Tag: China

မမြဲတော့သော တွဲလက်များ (Has China Lost Myanmar?)

ဇန်နဝါရီ ၁၅ ၊ ၂၀၁၃

M-Media

မြန်မာတို့၏ မရေမရာဒီမိုကရေစီအတွေးက အနောက်ဖက်သို့ ဦးလှည့်လိုက်သည်နှင့် တရုတ်တို့က လူမျိုးစုပြဿနာကိုမွှေပေးလိုက်သည်။မြန်မာအစိုးရကိုဒေါသထွက်လာအောင် ဆွပေးလိုက်ပြီးပြသနာကို အရှိန်မြှင့်ပေးလိုက်သည်။ သမ္မတ ဦးသိန်းစိန်တက်လာပြီးနောက်ပြန်လည် ထူထောင်ရေးများလုပ်လာသည့် ၂၀၁၁ မှစ၍ တရုတ်တို့နှင့်ပြဿနာ စတက်လာခဲ့သည်။ တရုတ်တို့သည် သူတို့၏အိမ်နီးချင်းမြန်မာနှင့် ဆယ်စုနှစ်ပေါင်း အတော်ကြာနွေးထွေးသော ဆက်ဆံရေးထူထောင်ခဲ့ပြီးမြန်မာ့ သဘာဝ သယံဇာတများနှင့် နိုင်ငံခြားရေး မူဝါဒတို့အားမောင်ပိုင်စီးခဲ့သည်။ ယခုအခါမြန်မာသည် လုံးလုံးလျားလျားမဟုတ်သေးသော်လည်း ဒီမိုကရေစီအသွင်သို့ ကူးပြောင်းနေပြီဖြစ် သဖြင့်မြန်မာပြည်သူများသည် ယခင်စစ်အစိုးရနှင့် သူတို့၏စီးပွားရေးများအား အထောက်အပံ့ များစွာပေးခဲ့သဖြင့် မချစ်သော်လည်းအောင့်ကာ နမ်းခဲ့ရသည့် ဘေဂျင်းအား မလိုလားကြောင်း ပြသနေကြပြီဖြစ်သည်။

လက်ရှိမြန်မာ့နိုင်ငံရေးမှာဒေသတွင်း မတည်ငြိမ်မှုများနှင့် ကြုံတွေ့နေရဆဲဖြစ်သည်။ တရုတ်တို့ကလည်းမြန်မာ့နယ်စပ်သို့ စစ်တပ်များပို့ထားသည်။ ဇန်န၀ါရီလစောစောပိုင်း ကတည်းက ပို့ထားသော တရုတ်စစ် တပ်များသည်မြန်မာ့ပိုင်နက် အတွင်းဖြစ်ပွားနေသော စစ်ပွဲ၏ နောက်ဆက်တွဲ ဖြစ်လာနိုင်ချေများအား ကြိုတင်ကာကွယ်ခြင်းဖြစ်သည်။

တရုတ်သည်သူ့အတွက် အိန္ဒိယသမုဒ္ဒရာထွက်ပေါက်အဖြစ်မြန်မာအား အပိုင်တွက်၍ မရတော့ပေ။ ထို့ပြင် အရှေ့တောင်အာရှနိုင်ငံများအနက် သူ့အား သစ္စာခံသောထောက်ခံသူ မိတ်ဖက်အဖြစ်လည်း သတ်မှတ်၍ မရတော့ပေ။ မြန်မာု့မြို့တော်သစ်နေပြည်တော်နှင့် ၀ါရှင်တန်တို့အကြား ဆက်ဆံရေး ပိုမိုနွေးထွေးလာခဲ့သည်။ အမေရိကန် က အာရှ၏ချိန်ခွင်ညှာ အချိန်အဆသစ်ကိုမြင်လာသည့်အတွက် ဘေဂျင်းကစိုးရိမ်လာခဲ့သည်။ ဘေဂျင်းအတွက် အခြေအနေမှာလည်း ပိုဆိုးလာခဲ့သည်။ မုံရွာဒေသတွင် ရှိသည့်နိုင်ငံ၏ အကြီးဆုံးကြေးနီ သတ္တုတွင်း မှာလည်း ရွာသူရွာသားများနှင့် ဘုန်းတော်ကြီးများ၏ ဆန္ဒပြမှုကို ရင်ဆိုင်နေရသည်။ ထိုသတ္တုတွင်းမှာ စစ်အစိုးရထိန်းချုပ်သော ဦးပိုင်ကုမ္ပဏီနှင့် တရုတ်လက်နက်ကုမ္ပဏီ တို့ ပူးတွဲ လုပ်ကိုင်လည်ပတ်နေသည့် သတ္တုတွင်းဖြစ်သည်။ ၂၀၁၁ ခုနှစ်ကလည်း သမ္မတ ဦးသိန်းစိန်သည် တရုတ်ကုမ္ပဏီက ဒေါ်လာ ၃.၆ဘီလီယံရင်းနှီးမြှုပ်နှံကာ တည်ဆောက်နေသည့်မြစ်ဆုံဆည် စီမံကိန်းကိုပြည်သူများ၏ ဆန္ဒနှင့်ဆန့်ကျင်သည်ဟုဆိုကာ ရပ်တန့်ထားရန် အမိန့်ပေးခဲ့သည်။

