Author: Ko Lay

ဧပြီ ၂၈၊ ၂၀၁၆
M-Media

– ဂျာမနီနိုင်ငံ ကိုးလုံးမြို့၏ ခရစ်ယာန်ကက်သလစ် ဂိုဏ်းအုပ်ဘုန်းတော်ကြီးက နိုင်ငံအတွင်းရှိ အစ္စလာမ်ဆန့်ကျင်ရေး လက်ယာစွန်းရောက်ပါတီ Alternative for Deutchsland (AfD) အား ရှုတ်ချလိုက်သည်။

ဘုန်းတော်ကြီး ရီန်နာ ၀ိုလ်ကီဖြစ်ပြီး အင်တာနက်စာမျက်နှာတွင် လွှင့်တင်ထားသော ၎င်း၏ ဗီဒီယိုတွင် ထိုကဲ့သို့ ရှုတ်ချခဲ့ခြင်းဖြစ်ကာ အစ္စလာမ်မှာ ဂျာမနီဖွဲ့စည်းပုံနှင့် သင့်လျော်မှုမရှိဆိုသည့် ထိုပါတီ၏ပြောစကားမှာလည်း အဓိပ္ပါယ်မရှိသည့်စကားဖြစ်သည်ဟု ထည့်သွင်းပြောကြားခဲ့သည်။

လက်ယာစွန်းရောက် AfD ပါတီမှာ နိုင်ငံအတွင်း ဗလီဝတ်ကျောင်းတော်များရှိ ၀တ်ပြုရန်နှိုးဆော်သည့် မျှော်စင် (မင်နာရတ်) နှင့် မွတ်စလင်အမျိုးသမီးများ၏ ခြုံထည် (ဘုရ်ခါ)တို့ကို ပိတ်ပင်ရန် ဆောင်ရွက်နေသည်။

“AfD ခေါင်းဆောင်ပိုင်းက လုပ်သလိုမျိုး မွတ်စလင်တွေကိုနှိမ့်ချတဲ့ ဘယ်သူမဆို သိထားရမှာက ကျွန်တော်တို့ရဲ့ ခရစ်ယာန်ဘုရားကျောင်းတွေကို ဖွဲ့စည်းပုံအခြေခံဥပဒေက ကာကွယ်ပေးထားသလိုမျိုး ၀တ်ပြုဆောင်တွေ၊ ဗလီဝတ်ကျောင်းတော်တွေဟာလည်း ညီတူညီမျှ ကာကွယ်စောင့်ရှောက်ခြင်း ခံရပါလိမ့်မယ်။ ဘုရားကျောင်းမှာ မျှော်စင်ရှိရမယ်လို့ ပြောတဲ့သူတိုင်း မင်နာရတ်လည်း ရှိရမယ်လို့ ပြောကိုပြောရမှာပါ” ဟု ဘုန်းတော်ကြီး ၀ိုလ်ကီက ပြောကြားခဲ့သည်။

အဆိုပါ လက်ရောက်စွန်းရောက်ပါတီက အစ္စလာမ်သာသနာမှာ နိုင်ငံ၏ ဖွဲ့စည်းပုံအခြေခံဥပဒေနှင့် ညီညွတ်မှုမရှိဟု ပြောကြားမှုကိုလည်း ဘုန်းတော်ကြီး ၀ိုလ်ကီက

“အစ္စလာမ်သာသနာဟာ ဂျူးနဲ့ ခရစ်ယာန်တို့လိုပဲ ဂျာမနီဖွဲ့စည်းပုံနဲ့ သင့်မြတ်လျော်ကန်ပါတယ်။ ကျွန်တော်တို့ ဖွဲ့စည်းပုံအခြေခံဥပဒေက အာမခံပေးထားတဲ့ လွတ်လပ်စွာယုံကြည်ကိုးကွယ်ခွင့်ကို မေးခွန်းထုတ်တဲ့သူတွေ ကိုယ်တိုင်သာ သူတို့ရဲ့ပြောကြားမှုတွေဟာ ဖွဲ့စည်းပုံနဲ့ ကိုက်ညီမှုရှိလား၊ မရှိဘူးလားဆိုတာ ဆန်းစစ်ရမှာပါ။ ဂျာမနီနိုင်ငံမှာ အခြားလမ်းတစ်လမ်း မလိုပါဘူး။ ကျွန်တော်တို့တိုင်းပြည်က ဘာသာရေးလွတ်လပ်ခွင့်ဟာ ချွင်းချက်မရှိပါဘူး” ဟု ပြန်လည် ချေပ ပြောဆိုခဲ့သည်။

ထို့ပြင် ဂျာမနီ၏ အတိတ်ဆိုးကို တစ်ကျော့ပြန်လာစေ၍ မရဟုလည်း ၀ိုလ်ကီက ထပ်လောင်းပြောကြားခဲ့သည်။

“ကျွန်တော်တို့ ဂျာမနီမှာ နာကျည်စရာ သမိုင်းရှိနေပါတယ်။ ဒီတိုင်းပြည်က ဘယ်သူမဆို သူတို့ရဲ့ လူမျိုး၊ ဇာတိ၊ ဘာသာတရားတွေအတွက် ခွဲခြားမှု၊ ဖိနှိပ်ချုပ်ချယ်ခံရမှု ထပ်ဖြစ်လို့ မရပါဘူး”

Ref: Christiantoday