Author: Ko Lay

FA ပွဲတွင် ဘာလော့တယ်လီအား တမင်ချန်ထားခြင်းဖြစ်သည်ဟု လီဗာပူးလ်နည်းပြ ၀န်ခံ

ဇန်န၀ါရီ ၂၅၊ ၂၀၁၅
M-Media

– FA ဖလား ဘော်လ်တန်နှင့်ပွဲတွင် ဘာလော့တယ်လီအား ချန်ထားခဲ့ခြင်းမှာ ဒဏ်ရာကြောင့်မဟုတ်ဘဲ လေ့ကျင့်ရေးကွင်းတွင် ကောင်းမွန်စွာ မဆောက်ရွက်နိုင်ခြင်း၊ မိမိ၏ လက်ရှိကစားပုံနှင့် အံမ၀င်ခြင်း စသည်တို့ကြောင့် ဖြစ်သည်ဟု လီဗာပူးလ်နည်းပြ ဘရန်ဒန်ရော်ဂျာက ပြောကြားလိုက်သည်။

ပြီးခဲ့သည့် တစ်ပတ် ချယ်ဆီးအသင်းနှင့် လိဂ်ဖလားပွဲတွင် ဘာလော့တယ်လီမှာ ဒဏ်ရာကြောင့် မပါဝင်နိုင်ခဲ့သော်လည်း နောက်ပိုင်း ကြံ့ခိုင်မှုပြည့်ဝလာခဲ့သည့် ဘာလော့တယ်လီအနေဖြင့် တိုက်စစ်အားနည်းသည့် လီဗာပူးလ်တွင် ယမန်နေ့ပွဲ၌ ပါဝင်ခွင့်မရခဲ့ခြင်းအတွက် မေးခွန်းများ ထွက်ပေါ်လာခဲ့သည်။

`မာရီယိုနဲ့ ကျွန်တော် စကားပြောခဲ့ပြီးပါပြီ။ အသင်းမှာသူမပါဝင်နိုင်ခင် ဒီလူစာရင်းမှာ ဘာလိုအပ်လဲဆိုတာ သူ ကောင်းကောင်း သိပါတယ်။ သူ တခြားကစာသမားတွေလိုပဲ ကစားနိုင်ပါတယ်။ မနေ့က သူနဲ့ တစ်နာရီလောက် စကားပြောဖြစ်ပြီး ဘာတွေဖြစ်နေလဲ ဆိုတာ သူနားလည်မယ်လို့ ကျွန်တော်ထင်ပါတယ်´ ဟု ရော်ဂျာက သတင်းထောက်များအား ပြောကြားခဲ့သည်။

ဘာလော့တယ်လီမှာ လီဗာပူးလ်သို့ရောက်လာပြီးကတည်းက ခြေစွမ်းပြနိုင်ခြင်း မရှိသေးဘဲ ရော်ဂျာ၏ ကစားကွက် အပြောင်းအလဲကြောင့် နောက်ပိုင်းတွင် ပုံမှန်ပါဝင်ခွင့်ပင် မရရှိပေ။

ရော်ဂျာကမူ ဘာလော့တယ်လီအနေဖြင့် အသင်းက မျှော်လင့်ထားသလောက် လေ့ကျင့်ရေးကွင်းတွင် စွမ်းဆောင်နိုင်မှသာ ပွဲထွက်စာရင်း၌ ပါဝင်နိုင်မည်ဟု ထပ်လောင်းပြောကြားခဲ့သည်။

Ref: goal.com

January 25, 2015
ပြီးခဲ့သည့်နှစ် အတွင်း မြန်မာစစ်တပ်က ကလေးစစ်သား ၄၀၀ ကျော်လွှတ်ပေး

ဇန်န၀ါရီ ၂၅၊ ၂၀၁၅
M-Media

– မြန်မာစစ်တပ်မှာ ပြီးခဲ့သည့်နှစ် အတွင်း ကလေးစစ်သား အရေအတွက် စုစုပေါင်း ၄၀၀ ကျော်ကို လွှတ်ပေးခဲ့သည်ဟု ကုလသမဂ္ဂက အတည်ပြုခဲ့ပြီး ကလေးစစ်သားများ လွှတ်ပေးရေး ၂၀၁၂ ခုနှစ်က ကုလနှင့် မြန်မာ့တပ်မတော်တို့ လက်မှတ်ရေးထိုးခဲ့ပြီး နောက်ပိုင်း စံချိန်တင်ပမာဏလည်းဖြစ်သည်။

