ဇူလိုင် ၁၇၊ ၂၀၂၃
M-Media
ကျေးရွာကာကွယ်ရေး ကတုတ်ကျင်းတွင် တွေ့ရသည့် ကူကီးလက်နက်ကိုင်များ 
မြို့တော်အင်ဖာတွင် ကားတစ်စီးတွင် ကူကီးလူမျိုးများ ပါလာခြင်း ရှိ၊ မရှိ ကသည်းအမျိုးသမီးကင်းအဖွဲ့က စစ်ဆေးနေစဥ် 
ဖျက်ဆီးခံထားရသည့် ကူကီးရွာတစ်ရွာ 
လူမျိုးရေးအဓိကရုဏ်းတွင် ခင်ပွန်းဖြစ်သူကို ဆုံးရှုံးခဲ့သည့် ကူကီးအမျိုးသမီး 
ကူကီးလက်နက်ကိုင်များ၏ လက်ချက်ကြောင့် သေဆုံးသွားသည့် ခင်ပွန်းမြေပုံကို ကြည့်ရှုနေသည့် ကတည်းအမျိုးသမီးတစ်ဦး 
ကူကီးရွာတစ်ခုရှိ စစ်ဆေးရးဂိတ် 
ကသည်းရွာတွင် တွေ့ရသည့် အိန္ဒိယ် ရဲတပ်ဖွဲ့၀င်များ 
အင်ဖာမြို့ရှိ ကယ်ဆယ်ရေးစခန်းမှ ကသည်းလူမျိုးများ 
ကသည်းနှင့် ကူကီးတို့၏ တင်းမာမှု့အကြား မှားယွင်းတိုက်ခိုက်မှုမရှိစေရန် အိမ်ရှေ့တွင် လူမျိုးအမည် ရေးထားသည့် ဘင်္ဂါလီမိသားစု နေအိမ် 
တိုက်ခိုက်မှုအတွင်း ဖျက်ဆီးခံထားရသည့် မြင်ကွင်း 
အင်ဖာရှိ စျေးဆိုင်တစ်ခုတွင် ၀န်ကြီးချုပ်မိုဒီ ပျောက်ဆုံးနေကြောင်း လှောင်ပြောင်သည့်ကြော်ငြာ ကပ်ထားမှု 
လက်နက်ကိုင် ကသည်းတပ်ဖွဲ့များ 
အဓိကရုဏ်းအတွင်း ရဲတပ်ဖွဲ့ထံမှ လုသွားသည့် လက်နက်များကို ပြန်အပ်ရန် ကြော်ငြာ 
လက်နက်ကိုင် ကူကီးတပ်ဖွဲ့များ 
ကူကီးလူမျိုးများ ဆန္ဒပြနေစဥ်
-အိန္ဒိယနိုင်ငံ အရှေ့မြောက်ပိုင်း မဏိပူရပြည်နယ်မှာ မေလအတွင်းက စတင်ခဲ့တဲ့ လူမျိုးရေးအဓိကရုဏ်းဟာ အခုအချိန်မှာတော့ လူမျိုးစုနှစ်ဖက် လက်နက်ကိုင် တိုက်ခိုက်တဲ့အဆင့်ကို ရောက်လာခဲ့ပါတယ်။
လူများစု ဟိန္ဒူဘာသာ၀င်တွေဖြစ်တဲ့ ကသည်းလူမျိုးတွေက ပြည်နယ်အတွင်း ခရစ်ယာန်ဘာသာ၀င် တိုင်းရင်းသားလူနည်းစုတွေ ရရှိထားတဲ့ အထူးအခွင့်အရေးတွေကို ထပ်တောင်းရာကနေတစ်ဆင့် လူမျိုးရေး တင်းမာမှုတွေ စတင်ခဲ့တာဖြစ်ပါတယ်။
ကသည်းတွေဟာ ပြည်နယ်က မြေပြန့်ဒေသတွေမှာ နေထိုင်ပြီး ကူကီးလို လူမျိုးစုတွေက တောင်ပေါ်ဒေသတွေမှာ နေထိုင်ပါတယ်။
မိမိတို့နယ်မြေတွေ၊ ယဥ်ကျေးမှုအမှတ်သညာတွေ ပျောက်ဆုံးသွားနိုင်တဲ့ ကသည်းတို့ရဲ့ တောင်းဆိုမှုကို ကူကီးတွေက အပြင်းအထန် ဆန္ဒပြကန့်ကွက်ခဲ့ကြတာပါ။ ကသည်းတွေကလည်း တန်ပြန်ဆန္ဒပြမှုတွေ ပြုလုပ်ခဲ့ပြီး မေလမှာတော့ သတ်ဖြတ်မှု၊ မီးရှို့မှုတွေအထိ ဦးတည်ခဲ့ပါတယ်။
လက်ရှိအချိန်မှာ ကသည်းတွေ နေထိုင်တဲ့ နေရာနဲ့ ကူကီးလူမျိုးတွေနေထိုင်တဲ့နေရာ သီးခြားစီဖြစ်သွားခဲ့ပြီး လက်နက်တွေကိုင်ကာ တစ်ဖက်နဲ့တစ်ဖက် အလစ်အငိုက် တိုက်ခိုက် သတ်ဖြတ်မှုတွေ ခပ်စိပ်စိပ် ဖြစ်ပွားနေပါတယ်။
တစ်ချို့တိုက်ခိုက်မှုတွေဟာ စစ်တပ်နဲ့ ရဲတပ်ဖွဲ့၀င်တွေရဲ့ အရှေ့မှာတင် ဖြစ်ပွားနေတာ ဖြစ်ပါတယ်။
ပဋိပက္ခ စဖြစ်ကတည်းက သေဆုံးသူ အနည်းဆုံး ၁၂၀ လောက် ရှိလာပြီလို့ အိန္ဒိယအစိုးရက ထုတ်ပြန်ပါတယ်။ ဒါပေမယ့် မြေပြင်မှာ ဒီထက်ပိုမို များပြားနိုင်တယ်လို့ လေ့လာစောင့်ကြည့်သူတွေက ပြောပါတယ်။
နေအိမ်အဆောက်အဦးတွေ၊ ခရစ်ယာန်ဘုရားကျောင်းတွေ၊ ဟိန္ဒူဘုရားကျောင်းတွေလည်း အများအပြား ဖျက်ဆီးခံထားရပါတယ်။
နိုင်ငံရေးသုတေသီတွေကတော့ အိန္ဒိယဟာ လွတ်လပ်ရေးရပြီးနောက်ပိုင်း ပြည်တွင်းစစ်ဖြစ်နိုင်တဲ့အခြေအနေကို ပထမဆုံး ကြုံတွေ့နေရပြီလို့ သတိပေးထားပါတယ်။
Ref: Aljazeera
