Author: Ko Lay

မြောက်ကိုရီးယားအတွက် ဗီဇာကင်းလွတ်ခွင့်ကို မလေးရှား ရုပ်သိမ်း

မတ် ၂၊ ၂၀၁၇
M-Media

– မြောက်ကိုရီးယားနိုင်ငံသားများအား ဗီဇာကင်းလွတ်ခွင့်ပေးထားမှုကို မလေးရှားက မတ်လ ၆ ရက်နေ့မှ စတင်ကာ ဖျက်သိမ်းသွားမည်ဟု ဒုတိယ၀န်ကြီးချုပ် အဟ်မဒ် ဇာဟစ် ဟာမီဒီ၏ ပြောကြားမှုကို ကိုးကား၍ မလေးရှားသတင်းဌာန Bernama က ယနေ့တွင် ဖော်ပြခဲ့သည်။

အမျိုးသားလုံခြုံရေးကြောင့် ယခုကဲ့သို့ ဖျက်သိမ်းရခြင်းဖြစ်ပြီး မြောက်ကိုရီးယားနိုင်ငံသားများမှာ မလေးရှားနိုင်ငံကို မ၀င်ရောက်မီ ဗီဇာ ကြိုတင်လျှောက်ထားရမည်ဟုလည်း ၀န်ကြီးချုပ်က ဆိုသည်။

မြောက်ကိုရီးယားခေါင်းဆောင် ကင်ဂျံအန်၏ အဖေတူအမေကွဲအစ်ကို ကင်ဂျံနမ် ကွာလာလမ်ပူလေဆိပ်တွင် ပြီးခဲ့သည့်လက လုပ်ကြံခံခဲ့ရပြီးနောက်ပိုင်း ကွာလာလမ်ပူရှိ သံတမန်တစ်ဦးအပါအ၀င် မြောက်ကိုရီးယားနိုင်ငံသားများကို သံသယရှိသူများအဖြစ် မလေးရှားက ကြေငြာခဲ့သောကြောင့် မလေးရှားနှင့် မြောက်ကိုရီးယားတို့အကြား တင်းမာမှု မြင့်တက်ခဲ့သည်။

တောင်ကိုရီးယား ထောက်လှမ်းရေးကမူ ကင်ဂျုံနမ်မှာ မြောက်ကိုရီးယားသူလျှိုများ၏ လုပ်ကြံမှုကို ခံခဲ့ရသည်ဟု ပြောကြားထားပြီး၊ အလောင်းအားစစ်ဆေးမှုအရ စစ်ပွဲတွင် အသုံးပြုသည့် ဓာတ်တုအဆိပ်ဖြင့် အသတ်ခံခဲ့သည်ဟု မလေးရှားက ထုတ်ပြန်ခဲ့သည်။

Ref: CNA

March 2, 2017
သြဇီမွတ်စလင်များ ဗလီဆောက်နိုင်ရေး ခရစ်ယာန်ချာ့ခ်ျတစ်ခုက မြေရောင်းပေးမည်

မတ် ၂၊ ၂၀၁၇
M-Media

မွတ်စလင်များအား ၀တ်ပြုရာနေရာပေးခဲ့ပြီး ဗလီဆောက်ရန်အတွက်ပါ မြေရောင်းပေးမည့် စိန့်ပေါလ် ဘုရားကျောင်း

– သြစတေးလျနိုင်ငံ ပါ့သ်မြို့ရှိ အန်ဂလီကန် ခရစ်ယာန်ဘုရားကျောင်းတစ်ခုက ဒေသတွင်းမွတ်စလင်များ ဗလီဝတ်ကျောင်းတော် ဆောက်လုပ်ဝတ်ပြုနိုင်ရေး ဘုရားကျောင်းမှ ပိုင်ဆိုင်သည့် မြေတစ်ချို့ကို ရောင်းချသွားမည်ဟု သိရသည်။

မြို့တောင်ဘက်အစွန်ရှိ ဘေကွန်ဖီးလ်ရက်ကွက်မှ စိန့်ပေါလ် ခရစ်ယာန်ဘုရားကျောင်းဖြစ်ပြီး သိက္ခာတော်ရ ဆရာတော် ပီတာ ဟမ့်ဖရိုင်းက မိမိတို့ ဘုရားကျောင်းကို မွတ်စလင်များ ၀တ်ပြုရာနေရာအဖြစ် အသုံးပြုခွင့်ပေးပြီးနောက် ယခုအစီအစဉ်မှာ နောက်တစ်ဆင့် ဖြစ်သည်ဟု ဆိုသည်။

