နိုဝင်ဘာ ၁၁၊ ၂၀၁၈
M-Media
– လွန်ခဲ့တဲ့ နှစ် ၄၀ ကျော် စစ်အာဏာရှင်စနစ် စတင်ခဲ့စဉ်က ပြည်သူတွေ သတ်ဖြတ်ခံရမှုမှာ ပါဝင်တဲ့အတွက် စစ်တပ်အကြီးအကဲဟောင်း ဂျူအန် အီမီလီယို ချီရီကို ချီလီတရားရုံးက သောကြာနေ့မှာ နေအိမ်အကျယ်ချုပ်ပြစ်ဒဏ် ချမှတ်ခဲ့ပါတယ်။
ဒီမိုကရေစီနည်းနဲ့ တက်လာတဲ့ သမ္မတ ဆာလ်ဗာဒို အာလန်ဒီကို ၁၉၇၃ ခုနှစ်မှာ သြဂတ်စတို ပီနိုချက်ရဲ့စစ်တပ်က ဖြုတ်ချ အာဏာသိမ်းမှုနောက်ပိုင်း လအနည်းအငယ်အတွင်း ချီလီမှာ လက်ဝဲသမားတွေကို ပစ်မှတ်ထားသတ်ဖြတ်ခဲ့တဲ့ နာမည်ကျော် အစုလိုက်အပြုံလိုက် သတ်ဖြတ်မှု “Caravan of Death” ကြီး ဖြစ်ပွားခဲ့ပါတယ်။
သတ်ဖြတ်မှုမှာ ချီရီတစ်ယောက် ကိုယ်တိုင်ကိုယ်ကျ မပါဝင်ခဲ့ပေမယ့် လူ ၁၅ ဦးအသတ်ခံရတဲ့ နိုင်ငံမြောက်ပိုင်း လာဆီရီနာမြို့က တပ်ရင်းမှာ အမှုထမ်းပြီး သတ်ဖြတ်မှုကို ဖုံးကွယ်ခဲ့တယ်ဆိုတဲ့စွဲချက်နဲ့ နေအိမ်အကျယ်ချုပ် ၃ နှစ်နဲ့ ၁ ရက် ချမှတ်ခဲ့ပါတယ်။
လက်ရှိ အသက် ၇၁ နှစ်အရွယ်ရှိပြီဖြစ်တဲ့ ချီရီဟာ ၂၀၀၂ ခုနှစ်ကနေ ၂၀၀၆ ခုနှစ်အထိ ချီလီစစ်တပ်အကြီးအကဲအဖြစ် တာဝန်ထမ်းဆောင်ခဲ့ပြီး အာဏာရှင်လက်ထက်မှာ ဖြစ်ခဲ့တဲ့ သတ်ဖြတ်မှု၊ ဖိနှိပ်မှုတွေအတွက် စစ်တပ်ကို ခွင့်လွှတ်ပေးဖို့ ပြည်သူလူထုကို မေတ္တာရပ်ခံခဲ့တဲ့ စစ်ခေါင်းဆောင်တွေထဲက တစ်ဦးလည်း ဖြစ်ပါတယ်။
လာဆီရီနာမြို့တပ်ရင်းကို ကွပ်ကဲတဲ့ တပ်မှူးဟောင်း အရီယိုစတို လာပိုစတိုလည်း လူအမြောက်အများ သတ်ဖြတ်မှုအတွက် တနင်္လာနေ့မှာ ထောင်ဒဏ် ၁၅ နှစ် ချမှတ်ခံခဲ့ရပါတယ်။ ချီရီဟာ စုံစမ်းစစ်ဆေးမှုမှာ ပူးပေါင်းပါဝင်တဲ့အတွက် ပြစ်ဒဏ်လျော့သွားတာ ဖြစ်ပါတယ်။
အာဏာရှင် ပီနိုချက်ရဲ့ ၁၇ နှစ်တာ အုပ်စိုးမှုအတွင်း လူပေါင်း ၃၂၀၀ လောက် အသတ်ခံခဲ့ရပြီး၊ ၂၈၀၀၀ လောက် ညှင်းပမ်းနှိပ်စက် ခံခဲ့ရပါတယ်။ ချီလီစစ်တပ်ဟာ ဒီကိစ္စနဲ့ပတ်သက်တဲ့ အချက်အလက်တွေ၊ အထူးသဖြင့် ထိခိုက်ခံစားရသူတွေ နေထိုင်ရာနေရာနဲ့ ဆစ်စပ်တဲ့ အချက်အလက်တွေကို ထုတ်မပေးဘူးလို့ နှစ်ပေါင်းများစွာ စွပ်စွဲခံခဲ့ရပါတယ်။
ဒီစွပ်စွဲချက်တွေ မဟုတ်ဘူးလို့ ပထမပိုင်းမှာ ချီလီစစ်တပ်က ငြင်းဆန်ခဲ့ပေမယ့် နောက်ပိုင်းမှာ အထောက်အထားတွေ ဖျက်ဆီးပစ်ခဲ့တယ်လို့ ၀န်ခံခဲ့ပါတယ်။
အာဏာရှင်လက်ထက်က ပြည်သူလူထုကို ဖိနှိပ်၊ ချုပ်ချယ်၊ သတ်ဖြတ်မှုမှာ ပါဝင်ခဲ့တဲ့ ထောက်လှမ်းရေးအေးဂျင့်၊ စစ်သားတွေနဲ့ ပူးပေါင်းကြံစည်သူ တစ်ထောင်ကျော်ကို ချီလီက အပြစ်ပေးထားပြီး ဖြစ်ပါတယ်။
Ref: Aljazeera
