သြဂုတ် ၂၆၊ ၂၀၁၉
M-Media
-တာလီဘန် တိုက်ခိုက်ရေးသမားတွေဟာ အမုန်းတရားတွေ၊ ၁၀ ပေါင်တူတွေနဲ့ ရောက်လာခဲ့ကြတာပါ။ သူတို့ လုပ်ခဲ့ထားခဲ့တာတွေကို နောက်ထပ် ၁၈ နှစ်အကြာာ အာဖဂန်အမျိုးသားပြတိုက်က စားပွဲပေါ်မှာ တွေ့မြင်နေရပါတယ်။ အစ္စလာမ်နဲ့ ဆန့်ကျင်တယ်လို့ သတ်မှတ်ကာ ဖျက်ဆီးထုချေခဲ့ကြတဲ့ ဗုဒ္ဓရုပ်ပွားတော်တွေရဲ့ အစိတ်အပိုင်းတွေ ဖြစ်ပါတယ်။
ကဘူးလ်မြို့က ပြတိုက်ဝန်ထမ်းတွေဟာ တစ်စစီဖြစ်နေတာတွေကို ပြန်ဆက်ဖို့ ကြိုးစားနေကြပါတယ်။ မတည်ငြိမ်တဲ့ အာဖဂန်ကတော့ တာလီဘန်နဲ့ အမေရိကန်တို့အကြား သဘောတူညီချက်တစ်ခုရပြီး အမေရိကန်ရဲ့ သက်တမ်းအရှည်ဆုံး စစ်ပွဲကို အဆုံးသတ်ဖို့ စောင့်ဆိုင်းနေရတုန်းပါ။ ဒီသဘောတူညီချက်ကြောင့် အာဖဂန်ပြည်တွင်း တွေ့ဆုံပွဲတွေဖြစ်လာပြီး နိုင်ငံရဲ့ အနာဂတ်ကို ပုံဖော်ရာမှာ အစွန်းရောက်အဖွဲ့က တစ်စိတ်တစ်ပိုင်း ပါဝင်လာမယ့် အနေအထားကို ဦးတည်နေပါတယ်။
တာလီဘန် ဖျက်ဆီးခဲ့သည်များကို ထိန်းသိမ်းနေမှု
သပ်သပ်ရပ်ရပ်စီထားပြီး ‘နားရွက်’ ခေါင်း နဖူး မျက်လုံး စသဖြင့် စာတမ်းတွေ ကပ်ထားတဲ့ အပိုင်းအစတွေကို ၀န်ထမ်းတွေက လက်အိတ်ဝတ်ထားတဲ့ လက်တွေနဲ့ ကောက်ယူ ပုံဖော်နေပါတယ်။ အာဖဂန်ရဲ့ အနာဂတ်ကတော့ မသေချာ မရေရာပါ။
ပြီးခဲ့တဲ့တစ်နှစ်အတွင်း ပြုလုပ်ခဲ့တဲ့ အမေရိကန်-တာလီ တွေ့ဆုံဆွေးနွေးမှုက အသေးစိတ် အချက်အလက်အနည်းသာ ထွက်ပေါ်ထားပြီး မြို့တော် ကဘူးလ်ကို တာလီဘန်တွေက ဘယ်လို ပြန်ပြောင်းမလဲဆိုတာနဲ့ပတ်သက်လို့ ဘယ်သူမှ မသိကြပါဘူး။ အာဖဂန်မှာ တိုက်ခိုက်မှုတွေဟာ နေ့တိုင်းလိုလို ဖြစ်ပွားနေပြီး တိုင်းပြည်ရဲ့ တစ်ဝက်လောက်ကို အုပ်စိုးထားတဲ့ တာလီဘန်တွေသာမကဘဲ၊ IS ကို သစ္စာခံတဲ့ ရက်စက်ကြမ်းကြုတ်တဲ့အဖွဲ့တွေကပါ ဒီတိုက်ခိုက်မှုတွေကို ပြုလုပ်နေတာ ဖြစ်ပါတယ်။