မိုင်းစမ်းရာတွင် အသုံးပြုရန် ကလေးများအား အတင်းအဓမ္မ စုဆောင်းသည်ဟူသည့် စွပ်စွဲမှုအပါအ၀င် လူ့အခွင့်အရေး ချိုးဖောက်မှုများကို ပြုလုပ်နေသည်ဟူသော စွပ်စွဲချက်အများအပြား ရှိနေသည့် မြန်မာစစ်တပ်တွင် ကလေးစစ်သား မည်မျှရှိနေကြောင်း အတိအကျမသိရသေးပေ။

၂၀၁၂ ခုနှစ် ကုလနှင့် သဘောတူစာချုပ် ချုပ်ဆိုပြီးကတည်းက မြန်မာစစ်တပ်မှ လွှတ်ပေးခဲ့သည့် ကလေးစစ်သားအရေအတွက်မှာ စုစုပေါင်း ၅၉၅ ဦး ရှိခဲ့ပြီး ထိုအရေအတွက်မှ ၇၀ ရာခိုင်နှုန်းဖြစ်သော ၄၁၈ ဦးမှာ ပြီးခဲ့သည့် ၁၂ လအတွင်း လွှတ်ပေးခဲ့ခြင်းဖြစ်သည်။

`အချိန်တစ်နှစ်အတွင်းမှာ စစ်တပ်ကလွတ်လာတဲ့ ကလေးတွေရဲ့ ဒီစံချိန်တင်အရေအတွက်ဟာ ကလေးတွေကို တပ်သားသစ်အဖြစ် စုဆောင်ခြင်း၊ အသုံးပြုခြင်းဆိုတဲ့ ထိခိုက်နစ်နာစေတဲ့ ကျင့်သုံးမှု အဆုံးသတ်ဖို့ မြန်မာအစိုးရနဲ့ တပ်မတော်တို့ရဲ့ အရှိန်မြင့်တင်ဆောင်ရွက်မှုကို ရောင်ပြန်ဟပ်နေ ပါတယ်´ ဟု မြန်မာနိုင်ငံမှ ကုလသမဂ္ဂအရာရှိ ရီနာတာ လော့-ဒက်ဆာလီယန်က ကြေညာချက် တွင် ပြောကြားခဲ့သည်။

စစ်တပ်မှလွှတ်ပေးခဲ့သည့် အဆိုပါကလေးများမှာ ၁၈ နှစ်အောက်များ ဖြစ်ကြပြီး လူ့အခွင့်အရေး အဖွဲ့များကလည်း စစ်တပ်၏ ထိုလုပ်ရပ် အတွက် ကြိုဆိုခဲ့ကြသည်။ အချို့အဖွဲ့များကမူ မြန်မာစစ်တပ်မှာ ကလေးများအသုံးပြုမှုကို လုံးဝ ရပ်တန့်ခြင်းမရှိသေးဟု ပြောကြားခဲ့ကြသည်။

ကုလကမူ မြန်မာနိုင်ငံရှိ တိုင်းရင်းသား လက်နက်ကိုင်များမှ အနည်းဆုံး ၇ ဖွဲ့ကလည်း ကလေးများအား စစ်သားအဖြစ်အသုံးပြုနေကြသည်ဟု ဆိုသည်။

Ref:themalaymail

January 25, 2015
FA ဖလားအရှုံးအတွက် ရှက်မိသည်ဟု မော်ရင်ဟိုပြော

ဇန်န၀ါရီ ၂၅၊ ၂၀၁၅
M-Media

– ဒုတိယတန်းမှ ဘရက်ဖို့ဒ်အား ၄ ဂိုး ၂ ဂိုးဖြင့် ရှုံးနိမ့်ခဲ့ရခြင်းမှာ အသင်းအတွက် ရှက်ဖွယ်ရာပင် ဖြစ်သည်ဟု ချယ်ဆီးနည်းပြ မော်ရင်ဟိုက ပြောကြားလိုက်သည်။

ယမန်နေ့က စတမ်းဖို့ဒ်ဘရစ်ခ်ျတွင် ကစားခဲ့သည့် FA ဖလား စတုတ္ထအဆင့် ပွဲစဉ်တွင် ချယ်ဆီးမှာ ၂ ဂိုးပြတ်ဖြင့် ဦးဆောင်နေခဲ့သော်လည်း ဘရက်ဖို့ဒ်၏ ၄ ဂိုပြန်သွင်းခြင်းကို ခံခဲ့ရပြီး ရှုံးနိမ့်ကာ ပြိုင်ပွဲမှ ထွက်ခဲ့ရသည်။