မုံရွာတွင် ဖြစ်ပေါ်သော ဆန္ဒပြဆန့်ကျင်မှုများကြောင့်မြန်မာနိုင်ငံတွင် ရှိနေသော တရုတ်၏ ရင်းနှီးမြှုပ်နှံမှုများမှာ အန္တရာယ် ရှိနေပြီလောဟု စိုးရိမ်စိတ်ဖြစ်ပေါ်စေခဲ့သည်။ ဘေဂျင်းသည်မြန်မာပြည်ရှိ ၎င်းစိတ်ဝင်စားသည့် ကိစ္စများကို ထိခိုက်နာကျင်စေခြင်းမှ အကာအကွယ်ပေးရေး ဆိုသည့်ကိစ္စကို အနည်းငယ်သာ လုပ်နိုင်ကြောင်း သိလိုက်ရသည်။ အစိုးရပိုင်းမှ ခွဲခြမ်းစိတ်ဖြာစိစစ်သူများ၊နိုင်ငံခြားရေး မူဝါဒဆိုင်ရာပုဂ္ဂိုလ်များ အပါအ၀င် အရှေ့တောင်အာရှရေးရာ ကျွမ်းကျင်သူများက တရုတ်အစိုးရအနေနှင့် သူ၏မူလလက်ဟောင်းမိတ်ဆွေများဖြစ်ကြပြီး နယ်ခြားတွင်နေထိုင်ကြသည့် လူမျိုးစု သူပုန်များဖက်သို့ပြန်လှည့်သင့်ကြောင်းပြောဆိုနေကြသည်။ တရုတ်ပြည်အနောက်တောင်ဖက် ယူနန်ရှိ “ယူနန် ရဲ ကောလိပ်” မှ နိုင်ငံရေးသိပ္ပံပါမောက္ခ လျန်ဂျင်းယွန် က ၂၀၁၁ ခုနှစ်က ရေးသားတင်သွင်းခဲ့သော စာတမ်းမှာ အတော်သြဇာရှိသော စာတမ်းဖြစ်သည်။ ထိုစာတမ်းတွင် အကယ်၍ တရုတ်မြန်မာနယ်စပ်ရှိ လူမျိုးစု သူပုန်များကိုကောင်းစွာ အသုံးချနိုင်ခဲ့လျှင် တရုတ်အတွက်ရေရှည်သစ္စာရှိသည့် မိတ်ဆွေများဖြစ်လာနိုင်ပြီးမြန်မာနိုင်ငံတွင်ကြုံနေရသည့် အမေရိကန်နှင့် တရုတ်တို့၏ထိပ်တိုက် ရင်ဆိုင်နေရသည့်ရှေ့တန်းအတွက် အသုံးဝင်နိုင်ကြောင်း သုံးသပ်ထားသည်။

မြန်မာနိုင်ငံလွတ်လပ်ရေးရကတည်းက သီးခြားခွဲထွက်ရေးအတွက် တိုက်ပွဲဝင်ခဲ့ကြသော “၀” နှင့် “ကချင်” မျိုးနွယ်စုများ သည် ကာလကြာမြင့်စွာကတည်းက တရုတ်နှင့် ချစ်ကြည်ခဲ့ကြသည်။ ၁၉၆၀ ခုနှစ်များဆီက တရုတ်နှင့် ဆက်ဆံရေး အကောင်းဆုံး ကာလများဖြစ်ခဲ့သည်။ ထိုစဉ်က ထိုမျိုးနွယ်စုများနှင့် တရုတ်အမျိုးသား များပါဝင်သော ဗမာပြည်ကွန်မြူနစ်ပါတီအား တရုတ်က ထောက်ပံ့ပေးခဲ့သဖြင့် ဗဟိုအစိုးရအား ဆန့်ကျင် တော်လှန်ရာတွင် တစိတ်တပိုင်း အောင်မြင်မှုရခဲ့သည်။ ၁၉၉၀နှစ်များတွင် ဘေဂျင်းက လူနှင့်ပစ္စည်းထောက်ပံ့မှုများကို ရပ်ဆိုင်းခဲ့သည်။ သို့သော် ယူနန်ပြည်နယ်အစိုးရသည် နယ်စပ်ကူးလူးဆက်ဆံမှုကို ပုံစံပြောင်းပြီး စီးပွားရေး ဆက်ဆံမှုနှင့် မူးယစ်ဆေးဝါး အစားထိုးသီးနှံ အစီအစဉ်များဖြင့် အစားထိုးခဲ့သည်။ ၂၀၁၁ စက်တင်ဘာတွင် နေပြည်တော်နှင့် “၀” တို့ငြိမ်းချမ်းရေး သဘောတူနိုင်ခဲ့ကြသည်။ သို့သော် ကချင်စစ်တပ်နှင့်မြန်မာစစ်တပ်တို့မှာမူ စစ်ပွဲဆင်နွှဲနေဆဲဖြစ်သည်။မြန်မာတပ်များသည် ကချင်တပ်များကို တိုက်ရာတွင် လေကြောင်းမှ တိုက်ခိုက်ခဲ့ကြောင်း ဇန်န၀ါရီ ၂ရက်နေ့ကပြောခဲ့သည်။ ကချင်စစ်တပ်ကလည်း သူတို့ထံတွင် စစ်သည်အင်အား တစ်သောင်းခွဲရှိကြောင်းကြွားနေဆဲဖြစ်သည်။

