မတ် ၂၊ ၂၀၁၇
M-Media
၂၀၁၆ ခုနှစ် ဇူလိုင် ၁၉ ရက်၊ ၆၉ နှစ်မြောက်အာဇာနည်နေ့၊ ကျဆုံးခဲ့သော လွတ်လပ်ရေးသူရဲကောင်းများ၏ အာဇာနည်ဗိမာန်တွင် တက်ရောက်ဂါရ၀ပြုနေသော မြန်မာနိုင်ငံ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား တွေ့ရစဉ်
– စစ်တပ်၏မတရားအုပ်ချုပ်မှုအောက်၌ ဆယ်စုနှစ်များစွာ ခံစားရပြီးနောက် မြန်မာလူထုအများအပြားသည် ဒေါ်အောင်ဆန်းစုကြည်၏ ရွေးကောက်ခံအစိုးရ အာဏာရလာပါက ထူးခြားအံ့ဖွယ်(အပြောင်းအလဲ)များ ဖြစ်လာလိမ့်မည်ဟု မျှော်လင့်ထားခဲ့ကြ၏။
နှစ်ပေါင်း ၅၀ ကျော်အတွင်း မြန်မာနိုင်ငံ၏ ပထမဆုံးသော ဒီမိုကရေစီနည်းကျ ရွေးချယ်ခံအစိုးရ၏ သက်တမ်းမှာ တစ်နှစ်ခန့်သာရှိသေး၏။ သို့သော် အာဏာရ အမျိုးသားဒီမိုကရေစီအဖွဲ့ချုပ် NLD ပါတီ၏ တမ်းတမ်းစွဲထောက်ခံရပ်တည်သူများအနက်မှပင်လျှင် စိတ်ပျက်လာနေမှုအား ထင်ရှားစွာ တွေ့လာရပေသည်။
ဖေဖော်ဝါရီ ၂၈ ရက်၊ ပါတီ၏ ထိပ်တန်းရှေ့နေကြီး ဦးကိုနီ ကျဆုံးခြင်းအတွက် အမှတ်တရအခမ်းအနားမိန့်ခွန်း၌ နိုင်ငံ့ခေါင်းဆောင် ဒေါ်အောင်ဆန်းစုကြည်က စုရုံးတက်ရောက်လာသူများအား သည်းညည်းခံကြရန် တိုက်တွန်းခဲ့သဖြင့် အနည်းငယ် စိတ်ပျက်စရာ အသွင်ဆောင်သွားခဲ့ရသည်။ “၁၀ လ သို့မဟုတ် တစ်နှစ်ဆိုတဲ့ အချိန်ကာလဟာ မများလွန်းသေးပါဘူး။ အလွန်တိုတောင်းသေးတဲ့ ကာလအပိုင်းအခြားသာဖြစ်တယ်” ဟူ၍ သူမက ဆိုခဲ့သည်။ စစ်အုပ်ချုပ်ရေးအောက် ဆယ်စုနှစ်များစွာ လွန်မြောက်လာပြီးမှ သူမ၏ ရွေးချယ်တင်မြှောက်ခံအစိုးရအဖွဲ့အား ဖွဲ့စည်းရကြောင်း၊ သို့အတွက် အပြောင်းအလဲအတွက် အချိန်ယူရဦးမည်ဖြစ်ကြောင်း အလေးထားပြောကြားလိုက်၏။
သူမ၏ ငြိမ်းချမ်းရေးလုပ်ငန်းစဉ်က ခရီးမတွင် ထစ်ငေ့ါနေခြင်းနှင့်အတူ သူမ၏ နိုင်ငံရေးနှင့် စီးပွားရေး ပြုပြင်ပြောင်းလဲမှုများတွင် အားတက်သရော မရှိလှခြင်း၊ နိုင်ငံတစ်ဝှမ်း တိုင်းရင်းသားနယ်မြေများတွင် စစ်တပ်၏ လူ့အခွင့်အရေး ချိုးဖောက်မှုများအပေါ် နိုင်ငံတကာဝေဖန်မှု ကြီးမားလာခြင်းတို့ကြောင့် ဒေါ်စုကြည်နှင့် သူမ၏ NLD ပါတီအနေဖြင့် သူတို့၏ ဒီမိုကရေစီလမ်းစဉ်အောင်မြင်ရေးသို့ ပြန်လည်ဖော်ဆောင်ရန် အချိန်မည်မျှ ယူဦးမည်နည်းဟု မေးစရာ ဖြစ်လာပေသည်။
