Tag: China

မေ ၂၈၊ ၂၀၂၂

M-Media

-နည်းပညာထိပ်သီး အီလွန်မက်စ်ရဲ့ ဂြိုဟ်တုအခြေပြု အင်တာနက်ဆက်သွယ်ရေးစနစ် (Starlink) ကွန်ယက်ကို ဖျက်ဆီးဖို့ ကြိုးစားရမယ်လို့ တရုတ်သိပ္ပံပညာရှင်တွေက တိုက်တွန်းလိုက်ပါတယ်။

Starlink ဟာ ကမ္ဘာတစ်၀ှမ်း ၀ေးလံခေါင်ဖျားတဲ့ဒေသတွေအထိ အင်တာနက်ဆက်သွယ်မှုကို စျေးသက်သက်သာနဲ့ အသုံးပြုနိုင်ဖို့ ရည်ရွယ်တာဖြစ်ပြီး ဒီစနစ်အတွက် ကမ္ဘာပတ်လမ်းမှာ ဂြိုဟ်တုကွန်ယက်ကို ဖြန့်ကျက်ထားတာပါ။ 

တရုတ်ကာကွယ်ရေးဌာနက ၀ါရင့်သိပ္ပံပညာရှင် ၅ ဦးရဲ့ ပြီးခဲ့တဲ့လ သုံးသပ်ချက်စာတမ်းမှာ စတားလင့်ဂြိုဟ်တုကွန်ယက်ကို တရုတ်နိုင်ငံရဲ့ လုံခြုံရေး ထိခိုက်အောင် အသုံးပြုလာနိုင်တဲ့အတွက် သုံးမရအောင်လုပ်ဖို့ ဒါမှမဟုတ် ဖျက်ဆီးပစ်ဖို့ လိုအပ်တယ်လို့ ဖော်ပြထားပါတယ်။ 

ဒီအဖွဲ့ကို ပညာရှင် ယန့်ယွမ်ကျန်းက ဦးဆောင်တာပါ။ စတားလင့် ကွန်ယက်ကို ဖျက်ဆီးနိုင်မယ့် နည်းလမ်းတွေ အသေအချာ ရှာဖွေဖော်ထုတ်ဖို့ သူတို့အဖွဲ့က တိုက်တွန်းထားပြီး၊ ဒီလိုလုပ်ဆောင်မှသာ အာကာသစိုးမိုးနိုင်မှုကို တရုတ်က ထိန်းထားနိုင်လိမ့်မယ်လို့လည်း စာတမ်းမှာ တိုက်တွန်းထားပါတယ်။ 

အမေရိကန် ဒရုန်းတွေ၊ ကိုယ်ပျောက်တိုက်လေယာဥ်တွေဟာ စတားလင့် အင်တာနက်ကွန်ယက်နဲ့ ချိတ်ဆက်လိုက်ရင် လက်ရှိထက် အဆ ၁၀၀ မြန်တဲ့ အင်တာနက်ဆက်သွယ်မှုကို ရရှိမှာဖြစ်ပြီး တရုတ်ရဲ့ အာကာသစိုးမိုးနိုင်စွမ်းကို နောက်ကောက်ကျစေလိမ့်မယ်လို့ ယန့်ယွမ်ကျန်းက ဆိုပါတယ်။ 

စတားလင့် ဂြိုဟ်တုဆက်သွယ်ရေးကွန်ယက်ကို ဖျက်ဆီးဖို့ တရုတ်မှာ နည်းပညာမရှိပါဘူး။ 

ဂြိုဟ်တုဖျက်ဒုံးကျည်နဲ့ ပစ်ခတ်ဖြိုခွင်းတာ၊ မြေပြင်အခြေစိုက် လေဆာလက်နက်နဲ့ပစ်တဲ့ နည်းလမ်းမျိုးတွေ သုံးလို့ရပေမယ့် တရုတ်ဟာ လက်ရှိအနေအထားအရ ဒီလိုစွမ်းဆောင်နိုင်စွမ်း မရှိသေးပါဘူး။ 