ဘေဂျင်းသည် အများပြည်သူသိအောင် ကြေငြာခြင်းကိုမူအနည်းငယ်သာပြုလုပ်သည်။ တရုတ်နှင့်မြန်မာတို့ သည်အရေးပါသော အိမ်နီးချင်းများဖြစ်ကြကြောင်း၊နေပြည်တော်နှင့် ၀ါရှင်တန်တို့ ဆက်ဆံရေးကောင်းမွန်လာ သည်ကိုလည်း တရုတ်ကကြိုဆိုပါကြောင်း တရုတ်နိုင်ငံခြားရေး ၀န်ကြီးဌာနမှဆိုသည်။ သို့သော်ဘေဂျင်းနှင့် လွန်ခဲ့သော ဆယ်စုနှစ်များက ဆက်ဆံခဲ့ရာတွင် ဆန္ဒရှိသလောက် ရလဒ်ကောင်းများ မရခဲ့ကြောင်း သိမ်မွေ့စွာပြောခဲ့သည်။ ထို့ကြောင့် တရုတ်သည် ချဉ်းကပ်ပုံ ပြောင်းသင့်ပြီဖြစ်ကြောင်းဖြင့်ပြီးခဲ့သော နိုဝင်ဘာလက ကျင်းပသော ဧည့်ခံပွဲတွင် တရုတ် နိုင်ငံရေးဆန်းစစ် စိတ်ဖြာသူ တစ်ဦးကပြောသည်။ ဘေဂျင်းမှနောက်ထပ်သြဇာရှိသော ဆန်းစစ်သူတစ်ဦးကလည်း နယ်စပ်ရှိ မျိုးနွယ်စုများသည် မိမိတို့အတွက် ဖဲချပ်ဖြစ်ကြောင်း တရုတ်ပြည် သည် ထိုဖဲချပ်ကိုကောင်းစွာကစားသင့်ကြောင်းပြောသည်။ သူ၏အမြင်သည် လွန်ခဲ့သောနှစ်အနည်းက ဆုံခဲ့ရသည့်နိုင်ငံရေး ဆန်းစစ်သူများ၏ အမြင်များနှင့်တူနေသည်။ သို့သော်မည်သူ တစ်ဦးတစ်ယောက်ကမျှ တိုင်းသိပြည်သိ မပြောခဲ့ကြပေ..။

http://www.foreignpolicy.com/တွင် ဖော်ပြခဲ့သည့် ဆောင်းပါးရှင် YUN SUN ၏ Has China Lost Myanmar? ဆောင်းပါးကို M-Media မှာ ဆီလျော်အောင် ဘာသာပြန်ဆိုပါသည်။

January 22, 2013
တရုတ်နိုင်ငံ၏ သတို့သမီး ရှားပါးမှု မြန်မာသမီးပျိုများအား လူကုန်ကူးခြင်းဖြင့် ဖြည့်စီးနေ

ဒီဇင်ဘာ ၄ ၊ ၂၀၁၂
M-Media

ဆင်းရဲသား မိသားစုမှ မွေးဖွားလာသော အသက် ၁၇ နှစ်အရွယ် သဇင်* ၊မြန်မာနိုင်ငံ၏ အကြီးဆုံးသော ရန်ကုန်မြို့တော်ကြီးရဲ့ ဆင်ခြေဖုန်းမှ ပျံကျ ဈေးသည်လေးတယောက် မမျှော်မှန်းရဲလောက်သော ၀င်ငွေရမည့် တရုတ်နိုင်ငံ အထည်ဆိုင်ကြီးတခုမှာ အလုပ်သွားလုပ်ရတော့မယ်လို့ သူမ ထင်ခဲ့သည်။

မြန်မာပြည် အလယ်ပိုင်းမှ နောက်တယောက်မှာတော့ သူမသည် မြန်မာအမျိုးသားတဦးနှင့် လက်ထပ်ကာ ရက်စက်သော ဖခင်ထံမှ ကယ်တင်ခံ ရတော့မည်ဟု ထင်ခဲ့သည်။ တတိယ တရုတ်ပြည်နယ်စပ်မှ ကချင်မလေးမှာမူ ၀င်ငွေကောင်းတဲ့ အလုပ်ရမယ်ဆိုသဖြင့် မိသားစုအတွက် ဆန်ဝယ်နိုင်ရန် အိမ်နီးချင်းနောက် လိုက်ခဲ့ပါသည်။

တရုတ်ပြည်သို့ ရောက်သောအခါ သူတို့သုံးဦးမှာ သူတို့တခါမျှ မမြင်ဘူးသော တရုတ်လူမျိုးများထဲမှ လယ်သမား၊ ဆောက်လုပ်ေ၇းလုပ်သား၊ အလုပ်ကြမ်းသမား စသောသူများနှင့် သတို့သမီးကြေး အနည်းငယ်သာရပြီး အတင်းအကြပ် လက်ထပ်ခိုင်းခြင်း ခံရပါတော့သည်။ တရုတ်နိုင်ငံ၏ တအိမ်ထောင် ကလေးတယောက် မူဝါဒနှင့် ယဉ်ကျေးမှုအရ သားကိုသာ ဦးစားပေး မွေးဖွားခဲ့ကြသူများကြောင့် ဆယ်စုနှစ်များစွာ ကြာသောအခါ တရုတ်ပြည်တွင် သတို့သမီး ရှားလာသည့် အခြေအနေ ရင်ဆိုင်နေရသည်။