ပြည်တွင်းမှာလည်း ၂၀၁၁ ခုနှစ်က စစ်တပ်ကြီးစိုးသည့် အရပ်သားတစ်ပိုင်းအစိုးရဟောင်းမှ အစပျိုးခဲ့သော လက်နက်ကိုင်တိုင်းရင်းသားအဖွဲ့များစွာနှင့် ငြိ်မ်းချမ်းရေးလုပ်ငန်းစဉ်အပေါ် ကိုင်တွယ်မှုလွဲမှားခြင်းကြောင့် ဒေါ်စုကြည်မှာ ဝေဖန်ခံနေရသည်။ နည်းလမ်းသစ်သုံး၍ ချဉ်းကပ်ရမည့်အစား ဒေါ်စုကြည်သည် အရပ်သားတစ်ပိုင်းစစ်အစိုးရဟောင်း၏လမ်းဟောင်းအတိုင်း လက်နက်ကိုင်အုပ်စုများအား အပစ်အခတ်ရပ်စဲရေးသဘောတူစာချုပ် လက်မှတ်ရေးထိုးရေးကိုသာ တိုက်တွန်းအားထုတ်လျက်ရှိ၏။
နိုင်ငံတကာမျက်နှာစာတွင်လည်း မြန်မာနိုင်ငံအနောက်ပိုင်းရှိ လူနည်းစုဝင် ရိုဟင်ဂျာမွတ်စ်လင်မ်များ၏ ဒုက္ခခံစားရမှုများအပေါ် သူမသည် စာနာမှုတရား မပြသသူအဖြစ် အသံထွက်နေသည်။ ကုလသမဂ္ဂစုံစမ်းစစ်ဆေးသူများနှင့် လူ့အခွင့်အရေးအဖွဲ့များက ထိုဒေသအတွင်း စစ်တပ်၏ အလွန်အကျွံ လူ့အခွင့်အရေးချိုးဖောက်ကျူးလွန်မှုများကို မှတ်တမ်းတင်ထားပြီး ဖြစ်သည်။ စီးပွားရေးလုပ်ဆောင်မှု ရလဒ် မကောင်း၊ နိုင်ငံခြားရင်းနှီးမြှုပ်နှံမှုကလည်း အနှုတ်လက္ခဏာပြနေပြီး ဆင်းရဲမွဲတေမှုမှာ ယခင်ကထက် ကျယ်ပြန့်နေပေသည်။
ဆယ်စုနှစ်များစွာအတွင်း မြန်မာနိုင်ငံ၏ ပထမဆုံးသော ဒီမိုကရေစီနည်းကျ ရွေးကောက်ပွဲ၌ NLD သည် သောင်ပြိုကမ်းပြိုအနိုင်ရရှိကြောင်း ၂၀၁၅ ခုနှစ် နိုဝင်ဘာ ၈ ရက်က ပေါ်လွင်ထင်ရှားသွားခဲ့သည်။ ရန်ကုန်မြို့တော်ရှိ လမ်းမများပေါ် မဲဆန္ဒရှင်များ ပျော်ရွှင်စွာကခုန်ခဲ့စဉ်က ရေပန်းစားခဲ့သော မျှော်လင့်ချက်များမှာ ယခုအခါမှာတော့ မယုံကြည်စရာကောင်းလောက်အောင် မှိန်ဖျော့သွားပေသည်။
