Author: Ko Lay

အစ္စလာမ်ဘာသာဝင်များအား စော်ကားသော မှတ်ချက်များရေးခဲ့သည့် ဘောလုံးကင်းထောက်တစ်ဦးကို မန်ယူထုတ်ပယ်

ဇန်န၀ါရီ ၁၅၊ ၂၀၁၅
M-Media

– ဆိုရှယ်မီဒီယာတွင် အစ္စလာမ်ဘာသာဝင်များနှင့် ပတ်သက်၍ ဆိုးရွားသည့် လူမျိုးရေးခွဲခြားမှု မှတ်ချက်များ ရေးသားခဲ့သော ဥရောပ ဘောလုံးကင်းထောက် တစ်ဦးကို မန်ချက်စတာယူနိုက်တက်အသင်းက ထုတ်ပယ်လိုက်သည်ဟု သိရသည်။

ထုတ်ပယ်ခံရသူမှာ အသက် ၃၂ နှစ်အရွယ်ရှိ ဒိန်းမတ်နိုင်ငံသား တောရ်ဘန် အက်ဂျာဖြစ်ပြီး ဗုဒ္ဓဟူးနေ့တွင် ၎င်း၏ တာဝန်အား ရပ်ဆိုင်းခဲ့ရာမှ နောက်ပိုင်းတွင် အပြီးတိုင် ထုတ်ပယ်ခဲ့ခြင်း ဖြစ်သည်။

အက်ဂျာမှာ ၎င်း၏ ဆိုရှယ်စာမျက်နှာတွင် ဒိန်းမတ်နိုင်ငံ၌ နိုင်ငံခြားသားများ ပြောင်းရွှေ့အခြေချမှုကို ဆန့်ကျင်သည့် မှတ်ချက်များကို ရေးသားခဲ့ပြီး ၀က်ခြောက်ကောင်ပုံတင်ကာ အစ္စလာမ်ဘာသာဝင်များအား စော်ကားသော မှတ်ချက်များကိုလည်း ရေးသားခဲ့သည်။ထို့ပြင် ပဲရစ်တိုက်ခိုက်မှုနှင့် ပတ်သက်၍ သူငယ်ချင်းတစ်ဦးက မွတ်စလင်များကိုရည်ညွှန်းသော ပြင်းထန်သည့် လူမျိုးရေးခွဲခြားမှု မှတ်ချက်များ ရေးသားခဲ့ရာတွင်လည်း အက်ဂျာက ထောက်ခံရေးသားခဲ့သည်။

၎င်း၏ ရေးသားမှုများအား ဗြိတိန်သတင်းစာ Guardian က ဝေဖန်ထောက်ပြခဲ့ပြီး ၎င်းကမူ စောစောပိုင်းက ငြင်းဆိုခဲ့သေးသည်။ သို့သော်လည်း မန်ယူအသင်းက စုံစမ်းခဲ့ပြီး အက်ဂျာအား ရာထူးမှထုတ်ပယ်ခဲ့ကာ ကြေညာချက်တစ်စောင်လည်း ထုတ်ပြန်ခဲ့သည်။

`အသင်းအနေနဲ့ အထောက်အထားတွေရခဲ့ပြီး၊ ဒီကိစ္စနဲ့ပတ်သက်လို့ စုံစမ်းစစ်ဆေးမှုတွေ ချက်ချင်း ပြုလုပ်ခဲ့ပါတယ်။ ပြီးတော့ မစ္စတာ အက်ဂျာကို အသင်းကနေ ချက်ခြင်း ထုတ်ပယ်ခဲ့ပါတယ်။ မန်ယူအသင်းဟာ ပြည့်ဝတဲ့ အဖွဲ့အစည်းတစ်ခုဖြစ်ပြီး ဒီလိုအပြုအမူမျိုးကို လုံးဝ သည်းမခံပါဘူး´ ဟု အဆိုပါ ကြေညာချက်တွင် ဖော်ပြထားသည်။

Ref : dailymail

January 15, 2015
ဖုန်းကင်မရာကိုသုံး၍ စာတန်းများ ဘာသာပြန်နိုင်မည့် Google Translate

