Tag: China

ဒီဇင်ဘာ ၅ ၊ ၂၀၁၄
M-Media

– တရုတ်နိုင်ငံရှိ ဆေးရုံတစ်ရုံတွင် မွေးကင်းစ ကလေးငယ်တစ်ဦးအား မိခင်ဖြစ်သူက ကိုက်စားရန် ကြိုးစားခဲ့မှုကြောင့် စုံစမ်းစစ်ဆေးမှုများကို ပြုလုပ်နေသည်ဟု တရုတ်အာဏာပိုင်များက ပြောကြားလိုက်သည်။

နိုင်ငံတောင်ပိုင်း ဂွမ်ဒုံးပြည်နယ် ရှန်ဇန်းမြို့ရှိ ဆေးရုံတွင် ပြီးခဲ့သည့်ရက်ပိုင်းအတွင်းက ဖြစ်ပွားခဲ့ခြင်းဖြစ်ပြီး မိခင်ဖြစ်သူမှာ စိတ်ကျန်းမာရေးမကောင်းသူဖြစ်သည်ဟု သိရသည်။

အဆိုပါမျိုးသမီးအား ကိုယ်ဝန်နေ့စေ့လစေ့ဖြင့် လမ်းပေါ်တွင် တွေ့ရှိခဲ့ရသောကြောင့် ဆေးရုံသို့ တင်ပို့ခဲ့ပြီးနောက် ကလေးမီးဖွားစေခဲ့သည်။ ဆေးရုံသို့ရောက်ပြီး ၃ ရက်အကြာ တစ်မနက်တွင် သူနာပြုက ၎င်း၏ အခန်းထဲသို့ ၀င်ရောက်လာခဲ့ရာ အဆိုပါမျိုးသမီးမှာ ကလေးငယ်၏ လက်အား ကိုက်ဖြတ်နေသည်ကို တွေ့ရှိခဲ့ရသည်။

ထိုမြင်ကွင်းကြောင့် သူနာပြုက အရေးပေါ်ခလုပ်ကို နှိပ်ခဲ့ပြီး ကလေးကိုလည်း ၎င်း၏ လက်ထဲမှ ဆွဲလုခဲ့ရာ မိခင်ဖြစ်သူက အတင်းကိုက်ထားသောကြောင့် ဆရာဝန်များ လာရောက်သည့်အချိန်မှ  ဆွဲထုတ်နိုင်ခဲ့သည်။
`တုန်လှုပ်စရာပါပဲ။ လက်က တော်တော်လေးဆိုးဆိုးရွားရွား ထိခိုက်သွားပြီး အနာတရ ဖြစ်ရုံသာမက သွေးလည်းတော်တော်ထွက်သွားခဲ့ပါတယ်။ ကံကောင်းထောက်မစွာနဲ့ ဆရာဝန်တွေက သူမရဲ့ ကိုက်ထားတဲ့ ပါးစပ်ကို ဟနိုင်ခဲ့ပါတယ်။ အဲဒီနောက် သူမကို အိပ်ဆေးထိုးပေးခဲ့ပြီး ကလေးကိုတော့ အန္တရာယ်ကင်းတဲ့နေရာကို ခေါ်သွားနိုင်ခဲ့ပါတယ်´ ဟု ဆေးရုံ၏ ပြောရေးဆိုခွင့်ရှိသူတစ်ဦးက ပြောကြားခဲ့သည်။

ရဲတပ်ဖွဲ့၏ စုံစမ်းစစ်ဆေးမှုများအရ အဆိုပါ အမျိုးသမီး ကိုယ်ဝန်အရင့်အမာဖြစ်နေချိန်တွင် ယောက္ခမဖြစ်သူက မောင်းထုတ်ခဲ့သောကြောင့် ထိုအမျိုးသမီးမှာ လမ်းပေါ်တွင် သီတင်းပတ်များစွာ နေထိုင်ခဲ့ရကြောင်း တွေ့ရှိခဲ့ရသည်။ ထို့ပြင် မည်သည့်အကြောင်းအရင်းက သူမအား ထိုကဲ့သို့လုပ်ဆောင်ရန် စေ့ဆော်ခဲ့သည်ကို ရဲတပ်ဖွဲ့က ဆက်လက်စုံစမ်းစစ်ဆေးလျက် ရှိနေသည်။

dailytelegraph

ဒီဇင်ဘာ ၄ ၊ ၂၀၁၄
M-Media

– ကိုယ်အင်္ဂါအစိတ်အပိုင်များ အစားထိုးကုသရန်အတွက် သေဒဏ်ချမှတ်ခြင်းခံရသူများထဲမှ အစိတ်အပိုင်းများအား အသုံးပြုခြင်းကို ရပ်တန့်တော့မည်ဟု တရုတ်နိုင်ငံပိုင် မီဒီယာက ယနေ့တွင် ကြေညာလိုက်သည်။

နိုင်ငံအတွင်း ကိုယ်အင်္ဂါအစိတ်အပိုင်းများ အစားထိုးကုသလိုသူများအတွက် တရုတ်အာဏာပိုင်များမှာ ကိုယ်အင်္ဂါအစိတ်အပိုင်းများကို လှူဒါန်းရန် သေဒဏ်ကျခံနေရသည့် အကျဉ်းသားများကို ဖိအားပေးလေ့ရှိပြီး ထိုကိုယ်အင်္ဂါအစိတ်အပိုင်းများ ရယူရာတွင်လည်း စံမီသည့် အန္တရာယ်ကင်းရေးလုပ်ဆောင်မှုများကို ဆောင်ရွက်ခြင်းမရှိဟု နိုင်ငံအတွင်းနှင့် နိုင်ငံပြင်ပမှ လူ့အခွင့်အရေးလှုပ်ရှားသူများက ဝေဖန်မှုများ ရှိနေသည်။