တာလီဘန်တို့ရဲ့ ၅ နှစ်တာအုပ်စိုးမှုအတွင်း ပြင်းထန်တဲ့ အစ္စလာမ့်ဥပဒေဆိုတာကို ပြဌာန်းခဲ့ပြီး အမျိုးသမီးတွေ ပညာသင်ခွင့်ကိုပိတ်တာ၊ ဂီတကို ပိတ်ပင်တာ၊ အမျိုးသမီးတွေကို အိမ်တွင်းအောင်းခိုင်းတာ စတာတွေကို လုပ်ဆောင်ခဲ့ပါတယ်။ ၂၀၀၁ ခုနှစ် စက်တင်ဘာ တိုက်ခိုက်မှုနောက်ပိုင်း အမေရိကန် ဦးဆောင်ပြီး အာဖဂန်ကိုဝင်ရောက်တိုက်ခိုက်မှုကြောင့် တာလီဘန်တွေရဲ့အုပ်ချုပ်မှုဟာ အဆုံးသတ်သွားပါတယ်။ တာလီဘန်တွေဟာ အလ်ကိုင်းဒါးခေါင်းဆောင် အိုစမာ ဘင်လာဒင်ကို ခိုလှုံခွင့်ပေးထားတာ ဖြစ်ပါတယ်။
၂၀၀၁ ခုနှစ်က အမျိုးသားပြတိုက်ကို တာလီဘန်တွေ ရောက်လာမှုကို ရှီရာဇွတ်ဒင်း ဆိုင်ဖီတစ်ယောက် မှတ်မိနေပါသေးတယ်။ ၂၀၀၁ ခုနှစ်ဟာ တာလီဘန်တွေ အာဖဂန် ယဉ်ကျေးမှုကို ဖျက်ဆီးတဲ့ ခုနှစ်ဖြစ်ပြီး ဘာမယန်ပြည်နယ်က ကမ္ဘ္ဘာ့အကြီးဆုံး ရပ်တော်မူ ဗုဒ္ဓရုပ်ပွားတော်ကို ဒိုင်းနမိုက်နဲ့ ဖောက်ခွဲဖျက်ဆီးခဲ့လို့ ကမ္ဘ္ဘာကြီးကပါ တုန်လှုပ်ခဲ့ရပါတယ်။
ဂရိ၊ ပါရှား တရုတ်နဲ့ အခြားယဉ်ကျေးမှုတွေရဲ့ စုံချက်ဖြစ်ပြီး နှစ်ရာချီ သမိုင်းကြောင်းရှိနေတဲ့ အနုပညာလက်ရာပေါင်း များစွာကို တာလီဘန်တွေက ရက်များစွာ ဖျက်ဆီးခဲ့ကြတာပါ။ အစ္စလာမ်မတိုင်ခင် ခေတ်က လက်ရာတွေအပါအ၀င် လူသားပုံရှိတာတွေကို မနှစ်မြို့စရာလို့ မှတ်ယူကာ တူတွေနဲ့ ထူချေတာ၊ ကြမ်းပြင်ပေါ်မှာ ပေါက်ခွဲဖျက်ဆီးတာတွေ ပြုလုပ်ခဲ့ကြပါတယ်။
“ကျွန်တော်တို့ သူတို့ကို မတားဆီးနိုင်ပါဘူး။ သော့တွေကိုဖျက်ပြီး တစ်ခန်းဝင်တစ်ခန်းထွက်နဲ့
ပစ္စည်းတွေအားလုံးကို အစိတ်စိတ်အပိုင်းပိုင်း ထုချေဖျက်ဆီးခဲ့ကြတာပါ။ ၀မ်းနည်းတုန်လှုပ်စရာပါပဲ သူတို့သမိုင်းကို သူတို့ကိုယ်တိုင် ဖျက်ဆီးခဲ့ကြတာပါ” လို့ ပြန်လည်ထိန်းသိမ်းရေးအဖွဲ့မှာ
ပါဝင်နေတဲ့ ဆိုင်ဖီက ပြောကြားခဲ့ပါတယ်။
တာလီဘန် ဖျက်ဆီးခဲ့သည်များကို ထိန်းသိမ်းနေမှု