ဇန်န၀ါရီ ၁၅၊ ၂၀၁၅
M-Media

– ဘာသာအမျိုးမျိုးဖြင့် ရေးသားထားသည့် လမ်းညွှန်များ၊ မီနူးများ၊ ဆိုင်းဘုတ်များအား ကင်မရာနှင့် ရိုက်ရုံဖြင့် ဘာသာပြန်ပေးနိုင်သော Google Translate ဗားရှင်းအသစ်ကို Google က မိတ်ဆက်လိုက်သည်ဟု သိရသည်။

ကယ်လီဖိုးနီးယားအခြေစိုက် အဆိုပါကုမ္ပဏီမှာ ဇန်န၀ါရီ ၁၄ ရက် ယမန်နေ့တွင် ထိုအက်ပလီကေးရှင်းအား ပထမဆုံး မိတ်ဆက်ခဲ့ခြင်းဖြစ်ပြီး အန်ဒရွိုက်ဖုန်းများနှင့် Apple ဖုန်းများတွင် အသုံးပြုနိုင်မည် ဖြစ်သည်။ ထိုအက်ပလီကေးရှင်းကို အသုံးပြု၍ ပြင်သစ်၊ ဂျာမန်၊ အီတာလျံ၊ ပေါ်တူဂီ၊ ရုရှားနှင့် စပိန်ဘာသာစကားတို့ဖြင့် ရေးသားထားသော အမှတ်အသားများ၊ မီနူးများ၊ ဟင်းလျာများနှင့် ရေးသားထားသော စာတန်းများကို ဘာသာပြန် ဖော်ပြပေးနိုင်မည် ဖြစ်သည်။

Google ကမူ ထိုအက်ပလီကေးရှင်းမှာ ကျောင်းဆရာများ၊ ဆေးဘက်ဆိုင်ရာ ၀န်ထမ်းများ၊ ရဲများ၊ ခရီးသွားများနှင့် အခြားသော အခန်းကဏ္ဍများမှ လူများအတွက် အထောက်အကူပြုနိုင်မည်ဟု မျှော်လင့်ထားသည်။

`ဖုန်းကင်မရာကို အသုံးပြုပြီး စာတွေကို ဘာသာပြန်ဖို့ ကျွန်တော်တို့ လုပ်ပေးထားတာပါ။ ဒါ့ကြောင့် အီတလီကျေးလက်ဒေသက လမ်းညွှန်တွေကို ခင်ဗျားတို့ အလွယ်တကူ ဖတ်နိုင်မှာဖြစ်သလို ဘာစီလိုနာရောက်တဲ့အခါ ဘာဟင်း မှာရမလဲဆိုတာကိုလည်း ဆုံးဖြတ်နိုင်မှာပါ´ ဟု Google Translate အဖွဲ့မှ ၎င်းတို့၏ ဘာလော့ဂ်စာမျက်နှာတွင် ရေးသားဖော်ပြခဲ့သည်။

အဆိုပါ အက်ပလီကေးရှင်းကို Word Lens နည်းပညာဖြင့် ဖန်တီးထားခြင်းဖြစ်ပြီး ဖုန်းကင်မရာအား ဗီဒီယို mode သို့ပြောင်းကာ စာတန်းများကို ရိုက်ပြီးနောက် အင်္ဂလိပ်ဘာသာဖြင့် ပြန်လည်ဖော်ပြပေးမည် ဖြစ်သည်။

အဆိုပါ Google Translate အက်ပလီကေးရှင်းအသစ်တွင် ပြောစကားများကို အသံဖမ်းယူကာ ဘာသာပြန်ပေးခြင်းစနစ်လည်း ပါဝင်မည်ဖြစ်ပြီး မတူညီသော ဘာသာစကားများအကြား အပြန်အလှန်ပြောဆိုမှုကို Cloud ကိုအသုံးပြု၍ ဘာသာပြန်မှုကိုလည်း လက်တွေ့ပြသခဲ့သည်။