သို့သော်လည်း မြန်မာနိုင်ငံ၏ လေးပုံတပုံခန့်ရှသေိာ တနေ့ကို ၁ ဒေါ်လာမျှနှင့်သာ ရပ်တည်နေရသည့် ဆင်းရဲသားများထဲမှ မယားရှာဖွေပေးသော ပွဲစားများကိုမူ သူတို့အစား ငွေအမြောက်အများပေးရသည်။

သဇင်က သူမအနေဖြင့် အခြေအနေ အမှန်ကို သိသည့်အခါ ပွဲစားများ ကို ငိုယို တောင်းပန်ကြောင်း၊ သို့သော်လည်း သူမကို ငွေပေး လက်ထပ်ထားသည့် ထို လူတစိမ်းထံမှ မလွတ်မြောက်နိုင်ခဲ့ကြောင်း ပြောပါသည်။ “ကျမ ဘယ်ကို ပြေးရမှန်းလဲ မသိဘူး။ ပြန်ဖန်းမိရင်လဲ သတ်မှာ ကြောက်ရသေးတယ်။” ဟု ပြောသေးသည်။

သူမသည် တရုတ်နိုင်ငံ အနောက်တောင်ဘက် ယူနန်ပြည်နယ်၏ ကျေးရွာတရွာတွင် ၅ နှစ်ကြာမျှနေထိုင်ခဲ့ပြီး မလွတ်မြောက်ခင်ထိ ကလေး ၂ယောက် မွေးဖွား ခဲ့ကြောင်း၊ ထိုဒေသ၏ အခြားသော ရွာများတွင်လည်း ထိုသို့ အတင်းအကြပ် လက်ထပ်ထားသော မြန်မာအမျိုးသမီးများ များစွာ ရှိကြောင်း ပြောပြသည်။

မြန်မာအစိုးရ၏ လူကုန်ကူးမှု ဆန့်ကျင်ရေး နှစ်ပတ်လည် တိုးတက်မှု အစီရင်ခံစာတွင်လည်း ၂၀၁၁ ခုနှစ်အတွင်း လူကုန်ကူးမှု (၁၀) မှုတွင် (၇) မှု့မှာ “မြန်မာအမျိုးသမီးများအား တရုတ်အမျိုးသားများနှင့် အတင်းအကြပ် လက်ထပ်စေရန် ရည်ရွယ်ချက် သက်သက်ဖြင့် ကျူးလွန်သော ပြစ်မှုများ” ဖြစ်ကြောင်း ဖေါ်ပြသည်။

တရုတ် နှင့် မြန်မာ ၂နိုင်ငံ လူကုန်ကူးခြင်းဆိုင်ရာ နားလည်မှု စာချွန်လွှာကို ၂၀၀၉ ခုနှစ်က လက်မှတ်ရေးထိုးသော်လည်း မည်သို့ အရေးယူမည်ကို ယခုထိ အပြီးသတ် သတ်မှတ်နိုင်ခြင်းမရှိသေးပေ။ ပီကင်း၏ လူမှုရေးအဖွဲ့အစည်းများအပေါ် လုပ်ဆောင်ရန် နောက်တွန့်နေခြင်းမှာလည်းပြဿနာ တခုပင်ဖြစ်သည်ဟု အထောက်အကူပြုလုပ်သားများနှင့် ဆန့်ကျင်လှုပ်ရှားသူများ က ဆိုသည်။

ကချင်ပြည်နယ်တွင်း အစိုးရစစ်တပ်နှင့် ကချင်သူပုန်တို့၏ အပစ်အခတ်များကြောင့် မတည်ငြိမ်မှုကို ကြာရှည်ခံစားနေရသည့် ရ၅၀၀၀ ခန့်ရှိ ပြည်သူများ သည်လည်း အမျိုးသမီးနှင့် မိန်းကလေးများ စွန့်စားကုန်ကူးမှု ကို ကြီးထွားစေခဲ့သော အကြောင်းတရပ်ဖြစ်သည်။

မိန်းကလေး ရှားပါးမှုနှင့် ဆင်းရဲနွမ်းပါးမှုတို့၏ မိတ်ဆက်

တရုတ်အစိုးရ၏ ၂၀၁၂ ခုနှစ် ဇွန်အတွင်း ထုတ်ပြန်သော စာရင်းဇယားတွင် တရုတ်နိုင်ငံ၏လူဦးရေ သန်းပေါင်း ၁၃၀၀ ကျော် ရှိသည့်အနက် နှစ်ပေါင်းများစွာ ကျင့်သုံးလာသည့် တအိမ်ထောင် ကလေးတယောက်၏ အကျိုးဆက်အဖြစ် အမျိုးသမီး (၁၀၀) လျှင် အမျိုးသား (၁၁၇.၇၈) ယောက်ရှိကြောင်း၊ ၂၀၂၀ တွင် အိမ်ထောင်မရှိ တကိုယ်ရေ တရုတ်အမျိုးသားများ (၂၄)သန်းမှ သန်း(၃၀)ထိ ဖြစ်ဖွယ်ရာရှိကြောင်း ဖေါ်ပြသည်။

မြန်မာနိုင်ငံမှ ဆင်းရဲမှု၏ အခြေခံဖြစ်သော အလုပ်အကိုင် ရှားပါးမှုကြောင့် အားနွဲ့သော အမျိုးသမီးများနှင့် မိန်းကလေးများမှာ လူကုန်ကူးသူများ၏ ဓါးစာခံများ ဖြစ်လာကြသည်။ တရုတ် အမျိုးသားများအတွက် သတို့သမီးများအဖြစ် ကုန်ကူးခံရသောမြန်မာအမျိုးသမီး အများစုသည် မမှန်မကန် သွေးဆောင် ဖျားယောင်းကာ တရုတ်ပြည်သို့ အခေါ်ခံခဲ့ကြရခြင်း ဖြစ်သည်။

