Tag: Bercelona

ဇန်န၀ါရီ ၂၀၊ ၂၀၁၆
M-Media

– မန်စီးတီး သို့မဟုတ် ပီအက်စ်ဂျီအသင်းသို့ ပြောင်းရွှေ့မည်ဟု သတင်းများထွက်ပေါ်နေမှုကို ဘာစီလိုနာတိုက်စစ်မှူး လီယွန်နယ်မက်ဆီက ငြင်းဆိုလိုက်ပြီး ဘာစီလိုနာအသင်းတွင်သာ ဆက်လက်ကစားသွားမည်ဟု ပြောကြားလိုက်သည်။

မက်ဆီကို ပရီးမီးယားလိဂ်သုို့ခေါ်ယူရန် မန်စီးတီးအသင်းက အသည်းအသန်ကြိုးစားနေသည်ဟု သတင်းများက ဖော်ပြကြပြီး ပြင်သစ်ထိပ်သီး ပီအက်စ်ဂျီကလည်း ခေါ်ယူရန် ကြိုးစားနေသည်ဟု ဆိုသည်။ သို့သော်လည်း မက်ဆီက မိမိမှာ ဥရောပ ဘောလုံးကစားသမားဘ၀ကို ဘာစီလိုနာတွင်သာ အဆုံးသတ်မည်ဖြစ်ပြီး ထို့နောက် အာဂျင်တီးနားသို့ ပြန်ကာ ဘောလုံးလောကမှ အနားယူသွားမည်ဟု ပြောကြားခဲ့သည်။

“ဘာစီလိုနာဟာ ကျွန်တော့်ရဲ့အိမ်ဖြစ်တယ်ဆိုတာ ကျွန်တော် အမြဲ ပြောခဲ့ပါတယ်။ ဘာကာမှာပဲ ကျွန်တော် ကစားသမားဘ၀ကနေ အနားယူချင်ပါတယ်။ ဒါပေမယ့် ဒါဟာ ဥရောပ ဘောလုံးသမားဘ၀ကိုပြောတာပါ။ ဘာစီလိုနာထက် အခြား ဘယ်အသင်းမှာမှ ကစားလို့ရမှာ မဟုတ်ပါဘူး” ဟု မက်ဆီက ပြောကြားခဲ့သည်။

သို့သော်လည်း အာဂျင်တီးနားတွင် ကစားသမားဘ၀ နောက်ဆုံးအချိန်ကို ကုန်ဆုံးသွားချင်သည်ဟု ၎င်းက ဆိုသည်။

“ဒါပေမယ့် အာဂျင်တီးနားမှာတော့ ကျွန်တော် ကစားချင်ပါတယ်။ ဘာ့ကြောင့်လဲဆိုတော့ ကျွန်တော် ငယ်ငယ်ကတည်းက ထွက်လာခဲ့လို့ပါ။ အာဂျင်တီးနားပွဲမှာ ပါဝင်ရတာ ဘယ်လိုဖြစ်မလဲဆိုတာကို ကျွန်တော် သိချင်ပါတယ်။ ဘောလုံးမှာ ဘာမဆိုဖြစ်နိုင်တယ် ဆိုပေမယ့် ကျွန်တာ့်လိုလားချက်ဖြစ်တဲ့ ဘာစီလိုနာမှာဆက်ရှိဖို့အတွက်တော့ သံသယမရှိပါဘူး”

Ref: Goal

ဇန်န၀ါရီ ၁၉၊ ၂၀၁၆
M-Media

– မက်ဆီမှာ မိမိအပေါ် ဘာသာပြန်ဝန်ဆောင်မှုအတွက် အကြွေးတင်နေသည်ဟု ရီးယဲလ်တိုက်စစ်မှူး ခရစ္စတီယာနို ရော်နယ်ဒိုက အရွန်းဖောက်ပြောကြားလိုက်ပြီး မိမိနှင့် မက်ဆီတို့၏ ဆက်ဆံရေးမှာ ပိုမိုကောင်းမွန်လာသည်ဟု ဆိုသည်။