သို့သော်လည်း ထိုသို့အသုံးပြုနိုင်ရန်အတွက် အင်တာနက်ဆက်သွယ်မှု လိုအပ်မည်ဖြစ်ပြီး လောလောဆယ်တွင် ဘာသာစကားပေါင်း ၃၈ ခု ထည့်သွင်းထားကာ ဘာသာစကားအသစ်များ ထပ်မံထည့်သွင်းရန်လည်း Google က စီစဉ်နေသည်။

Ref: businessinsider

January 15, 2015
အီဘိုလာကူးစက်မှု စံချိန်တင်လျော့ကျ

ဒီဇင်ဘာ ၁၅၊ ၂၀၁၅
M-Media

– ပြီးခဲ့သည့်နှစ် နှစ်ဆန်းပိုင်းက စတင်ဖြစ်ပွားလာခဲ့သည့် အီဘိုလာရောဂါ ကူးစက်ပြန့်ပွားမှုနှုန်းမှာ ယခုသီတင်းပတ်တွင် စံချိန်တင်လျော့ကျခဲ့သည်ဟု ကမ္ဘာ့ကျန်းမာရေးအဖွဲ့ WHO က ပြောကြားလိုက်သည်။

ပြန့်ပွားမှုအများဆုံး ၃ နိုင်ငံဖြစ်သည့် ဆီရာလီယွန်နီ၊ ဂိနီနှင့် လိုက်ဘေးရီးယား နိုင်ငံများတွင် စံချိန်တင် လျော့ကျခဲ့ခြင်းဖြစ်ပြီး ဆီရာလီယွန်နီနှင့် ဂီနီနိုင်ငံများတွင် ၂၀၁၄ ခုနှစ် သြဂုတ်လနောက်ပိုင်း ကူးစက်ပြန့်ပွားမှုနှုန်း အနိမ့်ဆုံးအထိ ကျဆင်းခဲ့ကာ လိုက်ဘေးရီးယားနိုင်ငံတွင်မှု ကူးစက်ပြန့်ပွားမှု လုံးဝ မရှိခဲ့ချေ။

ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်ကမူ အဆိုပါကပ်ရောဂါမှာ ၂၀၁၅ ခုနှစ် နှစ်လည်ပိုင်းတွင် အဆုံးသတ်နိုင်မည်ဟု စောစောပိုင်းက ပြောကြားထားသည်။ သို့သော်လည်း WHO ကမူ မည်သည့်အချိန်တွင် အီဘိုလာကင်းစင်းနိုင်သည်ဆိုသည့် ခန့်မှန်းချက်ပေးရန် ငြင်းဆိုခဲ့သည်။

`အဆိုးဝါးဆုံး ကူးစက်နေတဲ့ နိုင်ငံတွေဖြစ်တဲ့ ဆီရာလီယိုနီ၊ လိုက်ဘေးရီးယားနဲ့ ဂီနီတို့မှာ အီဘိုလာဟာ အမြန်ဆုံး အဆုံး သတ်လိမ့်မယ်လို့ WHO က မျှော်လင့်ပါတယ်။ ဒါပေမယ့် ဘယ်လောက်ကြာရင် အဆုံးသတ်မလဲ ဆိုတာကိုတော့ WHO က မခန့်မှန်းပါဘူး။ ဘာ့ကြောင့်လည်းဆိုတော့ လူ့အဖွဲ့အစည်းတိုင်းက ရရှိနိုင်မယ့် ဆေးဘက်ဆိုင်ရာ အသုံးအဆောင်တွေ အပေါ် မူတည်တာကြောင့်ပါပဲ´ ဟု WHO မှ ပြောရေးဆိုခွင့်ရှိသူ ၀င်နီ ရိုမဲရီလ်က ပြောကြားခဲ့သည်။

အီဘိုလာရောဂါပိုးကြောင့် ကမ္ဘာတစ်ဝှမ်း သေဆုံးခဲ့သူများမှာ လက်ရှိအချိန်တွင် ၈၄၂၉ ဦး ရှိနေပြီး ကူးစက်မှုမှာ ၂၁၂၉၆ ခု ရှိပြီဖြစ်သည်။