ရုပ်တုပေါင်း ၂၅၀၀ ကျော်လောက် ဖျက်ဆီးခံခဲ့ရပြီး တစ်ချို့အစိတ်အပိုင်းတွေက အမှုန့်ဖြစ်သွားပါတယ်။ ပြန်လည်ပြုပြင် ထိန်းသိမ်းရေး လုပ်ငန်းဟာ ၁၀ စုနှစ်ချီ ကြာနိုင်တယ်လို့ ဆိုင်ဖီက ပြောပါတယ်။ ဒါပေမယ့် “ဒါတွေကို ပြန်ဆက်ပြီး သူတို့ရဲ့ အဓိပ္ပါယ်ကို ပြန်လည်ရှင်သန်စေမှာ ဖြစ်တဲ့အတွက် ကျွန်တော်တို့အနေနဲ့ တကယ့်ကို ပျော်ရွှင်မိပါတယ်” လို့လည်း ဆိုင်ဖီက ထည့်သွင်းပြောကြားခဲ့ပါတယ်။
ဖျက်ဆီးခံရတဲ့အထဲမှာ Hadda လို့ခေါ်တဲ့ ဗုဒ္ဓဆင်းတုတော်တွေ ပါဝင်ပါတယ်။ အာဖဂန်အရှေ့ပိုင်း လက်ရှိ ဂျလာလာဘတ်လို့ခေါ်တဲ့ မြို့အနားမှာ လွန်ခဲ့တဲ့ ၁၀ စုနှစ်ချီ အရင်က တွေ့ရှိခဲ့တာဖြစ်ပြီး နာမည်ကျော်တဲ့ ဆင်းတုတော်တွေပါ။ အကောင်းအတိုင်းရှိနေတာတွေ၊ တစ်စစီဖြစ်နေတဲ့ ဓာတ်ပုံတွေအရ ဆံတော်အကွေးတွေ၊ နှုတ်ခမ်းတော်တွေဟာ အင်မတန် လက်ရာမြောက်တာကို တွေ့ရပါတယ်။
တာလီဘန်တွေဟာ ဒီရုပ်ပွားတော်တွေကို တစ်စီဖြစ်အောင် ဖြစ်အောင် ထုချေခဲ့တာကြောင့်
တော်တော်များများဟာ လက်သီးဆုပ်အရွယ်၊ ဒင်္ဂါးအရွယ် အစိတ်အပိုင်းတွေအထိ ဖြစ်သွားခဲ့ပါတယ်။ အခုအချိန်မှာတော့ တစ်စစီဖြစ်နေတဲ့ ဦးခေါင်းတွေကို ဆက်ကာ ရာဘာကြိုးတွေနဲ့ စည်းနှောင်ထားပါတယ်။ အရုပ်ဆက်တာမျိုး ဖြစ်နေပြီး တစ်စချင်းစီကို ရက်များစွာ အချိန်ပေးပြီး စိတ်ရှည်ရှည်နဲ့ ဆက်ရတော့မှာပါ။
ဝရုန်းသုန်းကားဖြစ်နေတဲ့ အာဖဂန်နစ္စတန်ကို နှစ်နဲ့ချီ ပြန်လည်ထူထောင်ရေး လုပ်နေရာမှာ Hadda ရုပ်ပွားတ်ေတွေက အာဖဂန်အမျိုးသားပြတိုက်ရဲ့ အထင်ရှားဆုံး ကြိုးပမ်းမှု ဖြစ်ပါတယ်။ ဆိုဗီယက်အဆုတ်မှာ စစ်ဘုရင်တွေ ကဘူးလ်ကို အရသိမ်းဖို့ တိုက်ကျခိုက်ကျတာကြောင့် အာဖန်ဟာ တာလီဘန်လက်ထက် မရောက်ခင်ကတည်းက ယိုယွင်းပျက်ဆီးနေတာ ဖြစ်ပါတယ်။
အမျိုးသားပြတိုက်မှာရှိတဲ့ ထောင်ပေါင်းများစွာသော အနုပညာလက်ရာတွေဟာ လုယက်ခံခဲ့ရသလို အဆောက်အဦးကြီးလည်း ဗုံးကြဲခံခဲ့ရပါတယ်။ အဖိုးမဖြတ်နိုင်တဲ့ အနုပညာလက်ရာ တစ်ချို့ကို ကဘူးလ်က သမ္မတအိမ်တော်နဲ့ အခြားနေရာတွေမှာ ဖွက်ထားခဲ့ရပါတယ်။ အခု Hadda ဗုဒ္ဓရုပ်ပွားတော်တွေကို ပြန်ဆက်နေတဲ့အခန်းလည်း ဖျက်ဆီးခံခဲ့ရပါတယ်။