အမျိုးသားကိုယ်အင်္ဂါအစိတ်အပိုင်း အစားထိုးကုသမှုကွန်ယက်ကို ဦးဆောင်နေသည့် ဟူအန်ဂျီဖူကမူ ဗုဒ္ဓဟူးနေ့က ပြုလုပ်ခဲ့သည့် ဟောပြောမှုတစ်ခုတွင် အကျဉ်းသားများမှ ကိုယ်အင်္ဂါအစိတ်ပိုင်းများ ထုတ်ယူမှုအား ဇန်န၀ါရီ ၁ ရက်နေ့မှစ၍ ရပ်တန့်တော့မည်ဟု ကြေညာခဲ့သည်။

ထိုကဲ့သို့ကြေညာခဲ့သော်လည်း နိုင်ငံ၏ လိုအပ်နေသာ ကိုယ်အင်္ဂါအစိတ်အပိုင်း အစားထိုးကုသမှုအတွက် ကိုယ်အင်္ဂါအစိတ်အပိုင်းများကို မည်သည့်နေရာမှ ရယူမည်ဆိုခြင်းနှင့် ပတ်သက်၍ မေးခွန်းများလည်းရှိနေသည်။

တရုတ်လူမျိုးတို့၏ ရိုးရာဓလေ့ထုံးတမ်းများကြောင့် တရုတ်နိုင်ငံမှာ ကမ္ဘာပေါ်တွင် ကိုယ်အင်္ဂါအစိတ်အပိုင်း လှူဒါန်းမှု အနိမ့်ဆုံး နိုင်ငံများထဲမှ တစ်နိုင်ငံဖြစ်ပြီး တည်ဆဲဥပဒေအရ ကာယကံရှင်ကိုယ်တိုင်က မိမိ၏ ကိုယ်အင်္ဂါအစိတ်အပိုင်းကို လှူဒါန်းရန် ဆန္ဒရှိသော်လည်း မိဘများ၏ သဘောတူညီချက်ရမှ လှူဒါန်းနိုင်သည်။

Agencies

ဒီဇင်ဘာ ၁ ၊ ၂၀၁၄
M-Media

– တိဘက်လူမျိုးများ ညီညွတ်ရေးအတွက် ရည်ရွယ်ပြုလုပ်ခဲ့သော ဂီတဖျော်ဖြေပွဲတစ်ခုတွင် နိုင်ငံရေးအသုံးအနှုန်းများဖြင့် သီချင်းဆိုခဲ့သည်ဟုဆိုကာ တိဘက် အဆိုတော်တစ်ဦးကို တရုတ်အစိုးရက ထောင်ဒဏ် ၄ နှစ် ချမှတ်လိုက်သည်ဟု သိရသည်။

အသက် ၃၉ နှစ်အရွယ်ရှိ အဆိုတော ကာလ်ဆန်ယာဖီလ်ဆိုသူဖြစ်ပြီး တိဘက်လူမျိုးများ ညီညွတ်ရန်နှင့် ၎င်းတို့၏ ရိုးရာစကားကိုသာ ပြောဆိုသုံးစွဲကြရန် တိုက်တွန်းအားပေးသည့် ၂၀၁၂ ခုနှစ် ပြုလုပ်ခဲ့သော ဂီတဖျော်ဖြေပွဲတွင် ပါဝင်တင်ဆက်ခဲ့ပြီးနောက် အဖမ်းခံခဲ့ရကာ တရုတ်အနောက်တောင်ပိုင်း စီချွမ်ပြည်နယ်တရားရုံးက ပြီးခဲ့သည့် ကြာသာပတေးနေ့တွင် ထိုကဲ့သို့ စီရင်ချက် ချခဲ့ခြင်းဖြစ်သည်။

`အာဏာပိုင်တွေက သူဟာ နိုင်ငံရေး စကားလုံးတွေပါတဲ့ သီချင်းတွေကို ဆိုခဲ့တယ်ဆိုပြီး စွပ်စွဲခဲ့ပါတယ်´ ဟု အဆိုပါသတင်းကို ဖော်ပြခဲ့သော အိန္ဒိယအခြေစိုက် phayul.com တွင် ဖော်ပြထားပြီး အဆိုပါ ဂီတပွဲ စီစဉ်ပေးသူကိုလည်း ထောင်ဒဏ် ၂ နှစ် ချမှတ်ခဲ့သည်ဟု ထည့်သွင်းဖော်ပြခဲ့သည်။

တိဘက် ရိုးရာဂီတနှင့် ပေါ့ဂီတတို့အား ပေါင်းစပ်တင်ဆက်သည့် ယာဖီလ်အား မည်သည့်ပုဒ်မတပ်ခဲ့သည်ကို ရှင်းရှင်းလင်းလင်းမသိရသေးဘဲ VOA ကမူ ယာဖီလ်မှာ တိဘက် ဂီတဖျော်ဖြေပွဲများကို စီစဉ်ခြင်းနှင့် သီချင်းဆိုခြင်းတို့ဖြင့် နိုင်ငံရေးဘက်ကိုနွယ်အောင် ဆောင်ရွက်သည်ဟု စွဲချက်တင်ခံခဲ့ရခြင်းဖြစ်သည်ဟု ဒေသတွင်း သတင်းရင်းမြင်းတစ်ခုကို ကိုးကား၍ ဖော်ပြခဲ့သည်။

ယာဖီလ်သီဆိုခဲ့သော သီချင်းများတွင် `တိဘက်စကားသင်ကြားသင့်သည်´ `ကျွန်ုပ်တို့ ညီညွတ်ရမည်´ စသည့်ခေါင်းစဉ်များဖြင့် သီချင်းများပါဝင်ခဲ့သည်။