ထိုဒေသရှိ မွတ်စလင်များ နေ့စဉ်ငါးကြိမ်ဝတ်ပြုမှုနှင့် သောကြာနေ့ဝတ်ပြုနိုင်ရန်အတွက် လွန်ခဲ့သည့် ၅ နှစ်ကတည်းက စိန့်ပေါလ်ဘုရားကျောင်းမှာ ၎င်းတို့၏ ဘုရားကျောင်းဆောင်တစ်ခုကို အသုံးပြုခွင့်ပေးခဲ့သည်။

“သူ (အီမာမ် ဖိုင်ဇယ် ချိုသီယာ) က ဒေသတွင်းမွတ်စလင်တွေ ၀တ်ပြုဆုတောင်းမှု လုပ်နိုင်မယ့် နေရာကို ရှာဖွေနေပါတယ် ကျွန်တော်က ‘ဒီမှာရတယ်’ လို့ပြောခဲ့ပါတယ်။ အဲဒီလို ၀တ်ပြုဆုတောင်းမှုကို ကျွန်တော်တို့လည်း ဒီနေရာမှာပြုလုပ်တယ်လို့ ဆိုလိုတာပါ။ ဒီနေရာဟာ ၀တ်ပြုဆုတောင်းရာနေရာ သက်သက်ပါပဲ” ဟု ဆရာတော် ဟမ့်ဖရိုင်းက ပြောကြားခဲ့သည်။

လက်ရှိတွင် အီမာမ် ဖိုင်ဇယ်မှာ ဘုရားကျောင်းပိုင်မြေကွက်ကို ၀ယ်ယူရန် ရန်ပုံငွေများ ကောက်ခံနေပြီး၊ မိမိတို့လူ့အဖွဲ့အစည်းအတွက် ၀တ်ပြုရာနေရာအဖြစ်သာမက ခရစ်ယာန်အသိုင်းအ၀ိုင်းနှင့် ရင်းရင်းနှီးနှီး ဆက်ဆံကာ မျှဝေအသုံးပြုနိုင်မည့် နေရာတစ်ခု ဖြစ်စေချင်သည်ဟု ပြောကြားခဲ့သည်။

“ဒီနေရာကို ယဉ်ကျေးမှု၊ အနုပညာဆိုင်ရာ နေရာတစ်ခု၊၊ မွတ်လစင်တွေ ၀တ်ပြုဆုတောင်းရာနေရာတစ်ခု ကျွန်တော်တို့ ဖြစ်စေချင်ပါတယ်။ သမိုင်းတစ်လျှောက်လုံးမှာ မွတ်စလင်တွေနဲ့ ခရစ်ယာန်တွေဟာ အတူတကွ နေထိုင်ရှင်သန်ခဲ့ကြတာပါ။ ကျွန်တော်တို့ လုပ်ချင်တာက စစ်ပွဲတွေ၊ ဘုရင်တွေကို ပိုပြီးအာရုံစိုက်ခဲ့ကြတာကြောင့် မေ့လျော့ခဲ့ကြတဲ့ ဒီ သမိုင်းအမွေအနှစ်ကို ပြန်လည်အတုယူ ဖော်ဆောင်ဖို့ ဖြစ်ပါတယ်” ဟု အီမာမ်ကြီးက ပြောကြားခဲ့သည်။

Ref: ABC

March 2, 2017
ရခိုင်အရေး ကုလ၏ စွပ်စွဲချက်များမှာ ဘက်လိုက်ပြီး မျှတမှုမရှိဟု ဦးဝင်းထိန်ပြော

မတ် ၁၊ ၂၀၁၇
M-Media

ရဲတပ်ဖွဲ့က ရိုဟင်ဂျာအရပ်သားများကို ထိုးနှက်ကန်ကျောက်နေသည့် ဗီဒီယိုမှ မြင်ကွင်းတစ်ခု။ မြန်မာအစိုးရ ထိုကဲ့သို့ ကျူးလွန်သည့်ရဲများကို အရေးယူထားသည်ဟု ပြောကြားထားသည်။