မြန်မာအစိုးရက လွန်ခဲ့သည့် ၃ နှစ်အတွင်း စုစုပေါင်း ၃၁၅ ယောက် အတင်းအဓမ္မ လက်ထပ်ခဲ့ရကြောင်း၊ အများစုမှာ တရုတ်ပြည်တွင်ဖြစ်ပွားသည်ဟု ယုံကြည်ကြောင်း မှတ်တမ်းတင်ခဲ့သည်။ ကမ္ဘာ့ကုလသမဂ္ဂ အဖွဲ့ကြီး၏ အဆိုအရ အဓိက ဦးတည်သည့် နေရာများမှာ ယူနန်ပြည်နယ် တောင်ပိုင်း ဒေသများ ဖြစ်သည့် ဖူဂျီယန်၊ ဟိုင်နန်၊ စီချွမ်နှင့် အန်းဟူတို့ဖြစ်သည်။

ကုလသမဂ္ဂ လူကုန်ကူးမှုဆန့်ကျင်ရေး ဌာန UNIAP မှ ၂၀၁၂ ခုနှစ် ပထမ(၈) လအတွင်း အမျိုးသမီး ၁၀၃ ယောက် တရုတ်ပြည်သို့ လူကုန်ကူးမှု ခံခဲ့ရကြောင်း၊ အချို့ ထွက်မပြေးနိုင်သော၊ ထုတ်ဖေါ်ပြောရန် ၀န်လေးသော၊ အကူအညီ ရရှိနိုင်မှန်း သတိမပြုမိသော ဒုက္ခသည်များ ရှိသဖြင့် အမှန်တကယ် အရေအတွက်မှာ ထို့ထက် မြင့်မားဖွယ်ရာရှိသည် ဟု ဖေါ်ပြသည်။

“တခါတရံမှာ ဒုက္ခသည်တွေက သူတို့တွေ အသုံးချခံခဲ့ရမှုအတွက် အမှုဖွင့်နိုင် ခွင့်ရှိကြောင်း မသိကြဘူး” ဟု သဇင့်အား ကူညီခဲ့သည့် လူကုန်ကူးမှု ဆန့်ကျင်ရေး အစီအစဉ်၏ ကမ္ဘာ့လုံးဆိုင်ရာ အထောက်အကူပြု အဖွဲ့အစည်းမှ မန်နေဂျာ ဒေါ်ခင်မျိုးသန့်က ပြောပါသည်။ “သူတို့က ဒါကို သူတို့ အတိတ်ဘ၀က ကံကြမ္မာလို့ ထင်ကြတယ်။”

“မြန်မာအစိုးရအနေနဲ့ ဒီမိုကရေစီ အောင်မြင်စွာ ပြုပြင်နိုင်ရေးအတွက် ချီးမွမ်းခံထိုက်ပေမဲ့ လူမှုရေး ကာကွယ် စောင့်ရှောက်မှု၊ လူမှုဘ၀ အခြေခံ လိုအပ်ချက်တွေ အတွက်တော့ ထုတ်ဖေါ်ချီးမွမ်း လို့ မရလောက်သေးဘူး” ဟု အာရှဆိုင်ရာ ကလေးသူငယ်များ ကယ်တင်စောင့်ရှောက်ရေး အရာရှိ ဒေးဗစ် ဘာကလေ ဘလူးမား က ပြောပါသည်။ ခက်ခဲသော အချိန်များတွင် မိန်းကလေးများသည် မိသားစု စီးပွားရေး အတွက် တာဝန် ရှိသည် ဆိုသော အသိအမြင်သည် ၄င်းတို့အား အခြားနိုင်ငံများသို့ သွားရောက်ခြင်းကို အားပေး ဦးတည်သည်။

“ဆက်လက်၍ မိသားတစုမှာ ယောကျာင်္းလေးနဲ့ မိန်းကလေးရွေးရလျှင် ဘယ်သူ့ကို အရင် သွားဖို့ အားပေးမလဲ။ အမြဲတမ်းလိုလို မိန်းကလေးဘဲ။ ကျောင်းထွက်စရာရှိရင်လဲ မိန်းကလေးက ယောကျာင်္းလေးထက် အရင်ထွက်ရတာဘဲ။ ဒါကမြန်မာနိုင်ငံ တခုတည်းမဟုတ်ဘူး။ အရှေ့တောင်အာရှ တခုလုံးလိုလိုမှာဘဲ။”ဟု ၄င်းကဆက်လက်ပြောသည်။

ဆက်စပ်နေသော တောင်းဆိုမှု

မြန်မာပြည်မှပြဿနာများဖြစ်သော မြေသိမ်းမှု၊ အတင်းအကြပ် ခိုင်းစေမှု၊ ဘာသာရေးဖိနှိပ်မှုများနှင့် နယ်စပ်ဒေသစစ်ပွဲများသည်လည်း “အမျိုးသမီးများကို အေးချမ်းသော နယ်မြေသစ် ရှာဖွေစေသည်” ဟု တိုင်းပြည်ကိုစွန့်ခွာပြေးရသော လူမျိုးစု အဖွဲ့များက ဆိုသည်။

