အောက်တိုဘာ ၁၀၊ ၂၀၁၅
M-Media
– ပါလက်စတိုင်းပိုင် အနောက်ဘက်ကမ်းတွင် အစ္စရေးစစ်တပ်နှင့် ပါလက်စတိုင်းပြည်သူများအကြား ရုန်းရင်းဆန်ခတ်ဖြစ်မှုမှာ ယမန်နေ့တွင် ဂါဇာကမ်းမြှောင်သို့ ပြန့်နှံ့သွားခဲ့ပြီး အစ္စရေးစစ်တပ်က ဆန္ဒပြသူ ပါလက်စတိုင်း ၆ ဦးကို ပစ်သတ်ခဲ့ကာ မငြိမ်သက်မှုမှာ ပိုမိုကြီးထွားလာခဲ့သည်။
အစ္စရေးတောင်ပိုင်း ဒီမိုအာမြို့တွင် ဂျူးတစ်ဦးက ပါလက်စတိုင်း လေးဦးအား ဓားဖြင့်ထိုးမှုတစ်ခု အပါအ၀င် ယမန်နေ့က အစ္စရေးနှင့် အနောက်ဘက်ကမ်းတွင် ဓားထိုးမှု ၄ ခုခန့် ဖြစ်ပွားခဲ့သည်။ ပါလက်စတိုင်း ဆန္ဒပြသူများအား ပစ်သတ်မှုကြောင့် ဟားမက်စ်အဖွဲ့က စနေနေ့မနက်တွင် အစ္စရေးတောင်ပိုင်းသို့ ဒုံးကျည်တစ်ခု ပစ်လွှတ်ခဲ့ပြီး မည်သည့်ပျက်စီးမှု၊ ထိခိုက်ဒဏ်ရာရရှိမှုမှ မရှိခဲ့ချေ။
အစ္စရေးက ပိတ်ဆို့သိမ်းပိုက်ထားသည့် ပါလက်စတိုင်းပိုင် အရှေ့ဂျေရုစလင် ရှူအာဖက် စစ်ဆေးရေးဂိတ်တွင် အစ္စရေးစစ်တပ်က ပါလက်စတိုင်းတစ်ဦးအား ယနေ့မနက်ပိုင်းတွင် ထပ်မံပစ်သတ်ခဲ့သည်။
ဂါဇာအရှေ့ပိုင်းတွင် ဖြစ်ပွားသော ဆန္ဒပြမှုများ၌ ပါလစတိုင်း ၆ ဦး သေဆုံးမှုအပြင် အများအပြား ဒဏ်ရာရရှိခဲ့သည်။ သေဆုံးသူများတွင် အသက် ၁၅ နှစ်အရွယ် လူငယ်တစ်ဦးလည်း ပါဝင်ခဲ့သည်။
အစ္စရေးစစ်တပ်ကမူ နယ်စပ်စည်းရိုးနားတွင် တိုက်ခိုက်ရန်ကြိုးစားမှု အများအပြားရှိခဲ့ပြီး ဆန္ဒပြသူ ၁၀၀၀ ခန့်မှာ တစ်စိမ့်စိမ့် ၀င်ရောက်လာကာ လက်ပစ်ဗုံးများ၊ ဒုံးကျည်များဖြင့်ပစ်ခြင်း၊ မီးလောင်နေသော တာယာများကို လှိမ့်သွင်းခြင်းတို့ ပြုလုပ်ခဲ့ကြသည်ဟု ပြောကြားခဲ့သည်။
“ဒီမှာ သိပ်အန္တရာယ်ရှိနေပါပြီ။ သူတို့က အမြဲတမ်း နယ်ခြားကို သေနတ်နဲ့ပစ်တယ်။ ဒါပေမယ့် ဒီနေ့တော့ ခါတိုင်းထက် ဆိုးနေပါတယ်။ ပထမ သူတို့က ရာဘာငုံထားတဲ့ စတီးကျည်ဆံနဲ့ပစ်တယ်။ မီးခိုးဗုံးတွေသုံးတယ်။ နောက်ပိုင်းမှာတော့ တကယ့်ကျည်အစစ်တွေနဲ့ ကျွန်တော်တို့ကို ပစ်ပါတယ်” ဟု ဆန္ဒပြမှုတွင် ပါဝင်ခဲ့သည့် ဂါဇာအခြေစိုက် ဓာတ်ပုံဆရာ အက်ဇ် ဇာနွန်က ပြောကြားခဲ့သည်။
ပါလက်စတိုင်းလွတ်မြောက်ရေးအဖွဲ့မှ အထွေထွေအတွင်းရေးမှူးဖြစ်သူ ဆအီဘ် အီရာကသ်က အစ္စရေးဝန်ကြီးချုပ် နေတန်ယာဟုနှင့် ၎င်း၏ အစိုးရမှာ ဂါဇာရှိ ပါလက်စတိုင်းများအပေါ် အစုလိုက်အပြုံလိုက် သတ်ဖြတ်မှု ထပ်မံကျူးလွန်နေသည်ဟု ပြောကြားခဲ့သည်။
Ref: Aljazeera