ထိုသို့ ထွက်ခွာခဲ့ရမှုက ချယ်ဆီး၏ ဖလားလေးလုံးအိပ်မက်ကို ပျက်ပြားစေခဲ့ပြီး လာမည့် အင်္ဂါနေ့တွင်ကစားမည့် လီဗာပူးလ်အသင်းနှင့် လိဂ်ဖလား ဒုတိယအကျော့အတွက်လည်း ဖိအားဝင်သွားခဲ့သည်။ ပထမအကျော့ အိမ်ကွင်းတွင် ချယ်ဆီးမှာ ၁ ဂိုးစီသရေသာ
ကစားနိုင်ခဲ့သည်။

`ကျွန်တော်ရှက်မိပါတယ်။ ကစားသမားတွေလည်း ကျွန်တော့်လိုပဲ ရှက်မိမယ်လို့ ကျွန်တော်ထင်ပါတယ်။ ဒီပွဲရှုံးရင်တော့ ရှက်စရာပဲလို့ မနေ့က သတင်းစာရှင်းလင်းပွဲမှာ ပြောခဲ့တဲ့စကားကိုပဲ ကျွန်တော် ထပ်ပြောတာပါ။ ကျွန်တော့်နည်းပြဘ၀ အဆိုးဝါးဆုံး
ရလဒ်လားလို့ မေးရင်တော့ – ဟုတ်ပါတယ်။ ဒါပေမယ့် ဒါဟာ ဘောလုံးလောကရဲ့ အလှ၊ FA ဖလားရဲ့ အလှတရားပါပဲ´ ဟု မော်ရင်ဟိုက ပွဲအပြီးတွင် ပြောကြားခဲ့သည်။

ယမန်နေ့က FA ဖလား စတုတ္ထအဆင့်ပွဲတွင် ချယ်ဆီးကဲ့သို့ပင် မန်စီးတီး၊ ဆောက်သက်တမ်နှင့် စပါးအသင်းတို့ကလည်း မစ်ဒယ်ဘရော့၊ ခရစ္စတယ်ပဲလေ့စ်နှင့် လက်စတာတို့အား အသီးသီး ရှုံးနိမ့်ခဲ့ကြသည်။ လီဗာပူးလ်ကမူ သရေကျခဲ့ပြီး ပြန်ကစားရမည်ဖြစ်သည်။

မော်ရင်ဟိုကမူ FA ဖလားသမိုင်းတစ်လျှောက်တွင် ထိုကဲ့သို့ အဖြစ်အပျက်များမှာ ဖြစ်ပွားလေ့ရှိခဲ့သော်လည်း မိမိအနေဖြင့် ပထမဆုံး ကြုံတွေ့ခဲ့ရခြင်းဖြစ်ပြီး ဒုတိယတန်း အသင်းအား ရှုံးနိမ့်ခဲ့ရခြင်းမှာ လက်မခံနိုင်စရာဖြစ်ကြောင်း ထပ်လောင်းပြောကြားခဲ့သည်။

Ref: dailymail

January 25, 2015
နိုက်ဂျီးရီးယားရှိ ဘိုကိုဟရမ် ပြန်ပေးဆွဲထားသူ ၁၉၀ ခန့်ကို ပြန်လွှတ်ပေး

ဇန်န၀ါရီ ၂၅၊ ၂၀၁၅
M-Media

– ယိုဘီပြည်နယ်မှ ဇန်န၀ါရီလဆန်းပိုင်းတွင် ဖမ်းဆီးထားသည့် လူများထဲမှ ၁၉၀ ကို နိုက်ဂျီးရီးယားစစ်သွေးကြွအဖွဲ့ ဘိုကိုဟရမ်က သောကြာနှင့် စနေနေ့များတွင် ပြန်လည် လွှတ်ပေးခဲ့သည်ဟု သိရသည်။

`သောင်းကျန်းသူတွေက တိုက်ခိုက်တဲ့အချိန်မှာ သူတို့ရဲ့အိမ်တွေ မီးလောင်သွားတာကြောင့် ဒီလူတွေကို ကူညီဖို့အတွက် အစိုးရက မနက်ဖြန် (တနင်္ဂနွေနေ့) ကျရင် ဆောင်ရွက်ပေးသွားမှာပါ´ ဟု ဖမ်းဆီးခံများ ရောက်ရှိလာသည့် ကာတာကိုမြို့မှ ရပ်မိရပ်ဖ ဂိုနီမာလီက ပြောခဲ့သည်။