သို့သော် နိုင်ငံရေးသရုပ်မှန်သည်ကား ပို၍ပင် အနှစ်သာရ ကင်းမဲ့လာခဲ့သည်။ အဓိကအကျဆုံး အစိုးရ၀န်ကြီးဌာန သုံးခုမှာ စစ်တပ်၏ထိန်းချုပ်မှုအောက်၌ တည်ရှိနေဆဲဖြစ်သောကြောင့်ပင်။ ကာကွယ်ရေး၊ ပြည်ထဲရေးနှင့် နယ်စပ်ရေးရာဝန်ကြီးများကို စစ်တပ်ကသာ ခန့်အပ်သည်။ တစ်ခါ ပြည်ထဲရေးဝန်ကြီးဌာနက နိုင်ငံအနှံ့ အစိုးရ၀န်ထမ်းများကို ခန့်အပ်တာဝန်ပေးရသော အထွေထွေအုပ်ချုပ်ရေးဌာနအပေါ် ထိန်းချုပ်ထားပြန်သည်။
“သူမအနေနဲ့ နေပြည်တော်မှာ အကြွင်းမဲ့သစ်လွင်တဲ့ အဖွဲ့သစ်တစ်ရပ်ကို ဖော်ဆောင်ခဲ့ရမှာပါ။ အဲ့ဒီအစား သူမက ၀န်ကြီးဌာနများရဲ့ အမြဲတမ်းအတွင်းဝန်တွေ အပါအ၀င် ဗျူရိုကရေစီစံနစ်ဟောင်းကို ထိန်းသိမ်းကိုင်စွဲထားတယ်။ သူတို့ဟာ ကျစ်လစ်တဲ့ စစ်တပ်ထိန်းချုပ်မှုစနစ်ထဲ ဦးလည်မသုန် ဆောင်ရွက်နေကြသူဖြစ်တယ်၊ လူထုကို တာဝန်ခံတဲ့/အရေးစိုက်တဲ့ အစိုးရအဖွဲ့မဟုတ်ပါဘူး” ဟု အမည်မဖော်လိုသူ အစိုးရအတွင်းလူတစ်ဦးက ဆိုသည်။
စီးပွားရေးကဏ္ဍ အားလုံးနီးပါးကို ကြီးစိုးလွှမ်းမိုးထားဆဲ စစ်တပ်အားပေး စီးပွားရေးလုပ်ငန်းရှင်များကို ရည်ညွှန်းလျက် ခရိုနီတို့၏သြဇာကို တွန်းလှန်အာခံရန် တွန့်ဆုတ်လျက်ရှိကြောင်း အဆိုပါသူက ထပ်မံပြောကြားသည်။ ဆိုးဆိုးဝါးဝါး လိုအပ်နေသည့် နိုင်ငံခြားငွေပင်ငွေရင်း၌ ဆွဲဆောင်အားပေးသည့် မူဝါဒများလည်း မရှိချေ။ နှိုင်းယှဉ်ပြရပါလျှင် ဗီယက်နမ်နိုင်ငံသည် ၁၉၉၀ ခုနှစ်များတွင် ၎င်း၏စီးပွားရေးကို နိုင်ငံခြားရင်းနှီးမြှုပ်နှံနမှုများအတွက် တံခါးဖွင့်လှပ်ပေးခဲ့သည်။ ပထမဆုံး ဆုံးဖြတ်ချက်များအနက် တစ်ခုသည်ကား နိုင်ငံခြားဘဏ်များကို ထူထောင်လည်ပတ်ခွင့်ပြုခဲ့ခြင်းဖြစ်သည်။ ၎င်းက စက်ရုံ၊ ရုံး၊ ဟိုတယ်ကဲ့သို့သော အကြီးစားရင်းနှီးမြှုပ်နှံမှုများအား ပံ့ပိုးကျားကန်ပေးထား၏။
မြန်မာနိုင်ငံတွင် ပြည်ပဘဏ်များကို လုပ်ခွင့်လိုင်စင်များ ပေးသော်လည်း ငွေလွှဲလုပ်ငန်းများ၌ ကန့်သတ်ချက် မြှင့်တင်ထား၏။ သို့ဖြစ်၍ ဘဏ္ဍာရေးကဏ္ဍမှာ အုပ်စုတစ်စု (စစ်တပ်ဆက်နွှယ်လုပ်ငန်းရှင်အားလုံးနီးပါး)၏ လက်ထဲ၌သာ တည်ရှိနေ၏။ ပြည်ပဘဏ်ကန့်သတ်ချက်များနှင့်စပ်လျဉ်း၍ တမင်စိစစ်ထားသလော၊ မျက်စေ့လျှမ်းလေသလော ဟူသည်မှာ ကွဲကွဲပြားပြား မသိရှိနိုင်။ အကြောင်းမှာ သဘာ၀၀န်းကျင်နှင့် နိုင်ငံရေးအရ အကဲဆတ်လှသည့် သတ္ထုတူးဖော်ရေးစီမံကိန်းများနှင့် ရေအားလျှပ်စစ်တည်ဆောက်ခြင်းလုပ်ငန်းများအတွက်မူ ယင်းကန့်သတ်ချက်များက စိတ်ကြိုက်စီမံဆောင်ရွက်နိုင်အောင် အကျယ်တ၀င့် အထောက်အကူပြုနေခြင်းကြောင့် ဖြစ်သည်။
ဒေါ်အောင်ဆန်းစုကြည်နှင့် NLD အား အကြပ်ရိုက်အခက်တွေ့နေစေသည့် အဓိကပြဿနာမှာ ကိုယ်ပိုင်သြဇာဖြင့် ရပ်တည်နေသော စစ်တပ်နှင့် ရွေးကောက်ခံအစိုးရတို့အကြား အာဏာချိန်ခွင်လျှာ မညီမျှမှု ဖြစ်ကြောင်း သုတေသီများက ဆိုသည်။ “ကျွန်တော်တို့ တွေ့မြင်ရသလောက်ကတော့ ဒီမိုကရေစီ အသွင်ကူးပြောင်းမှု ဒါမှမဟုတ် ဒီမိုကရေစီဖက် ရွေ့လျောမှု မဟုတ်နေဘဲ နှစ်ပင်လိမ်စနစ်တစ်ရပ် ထွက်ပေါ်လာခြင်းပါပဲ။ အဲ့ဒီစနစ်မှာ အစိုးရက နေ့စဉ်လုပ်ငန်းဆောင်တာများကို တာဝန်ယူပြီး၊ စစ်တပ်က အုပ်ချုပ်ရေးပိုင်းအပေါ် ထဲထဲဝင်ဝင် ကိုင်တွယ်ထိန်းချုပ်ထားပါတယ်” ဟု အမည်မဖော်လိုသူ ဒေသခံနိုင်ငံရေးပညာရှင်တစ်ဦးက ပြောပြ၏။
နိုင်ငံတကာမီဒီယာအချို့၌ ဖော်ပြထားသကဲ့သို့ ပြေလည်သောဆက်ဆံရေး ဆိုသည်ထက် အပြန်အလှန် သံသယကြီးထွားမှု ဒီဂရီ ကြီးမားနေဆဲဖြစ်နေသည်။ နေပြည်တော်အတွင်းစကားတစ်ရပ်အရ ဒေါ်အောင်ဆန်းစုကြည်သည် လိုအပ်လာပါလျှင် ထောင်ပေါင်းများစွာသောလူထုကို လမ်းပေါ်ထွက်လာအောင် ပြုလုပ်နိုင်ကြောင်း စစ်တပ်က သိရှိထားသည်။ တစ်ချိန်တည်းမှာပင် ဒေါ်စုကြည်နှင့် NLD ကလည်း မိမိတို့၏ပြုပြင်ပြောင်းလဲရေး သိမ်မွေ့စွာ ပြီးမြောက်အောင်မြင်လိုလျှင် စစ်တပ်နှင့် လက်တွဲရန် လိုအပ်ကြောင်း သိရှိထားကြ၏။
