နိုဝင်ဘာ ၁၆၊ ၂၀၁၅
M-Media
– ဘောလုံးသမားဘ၀ စတင်ရာ ဘာစီလိုနာအသင်းမှ ထွက်ခွာရခြင်း၏ အဓိကအကြောင်းအရင်းမှာ ပရိတ်သတ်များကြောင့် ဖြစ်သည်ဟု ချယ်ဆီးကွင်းလယ်လူ ဖာဘရီဂတ်စ်က ပြောကြားလိုက်သည်။
လူငယ်ဘ၀နှင့် အာဆင်နယ်သို့ ပြောင်းရွှေ့ကာ နာမည်ကျော်ကြားလာပြီးနောက် ဖာဘရီဂက်စ်မှာ ဘာစီလိုနာသို့ ၂၀၁၁ ခုနှစ်က ပြန်လည်ရောက်ရှိခဲ့ကာ ၃ ရာသီကြာ ကစားခဲ့သည်။ သို့သော်လည်း ၂၀၁၄ ခုနှစ်တွင် ချယ်ဆီးသို့ ပေါင် သန်း ၃၀ ဖြင့် အံအားသင့်ဖွယ် ပြောင်းရွှေ့လာခဲ့သည်။
ဘာစီလိုနာတွင် ပွဲပေါင်း ၁၅၁ ပွဲ ကစားပေးခဲ့ပြီး ၄၉ ဂိုး သွင်းယူပေးနိုင်ခဲ့သည့် ဖာဘရီဂက်စ်က မိမိ၏ စွမ်းဆောင်ရည် ဘာကာပရိတ်သတ်များအပေါ် လွှမ်းမိုးမှုမရခြင်းမှာ အသင်းမှ ထွက်ခွာရမှု၏ အဓိက အကြောင်းအရင်း ဖြစ်သည်ဟု ဆိုသည်။
“ဘာစီလိုနာပြည်သူတွေကို ကျွန်တော် ကောင်းကောင်းမွန်မွန် ဆက်ဆံခဲ့ပါတယ်။ ဒါပေမယ့် အဆုံးမှာ ကျွန်တော်သိလိုက်ရတာက ဘာစီလိုနာပရိတ်သတ်အများစုက ကျွန်တော့်ကို မကြိုက်ဘူး ဆိုတာပါပဲ။ ဒါ့ကြောင့်လည်း ကျွန်တော်ဟာ ထွက်ခွာဖို့ လုပ်ခဲ့တာပေါ့” ဟု ဖာဘရီဂတ်စ်က Marca သတင်းစာသို့ ပြောကြားခဲ့သည်။
Ref: Goal