ဆီရာလီယိုနီသမ္မတ အားန်နက်စ် ဘိုင် ကိုရိုမာကမူ WHO ၏ သတ်မှတ်ချက်အရ မိမိတို့နိုင်ငံအနေဖြင့် လာမည့်မေလအတွင်း အီဘိုလာကင်းစင်နယ်မြေ ဖြစ်လာ မည်ဟု ခန့်မှန်းထားကြောင်း ယခုသီတင်းပတ်အတွင်း ပြောကြားထားသည်။

နိုင်ငံတစ်နိုင်ငံအနေဖြင့် အီဘိုလာကင်းစင်သည့် နယ်မြေအဖြစ် သတ်မှတ်လိုပါက ၄၂ ရက်ဆက်တိုက် ကူးစက်မှုအသစ် မရှိရဟု WHO က သတ်မှတ်ထားသည်။

Ref : aljazeera

January 15, 2015
မိမိသားမှာ မက်ဆီ၏ ပရိတ်သတ်ဟု ရော်နယ်ဒိုပြောကြား

ဇန်န၀ါရီ ၁၅၊ ၂၀၁၅
M-Media

– မိမိမှာ ကမ္ဘာ့အကောင်းဆုံး ဘောလုံးသမားဆုကို ရရှိခဲ့သော်လည်း သားဖြစ်သူ ခရစ် ဂျူနီယာမှာ ဘာကာတိုက်စစ်မှူး မက်ဆီ၏ ပရိတ်သတ်ဖြစ်နေသည်ဟု ရီးယဲလ်တိုက်စစ်မှူး ရော်နယ်ဒိုက ပြောကြားလိုက်သည်။

ရော်နယ်ဒိုမှာ ဇန်န၀ါရီ ၁၂ ရက်နေ့က မက်ဆီအားကျော်ဖြတ်ကာ တတိယမြောက် ကမ္ဘာ့အကောင်းဆုံး ဘောလုံးသမားဆု Ballon D’Or ကို ဆွတ်ခူးရှိခဲ့သည်။ ဇူးရစ်ခ်ျ၌ ပြုလုပ်ခဲ့သည့် အဆိုပါ ဆုပေးပွဲအခမ်းအနားတွင် ရော်နယ်ဒိုနှင့် မက်ဆီတို့မှာ စကားဖောင်ဖွဲ့ခဲ့ကြပြီး ခရစ်ဂျူနီယာက မက်ဆီအားမြင်သောအခါ အပြေးအလွှားသွားရောက်၍ နှုတ်ဆက်ခဲ့သည်။

`ကျွန်တော်တို့ ၂ ယောက်စလုံးရဲ့ဗီဒီယိုကို သူက အင်တာနက်ပေါ်မှာ ကြည့်ပါတယ်။ ပြီးတော့ သူက ခင်ဗျားအကြောင်းပဲပြောတယ်´ ဟု ရော်နယ်ဒိုက မက်ဆီအား ပြောကြားခဲ့သည်။

ထို့နောက် မက်ဆီက ခရစ်ဂျူနီယာလေးအား ကလူကျီစယ်ခဲ့ပြီး ဘယ်လိုနေသလဲဟု မေးမြန်းခဲ့ရာ ခရစ်က `ဦးလေး အခု ရှက်ကိုးရှက်ကန်း ဖြစ်နေတယ်မဟုတ်လား´ ဟု ပြန်လည်ဖြေကြားခဲ့သောကြောင့် ရော်နယ်ဒိုနှင့် မက်ဆီတို့နှစ်ဦးစလုံး ရယ်မောခဲ့ကြသည်။

မက်ဆီမှာ ကမ္ဘာ့အကောင်းဆုံး ဘောလုံးသမားဆုကို ၂၀၀၈ ခုနှစ်မှစ၍ လေးနှစ်ဆက်တိုက် ရရှိခဲ့သူဖြစ်သည်။

Ref:alarabiya

January 15, 2015
Charlie Hebdo မဂ္ဂဇင်း အသစ်ရှိ တမန်တော်အား လှောင်ပြောင်သည့် ကာတွန်း အတွက် မွတ်စလင်ပညာရှင်များ ရှုတ်ချ