သူမသည် စစ်တပ်အား ပြတ်သားစွာ တွန်းအားပေးဆက်ဆံသင့်ကြောင်း လူပေါင်းများစွာက ယုံကြည်ထားသလို၊ ဒေါ်စုကြည်ကလည်း ချိန်ခွင်လျှာထိန်းညှိရေးနှင့် တည်ငြိမ်ရေးအတွက် သတိကြီးစွာ လျှောက်လှမ်းရမည်ဟု ပြတ်ပြတ်သားသား ခံယူထားသည်။ NLD ရှေ့နေကြီး ဦးကိုနီသည် သူမထက်ပင် ပို၍ပြတ်သားသော နည်းလမ်းကို အသုံးပြုသူ နာမည်ကျော် NLD ပါတီဝင်တစ်ဦးဖြစ်၏။ သူသည် ရန်ကုန်အပြည်ပြည်ဆိုင်ရာလေဆိပ်ရှေ့တွင် နေ့ခင်းကြောင်တောင် လုပ်ကြံသတ်ဖြတ်ခံလိုက်ရ၏။ NLD အစိုးရ၏ သမ္မတရုံးထုတ်ပြန်ချက်၌ ယင်းလုပ်ကြံမှုအတွက် အငြိမ်းစား ဗိုလ်မှူးကြီးတစ်ဦးအား သံသယရှိသူအဖြစ် ဖော်ပြထား၏။ ထို့ထက် မပိုသေးချေ။
စစ်တပ်လက်အောက်ခံအသိုင်းအ၀ိုင်းများ ရေးဆွဲပြီး အဓမ္မလူထုဆန္ဒခံယူပွဲဖြင့် အတည်ပြုထားသည့် ၂၀၀၈ ဖွဲ့စည်းပုံအခြေခံဥပဒေအရ လွှတ်တော်အမတ်များအားလုံး၏ ၇၅ ရာခိုင်နှုန်းထံမှ မဲရရှိမှသာ ဥပဒေအချက်တစ်ရပ်ရပ်ကို ပြောင်းလဲနိုင်၏။ ဥပဒေပြုအမတ်များအားလုံးအနက် စစ်တပ်မှ တိုက်ရိုက်ခန့်အပ်ထားသည့်သူများက ၂၅ ရာခိုင်နှုန်းအထိ ရှိနေသည်ဖြစ်ရာ စစ်တပ်၏အကျိုးစီးပွား သို့မဟုတ် သြဇာအာဏာအပေါ် ထိပါးနိုင်သော မည်သည့် အဆိုပြုချက်ပင်ဖြစ်စေ အောင်မြင်နိုင်စွမ်း မရှိပါလေတော့။
သို့တစေ သီးခြားဆွေးနွေးမှုများတွင် ဦးကိုနီက လွတ်တော်တွင်း မဲအများစုဖြင့် ယတိပြတ်ဖျက်သိမ်းရန် မစွမ်းသာနိုင်သော ၂၀၀၈ ဖွဲ့စည်းပုံရှိ စစ်တပ်လက်အောက်ခံဥပဒေရေးဆွဲသူများ၏ အားနည်းလစ်ဟာချက်တို့ကို ထောက်ပြနိုင်ခဲ့သည်။ ဦးကိုနီသည် ယင်းသို့သောမြင်ကွင်းကို စနစ်တကျ လျင်မြန်စွာ အစားထိုးနိုင်မည့် ဖွဲ့စည်းအုပ်ချုပ်ပုံအခြေခံဥပဒေသစ်တစ်ရပ်အား တိတ်တဆိတ် ရေးဆွဲဆောင်ရွက်နေစဉ် လုပ်ကြံခံရခြင်းဖြစ်သည်ဟု သတင်း ကျယ်ပြန့်စွာ ထွက်လာလေသည်။
ဒေါ်စုကြည်၏အစိုးရအဖွဲ့မှာ လွှတ်တော်၏နှောင်ကြိုးမိနေခြင်း၊ ပြုပြင်ပြောင်းလဲရေး အထမမြောက်နိုင်မည့် ဗျူရိုကရက် ကြိုးနီစနစ်ဖြစ်နေခြင်း၊ သူမ၏ ဒီမိုကရက်အုပ်ချုပ်မှုအောက်မှ လူနည်းစုဝင် နိုင်ငံ့တိုင်းရင်းသားများမှာ လူရာမသွင်းမှုနှင့် ပဋိပက္ခဒဏ် ခံနေရခြင်းတို့ကြောင်း ထောက်ခံမှုကျဆင်းလာမှုနှင့်အတူ စစ်တပ်ကလည်း လာမည့် ၂၀၂၀ အထွေထွေရွေးကောက်ပွဲ၌ နိုင်ငံရေးအရ တစ်ကျော့ပြန်ဝင်ရောက်ရန် ပြင်ဆင်သည့် နိမိတ်လက္ခဏာများ ပေါ်လွင်လာပါသည်။