ကချင် အမျိုးသမီး အဖွဲ့အစည်း ထိုင်းနိုင်ငံ (KWAT) မှ တာဝန်ယူဆောင်ရွက်နေသော တရုတ်-မြန်မာ နယ်စပ် ဒေသတွင်လည်း တနှစ်အတွင်း လူကုန်ကူး ခံရသည့် ဒုက္ခသည် ၆၀ မှ ၈၀ ကိုကယ်တင်ခဲ့ကြောင်း၊ ၂၀၁၁ ခုနှစ် ဇွန်မှစတင်ဖြစ်ပွားနေသော ကချင်ပြည်နယ်တွင်း ဖြစ်ပွားသည့် စစ်ပွဲများမှ ဒုက္ခသည် အမျိုးသမီးများအား လိုအပ်သလို ကာကွယ် နေရာချထား ပေးခဲ့ပြီးဖြစ်ကြောင်း KWAT လူကုန်ကူးမှုဆန့်ကျင်ရေး အဖွဲ့မှ ပူးပေါင်းပါဝင်ဆောင်ရွက်သူ ဂျူလီယာ မာရစ်က ပြောသည်။

“နေရာချထားမှုတွေများလာပြီး ထောက်ပံ့မှုတွေ နည်းလာတဲ့အခါ သူတို့ဘ၀ ရပ်တည်ရေးအတွက် ၀င်ငွေရှာဖို့ မလွဲမသွေ လုပ်ရတော့တယ်။” ဟု သူမက ထရပ်လောသို့ပြောသည်။

“အဓမ္မ လက်ထပ်ခြင်းများကို ရပ်တန့်စေရန် ကုန်ကူးမှုကွင်းဆက်ရဲ့ အစ၂ဘက်စလုံးကိုအာရုံစိုက်ရမယ်” ဟု အထောက်အကူပြု လုပ်သားများက ပြောသည်။ “ကျမတို့ ဒီကိစ္စကို ကိုင်တွယ်ချင်ရင် ဒီ ကိစ္စဖြစ်အောင် စေ့ဆော်တဲ့ အကြောင်းအရာတွေကို လည်း ကိုင်တွယ်ဖို့လိုပါတယ်။” ဟု ဒေါ်ခင်မျိုးသန့်က ဆိုသည်။

“ဒါပေမဲ့ တရုတ်ပြည်မှာက အဓမ္မ လက်ထပ်ခြင်းလို့ မတွေးဘူး။ သူတို့အတွက် က သတို့သမီးရှာတာဟာ ကြီးမားတဲ့ ပြသနာ မဟုတ်ဘူး။ ဒါပေမဲ့ မြန်မာ့ယဉ်ကျေးမှု အမြင်နဲ့ အမျိုးသမီးတွေ အတွက်ကတော့ မဖြစ်သင့်ဘူး။”ဟု သူမကဆက်လက်ပြောပါသည်။

စိန်ခေါ်မှုများ

မြန်မာပြည်တွင် ၂၀၀၅ ခုနှစ် လူကုန်ကူးမှု တိုက်ဖျက်ရေးဥပဒေ ပြဌာန်းခြင်း၊ အကျိုးသက်ရောက်စေခြင်းဖြင့် လူကုန်ကူးမှုကို ချေမှုန်းရန် စတင်ခဲ့သည်။

ဇွန်လအတွင်း အမေရိကန် နိုင်ငံခြားရေးဝန်ကြီးဌာနမှ သူ၏ လူကုန်ကူးမှုဆိုင်ရာ နောက်ဆုံးအစီရင်ခံစာတွင် မြန်မာနိုင်ငံကို ၂၀၀၀ ခုနှစ်ကတည်းက ချိုးနှိမ်စွာ သတ်မှတ်ထားခဲ့သည့် အနိမ့်ဆုံး အဆင့် ၃မှ အဆင့် ၂သို့ အဆင့်မြှင့်ပေးခဲ့သည်။

ပြောင်းလဲမှု အရှိန်အဟုန် ဆိုသည်မှာ အာဏာပိုင် အဖွဲ့အစည်းများမှ ၄င်းတို့ချမှတ်ထားသည့် အစီအစဉ် များကို ထိထိရောက်ရောက် အကျိုးသက်ရောက်မှု ရှိရန် ကျိန်းသေ ရုန်းကန် လှုပ်ရှားနေသည် ဆိုသည်နှင့် ဆက်နွယ်လျှက်ရှိနေသည်။ ဝေဖန်သူများက အစိုးရအနေဖြင့် လမ်းဘေး ကြော်ငြာ စိုက်ထူခြင်း၊ ပိုစတာများ ချိတ်ဆွဲခြင်းတို့ဖြင့် ဂရုစိုက်မှုမြင့်တင်သည်မှာ ကောင်းသော်လည်း စီမံကိန်းများ၌ အကျိုးသက်ရောက်မှု အတိုင်းအတာ နည်းပါးကြောင်း၊ အဓိက ကိုယ်စားလှယ်အဖွဲ့များနှင့် ပြည်ထဲရေးဝန်ကြီးဌာနနှင့် လူမှုဝန်ထမ်းဦးစီးဌာနတို့ ပူးပေါင်းပါဝင် ဆောင်ရွက်မှု အားနည်းကြောင်း ဝေဖန်ပြောဆိုသည်။