ဘောလုံးလောက၏ ထိပ်ဆုံးနေရာအတွက် ရောနယ်ဒိုနှင့် မက်ဆီတို့မှာ ပြိုင်ဘက်များဖြစ်ခဲ့ပြီး ပြီးခဲ့သည့် ၈ နှစ် ကမ္ဘာ့အကောင်းဆုံး ဘောလုံးသမားဆု Ballon d’Or ကို ၎င်းတို့နှစ်ဦးက တစ်လှည့်စီ ရယူပိုင်ဆိုင်ထားခဲ့သည်။ ရော်နယ်ဒိုကမူ မိမိတို့ ၂ ဦးကြား တင်းမာမှုမှာ အရည်ပျော်ကျခဲ့ပြီဟု ဆိုသည်။

“ကျွန်တော်တို့ ပိုပြီး ရင်းနှီးလာပါတယ်။ ကျွန်တော်တို့ဟာ အမြဲတမ်း ကောင်းမွန်တဲ့ဆက်ဆံရေးကို ရရှိခဲ့ပါတယ်။ ဒါပေမယ့် ပြီးခဲ့တဲ့ နှစ်အနည်းငယ်ကတော့ ပိုပြီး နီးကပ်လာတာပေါ့လေ” ဟု စပို့တင်းဂီဂျွန်အား ၅ ဂိုး ၁ ဂိုးဖြင့် အနိုင်ရရှိခဲ့သည့်ပွဲပြီးနောက် သတင်းထောက်များအား ရော်နယ်ဒိုက ပြောကြားခဲ့သည်။

ထို့ပြင်မိမိမှာ Ballon d’Or ဆုပေးပွဲအခမ်းအနားတွင် မက်ဆီနှင့် နေးမာတို့အား အင်္ဂလိပ်စကားပြန်အဖြစ် ပြုလုပ်ပေးခဲ့သည်ဟုဆိုသည်။

“ကျွန်တော်တို့ စတိတ်စင်ပေါ်မှာရှိနေတုန်းက မက်ဆီရော၊ နေးမာရောက အင်္ဂလိပ်စကား နားမလည်ပါဘူး။ ကျွန်တော်က သူတို့ရဲ့စကားပြန် လုပ်ခဲ့ရပါတယ်” ဟု ရော်နယ်ဒိုက အရွှန်းဖောက် ပြောကြားခဲ့သည်။

Ref: Goal

ဇန်န၀ါရီ ၁၈၊ ၂၀၁၆
M-Media

– ဘောလုံးပွဲများတွင် အနီကဒ်ပြပြီး ပင်နယ်တီပေးသည့်ပြစ်ဒဏ်မှာ ဘောလုံးရသကို ပျက်စီးစေပြီး ထိုဥပဒေကို ဖျက်သိမ်းသင့်သည်ဟု ဘာစီလိုနာဥက္ကဌ ဂျိုးဆက်ပ် မာရီယာ ဘာတိုမြူက ပြောကြားလိုက်သည်။

ယမန်နေ့က နျူးကမ့်တွင် ကစားခဲ့သည့် ဘီဘာအိုနှင့်ပွဲတွင် ပွဲအစ ၄ မိနစ်မှာပင် ဘာကာတိုက်စစ်မှူး ဆွာရက်ဇ်ကို ဘီဘာအိုဂိုးသမား ဂေါရ်ကာ အီရိုင်ဇော့က ဧရိယာအတွင်း ပြစ်ဒဏ်ကျူးလွန်သည့်အတွက် အနီကဒ်ပြ အထုတ်ခံခဲ့ရကာ ပင်နယ်တီပေးခဲ့သည်။ ထိုပင်နယ်တီကို မက်ဆီက ဂိုးအဖြစ် ပြောင်းလဲနိုင်ခဲ့ပြီးနောက် တစ်ယောက်လျော့ ဘီဘာအိုအား ဘာကာက စိတ်ကြိုက်အသာစီးကစားကာ ၆ ဂိုးပြတ်ဖြင့် အနိုင်ရရှိခဲ့သည်။ ဘာတိုမြူကမူ အသင်းအသာ ရခဲ့သော်လည်း ထိုကဲ့သို့ ၂ ဆ အပြစ်ပေးမှုကို ဝေဖန်ခဲ့သည်။