ပြည်နယ်အုပ်ချုပ်ရေးမှ ပြောရေးဆိုခွင့်ရှိသူ အဘ်ဒူလာဟီ ဘေဂိုကမူ စစ်သွေးကြွများမှာ လူငယ်များ၊ အမျိုးသမီးများနှင့် ကလေးများကို ပြန်လွှတ်ပေးခဲ့ပြီး ၎င်းတို့မှာ ဇန်န၀ါရီလ ၆ရက်နေ့က ပြန်ပေးဆွဲခံခဲ့ရခြင်းဖြစ်သည်ဟု ပြောကြားခဲ့သည်။ သို့ရာတွင် လူ ၂၀ မှာ ဘိုကိုဟရမ်၏ လက်တွင် ကျန်ရှိနေသည်။

ဘိုကိုဟရမ်မှာ နိုင်ငံအရှေ့မြောက်ပိုင်းတွင် လွန်ခဲ့သည့် ၅ နှစ်ခန့်မှစတင်က လက်နက်ကိုင်၍ သီးခြားပြည်နယ်တစ်ခု ထူထောင်ရန် ကြိုးစားနေခြင်းဖြစ်သည်။ ဘော်နိုပြည်နယ်မှာ ဘိုကိုဟရမ်၏ ဒဏ်ကို အဆိုးရွားဆုံး ခံရသော ပြည်နယ်ဖြစ်ပြီး အက်ဒါမာဝါနှင့် ယိုဘီပြည်နယ်တို့တွင်လည်း ဘိုကိုဟရမ်၏ လက်ခွဲများ ရှိနေသည်။

လွတ်မြောက်လာသူများထဲမှ အမျိုးသမီးအချို့ကမူ မိမိတို့အနေဖြင့် ထိုအဖွဲ့၏ စည်းကမ်းများကို မလိုက်နာသောကြောင့် လွှတ်ပေးခဲ့ခြင်းဖြစ်သည်ဟု ဆိုသည်။

ဘိုကိုဟရမ်အဖွဲ့မှာ မြို့တွင်းသို့ဝင်၍ လူငယ်များ၊ အမျိုးသမီးများနှင့် ကလေးများကို ဖမ်းဆီးပြန်ပေးဆွဲမှုများ မကြာခဏ ပြုလုပ်လေ့ရှိသည်။ ပြီးခဲ့သည့် တစ်ပတ်ကလည်း ဘော်နိုပြည်နယ်တွင် ဘိုကိုဟရမ်အဖွဲ့မှ ပြုလုပ်သည်ဟု ယူဆရသော တိုက်ခိုက်မှုတစ်ခုဖြစ်ပွားခဲ့ပြီး လူ ၁၄ ဦးသေဆုံးကာ အိမ်များလည်း မီးရှို့ဖျက်ဆီးခံခဲ့ရသည်။

Ref : reuters

January 25, 2015
ဘာသာတရားများအား လေးစားတန်ဖိုးထားရေး သင်ခန်းစာသစ်များ ပြင်သစ်စာသင်ကျောင်းများတွင် ထည့်သွင်းသင်ကြားတော့မည်

ဇန်န၀ါရီ ၂၅၊ ၂၀၁၅
M-Media

– ဒီမိုကရေစီတန်ဖိုးများအား ထိန်းသိမ်းရန်နှင့် ဘာသာတရားများကို လေးစားမှုရှိသည့် စိတ်ဓာတ်များ ပိုမိုရည်သန်လာစေရန် ရည်ရွယ်၍ ပြင်သစ်ရှိ စာသင်ကျောင်းများတွင် ဘာသာတရားများဆိုင်ရာ သင်ကြားချက်များကို ထပ်မံဖြည့်စွက်မည်ဟု သိရသည်။

စာသင်ကျောင်းများမှာ လူ့အဖွဲ့အစည်းများအကြား သည်းမခံမှုနှင့် အမုန်းတရားများ ပြန့်ပွားမှုကို တွန်းလှန်ရန် အရေးပါသော နေရာဖြစ်သည့်အတွက်ကြောင့် ထိုအစီအစဉ်အား ဆောင်ရွက်ခြင်းဖြစ်သည်ဟု ပြင်သစ်ပညာရေးဝန်ကြီး နာဂျက် ဗာလူ-ဘဲလ်ကာစမ်က The Independent သတင်းစာသို့ ပြောကြားခဲ့သည်။