စစ်ဦးစီးချုပ် ဗိုလ်ချုပ်မှူးကြီး မင်းအောင်လှိုင်မှာ ထိုအချိန်တွင် အငြိမ်းစားယူပြီဖြစ်ပြီး စစ်တပ်၏ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ USDP ခေါင်းစဉ်အောက်မှ သမ္မတ သို့မဟုတ် ဒုသမ္မတနေရာအတွက် ၀င်ရောက်ယှဉ်ပြိုင်ရန် အသင့်ပြင်ဆင်ထားပြီဖြစ်သည်။ ၎င်း၏စစ်တပ်သည် လူ့အခွင့်အရေးချိုးဖောက်ကျူးလွန်မှုများကြောင့် အကျယ်တ၀င့် ဝေဖန်ရှုတ်ချခံနေရသည့်တိုင် သူသည် နိုင်ငံတကာအသိုင်းအ၀ိုင်းကို ထိုးဖောက်ဆက်ဆံနိုင်သူ ဖြစ်နေသည်။ ၎င်းအပြင် ယခင် စစ်ဦးစီးချုပ်များထက် ပိုမိုပွင့်လင်းပြီး နည်းလမ်းရှာကြံတတ်သူအဖြစ် လူအများအပြားက အမြင်ရှိကြသည်။
သာယာဝပြောသော မြန်မာနိုင်ငံတော်သစ်သို့ အလျင်အမြန် တက်လှမ်းနိုင်အောင် လက်ရှိအစိုးရ၏ မစွမ်းဆောင်နိုင်မှုအပေါ် ဒေါ်စုကြည် တစ်ဦးတည်းသာလျှင် တာဝန်ရှိသည် မဟုတ်။ သူမ၏သြဇာ မလွှမ်းနိုင်သော စစ်တပ်က သူမ၏ ငြိမ်းချမ်းရေးမောင်းနှင်မှုကို လက်နက်ကိုင်တိုင်းရင်းသားများအပေါ် စော်ကားချက်အသစ်များဖြင့် – ပြန်လည်ပြုပြင်ရေးအပေါ် ဗျူရိုကရေစီစနစ်ကိုင်စွဲကျင့်သုံးနေခြင်းအားဖြင့် တားဆီးနှောင့်ယှက်ထိုးနှက်လျက် ရှိနေည်။
အဆိုပါ နည်းဗျူဟာများ ရှေ့ဆက်သွားနေပါလျှင် – သို့သာမက မဲဆန္ဒရှင်အများအပြားက မျှော်လင့်စောင့်စားနေသော ဒီမိုကရေစီပြုပြင်ပြောင်းလဲရေး၊ စီးပွားရေးဖွံ့ဖြိုးတိုးတက်ရေး၊ အမျိုးသားညီညွတ်မှုကို အောင်မြင်အောင် မဖော်ဆောင်နိုင်ပါလျှင် – ရာစုနှစ်ဝက်မက စစ်သားများ လွှမ်းမိုးထားသည့ နိုင်ငံရေးဇာတ်စင်ထက်ဝယ် ဒေါ်စုကြည်မှ ကာလရှည် စောင့်စားနေခဲ့သော အုပ်ချုပ်ရေးစနစ်မှာ လိုရင်းပျောက်သည့် ကောက်ရိုးမီး ကြားဖြတ်ဖျော်ဖြေရေးတစ်ခုမျှသာ ဖြစ်သွားပေတော့မည်။
××××××××××
(Bertil Lintner ၏ Suu Kyi falls short of great expectations ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုသည်။)
