Tag: China

ဇန်န၀ါရီ ၁၄၊ ၂၀၁၅
M-Media

– iPhone ၉၄ လုံးအား ခန္ဓာကိုယ်တွင် တိပ်ဖြင့်ပတ်၍ တရားမ၀င် သယ်ဆောင်လာသူ ဟောင်ကောင်နိုင်ငံသားတစ်ဦးကို တရုတ်ရဲတပ်ဖွဲ့က ဖမ်းဆီးလိုက်သည်ဟု သိရသည်။

သယ်ဆောင်လာသည့် ဖုန်းအမျိုးအစားများမှာ iPhone 6 နှင့် iPhone 6 plus များ ဖြစ်ကြပြီး ပလက်စတစ်အကြည်စားဖြင့် ထုပ်ကာ ခြေထောက်အပါအ၀င် ခန္ဓာကိုယ်တစ်ခုလုံးတွင် တိပ်များဖြင့် ပတ်၍ ဟောင်ကောင်မှ တရုတ်ပြည်မကြီး သို့ ၀င်ရောက်ရန် ကြိုစားစဉ်နိုင်ငံတောင်ပိုင်း ရှန်ဇန်းမြို့၌ တနင်္ဂနွေနေ့က ဖမ်းမိခဲ့ခြင်းဖြစ်သည်။ အဆိုပါ ဟောင်ကောင်နိုင်ငံသားအား ထူးဆန်းစွာ လမ်းလျှောက်နေသည်ကို တွေ့ရှိခဲ့ပြီးနောက် ရှာဖွေရေးကိရိယာဖြင့် စစ်ဆေးခဲ့ရမှ ဖမ်းဆီးနိုင်ခဲ့ခြင်း ဖြစ်သည်။

`သတ္တုစစ်ဆေးရေးစက်ကို ဒီလူ ဖြတ်တဲ့အခါမှာ ကျယ်လောင်ပြတ်သားတဲ့အသံ သတိပေးသံ ထွက်ပေါ်လာတာပါပဲ´ ဟု ရဲအရာရှိတစ်ဦး၏ ပြောကြားမှုကို ကိုးကား၍ တရုတ်သတင်းစာ People’s Daily က ဖော်ပြခဲ့သည်။

ဖမ်းဆီးရမိသူအား မည်ကဲ့သို့ အရေးယူဆောင်ရွက်မည်ကို သိရှိခြင်း မရှိသော်လည်း ဟောင်ကောင်ဥပဒေအရ တရားမ၀င် ကုန်ကူးခြင်းအတွက် အမြင့်ဆုံးပြစ်ဒဏ်မှာ ၇ နှစ်ဖြစ်ပြီး အမြင့်ဆုံး ကန်ဒေါ်လာ ၂ သန်းခန့် ဒဏ်ငွေရိုက်နိုင်သည်။

iPhone များကို တရုတ်နိုင်ငံတွင်သာ ထုတ်လုပ်ခြင်း ဖြစ်သော်လည်း တရုတ်ပြည်မကြီးတွင် အလွန်ဈေးကြီးလျက်ရှိသည်။ ဟောင်ကောင်ကိုမူ တရုတ်ကပင် ထိန်းချုပ်ထားခြင်း ဖြစ်သော်လည်း `တစ်နိုင်ငံ စနစ် ၂ ခု´ ပေါ်လစီအရ ကုန်သွယ်ရေးမူဝါဒမှာ သီးသန့်ဖြစ်သောကြောင့် iPhone ဈေးနှုန်းမှာ ဟောင်ကောင်တွင် အလွန်ကြီးမြင့်ခြင်းမရှိချေ။

iPhone များကို ခန္ဓာကိုယ်တွင် တိပ်များဖြင့်ပတ်၍ ယူဆောင်လာခဲ့သည့် အဆိုပါ ဟောင်ကောင်နိုင်ငံသားအား တရုတ်မီဒီယာများက Apple Man ဟု အရွှန်းဖောက်ဖော်ပြခဲ့ကြသည်။

Ref: time.com

ဇန်န၀ါရီ ၁၊ ၂၀၁၅
M-Media

– တရုတ်နိုင်ငံ ရှန်ဟိုင်းမြို့တွင် ယမန်နေ့ညက နှစ်သစ်ကူးအခမ်းအနား ပြုလုပ်ရာမှ လူများစုပြုံ တိုးဝှေ့မှုကြောင့် အနည်းဆုံး ၃၅ ဦး သေဆုံးခဲ့သည်ဟု သိရသည်။

ရှန်ဟိုင်းမြို့၏ အချက်အချာကြသည့် ဘန်ဧရိယာရှိ ချန်ယီ ရင်ပြင်တွင် ဖြစ်ပွား ခဲ့ခြင်းဖြစ်ပြီး ဒဏ်ရာရသူ အရေအတွက်မှာ ၄၀ ကျော်ရှိသည်။ သိန်းနှင့်ချီ၍ လာရောက်ကြသည့် အဆိုပါ နှစ်ကူးပွဲတွင် မည်သည့် အတွက်ကြောင့် လူများ စုပြုံတိုးဝှေ့မှု ဖြစ်ပွား ခဲ့သည်ဆိုသည့် အကြောင်းအရင်းကို တိတိကျကျ မသိရှိရသေးပေ။