ဇန်န၀ါရီ ၁၄၊ ၂၀၁၅
M-Media

– ပဲရစ်ရှိ မဂ္ဂဇင်းတိုက်တွင် တိုက်ခိုက်မှု ဖြစ်ပွားပြီးနောက် ထုတ်ဝေခဲ့သည့် Charlie Hebdo မဂ္ဂဇင်း မျက်နှာဖုံးတွင် တမန်တော် မိုဟာမက်၏ ကာတွန်းပုံအား ထပ်မံထည့်သွင်းထားခြင်းနှင့် ပတ်သက်၍ အစ္စလာမ်ဘာသာရေးခေါင်းဆောင်များက ဝေဖန်ပြစ်တင် ခဲ့ကြသည်။

`Charlie Hebdo အနေနဲ့ မဂ္ဂဇင်းထုတ်ဝေခွင့်ရှိသလိုမျိုး ကျွန်တော်တို့ဘာသာတရားရဲ့ ဥသျှောင်နဲ့ပတ်သက်ပြီး အဖျက်သဘောပါတဲ့ ဖော်ပြချက်အတွက် ငြိမ်းချမ်းစွာ တုံ့ပြန်ဖို့ ကျွန်တော်တို့မှာလည်း အခွင့်အရေးရှိပါတယ်။ (အဲဒီလုပ်ရပ်ကို) မကြိုက်ဘူးလို့ ပြောတာမျိုးဟာ အကြမ်းဖက် တိုက်ခိုက်တာမျိုးတော့ မဖြစ်သင့်ပါဘူး။ ဒါပေမယ့် သည်းခံစိတ်ရှိဖို့နဲ့ အပြန်အလှန်နားလည်မှု တိုးမြင့်စေဖို့ဆိုတဲ့ စကားတွေကိုတော့ အများကြီး ပြောရပါမယ်´ ဟု အမေရိကန်-အစ္စလာမ် ဆက်ဆံရေးကောင်စီ CAIR မှ နိုင်လုံးဆိုင်ရာ အမှုဆောင်ဒါရိုက်တာ နီဟတ် အ၀ဒ်က ပြောကြားခဲ့သည်။

ယနေ့တွင် ထုတ်ဝေခဲ့သော Charlie Hebdo မဂ္ဂဇင်းကာဗာတွင် တမန်တော်မိုဟာမက်၏ ပါးမှ မျက်ရည်ကျနေကာ `Je suis Charled´ ဟုသော စာတမ်းအား ကိုင်ဆောင်ထားပုံ ကာတွန်းကို ရေးဆွဲထားသည်။ ထို့ပြင် ခေါင်းစဉ်ကိုလည်း `All Is Forgiven´ (အားလုံးခွင့်လွတ်လိုက်ပြီ) ဟု အမည်ပေးထားသည်။

အ၀ဒ်ကမူ အစ္စလာမ်သာသနာမှာ လွတ်လပ်စွာပြောဆိုခွင့်ကို ကာကွယ်ပေးထားပြီး အမြင်မတူသည့် အချိန်ကာလမျိုးတွင်ပင် အခြားသူများ၏ ၀င်ရောက်ပြောကြားမှုကို အလေးထားကြောင်း ပြောကြားခဲ့သည်။ သို့သော်လည်း ပုဂ္ဂိုလ်ရေးအရ
တိုက်ခိုက်စော်ကားမှုများကိုမူ ခွင့်ပြုထားခြင်းမရှိဟု ဆိုသည်။

အခြားသော မွတ်စလင်ခေါင်းဆောင်များကလည်း ထိုမဂ္ဂဇင်း၏ ကာဗာအတွက် ဝေဖန်ခဲ့ကြသည်။

`ဒါမျိုးဖော်ပြချက် ထည့်သွင်းလာတဲ့အတွက် အကျိုးဆက် အနည်းငယ်တော့ ရှိမှာပါ။ ဘာ့ကြောင့်လည်းဆိုတော့ ဒါဟာ စော်ကားတဲ့ပုံစံမျိုးနဲ့ တမင်တကာ လှုံ့ဆော်ပေးတဲ့ ပုံစံမျိုး ဖြစ်နေတာကြောင့်ပါ´ ဟု မီချီဂန် CAIR အဖွဲ့မှ အမှုဆောင်ဒါရိုက်တာ ဒါဝူးလ်ဝါလစ်ဒ်က CNN သတင်းဌာနသို့ ပြောကြားခဲ့သည်။

