုပ်ခဲ့ပြီး ဆွေမျိုးတွေကို ကာကွယ်ဆေးထိုးပေးခဲ့ပါတယ်။ ဒီလို ကာကွယ်ဆေး စတင်ထိုးနှံပေးတဲ့အချိန်မှာ လေဒီ မွန်တာဂူဟာ ခရစ်ယာန်ဘုရားကျောင်း အာဏာပိုင်တွေသာမက သမားတော်တွေရဲ့ ပြင်းပြင်းထန်ထန် ဆန့်ကျင်မှုကို ခံခဲ့ရပါတယ်။ ဒါပေမယ့် သူမရဲ့ မဆုတ်မနစ် ကြိုးစားမှုကြောင့် ဒီ ကာကွယ်ဆေးထိုးမှု ဓလေ့ဟာ လျင်လျင်မြန်မြန်ပဲ ပြန့်နှံ့သွားခဲ့ပြီး အကြီးအကျယ် အောင်မြင်မှု ရရှိခဲ့ပါတယ်။

၁၇၂၄ ခုနှစ်မှာတေ့ အစ္စတန်ဘူလ်မှာ မွန်တာဂူရဲ့ မိသားစုဆရာဝန်ဖြစ်ခဲ့တဲ့ ဒေါက်တာ အီမန်နျူယဲလ် တီမိုနီ (Emmanuel Timoni) က ကာကွယ်ဆေးထိုးခြင်းနဲ့ပတ်သက်ပြီး သိပ္ပံနည်းကျကျ ရှင်းပြထားတဲ့ စာတမ်းတစ်စောင်ကို ယူကေ အမျိုးသား သိပ္ပံပညာရှင်များအဖွဲ့ (Royal Society) ကို တင်သွင်းခဲ့မှုက ဒီအခက်အခဲတွေကို ပြေလည်စေခဲ့ပါတယ်။ နောက်ပိုင်းမှာ ထရီပိုလီက သံအမတ် ကာဆမ် အဂ္ဂါ (Cassem Aga) က ထရီပိုလီ၊ တူနစ်နဲ့ အလ်ဂျီယားစ်တို့က ကာကွယ်ဆေးထိုးမှု၊ ဘေးအန္တရာယ်ကင်းရှင်းမှု မှတ်တမ်းတွေကို ထပ်မံပေးပို့ခဲ့ပါတယ်။ ဒါဟာ မွတ်စလင်နိုင်ငံတွေ ကာကွယ်ဆေးထိုးနှံမှုမှာ ကာလရှည် ဘေးအန္တရာယ်ကင်းရှင်းမှု ရှိခဲ့တယ်ဆိုတဲ့ မှတ်တမ်းနဲ့ပတ်သက်လို့ တန်ဖိုးဖြတ်မရတဲ့ အာမခံချက်လည်းဖြစ်ပါတယ်။ ဒီလို တင်သွင်းခဲ့မှုအတွက် ၁၇၂၉ ခုနှစ်မှာ အဂ္ဂါဟာ Royal Society ရဲ့ အဖွဲ့ဝင်အဖြစ် ရွေးချယ်ခြင်း ခံခဲ့ရပါတယ်။ အဲဒီနောက်ပိုင်းမှာ ကာကွယ်ဆေးထိုးမှုကို စတင်ခဲ့သူလို့ မှတ်ယူခံခဲ့ရတဲ့ အဒ်ဝပ် ဂျင်းနား (Edward Jenner) မတိုင်ခင် နှစ်ပေါင်း ၅၀၀ လောက်အရင်ကတည်းက ကာကွယ်ဆေးထိုးခြင်းကို အင်္ဂလန်နဲ့ ပြင်သစ်တို့မှာ ကျင့်သုံးခဲ့ကြတာပါ။

၁၇၉၆ ခုနှစ်မှာ ဂျင်းနားဟာ နွားနို့ညှစ်သမရဲ့ လက်က ပြတ်ရှဒဏ်ရာကနေ အသက် ၈ နှစ်အရွယ် ဂျိမ်းစ်ဖစ်ဆိုတဲ့ ကောင်လေး နွားကျောက်ရောဂါ ကူးစက်ခဲ့ပြီးနောက် နွားကျောက်ရောဂါဟာ ကျောက်ကြီးရောဂါကို ကာကွယ်နိုင်တယ်ဆိုတာ သိရှိခဲ့တယ်လို့ အဆိုရှိပါတယ်။

ကာကွယ်ဆေးစတင်ထိုးနှံမှု နှစ် ၂၅၀ ပြည့်အထိမ်းအမှတ် တူရကီမှ ထုတ်ဝေခဲ့သော တံဆိပ်ခေါင်း

