Author: Ko Lay

ဖေဖော်ဝါရီ ၇၊ ၂၀၁၅
M-Media

– လူနည်းစုများပါဝင်မှု နည်းနေခြင်းကြောင့် ဝေဖန်မှုများခံနေရသည့် ဗြိတိန်စစ်တပ်တွင် မွတ်စင်လင်နှင့် အခြားလူနည်းစုများပါဝင်မှု တိုးမြှင့်မည့် အစီအစဉ်ကို ဗြိတိန်အစိုးရက ကြေညာခဲ့သည်ဟု သိရသည်။

“ကျွန်တော့်ရဲ့ အမြင့်ဆုံး ဦးစားပေးအလုပ်ကတော့ ကျွန်တော်တို့ရဲ့ စစ်တပ်တစ်ခုလုံးမှာ အကောင်းဆုံး အရည်အသွေးရှိတဲ့သူတွေ ရှိနေအောင် ဆက်လက်လုပ်ဆောင်ဖို့ပါပဲ။ လူမည်းတွေ၊ အာရှနွယ်ဖွားတွေနဲ့ အခြားလူနည်းစုတွေကို စစ်တပ်မှာ ခန့်ထားမှုဟာ ပြီးခဲ့တဲ့နှစ်အတွင်း တိုးတက်လာပါတယ်။ ဒါပေမယ့် လိုအပ်တဲ့အတိုင်းအတာကိုတော့ မရောက်သေးဘူးပေ့ါဗျာ။ ကျွန်တော်တို့ ပိုပြီး လုပ်ရအုံးမှာပါ” ဟု ဗြိတိန်စစ်တပ်မှ အကြီးအကဲတစ်ဦးဖြစ်သူ ဗိုလ်ချုပ် ဆာ နီကိုလက်စ် ကာတာရ်က ဘီဘီစီသတင်းဌာနသို့ ဖေဖော်ဝါရီ ၆ ရက်နေ့တွင် ပြောကြားခဲ့သည်။

ဗိုလ်ချုပ်ကာတာရ်က ဗြိတိန်လူဦးရေ၏ ၄.၄ ရာခိုင်နှုန်းရှိသော မွတ်စလင်များ၏ ဗြိတိန်စစ်တပ်တွင် ပါဝင်မှုမှာ ၀.၄၅ ရာခိုင်နှုန်း ရှိသည်ဟုဆိုသည်။ ဗြိတိန်၏ အမြဲတမ်းစစ်သာ ၈၇၀၀၀ တွင် လူမည်း၊ အာရှနွယ်ဖွားနှင့် အခြားသော လူနည်းစုများမှာ ၁၀ ရာခိုင်နှုန်းရှိသည်။

တပ်သားသစ်စုဆောင်းမှု အကောင်းဆုံးဖြစ်ရန်အတွက် လူ့အဖွဲ့အစည်းတစ်ခုလုံးမှ အရည်အချင်းရှိသူများကို ရှာဖွေရမည်ဟု ဗိုလ်ချုပ် ကာတာရ်ကဆိုသည်။

တရားဝင်စစ်တမ်းများအရ ဗြိတိန်တွင် အစ္စလာမ်ဘာသာဝင်ဦးရေမှာ ၂.၇ သန်းရှိသည်ဟု သိရသည်။ ၂၀၁၁ ခုနှစ်တွင် တတ်သိပညာရှင်များအဖွဲ့ဖြစ်သော Demo ၏ စစ်တမ်းကောက်ယူမှုအရ ယူကေရှိ အစ္စလာမ်ဘာသာဝင်များမှာ
အခြားသူများထက် တိုင်းပြည်ချစ်စိတ်ပိုမိုရှိကြောင်း တွေ့ခဲ့ရသည်ဟု ဆိုသည်။

အဆိုပါအဖွဲ့မှ ထုတ်ပြန်သော အစီရင်ခံစာတွင် ၎င်းတို့တွေ့ဆုံမေးမြန်းခဲ့သည့် မွတ်စလင်များ၏ ၈၃ ရာခိုင်နှုန်းမှာ ဗြိတိသျှဖြစ်ရသည်ကို ဂုဏ်ယူသည်ဟု ပြောကြားခဲ့သည်ဟု ဖော်ပြထားသည်။

မတူကွဲပြားသူများ ညီညွတ်မှု

ဗြိတိန်စစ်တပ်အတွင်း လူနည်းစုများ ပိုမိုပါဝင်စေရန်အတွက် နိုင်ငံတစ်ဝှမ်းတွင် လစဉ်ပြုလုပ်သွားမည့် လှုပ်ရှားမှုများအတွင်း တပ်သားသစ်များကို စုဆောင်းသွားမည်ဖြစ်သည်။ အဆိုပါ လှုပ်ရှားမှုတွင် အစီအစဉ် ၁၀ ခု ပါဝင်မည်ဖြစ်ပြီး လူနည်းစုများနှင့် စေ့စပ်ဆွေးနွေးရန် ရည်ရွယ်ခြင်းဖြစ်သည်။

“တကယ်တော့ အကြီးတန်းအရာရှိတွေက သူတို့ရဲ့ဘက်မှာရှိပြီး သူတို့အတွက် အဆင်သင့်ဖြစ်နေတယ်ဆိုတာ မွတ်စလင်တွေနဲ့ အခြားသောလူနည်းစုတွေကသိဖို့ အရေးကြီးပါတယ်” ဟု ဗြိတိန်စစ်တပ်အကြီးအကဲဟောင်း ဗိုလ်ချုပ် ဆာ ဒေးဗစ် ရစ်ချက်က ပြောကြားခဲ့သည်။

စစ်တပ်အတွင်း လူနည်းစုများ၏ အရေအတွက်ကို တိုးမြှင့်ပေးမည့်အစီအစဉ်တွင် မွတ်စလင်များအပြင်၊ ဗုဒ္ဓဘာသာဝင်၊ ဟိန္ဒူ၊ ဘာသာမဲ့၊ ဂျူး၊ ဆစ်ခ်၊ လိင်တူချစ်သူနှင့် လိင်ပြောင်းထားသူများကိုလည်း ပစ်မှတ်ထားသွားမည်ဖြစ်သည်။

ကာကွယ်ရေးဝန်ထမ်းများနှင့် အကြီးအကဲများအတွက် အစ္စလာမ်ဘာသာရေး အကြံပေးတာဝန်ကို ထမ်းဆောင်နေသော အီမာမ် အစင်မ် ဟာဗစ်ဇ်က ဗြိတိန်စစ်တပ်၏ ထိုလှုပ်ရှားမှုနှင့်ပတ်သက်၍ ချီးကျူးပြောကြားခဲ့ပြီး မတူကွဲပြားသူများ ညီညွတ်မှုမှာ မိမိတို့နိုင်ငံ၏ ကြီးမားသောအင်အားဖြစ်သည်ဟု ပြောကြားခဲ့သည်။

“ဒါဟာ သူတို့(စစ်တပ်က) အလုပ်အကျွေးပြုနေတဲ့ ပြည်သူတွေနဲ့ ပိုမိုနီးကပ်လာစေတာသာမက မတူညီတဲ့ ယဉ်ကျေးမှုတွေကို စစ်တပ်က နားလည်သဘောပေါက်မှုကိုလည်း တိုးလာစေပါတယ်”

Ref: onislam