– ရခိုင်ပြည်နယ်မြောက်ပိုင်းတွင် ဖြစ်ပွားနေသည့်ကိစ္စနှင့်ပတ်သက်၍ နိုင်ငံတကာ၏ ဖိအားများ မြင့်တက်လာမှုကို NLD အကြီးတန်းအဖွဲ့ဝင် ဦးဝင်းထိန်က ပယ်ချလိုက်ပြီး ရိုဟင်ဂျာမွတ်စလင်များ ညှင်းပမ်းနှိပ်စက်ခံရမှုများ ရှိနေသည်ဆိုသည့် စွပ်စွဲချက်များမှာ ‘ဘက်လိုက်ပြီး တရားမျှတမှုမရှိ’ ဟု ပြောကြားလိုက်သည်။

နယ်ခြားစောင့်စခန်းများ တိုက်ခိုက်ခံခဲ့ရပြီးနောက် အစိုးရစစ်တပ်နှင့် ရဲတပ်ဖွဲ့၏ ရခိုင်ပြည်နယ်မြောက်ပိုင်းတွင် ၄ လတာကြာမြင့်နေသည့် စစ်ဆင်ရေးအတွင်း လူသားထုအပေါ် ကျူးလွန်သည့် ရာဇ၀တ်မှုများ ရှိနိုင်သည်ဟု ကုသမဂ္ဂက ပြောကြားထားသည်။

မြန်မာနိုင်ငံ၏ လူ့အခွင့်အရေးဆိုင်ရာ ကုလအထူးကိုယ်စားလှယ် ယန်ဟီးလီမှာ ရခိုင်မြောက်ပိုင်း မတည်ငြိမ်မှုများကြောင့် ဘင်္ဂလားဒေ့ရ်ှသို့ ထွက်ပြေးခဲ့ရသည့် ရိုဟင်ဂျာ ၇၀၀၀၀ ကျော်ကို ပြီးခဲ့သည့် ရက်ပိုင်းအတွင်း သွားရောက်ကြည့်ရှုခဲ့ပြီး ၎င်းတို့ ညှမ်းပမ်းနှိပ်စက်မှုများအတွက် တရားဝင် စုံစမ်းစစ်ဆေးရေးကော်မရှင် ဖွဲ့စည်းရန် လာမည့်တစ်ပတ်တွင် တိုက်တွန်းဖွယ် ရှိနေသည်။

“ယန်ဟီးလီလုပ်နေတာတွေက မမျှတပါဘူး။ ဘက်လိုက်မှုရှိပါတယ်။ ဒီလို မမျှတတဲ့ အစီရင်ခံစာအတွက် ကျွန်တော်တို့ ဂရုမစိုက်ပါဘူး။ ဂရုမစိုက်သလို၊ စိတ်လည်းမပူပါဘူး” ဟု ဦးဝင်းထိန်က ယနေ့တွင် AFP သတင်းဌာနသို့ ပြောကြားခဲ့သည်။

မြန်မာအစိုးရက ကုလသမဂ္ဂအပါအ၀င် နိုင်ငံတကာမှ စွပ်စွဲထားသကဲ့သို့ ရခိုင်ပြည်နယ်မြောက်ပိုင်းတွင် လုံခြုံရေးတပ်ဖွဲ့များ ကျူးလွန်မှု မရှိဟု ပြောဆိုထားပြီး၊ ယမန်နေ့က ပြုလုပ်ခဲ့သည့် စစ်တပ်၏ သတင်းစာရှင်းလင်းပွဲတွင် မိမိတို့ တပ်ဖွဲ့ဝင်များမှာ ဥပဒေအတိုင်း ဆောင်ရွက်ခြင်းဖြစ်သည်ဟု ထည့်သွင်းပြောဆိုခဲ့သည်။

ဒုတိယသမ္မတ ဦးမြင့်ဆွေဦးဆောင်သည့် စုံစမ်းစစ်ဆေးရေး ကော်မရှင်တစ်ခုကို မြန်မာအစိုးရက ဖွဲ့စည်းထားပြီး လူ့အခွင့်အရေးအဖွဲ့များနှင့် ကုလကမူ ထိုအဖွဲ့မှ မည်သည့်လုပ်ဆောင်နိုင်စွမ်းမှ မရှိဟု ပြောကြားထားသည်။