၁၉၆၇ ခုနှစ်မှာ တူရကီဟာ ကျောက်ရောဂါ ကာကွယ်ဆေးထိုးမှု နှစ် ၂၅၀ မြောက် အခမ်းအနားကို ကျင်းပခဲ့ပြီး၊ ကျောက်ရာဂါ ကာကွယ်ဆေး ထိုးနှံနေတဲ့ပုံပါတဲ့ အမှတ်တရ တံဆိပ်ခေါင်းတစ်ခုကိုလည်း ထုတ်ဝေခဲ့ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို ဤနေရာ တွင် ဖတ်ရှုနိုင်ပါသည်။

March 3, 2017
အမေရိကန်ရှိ ခြိမ်းခြောက်ခံဂျူးများကို ကာကွယ်စောင့်ရှောက်ပေးရန် မွတ်စလင်များ ကမ်းလှမ်း

မတ် ၃၊ ၂၀၁၇
M-Media

– ပြီးခဲ့တဲ့ ရက်ပိုင်းအတွင်း အမေရိကန်နိုင်ငံတစ်ဝှမ်းက ဂျူးလူ့အဖွဲ့အစည်းစင်တာတွေကို ဗုံးနဲ့ တိုက်ခိုက်မယ်လို့ ခြိမ်းခြောက်ခံရမှု၊ ဖီလာဒဲလ်ဖီးယားနဲ့ စိန့်လူးဝစ်က ဂျူးသုဿာန်တွေ ဖျက်ဆီးခံရမှုတွေ ဆက်တိုက်ဖြစ်လာခဲ့ပြီး သမ္မတ ဒေါ်နယ်ထရမ့် တက်လာပြီးနောက်ပိုင်း လူဖြူအစွန်းရောက်တွေက လူနည်းစုတွေအပေါ် ပစ်မှတ်ထားမှု နောက်ဆက်တွဲလည်း ဖြစ်ပါတယ်။

အမေရိကန်မွတ်စလင်တွေကတော့ သူတို့နဲ့ဘ၀တူ ဂျူးတွေကို ဖေးမကူညီဖို့ လက်မနှေးခဲ့ကြပါဘူး။ စိန့်လူးဝစ်နဲ့ ဖီလာဒဲလ်ဖီးယားက ဂျူးသုဿာန်တွေ ပြန်လည်ပြုပြင်ဖို့အတွက် ရန်ပုံငွေ သိန်းချီ ကောက်ခံလှူဒါန်းပေးခဲ့သလို အခုဆိုရင်လည်း ဂျူးတွေရဲ့ အဆောက်အဦးတွေကို စေတနာ့ဝန်ထမ်း ကာကွယ်စောင့်ရှောက်ပေးဖို့ ဆိုရှယ်မီဒီယာတွေကနေတစ်ဆင့် ကမ်းလှမ်းမှုတွေလည်း ပြုလုပ်လာခဲ့ပါတယ်။

အဲဒီလို ကမ်းလှမ်းမှုတွေမှာ အမေရိကန်စစ်တပ်ထဲ တာဝန်ထမ်းဆောင်ခဲ့တဲ့ မွတ်စလင်စစ်သားတွေ၊ ရှေ့နေတွေ၊ Emmy ဆုရရှိထားတဲ့ ရုပ်သံအသံလွှင့်သူတွေနဲ့အတူ အလွှာပေါင်းစုံက မွတ်စလင်တွေ ပါဝင်နေပါတယ်။

၂၀၁၇ ခုနှစ်ရဲ့ ပထမ ၂ လအတွင်းမှာ နိုင်ငံတစ်ဝှမ်းက ဂျူးစင်တာတွေမှာ ဗုံးနဲ့တိုက်ခိုက်မယ်လို့ ခြိမ်းခြောက်မှုပေါင်း ၁၀၀ လောက်ရှိတယ်လို့ မြောက်အမေရိက ဂျူးယဉ်ကျေးမှုစင်တာအသင်း JCC က ပြောကြားခဲ့ပါတယ်။

တနင်္လာနေ့ တစ်နေ့တည်းမှာပဲ အဲဒီလို ခြိမ်းခြောက်မှုပေါင်း ၃၁ ခု ဖြစ်ပွားခဲ့ပြီး အင်ဒီယားနားပြည်နယ် ဂျူးဘုရားကျောင်းတစ်ခုက ဟီဘရူးဘာသာစကားကျောင်းလည်း သေနတ်နဲ့ ပစ်ခံခဲ့ရပါတယ်။

စည်းလုံးမှု

“ကျွန်တော်က ချီကာဂိုလန်းဒေသမှာနေတဲ့ မွတ်စလင် မရိန်းတပ်သားပါ။ တကယ်လို့ ခင်ဗျားတို့ ဂျူးဘုရားကျောင်းတွေ၊ ဒါမှမဟုတ် ဂျူးသုဿာန်တွေမှာ ကာကွယ်စောင့်ရှောက်ဖို့လိုလာပြီဆိုရင် ကျွန်တော့်ကို စာရင်းထည့်လိုက်ပါ။ အစ္စလာမ်မှာ ဒါမျိုးလုပ်ပေးရမယ့် တာဝန်ရှိပါတယ်” လို့ မွတ်စလင် မရိန်းတပ်သားဟောင်းတစ်ဦးဖြစ်သူ တိုင်ယစ်ဘ် ရာရှစ်က သူ့ရဲ့ Twitter စာမျက်နှာမှာ ရေးသားခဲ့ပါတယ်။