ထိုအစီအစဉ်အသစ်ရ အသက် ၆ နှစ်မှ ၁၈ နှစ်အထိ ကျောင်းသား၊ ကျောင်းသူများမှာ ဘာသာရေးနှင့် နိုင်ငံများ၏ အရေးပါသော ကွဲပြားမှုများအပါဝင် လူ့အဖွဲ့အစည်းများ၏ တန်ဖိုးများအကြောင်းကို ကျယ်ကျယ်ပြန့်ပြန့် သင်ကြားရမည်ဖြစ်သည်။

ထို့ပြင် ဒီမိုကရေစီ၏ အရေးကြီးပုံအကြောင်းကို သင်ယူရမည့်အပြင် ဘာသာတရားများ၏ စည်းမျဉ်းစည်းကမ်းများအကြား တူညီမှုများနှင့် ကွဲပြားမှုများအကြောင်းကိုလည်း စာသင်ကျောင်းများတွင် ပထမဆုံးအကြိမ်အဖြစ် သင်ကြားပို့ချတော့မည်ဖြစ်သည်။

သတင်းများစုဆောင်းခြင်း၊ ၀ါဒဖြန့်ခြင်းနှင့် ပူးပေါင်းကြံစသည့် သီအိုရီများအကြား မတူညီမှုများအကြောင်း သင်ကြားပေးရန်လည်း ပါဝင်ပြီး၊ အစီအစဉ်အသစ်အရ ကျောင်းတိုင်းတွင် ကိုယ်ပိုင်သတင်းစာ၊ ရေဒီယိုအသံလွှင့်ရုံ သို့မဟုတ် သတင်းဝဘ်ဆိုက်တစ်ခု
ထားရှိရန်လည်း ပါဝင်သည်။

ယူရို သန်း ၂၅၀ ကုန်ကျမည့် အဆိုပါအစီအစဉ်တွင် လာမည့်စက်တင်ဘာလမှစ၍ ကျောင်းသားများနှင့် မိဘများမှာ `လောကီရေး ပဋိညာဉ်´ တွင် လက်မှတ်ရေးထိုးရမည့် အစီအစဉ်လည်း ပါဝင်မည်ဖြစ်သည်။

၂၀၁၃ ခုနှစ်က ထုတ်ပြန်ခဲ့သည့် အဆိုပါ ပဋိညာဉ်တွင် ကျောင်းသားများအနေဖြင့် လူမျိုးရေးနှင့် လိင်ပိုင်းဆိုင်ရာ စော်ကားသောအပြုအမူများ၊ အခြားသောအယူဝါဒများနှင့် ဒီမိုကရေစီ၏ လက္ခဏာရပ်များကို မလေးမစားပြုမှုများကို တားမြစ်ထားသည်။

ထို့ပြင် ပြင်သစ်နိုင်ငံမှာ ဘာသာရေးနှင့် နိုင်ငံရေးကို ခွဲခြားထားသည့်နိုင်ငံဖြစ်ကြောင်း အမှတ်ရစေရန်အတွက် ဒီဇင်ဘာ ၉ ရက်နေ့အား လောကီရေးရာနေ့အဖြစ်သတ်မှတ်၍ အခမ်းအနားများကျင်းပခြင်း၊ စာသင်ကျောင်းများတွင် နိုင်ငံတော်အလံလွှင့်ထူ၍
နိုင်ငံတော်သီချင်းသီဆိုမှုကို ပုံမှန်ပြုလုပ်ခြင်းတို့လည်း အဆိုပါ အစီအစဉ်သစ်တွင် ပါဝင်မည်ဖြစ်သည်။

စာသင်ကျောင်းများတွင် ထပ်တိုးသွားမည့် ဆောင်ရွက်ချက်အသစ်များအတွက် ဆရာ၊ ဆရာမ ၁၀၀၀ ကျော်ကိုလည်း ယခုပညာသင်နှစ်ကုန်တွင် သင်တန်းများ ပေးသွားမည်ဖြစ်သည်။

ပညာရေးဝန်ကြီး ဘဲလ်ကာစမ်၏ အဆိုပါဆောင်ရွက်ချက်အတွက် ပြင်သစ်သမ္မတ ဖရန်ကိုအစ် ဟော်လန်ဒေးက ချီးကျူးခဲ့သည်။ မော်ရိုကိုနွယ်ဖွား ဘဲလ်ကာစမ်မှာ ပြင်သစ်ပညာရေးဝန်ကြီးဌာန သမိုင်းတွင် ပထမဆုံး မွတ်စလင်ဝန်ကြီးလည်းဖြစ်သည်။

Ref: onislam

January 25, 2015