ပြတိုက် ပြန်လည်တည်ဆောက်မှုကို ၂၀၀၄ ခုနှစ် အစောပိုင်းက စတင်ခဲ့ပါတယ်။ စစ်ပွဲရှုံးနိမ့်သွားတဲ့ တာလီဘန်တွေ တိတ်တဆိတ် လူပြန်စုနေတဲ့ကာလပါ။ ပြီးခဲ့တဲ့ နှစ်တွေအတွင်း အနုပညာလက်ရာ ရာချီကို ပြန်ရခဲ့ပါတယ်။ လက်ရှိမှာတော့ အမျိုးသားပြတိုက်နဲ့ ချီကာဂိုတက္ကသိုလ် အရှေ့တိုင်းဌာနတို့ ပူးပေါင်းကာ ပျောက်ဆုံးနေတဲ့ အနုပညာလက်ရာတွေကို ခြေရာခံ ဖော်ထုတ်နိုင်ဖို့အတွက် ရှိနေတာတွေကို တတ်နိုင်သမျှ ပြည့်စုံအောင် စုစည်းနေကြပြီး နောက်ထပ် ဒီလိုအဖြစ်အပျက်မျိုး ဖြစ်လာခဲ့ရင် မှတ်တမ်းကျန်စေဖို့အတွက် ဒစ်ဂျစ်တယ်နည်းလမ်းနဲ့ မှတ်တမ်းတင်မှုတွေလည်း လုပ်ဆောင်နေပါတယ်။
ကျန်ရှိနေတဲ့ အနုပညာလက်ရာက ၁၃၅၀၀၀ လောက်ရှိပြီး အဲဒီအတွက် ဒေတာဘေ့စ်က ၉၉ ရာခိုင်နှုန်းကျော် ပြီးစီးနေပြီလို့ အရှေ့တိုင်းဌာနက ပြောပါတယ်။ ပျောက်ဆုံးနေတာတွေ အတွက်တော့ ‘အလိုရှိ’ ကြော်ငြာ ဖန်တီးကာ အွန်လိုင်းမှာ လွှင့်တင်ဖို့ ရှိနေပါတယ်။ ဒါမှသာ ဘာတွေပျောက်ဆုံးနေတလဲဆိုတာ သိရှိပြီး ပြန်ရနိုင်လိမ့်မယ်လို့ ဌာနက ဆိုပါတယ်။
အာဖဂန်ရဲ့ ကြွယ်ဝတဲ့ ယဉ်ကျေးမှုအမွေအနှစ်ကို ကျွမ်းကျင်သူတွေကတော့ အမေရိကန်-တာလီဘန် ဆွေးနွေးညှိနှိုင်းမှုမှာ ယဉ်ကျေးမှုလက်ရာတွေ ထိန်းသိမ်းရေးကိစ္စ မပါဝင်တဲ့အတွက် စိတ်ပျက်မိတယ်လို့ ပြောကြားနေကြပါတယ်။ အမေရိကန်တပ်တွေ အာဖဂန်က ထွက်သွားရေးနဲ့ အာဖဂန်ကို ကမ္ဘ္ဘာ့အကြမ်းဖက်တွေ ခြေကုပ်ယူရာနေရာ မဖြစ်ရေးကိုသာ အဓိကထား ဆွေးနွေးနေကြတာပါ။
“ဆွေးနွေးခဲ့ကြတယ်ဆိုရင်လည်း ဒီကိစ္စကို ကျွန်တော်တို့ မသိပါဘူး။ ဒါဟာ ကျွန်တော်တို့ အနီးကပ် စောင့်ကြည့်ရမယ့် ကိစ္စပါ” လို့ ဗာဂျီးနီးယား အခြေစိုက် ယဉ်ကျေးမှု အမွေအနှစ် ပြန်လည်ထိန်းသိမ်းရေးအဖွဲ့ Alliance for the Restoration of Cultural Heritage က ယဉ်ကျေးမှုပညာရှင် အဒမ် တစ်ဖန်က ပြောပါတယ်။ တာလီဘန်နဲ့ တွေ့ဆုံဆွေးနွေးမှုမှာ အမေရိကန်ကိုယ်စားလှယ်အဖြစ် ဆောင်ရွက်နေတဲ့ ဇလ်မေ ခါလီဇဒ်ဟာ ဒီအဖွဲ့ရဲ့ ဒါရိုက်တာအဖြစ် တာဝန်ယူထားသူပါ။