“ဘောလုံးရသပေးစွမ်းနိုင်တဲ့ ပွဲတစ်ပွဲဖြစ်ဖို့အတွက် ပင်နယ်တီပေးပြီး၊ အနီကဒ်လည်းပြတဲ့ ဥပဒေကို ပြောင်းလဲသင့်ပါတယ်။ ဒါဟာ လွန်ကျူးတဲ့ ပြစ်ဒဏ် ၂ ခါ ပေးမှုပါပဲ။ ဒီလုပ်ရပ်က ဒီနေ့ပွဲကို သိသာစေခဲ့တယ်ဆိုတာ ထင်ရှားပါတယ်။ တစ်ယောက်လျော့နဲ့ ၈၇ မိနစ်လောက်ကို ကစားရတာဟာ တော်တော်လေး ခက်ခဲပါတယ်” ဟု ဘာတိုမြူက ပြောကြားခဲ့သည်။

Ref : Goal

ဇန်န၀ါရီ ၁၃၊ ၂၀၁၆
M-Media

– ဘရာဇီးလ်ကလပ် ဆန်းတို့စ်မှ ဘာစီလိုနာသို့ပြောင်းရွှေ့စဉ် မသမာမှုများနှင့်ပတ်သက်၍ တရားရင်ဆိုင်ရန်အတွက် စပိန်တရားရုံးက နေးမာအား ဆင့်ခေါ်ခဲ့သည်ဟု သိရသည်။

၎င်းအားတရားစွဲဆိုထားသည့် လိမ်လည်မှုနှင့် ခြစားမှုစွဲချက်များအတွက် ဖေဖော်ဝါရီ ၂ ရက်နေ့တွင် လာရောက်ရင်ဆိုင်ရန် တရားသူကြီး ဂျိုဆေး ဒီ ဘာ မာတာက ဆင့်ခေါ်ခဲ့ခြင်းဖြစ်သည်။ ဘာစီလိုနာဥက္ကဌ ဂျိုးဆက်ပ် ဘာတိုမြူကိုလည်း ထိုကြားနာမှုသို့ တက်ရောက်ရန် တရားရုံးက ဆင့်ခေါ်ခဲ့သည်။

၂၀၁၃ ခုနှစ်က ပြုလုပ်ခဲ့သည့် နေးမာ၏ အပြောင်းအရွှေ့တွင် မိမိတို့က ငွေကြေး ပိုမိုရသင့်သည်ဟု ဘရာဇီးလ် ရင်းနှီးမြှုပ်နှံမှုလုပ်ငန်း DIS က တိုင်ကြားခဲ့ပြီးနောက်ပိုင်း စပိန်တရားရုံးက ထိုကိစ္စကို စုံစမ်စစ်ဆေးခဲ့ခြင်းဖြစ်သည်။ နေးမာ ဆန်းတို့စ်ကစားသမားအဖြစ် ရှိနေစဉ်အတွင်း DIS က ပိုင်ဆိုင်ခွင့် ၄၀ ရာခိုင်နှုန်း ရှိခဲ့သော်လည် အပြောင်း အရွှေ့တွင် မျှမျှတတ ရရှိခဲ့ခြင်းမရှိဟု ဆိုသည်။

တရားရုံးမှ ယခင် စုံစမ်းစစ်ဆေးမှုအတွင်း ဘာစီလိုနာမှာ နေးမာအားခေါ်ယူမှုအတွက် ယူရို ၈၃ သန်း ပေးချေခဲ့သည်ဟု တွေ့ရှိခဲ့ရပြီး ဘာကာက ထုတ်ပြန်ခဲ့သည့် ပမာဏထက် အဆမတန် များပြားနေသည်။ DIS ကမူ ယူရို ၁၇ သန်း၏ ၄၀ ရာခိုင်နှုန်းသာ ရရှိခဲ့သည်။

Ref: Goal