အမည်မဖော်လိုသည့် ကော်မရှင်၏ အဖွဲ့ဝင်တစ်ဦးက ၎င်းတု့အဖွဲ့မှာ စေ့စေ့စပ်စပ် စုံစမ်းစစ်ဆေးမှုများ ပြုလုပ်နေပြီး ကုလက လူသားထုအပေါ်ကျူးလွန်သည့် ရာဇ၀တ်မှုများ ရှိသည်ဆိုသည့် စွပ်စွဲချက်မှာ ‘တစ်ဖက်သက်စွပ်စွဲချက်’ ဖြစ်သည်ဟု ဆိုကာ ပယ်ချခဲ့သည်။

စစ်တပ်နှင့်ရဲတပ်ဖွဲ့တို့ကလည်း ထိုကိစ္စရပ်များအတွက် သီးခြား စုံစမ်းစစ်ဆေးရေးအဖွဲ့များ ဖွဲ့စည်းကာ စုံစမ်းနေသည်။

Ref: Yahoo

March 1, 2017
အီရန်ရေတပ် စစ်ရေးလေ့ကျင့်မှုတွင် ပြည်တွင်းဖြစ် နောက်ဆုံးပေါ်လက်နက်များ စမ်းသပ်ပစ်ခတ်

မတ် ၁၊ ၂၀၁၇
M-Media

အီရန်၏ နောက်ဆုံးထုတ် Valfaj တော်ပီဒို

– အီရန်နိုင်ငံမှာ ပြည်တွင်းဖြစ် နောက်ဆုံးထုတ် တော်ပီဒိုကို ၎င်းတို့၏ အကြီးစား ရေတပ်စစ်ရေးလေ့ကျင့်မှုအတွင်း အောင်မြင်စွာ စမ်းသပ်ပစ်လွှတ်နိုင်ခဲ့သည်ဟု သိရသည်။

Velayat 95 အမည်ဖြင့် ဖေဖော်ဝါရီလ အစောပိုင်းကတည်းက ဟော်မုဇ်ရေလက်ကြား၊ အိုမန်ပင်လယ်နှင့် အိန္ဒိယသမုဒ္ဒရာ မြောက်ဖက်ပိုင်းတွင် ပြုလုပ်ခဲ့သည့် အဆိုပါ စစ်ရေးလေ့ကျင့်မှု နောက်ဆုံးနေ့ဖြစ်သော ယမန်နေ့တွင် Valfaj တော်ပီဒိုကို Qadir ရေငုပ်သင်္ဘောမှ စမ်းသပ်ပစ်လွှတ်ခဲ့ခြင်းဖြစ်သည်။

ထို့ပြင် အခြားသော ရေငုပ်သင်္ဘောများမှလည်း ထိုတော်ပီဒိုဖြင့် ရွေ့လျားပစ်မှတ်များအား အောင်မြင်စွာ ပစ်ခတ်ဖြိုခွင်းနိုင်ခဲ့သည်။

တနင်္လာနေ့ကလည်း ပြည်တွင်းဖြစ် လေဆာပဲ့ထိန်း ရေငုပ်သင်္ဘောပစ် ဒုံးကျည် Dehlaviyeh ကိုလည်းကောင်း၊ အီရန်၏ နောက်ဆုံးပေါ် ခရုဇ်ဒုံးကျည် Nasir ကိုလည်းကောင်း အောင်မြစ်စွာ စမ်းသပ်ပစ်လွှတ်နိုင်ခဲ့သည်။

အဆိုပါ Velayat 95 ရေတပ်စစ်ရေးလေ့ကျင်မှုတွင် ရေငုပ်သင်္ဘောပစ် ရဟတ်ယာဉ်တပ်ဖွဲ့၊ ကမ်ခြေးအခြေပြုနှင့် ပင်လယ်အခြေပြု ဒရုန်းလေယာဉ်များလည်း ပူးပေါင်းပါဝင်ခဲ့သည်။