လာဘ်ပေး လာဘ်ယူမှုသည်လည်း အာဏာပိုင်များအနေဖြင့် လူကုန်ကူးသူများကို အထူးသဖြင့် နယ်စပ်ဒေသများတွင် လစ်လျူရှုရန် အဓိကအချက် တခု ဖြစ်သည်။ ထိုအချက်က ဒုက္ခသည်များကို ရှေ့ဆက် လုပ်ဆောင်ရန် တွန့်ဆုတ်စေပြီး၊ စွဲချက်တင် ဆောင်ရွက်စေရန် နှောင့်နှေးစေသည်။

“တခါတလေ ကျမတို့ ဒုက္ခသည်တွေဆီက ဖုန်းရလို့ သူတို့ကို ကူညီနိုင်မဲ့ လူကုန်ကူးမှုဆန့်ကျင်ရေး ရဲဆီ သွားဖို့ပြောပေမဲ့ သူတို့မသွားရဲဘူး။” ဟု UNIAP ၏ မြန်မာနိုင်ငံလုံးဆိုင်ရာ အမျိုးသားစီမံကိန်း မှ ဥမ္မာအိအိချောက ပြောသည်။ ဆက်လက်၍ “အာဏာပိုင်တွေကို ကြောက်ရွံ့မှုနဲ့ မယုံကြည်မှုက ခုထိရှိနေတုန်းဘဲ။ ဒီတော့ သူတို့ အမှုဖွင့်ဖို့ကော အကူအညီတောင်းဖို့ကော ကြောက်ကြတယ်” ဟု ပြောသည်။

ဒုက္ခသည်များမှာ လွတ်မြောက်အောင် ကြံဆောင်နိုင်သည့်တိုင် ၄င်းတို့၏ ခက်ခဲသည့်စမ်းသပ်ပွဲမှာ မပြီးဆုံးနိုင်သေးပေ။ ပြန်လည် ထူထောင်ရေးနှင့် မိသားစုများနှင့် ပြန်လည်ပေါင်းစပ်ပေးရန် ကူညီမှုတို့မှာ ကြီးမားသော စိန်ခေါ်မှုများ ဖြစ်ပြီးပြန်လာသူ အများစုမှာ ကောင်းမွန်သော ၀င်ငွေဖြင့် အခြေတကျ အလုပ်ရှာဖွေရန် အခက်အခဲများရှိကြသည်။

“နည်းလမ်းနဲ့ မူဝါဒတွေအရတော့ အားလုံးက နေရာတကျဘဲ။ ဒါပေမဲ့ တကယ်ကူညီဖို့ လိုအပ်တဲ့ ပြန်လည်ကောင်းမွန်လာရေးနဲ့ ပြန်လည်ပေါင်းစည်းရေး အတွက်ကျတော့ ကျမတို့ လူသားအရင်းအမြစ်တွေ၊ ကျွမ်းကျင်မှုတွေ၊ ငွေကြေးထောက်ပံ့မှုတွေ နဲ့ မတူကွဲပြားတဲ့ အဖွဲ့အစည်းတွေရဲ့ ပူးပေါင်းပါဝင် ဆောင်ရွက်မှုတွေ လိုအပ်ပါသေးတယ်။ ဒါတွေအားလုံး အားနည်းနေသေးတယ်။” ဟု ဥမ္မာကဆိုသည်။

အိမ်ပြန်ရန် ခရီးဝေးကြီးကို လျှောက်လှမ်းလာသည့် သဇင်မှာတော့ သူမ၏ မုဆိုးဖို အဖေမှာဆုံးပါးခဲ့ပြီး မောင်လေးများ တကွဲတပြား ဖြစ်နေတာကိုသာ တွေ့ရပါသည်။ သူမအနေဖြင့် လူကုန်ကူးသူများကိုရှာဖွေတွေ့လျှင် ဖမ်းဆီးစေချင်ပါသည်။

“ကျမဖြစ်ခဲ့သလို ဘယ်သူ့ကိုမှ မဖြစ်စေချင်ပါဘူး” ဟု သဇင်ကပြော၏။

* ဒုက္ခသည်ကို ကာကွယ်ရန်အတွက် အမည်ပြောင်းလဲထားပါသည်။

http://www.trust.org/trustlaw/ မှ Myanmar’s trafficked brides fill China’s shortage of women ဆောင်းပါးကို M-Media မှ ဆီလျောက်အောင် ဘာသာပြန်ဆိုပါသည်။

December 12, 2012
နယ်စပ်ဖြတ်သန်းခွင့် လက်မှတ်ထုတ်ပေးမှု့ အစ္စလာမ်ဘာသာဝင်ဖြစ်က ကန့်သတ်

စက်တင်ဘာ၊ ၁၃ ၊ ၂၀၁၂

Source: သျှမ်းသံတော်ဆင့်

တရုတ်- မြန်မာ နယ်စပ် ကျယ်ဂေါင်-မူဆယ် နယ်စပ် ဂိတ်တံခါးကို တရုတ်မြို့ ကျယ်ဂေါင်ဘက်မှနေ၍ မြင်ရပုံ ( Photo AFP)

သျှမ်းပြည် (မြောက်ပိုင်း) အတွင်း နေထိုင်သူ မည်သူမဆို အဆိုပါ နယ်စပ်ဖြတ်သန်းခွင့် စာအုပ် ပြုလုပ်နိုင်ပြီး ၄င်းစာအုပ် ဖြင့် တရုတ်ဘက်ခြမ်းသို့ ဖြတ်သန်း သွားလာခွင့် ရရှိမည်ဖြစ်သည်။