ရာရှစ်ရဲ့ ဒီလိုရေးသားမှုကို ဂျူးတွေအပါအ၀င် အမေရိကန်ပြည်သူတွေကို သောင်းသောင်းဖျဖျ ကြိုဆိုခဲ့ပြီး၊ ရာရှစ်ကလည်း မွတ်စလင်နဲ့ မွတ်စလင်မဟုတ်သူတွေအကြား ငြိမ်းချမ်းစွာ အတူယှဉ်တွဲနေထိုင်ရေးကို မြှင့်တင်ရေး အကူအညီဖြစ်စေမယ့် လှုပ်ရှားမှုတစ်ခုကို ချီကာဂိုက သူ့ရဲ့ ဇာတိမြို့ ဂရေးစ်လိတ်က်မှာ ပြုလုပ်နေပြီး ဒီလှုပ်ရှားမှုမှာ ပါဝင်ကြဖို့လည်း အမေရိကန်ပြည်သူတွေကို တိုက်တွန်းခဲ့ပါတယ်။

“ကျွန်တော် ဒီလိုလုပ်ရပ်တွေကို ရင်ထဲအသည်းထဲကနေ ရှုတ်ချပြီး အမေရိကန်နိုင်ငံသား ဂျူးတွေဖက်ကနေ ကျွန်တော်ရပ်တည်ပါတယ်” လို့လည်း ရာရှစ်က ပြောကြားခဲ့ပါတယ်။

အမေရိကန်ဂျူးတွေကတော့ သူတို့ရဲ့ ဘာသာရေးပွဲတော်တစ်ခုကို တက်ရောက်ဖို့ ရာရှစ်ကို ဖိတ်ခေါ်ထားပါတယ်။

Emmy Award ဆု ရရှိထားတဲ့ တီဗီအစီအစဉ်တင်ဆက်သူ မွမ်မီ ဘက်တီက ဂျူးအဆောက်အဦးတွေကို ကာကွယ်စောင့်ရှောက်ဖို့ ရာရှစ်ရဲ့ တိုက်တွန်းမှုကို ထောက်ခံကာ ကိုယ်တိုင်လည်း ပါဝင်မယ်လို့ Twitter စာမျက်နှာမှာ ရေးသားခဲ့ပါတယ်။

“ကျွန်တော် ဟာရစ္စဘာ့ဂ်က မွတ်စလင်တစ်ဦးပါ။ တကယ်လို့ ခင်ဗျားတို့ရဲ့ ဂျူးဘုရားကျောင်းတွေ၊ လူမှုရေးစင်တာတွေမှာ စောင့်ရှောက်ဖို့ တစ်ယောက်ယောက် လိုအပ်မယ်ဆိုရင် ကျွန်တော် ခင်ဗျားတို့အတွက် စောင့်ရှောက်ပေးပါမယ်။ အစ္စလာမ်မှာ ဒါမျိုး လုပ်ပေးရမယ့်တာဝန် ရှိပါတယ်”

ဂျူးတွေရဲ့ အဆောက်အဦးတွေကို ကာကွယ်စောင့်ရှောက်ပေးဖို့ ကမ်းလှမ်းတဲ့ အမေရိကန်မွတ်စလင်တစ်ချို့ရဲ့ ရေးသားမှုတွေကတော့ အောက်ပါအတိုင်း ဖြစ်ပါတယ်။

“ဟူစတန်ဒေသက ဂျူးလူ့အဖွဲ့အစည်းခင်ဗျား – ကျွန်တော်ဟာ တိုင်းပြည်ကို ၁၀ နှစ်ကြာ ကာကွယ်စောင့်ရှောက်ပေးခဲ့ပါတယ်။ ခင်ဗျားတို့ ကျွန်တော့်ကို လိုအပ်မယ်ဆိုရင် ဂျူးတွေရဲ့ ၀တ်ပြုရာနေရာတွကို လိုလိုလားလားနဲ့ ကျွန်တော် ကာကွယ်စောင့်ရှောက်ပေးမှာပါ” (ခါလစ် ၀ါလစ် – အမေရိကန်စစ်သားဟောင်း)

“ကျွန်တော် ၀ါရှင်တန်ဒီစီက မွတ်စလင်တစ်ဦးပါ။ တကယ်လို့ ခင်ဗျားတို့ ဂျူးဘုရားကျောင်းကို ကာကွယ်ကွယ်စောင့်ရှောက်ဖို့ လိုအပ်မယ်ဆိုရင် ကျွန်တော် စောင့်ရှောက်ပေးပါမယ်။ အစ္စလာမ်မှာ ဒါမျိုး လုပ်ပေးရမယ့်တာဝန် ရှိပါတယ်” (ကာစင် ရာရှစ်)

Ref: BBC

March 3, 2017