တရုတ်မှာ စွမ်းအားမြင့် မိုက်ခရို၀ေ့ဗ်လက်နက် (RKA) ရှိနေပြီး ဂြိုဟ်တုတွေမှာ တပ်ဆင်ကာ စလားလင့်ဂြိုဟ်တုက အရေးပါတဲ့ အစိတ်အပိုင်းတွေကို ဖျက်ဆီးပစ်နိုင်ပါတယ်။ 

ဒါပေမယ့် စတားလင့်စနစ်ဟာ ဗဟိုထိန်းချုပ်မှု မရှိတဲ့ ကွန်ယက်တစ်ခုဖြစ်တဲ့အတွက် ဂြိုဟ်တုတစ်ချို့ကို ဖျက်ဆီးလိုက်ရုံနဲ့ စနစ်က ရပ်ဆိုင်းမသွားပါဘူး။ 

ဂြိုဟ်တုတွေအများကြီးကို တစ်ချက်တည်းနဲ့ ဖျက်ဆီးနိုင်မယ့် X-ray  လေဆာလက်နက်မျိုးကို တရုတ်က ဖန်တီးလာနိုင်ပါတယ်။ ၁၉၇၀ ပြည့်နှစ်တွေကတည်းက ဒီလက်နက်ဖန်တီးဖို့ ကမ္ဘာ့နိုင်ငံတွေ ကြိုးစားခဲ့ပေမယ့် နည်းပညာဆိုင်ရာ အခက်အခဲတစ်ချို့ကို လက်ရှိအချိန်အထိ မကျော်လွှားနိုင်သေးပါဘူး။ 

Ref: Asia Times 

ဧပြီ ၂၅၊ ၂၀၂၂

M-Media 

-မနေ့က ကိုဗစ်ကူးစက်မှု သိသိသာသာ မြင့်တက်လာတဲ့ မြို့တော် ဘေဂျင်းမှာ ဒီကနေ့ကစတင်ပြီး လူသန်းချီ ကိုဗစ်စစ်ဖို့ အာဏာပိုင်တွေက စီစဥ်နေပါတယ်။ 

တစ်ကျော့ပြန်ကိုဗစ်ကြောင့် စီးပွားရေးမြို့တော်ရှန်ဟိုင်းမှာ သီတင်းပတ်ချီ လော့ဒေါင်းပြန်ချရတဲ့ အခြေအနေမျိုး ဘေဂျင်းမှာ ဖြစ်လာနိုင်တယ်ဆိုတဲ့ စိုးရိမ်မှုတွေလည်း မြင့်တက်လာပါတယ်။ 

ဘေဂျင်းမြို့က လူနေထူထပ်တဲ့ ကျောင်းယန်မြို့နယ်မှာ တနင်္ဂနွေနေ့က ကိုဗစ်ကူးစက်မှု ၂၆ ခု တွေ့ခဲ့ရပြီး ဒါဟာ လတ်တလောကာလမှာ အမြင့်ဆုံး ဖြစ်ပါတယ်။ 

အဲဒီမြို့နယ်က လူ ၃.၅ သန်းလောက်ကို အာဏာပိုင်တွေက ဒီကနေ့စတင်ပြီး ကိုဗစ်စစ်ဆေးနေတာဖြစ်ပါတယ်။ 

ဒီသတင်းကြောင့် စူပါမားကတ်တွေမှာ လူတွေ စုပြုံတိုး၀ှေ့ ၀ယ်ယူကြပြီး စားသောက်ကုန် ပြတ်လတ်မှုလည်း ဖြစ်ပေါ်လာပါတယ်။ အစိုးရကတော့ စားသောက်ကုန် မပြတ်လတ်စေရဘူးလို့ အာမခံထားပါတယ်။ 

မတ်လနှောင်းပိုင်းက ရှန်ဟိုင်းမှာဖြစ်ခဲ့တဲ့ ကိစ္စမှာ လူ ၄ သိန်းကျော် ကိုဗစ်ကူးစက်တာကို တွေ့ခဲ့ရပြီး ၁၃၈ ဦး သေဆုံးခဲ့ပါတယ်။

Ref: BBC