ထိုအဖြစ်အပျက်အား ကိုယ်တွေ့ကြုံခဲ့ရသည့် အသက် ၂၄ နှစ်အရွယ် ဂျန်နီချန် ကမူ Count Down လုပ်မည့်ထိုနေရာ၌ လူများမှာ လွန်စွာ တိုးဝှေ့နေပြီး မိမိကိုယ်တိုင်ပင် မြေကြီးနှင့် ခြေထောက် မထိကြောင်း၊ အကူအညီတောင်း သံများ၊ အော်ဟစ်သံများလည်း ကြားခဲ့ရပြီး မိမိမှာလည်း လူများ တိုးကြိတ် မှုကြောင့် အသက်ရှုကြပ်လာကြောင်း၊ မြေပြင်ပေါ်တွင် သွေးများဖြင့် အလောင်း များကိုလည်း တွေ့ခဲ့ရကြောင်း ပြောကြားခဲ့သည်။

အခြားမျက်မြင် သက်သေများကမူ လူအုပ်ကြီးထဲသို့ ကံစမ်းမဲ ကူပွန်တစ်ချို့ ပစ်ထည့်ခဲ့ခြင်းကြောင့် ထိုကဲ့သို့ တိုးကြိတ်မှု ဖြစ်ပွား ရခြင်းဖြစ်သည်ဟု ပြောကြား ခဲ့သည်။

အဆိုပါ ကူပွန် ဓာတ်ပုံမှာ ဆိုရှယ်မီဒီယာများတွင် ပြန့်နှံ့ခဲ့ပြီး ရဲတပ်ဖွဲ့ကမူ ထိုအဖြစ်အပျက်အား စုံစမ်း စစ်ဆေးနေကြောင်း ပြောကြားခဲ့သည်။

ရှန်ဟိုင်းတွင် နှစ်သစ် Count Down အစီအစဉ်အား 3D လေဆာနည်းပညာဖြင့် ပြုလုပ်ရန် စီစဉ်ထားသော်လည်း ပရိတ်သတ် အလွန်များမည်ကို စိုးရိမ်သော ကြောင့် ရဲတပ်ဖွဲ့မှ ခွင့်မပြုခဲ့ပေ။

Ref : aljazeera

ဒီဇင်ဘာ ၂၀ ၊ ၂၀၁၄
M-Media

– လိင်တူစိတ်ဝင်စားသောစိတ်ဓာတ်ကို ကုသပေးသည့် ဆေးခန်း၏ ဆိုးရွားသောကုသမှုများကို မကျေနပ်၍ တရားစွဲဆိုထားသူ လိင်တူစိတ်ဝင်စားသူတစ်ဦးအား တရုတ်တရားရုံးက အနိုင်ပေးလိုက်သည်ဟု သိရသည်။

ဘေဂျင်းရှိ ဟိုင်ဒီယန်ခရိုင် ပြည်သူ့တရားရုံးက ယမန်နေ့ ကြားနားမှုအတွင်း လိင်တူစိတ်ဝင်စားမှုမှာ ဆေးကုသမှုခံယူစရာမလိုသော ကိစ္စဖြစ်သည်ဟု သတ်မှတ်ခဲ့ကာ ယခုကဲ့သို့ အနိုင်ပေးလိုက်ခြင်းဖြစ်သည်။

ထို့ပြင် ကုသမှုခံယူစဉ်က ကုန်ကျခဲ့သည့် ကန်ဒေါ်လာ ၅၆၀ ပမာဏရှိ ငွေကိုလည်း အဆိုပါဆေးခန်းက တရားလို ယန်အား နစ်နာကြေးအဖြစ် ပြန်လည်ပေးဆောင်ရန် အမိန့်ချမှတ်ခဲ့သည်။

လိင်တူစိတ်ဝင်စားမှုကို တရုတ်ပြည်သူ အများစုက နောက်ပိုင်းတွင် လက်ခံလာသော်လည်း မိမိကိုယ်ကို လိင်တူစိတ်ဝင်စားသူဟု လူသိရှင်ကြား ဖွင့်ဟသူများမှာ စိတ်ရောဂါဆေးကုခန်းများတွင် အတင်းအဓမ္မ ကုသခံရခြင်း၊ ဆန့်ကျင်ဘက်လိင်ဖြင့် အတင်းအဓမ္မ အိမ်ထောင်ချခံရခြင်း စသည့် အဖြစ်အပျက်များမှာ ရှိနေဆဲဖြစ်သည်။

တရားလိုဖြစ်သူ ယန်ကမူ အဆိုပါဆုံးဖြတ်ချက်အတွက် ကျေနပ်မိကြောင်း၊ တရားရုံးအနေဖြင့် မိမိအား အနိုင်ပေးမည်ဟု မမျှော်လင့်ခဲ့ဘဲ လိင်တူ ဆက်ဆံမှုမှာ ဆေးကုသမှုခံယူရန်လိုအပ်သည့် စိတ်ရောဂါတစ်ခုမဟုတ်ကြောင်း ထည့်သွင်းပြောကြားခဲ့သည်။