“သမိုင်းကနေ သင်ယူမှုမရှိရင် ကျွန်တော်တို့ အရူးတွေပဲဖြစ်လိမ့်မယ်” လို့ အမျိုးသားပြတိုက်ရဲ့ ဒါရိုက်တာ မိုဟာမက် ဖာဟင် ရာဟီမီက ပြောကြားခဲ့ပါတယ်။
တာလီဘန်တွေ ပြန်လည်တန်ခိုးထွားလာမှာကို ရာဟီမီက အလွန်အမင်း စိုးရိမ်နေပြီး ပြတိုက်မှာရှိနေတဲ့ လက်ရာတွေကို ကာကွယ်နိုင်ရေး အစီအစဉ်တွေကိုလည်း သူက ဆွဲနေပါတယ်။
“ဒါတွေဟာ အစ္စလာမ်နဲ့ မဆန့်ကျင်ဘူးဆိုတာကို သူတို့ နားလည်သဘောပေါက်ဖို့ ကျွန်တော် မျှော်လင့်ပါတယ်။ ဘယ်သူကမှ ဒီရုပ်ထုတွေကို ကိုးကွယ်နေတာ မဟုတ်ပါဘူး။ ကျွန်တော်တို့ရဲ့ သမိုင်းကြောင်းကို ပြသနေတဲ့ အရာတွေအဖြစ်သာ မှတ်ယူကြတာပါ”
တာလီဘန်ရုံးရှိတဲ့ ကာတာနိုင်ငံ ဒိုဟာမြို့က ပြတိုက်ကို သွားရောက်ပြီး အနုပညာ လက်ရာတွေကို ဘယ်လိုထိန်းသိမ်းထားလဲဆိုတာ လေ့လာဖို့လည်း တာလီဘန်တွေကို သူက တိုက်တွန်းခဲ့ပါတယ်။
“ဒီ ၁၈ နှစ်အတွင်းမှာ ကျွန်တော်တို့ အောင်မြင်မှု တော်တော် ရရှိခဲ့ပါတယ်။ သူတို့ အာဏာပြန်ရလာပြီး စိတ်ဓာတ်ကလည်း မပြောင်းဘူးဆိုရင်တော့ နောက်ကြောင်းပြန်ရောက်ပြီး ကျွန်တော်တို့ရဲ့ အောင်မြင်မှုတွေလည်း သွားလိုက်ပါလိမ့်မယ်”
Hadda ရုပ်တုတွေအားလုံး ပျက်ဆီးသွားတာတော့ မဟုတ်ပါဘူး။ တာလီဘန်တွေရဲ့ ဖျက်ဆီးမှုကို ပြန်လည်ဖော်ထုတ်သိမ်းနေတဲ့ နေရာကနေ တစ်ဘလောက်လောက် ဆင်းသွားလိုက်ရင် ၃ ရာစု၊ ၄ ရာစုလောက်က ထုတားတဲ့ ထိုင်တော်မူ ရုပ်ပွားတော်ကြီးကို ဖူးမြင်ရမှာ ဖြစ်ပါတယ်။
“ဆိတ်ငြိမ်စွာ တရားအားထုတ်နေပုံ” ဆိုတဲ့ ဆိုင်းဘုတ်နဲ့ပါ …
Ref: Alarabiya
(Alarabiy သတင်းဌာနပါ Afghans restore art shattered by Taliban as peace deal nears ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်။)