ဆိုရှယ်စာမျက်နှာများတွင် မွတ်စလင်များက Charlie Hebdo မဂ္ဂဇင်း၏ ထိုဖော်ပြချက်ကို ဝေဖန်ခဲ့ကြပြီး ညီညွတ်ခြင်း သတင်းစကားကို ဖြန့်ဖြူးခြင်း ဆိုသည့် ပြောစကားနှင့် ဆန့်ကျင်နေသည်ဟု ပြောကြားခဲ့သည်။

`ငြိမ်းချမ်းစွာနေကြတဲ့ သန်း ၁၆၀၀ သောလူတွေကို ပုဂ္ဂိုလ်ရေး အရစော်ကားပြီး ဘယ်လိုများ ပျော်ရွှင်နိုင်ကြသလဲ ဆိုတာ စဉ်းစားလို့ကို မရပါဘူး။ သန်း ၁၆၀၀ ရှိတဲ့ မွတ်စလင်တွေက ရာဇ၀တ်မှုတစ်ခုကို ညီညီညွတ်ညွတ် ဆန့်ကျင်ခဲ့ကြပါတယ်။ ဒါပေမယ့် ခင်ဗျားတို့ (Charlie Hebdo) ကတော့ မွတ်စလင်တွေ ဒီလိုဆန့်ကျင်ပြီး (တမန်တော်၏ ရုပ်ပြောင်ကာတွန်းလို) လှောင်ပြောင်သရော်မှုကို လက်ခံရမယ်လို့ ပြောနေသလိုပါပဲ။ ဒါမျိုးကတော့ No ပါ´ ဟု @Libyaliberty အမည်ဖြင့် Twitter အကောင့် ပိုင်ရှင်က ရေးသားဖော်ပြခဲ့သည်။

အမေရိကန်မှ ကျော်ကြားသည့် အစ္စလာမ့် ဓမ္မပညာရှင် ယာစီရ် ကွာဒ်ဟီကလည်း မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ) နှင့် ပတ်သက်၍ မည်သည့် ကာတွန်းမျိုး ရေးခြင်းကို မဆို မကြိုက်ကြောင်း၊ မိမိအနေဖြင့် လွတ်လပ်စွာ ပြောဆိုဖော်ပြခွင့်ကို လေးစားသော်လည်း အနောက်နိုင်ငံ လူ့အဖွဲ့အစည်းနှင့် Hebdo မဂ္ဂဇင်း တို့ကမူ ထိုအခွင့်အရေးကို စံနှစ်မျိုးသတ်မှတ်ကာ ပြောင်လှောင် သရော်မှုအတွက် အသုံးချနေကြောင်း ပြောကြားခဲ့သည်။

`ကာတွန်းဆရာတွေ သေသွားတာကို လှောင်ပြောင်တဲ့ ကာတွန်းမျိုး၊ သူတို့ရဲ့ လုပ်ရပ်နဲ့ ကြိုးစားအားထုတ်မှုတွေကို သရော်တဲ့ ကာတွန်းမျိုး သူတို့ ဆွဲဖူးကြလား´ (သူတို့ကို လှောင်ပြောင်တာ သူတို့ မကြိုက်ကြဘူး) ဟု ကွာဒ်ဟီ က ပြောကြားခဲ့သည်။

ပြင်သစ် မွတ်စလင်ကောင်စီနှင့် ပြင်သစ်အစ္စလာမ် အသင်းအဖွဲ့များ သမဂ္ဂတို့ကမူ ယမန်နေ့က ကြေညာချက်တစ်စောင် ထုတ်ပြန်ခဲ့ပြီး ထိုကြေညာချက်တွင် ပြင်သစ်မွတ်စလင်များ အနေဖြင့် တည်ငြိမ်စွာနေကြရန်နှင့် စိတ်ခံစားမှုကို ရှေ့တန်းမတင်ကြရန် တိုက်တွန်းခဲ့သည်။

Ref : Onislam

January 14, 2015