“ဒီ Velayat 95 ရေတပ်စစ်ရေးလေ့ကျင့်မှုဟာ တိုင်းပြည်ရဲ့ ကာကွယ်ရေးစွမ်းရေးတွေကို အဆင့်မြှင့်တင်ဖို့နဲ့ ဒေသတွင်းနိုင်ငံတွေကို အီရန်ရဲ့ ငြိမ်းချမ်းရေး၊ မိတ်ဆွေဖြစ်မှု သတင်းစကားတွေ ပါးဖို့ ဖြစ်ပါတယ်” ဟု ရေတပ် အထူးတပ်ဖွဲ့ ဌာနချုပ်မျူး ဟာဘီဘွလ္လာဟ် ဆေယာရီက ပြောကြားခဲ့သည်။

Ref: Press TV

March 1, 2017
သေဒဏ်ချခံထားရသည့် မြန်မာနိုင်ငံသားနှစ်ဦး၏ အယူခံကို ထိုင်းအယူခံခုံရုံး ပယ်ချ

မတ် ၁၊ ၂၀၁၇
M-Media

– ၂၀၁၄ ခုနှစ်အတွင်း ထိုင်းနိုင်ငံ ခိုတောင်ကျွန်း၌ ဗြိတိန်စုံတွဲအား သတ်မှုဖြင့် သေဒဏ်ကျခံနေရသည့် မြန်မာနိုင်ငံသား ၂ ဦး၏ အယူခံကို ထိုင်း အယူခံခုံရုံးက ယနေ့တွင် ပယ်ချလိုက်ပြီး၊ သေဒဏ်ကို အတည်ပြုလိုက်သည်ဟု သိရသည်။

သေဒဏ်ချမှတ်ခံထားရသူများမှာ ဇော်လင်းနှင့် ၀င်းဇော်ထွန်းတို့ နှစ်ဦးဖြစ်ပြီး ၎င်းတို့က ထိုအမိန့်ကို ပယ်ဖျက်ရန်အတွက် ဓာတ်ပုံများ၊ စာရွက်စာတမ်းများ အပါအ၀င် ရဲတပ်ဖွဲ့က သက်သေအထောက်အထားများ မှားယွင်းကိုင်တွယ်ခဲ့သည်ဟု အယူခံလျှောက်ထားခဲ့ခြင်းဖြစ်သည်။

၂၀၁၄ ခုနှစ် စက်တင်ဘာ ၁၅ ရက်နေ့တွင် ဗြိတိန်နိုင်ငံသားခရီးသွားစုံတွဲ ဟန်နာ ၀ှစ်သရစ်ခ်ျနှင့် ဒေးဗစ်မီလာတို့မှာ ဆူရက်ဌာနီ ပြည်နယ် ခိုတောင်ကျွန်း ကမ်းခြေတွင် သတ်ဖြတ်ခံခဲ့ရပြီး၊ ထိုင်းရဲတပ်ဖွဲ့ကမူ ဇော်လင်းနှင့် ၀င်းဇော်ထွန်းတို့ ကျူးလွန်သည်ဟုဆိုကာ ဖမ်းဆီးခဲ့သည်။

၎င်းတို့နှစ်ဦးမှာ စွဲချက်များအားလုံးကို ငြင်းပယ်ခဲ့သော်လည်း ၂၀၁၅ ခုနှစ် ဒီဇင်ဘာ ၂၄ ရက်နေ့က ထိုင်းရာဇ၀တ်ဆိုင်ရာ တရားရုံးက သေဒဏ်ကျခံစေရန် အမိန့်ချခဲ့သည်။

ရွှေ့ပြောင်းလုပ်သားများဖြစ်သည့် ၎င်းတို့နှစ်ဦးမှာ ထိုင်းရဲတပ်ဖွဲ့၏ ဓားစာခံပြုလုပ်ခြင်းကို ခံခဲ့ရသည်ဟု သတင်းများ ကျယ်ကျယ်ပြန့်ပြန့် ထွက်ပေါ်ခဲ့ပြီး လူ့အခွင့်အရေးအဖွဲ့များ၊ ရှေ့နေများ၊ မိသားစုဝင်များက ရဲတပ်ဖွဲ့၏ သက်သေခံအထောက်အထား ကိုင်တွယ်မှုအမှားများကို ထောက်ပြခဲ့သည်။ သို့သော်လည်း ရဲတပ်ဖွဲ့ကမူ ၎င်းတို့ဖမ်းဆီးထားသူများမှာ အမှန်တကယ်ကျူးလွန်သူများဖြစ်သည်ဟု ကာကွယ်ခဲ့သည်။

Ref: Bangkokpost

March 1, 2017