စက်တင်ဘာ ၂၈၊ ၂၀၁၉
M-Media
-ကက်ရ်ှမီးယားက အိန္ဒိယရဲ့ လုပ်ဆောင်မှုတွေဟာ ‘သွေးချောင်းစီးတဲ့အထိ’ ဖြစ်လာနိုင်တယ်လို့ ပါကစ္စတန်ဝန်ကြီးချုပ် အင်မရန်းခန်းက ကုလ အထွေထွေညီလာခံမှာ သတိပေးလိုက်ပြီး အိန္ဒိယ ၀န်ကြီးချုပ်မိုဒီကတော့ မိန့်ခွန်းမှာ ဒီကိစ္စကို ထည့်သွင်းပြောကြားခြင်း မရှိပါဘူး။
အိန္ဒိယဟာ သူတို့ထိန်းချုပ်ထားတဲ့ ကက်ရ်ှမီးယားဒေသရဲ့ ကိုယ်ပိုင်အုပ်ချုပ်ခွင့် ပြဌာန်းထားမှုကို ပြီးခဲ့တဲ့ ၂ လအရင်က ရုပ်သိမ်းခဲ့ပြီး ညမထွက်ရအမိန့် ထုတ်ပြန်မှု၊ အင်တာနက် ဖြတ်တောက်မှုအပါအ၀င် အခြား ကန့်သတ်ထိန်းချုပ်မှုတွေ ပြုလုပ်ခဲ့ပါတယ်။
ဒီကိစ္စနဲ့ပတ်သက်လို့ ပါကစ္စတန်ဖက်က ပြင်းပြင်းထန်ထန် ဝေဖန်မှုတွေ ပြုလုပ်ခဲ့ပြီး မနေ့က ကုလမိန့်ခွန်းမှာလည်း အင်မရန်းခန်းက နျူလက်နက်ပိုင်ဆိုင်ထားတဲ့ အိန္ဒိယနဲ့ ပါကစ္စတန်တို့အကြား ထိန်းလို့မရတဲ့ ပဋိပက္ခဖြစ်လာရင် အခြားနိုင်ငံတွေကိုပါ ပြန့်နှံ့လာလိမ့်မယ်လို့ ဆိုပါတယ်။
“အဲဒီမှာ (ကက်ရ်ှမီးယားမှာ) စစ်သား ၉ သိန်းချထားတယ်။ မစ္စတာမိုဒီကတော့ ကက်ရ်ှမီးယားသာယာဝပြောရေးအတွက်လို့ ပြောတယ်။ အဲဒီ လူ ၉ သိန်းက ဘာတွေလုပ်မှာလဲ။ သူတို့သာ ထွက်လာရင် သွေးချောင်းစီးသွားလိမ့်မယ်”
ကက်ရ်ှမီးယားဒေသကို ပိုင်ဆိုင်ရေးအတွက် အိန္ဒိယနဲ့ ပါကစ္စတန်တို့ဟာ ၂ ကြိမ်တိုင်တိုင် စစ်ပွဲဖြစ်ပွားခဲ့ပြီး နယ်စပ်မှာလည်း မကြာခဏ တင်းမာမှုတွေ ဖြစ်ပွားလေ့ရှိပါတယ်။
အိန္ဒိယကထိန်းချုပ်ထားတဲ့ ကက်ရ်ှမီးယားဒေသမှာ ၁၉၈၉ ခုနှစ်ကစလို့ လက်နက်ကိုင် ပုန်ကန်မှု ဖြစ်ပွားခဲ့ပြီး၊ ပါကစ္စတန်က ဒီလက်နက်ကိုင်တွေကို ထောက်ပံ့နေတယ်လို့ အိန္ဒိယက စွပ်စွဲထားပါတယ်။
ကက်ရ်ှမီးယားဒေသမှာ အိန္ဒိယရဲ့ ဆောင်ရွက်မှုတွေဟာ စစ်ပွဲဖြစ်ပွားမယ့်အန္တရာယ် ရှိနေပြီး ကန့်သတ်ထိန်းချုပ်ထားမှုတွေကို ရုပ်သိမ်းရေး ဆောင်ရွက်ပေးဖို့လည်း ကုလကို တိုက်တွန်းခဲ့ပါတယ်။
အင်မရန်းခန်းမတိုင်ခင် အိန္ဒိယ၀န်ကြီးချုပ် မိုဒီရဲ့ မိန့်ခွန်းမှာတော့ ကက်ရ်ှမီးယားဒေသအကြောင်း ထည့်သွင်းပြောဆိုခြင်းမရှိဘဲ အကြမ်းဖက်ဝါဒကိုသာ ရှုတ်ချသွားခဲ့ပါတယ်။
Ref: Aljazeera