ယန်မှာ မိဘများ၏ ဖိအားပေးမှုကြောင့် လိင်တူစိတ်ဝင်စားသော စိတ်ဓာတ်အား ပျောက်စေရန် ဆေးခန်းတစ်ခုသို့ ပြီးခဲ့သည့် ဖေဖော်ဝါရီလက သွားရောက်ကုသခဲ့ရာ လျှပ်စစ်ရှော့ရိုက်၍ ကုသခဲ့သောကြာင့် ၎င်းက အဆိုပါ ဆေးခန်းအား တရားစွဲဆိုခဲ့ခြင်းဖြစ်သည်။

Agencies

ဒီဇင်ဘာ ၁၄ ၊ ၂၀၁၄
M-Media

– ထိုင်းနိုင်ငံမှ တရုတ်နိုင်ငံသို့ ပျံသန်းသော ထိုင်း Air Asia လေယာဉ် ခရီးစဉ်တစ်ခုတွင် တရုတ်နိုင်ငံသား စုံတွဲက ထိုင်းလေယာဉ်မယ်အား ရေနွေးဖြင့် ပက်ခဲ့သည့် အဖြစ်အပျက်တစ်ခု ဖြစ်ပွားခဲ့သည်ဟု သိရသည်။

ကြာသာပတေးနေ့က ဘန်ကောင်မှ နန်ဂျင်းသို့ ပျံသန်းသော Air Asia လေကြောင်း ခရီးစဉ်တွင် ဖြစ်ပွားခဲ့ခြင်းဖြစ်ပြီး ထိုစုံတွဲမှ အမျိုးသားဖြစ်သူမှာ လေယာဉ်အား ဗုံးခွဲမည်ဟုပါ ခြိမ်းခြောက်ခဲ့သည်။

၎င်းတို့နှစ်ဦးမှာ လေယာဉ်ပေါ်တွင် အတူမထိုင်ရသောကြောင့် စတင်ထွက်ခွာ လာကတည်းက စိတ်ကသိ ကအောက်ဖြစ်နေ ခဲ့ပြီး လေယာဉ်မယ်များက အဆင်ပြေစေရန် ခရီးသည်အချို့ကို တောင်းပန်ကာ ထိုင်ခုံနေရာ အား ပြောင်းလဲပေး ခဲ့သည်။

သို့သော်လည်း အစားအသောက်များရောင်းချချိန်တွင် အဆိုပါ စုံတွဲက ခေါက်ဆွဲပြုတ် စားရန် ရေနွေးမှာ ခဲ့ပြီး လေယာဉ်မယ်က ရေနွေးချပေးစဉ် အနည်းငယ် ဖိတ်သွားရာမှ အစပြုကာ စကားများ ခဲ့ခြင်းဖြစ်သည်။ ထို့နောက် အမျိုးသမီးဖြစ်သူကာ လေယာဉ်မယ်၏ မျက်နှာအား ခေါက်ဆွဲ စိမ်ထားသည့် ရေနွေးဖြင့် ပက်ခဲ့သည်။

ထိုအဖြစ်အပျက် ဖြစ်ပွားပြီးနောက် လေယာဉ်မှူးက ဘန်ကောက်သို့ ပြန်လှည့် ခဲ့ပြီး ခရီးသည် ၂ ဦးစလုံးအား လေယာဉ်ပေါ်မှ ဆင်းခိုင်းခဲ့သည်။ ထို့နောက် လေယာဉ်မှူးနှင့် လေယာဉ်အမှုထမ်းများက အဆိုပါ စုံတွဲနှင့်ဆွေးနွေးခဲ့ကြပြီး ရန်မလိုသော ပုံစံဖြင့် အဆုံးသတ်နိုင်ခဲ့သည်ဟု ထိုင်း Air Asia မှ ပြောကြားခဲ့သည်။

တရုတ်အာဏာပိုင်များကမူ အဆိုပါစုံတွဲအား ပြင်းထန်စွာ အပြစ်ပေးမည်ဖြစ်ပြီး ထိုလုပ်ရပ်မှာ တရုတ်နိုင်ငံ၏ ပုံရိပ်ကို ထိခိုက်စေသည် ဟုလည်း ပြောကြား ခဲ့သည်။

တရုတ်နိုင်ငံသားများကလည်း ထိုလုပ်ရပ်အတွက် ရှက်မိသည် ဟုပြောကြားခဲ့ကြပြီး မော်လ်ဒိုက်နိုင်ငံသို့ ရောက်ရှိနေသည့် တရုတ် သမ္မတ ဇီဂျင်ပင်း ကလည်း တရုတ်ခရီးသွားများ အနေဖြင့် ပိုမိုယဉ်ကျေးကြရန် တိုက်တွန်းခဲ့သည်။

AP