ယခုအခါ အစ္စလာမ်ဘာသာဝင်များ အပေါ် နယ်စပ်ဖြတ်သန်းခွင့်စာအုပ်များ ထုတ်ပေးခြင်း ကန့်သတ်ထားမှုကြောင့် တရုတ်ဘက်ခြမ်းသို့ သွားလာရာတွင် အခက်အခဲဖြစ်နေကြောင်း သျှမ်းပြည် (မြောက်ပိုင်း) အတွင်း နေထိုင်သူ အစ္စလာမ် လူငယ် တစ်ဦးက သျှမ်းသံတော်ဆင့်သို့ ပြောသည်။

“ဒီနေ့ကျနော် မူစယ်ခရိုင် လဝက ရုံးမှာ နယ်စပ်ဖြတ်သန်းခွင့် စာအုပ်သက်တမ်းသွားတိုးတော့ လဝကက ကျနော်တို့စိစစ်ပါရစေအုံးဆိုပြီး ရက်မတိုးပေးခဲ့ဘူး၊ ဒီသျှမ်းပြည် (မြောက်ပိုင်း) မှာနေထိုင်တဲ့ အိမ်ထောင်စုလည်းပါတယ်၊ မှတ်ပုံတင်လည်း ပါတယ်၊ ကျနော် ရေရေလည်လည် ပေါက်ကွဲတယ်ဗျာ” ဟု ၄င်းက ဆိုသည်။

အဆိုပါနယ်စပ်ဖြတ်သန်းခွင့် စာအုပ်ထုတ်ပေးရာတွင် အချက်အလက် အထောက်အထား အပြည့်အစုံပါက မည်သူ့ကိုမဆို ပြုလုပ်ပေးကြောင်း စိစစ်ရန်လိုအပ်ချက်အရ ဆိုင်းငံ့ထားခြင်း ဖြစ်နိုင်ကြောင်း မူစယ်မြို့ခံ လဝက ဝန်ထမ်းတစ်ဦးက ပြောသည်။

ဤကန့်သတ်ချက်တင်းကျပ်လာမှုမှာ မကြာမီကျင်းပမည့် တရုတ်ကွန်မြူနစ်ပါတီ ကွန်ကရက်နှင့်ပတ်သက်သည်ဟု ဆိုပါသည်။

September 13, 2012
ပထမဆုံးသော ရှေးဟောင်း တရုတ်ဘာသာပြန် ကုရ်အာန် ရှာဖွေတွေ့ ရှိ

ပထမဆုံးသော ရှေးဟောင်း တရုတ်ဘာသာပြန် ကုရ်အာန်

တရုတ်နိုင်ငံအနောက်မြောက်ပိုင်း Gansu နယ်မြေက မုစ်လင်ရှေးဟောင်းအမွေအနှစ် ရှာဖွေသူတို့ က ၁၉၁၂ခုနှစ်လောက်က တရုတ်လက်ရေးမူနဲ့ ရေးသားထားတဲ့ ရှေးအကျဆုံး တရုတ်ဘာသာပြန် ကုရ်အာန်တစ်အုပ်ကို ရှာဖွေတွေ့ ရှိခဲ့တယ်လို့  ပြောကြားခဲ့ပါတယ်။ ဒီစာအုပ်ကို မတွေ့ ခင်က ပညာရှင်တွေဟာ ၁၉၂၇ခုနှစ်က ဘေကျင်းမှာ ပုံနှိပ် ထုတ်ဝေခဲ့တဲ့ တရုတ် ဘာသာပြန်ကုရ်အာန်ကို အစောဆုံးလို့ ထင်မှတ်ထားခဲ့ကြတာပါ။

အခုအသစ်တွေ့ ရှိခဲ့တဲ့လက်ရေးမူကို Lanzhou တက္ကသိုလ်က မုစ်လင်မ် ရှေးဟောင်း ယဉ်ကျေးမှု ရှာဖွေသူတွေက မော်ကွန်းတိုက်ဟောင်းက ရှာဖွေတွေ့ ရှိခဲ့တာဖြစ်ပြီး တရုတ် ဘာသာကို ပြန်ဆိုခဲ့သူတွေကတော့ အီမာမ်နှစ်ဦးဖြစ်တဲ့ Sha Zhong နဲ့  Ma Fulu ဆိုသူတို့ ဖြစ်ကြတယ်လို့ယုံကြည်ရပါတယ်။

သူတို့နှစ်ဦးဟာ ၁၉၀၉ခုနှစ်လောက်က စတင်ဘာသာပြန်ခဲ့တာဖြစ်ပြီး ၁၉၁၂ခုနှစ်လောက်မှာ အပြီးသတ်ခဲ့တယ်လို့ သိရပါတယ်။ ဒီ့နောက်မှာ Sha Zhong ဟာ သူ့ရဲ့လက်ရေးမူနဲ့ ကော်ပီသုံးအုပ်ကူးခဲ့ပြီး Lanzhou တက္ကသိုလ်မှာ အသုံးပြုခဲ့တယ်လို့ သိရပါတယ်။

နှစ်ဆယ်ရာစုအတွင်းမှာ တခြားတရုတ်ဘာသာပြန် နှစ်အုပ်လည်း Gansu နယ်မြေမှာရှိခဲ့မယ်လို့ ယူဆရပါတယ်။ Lanzhou တက္ကသိုလ်ရဲ့ကျောင်းအုပ် Ding Shiren နဲ့သူ့ရဲ့လုပ်ဖော်ကိုင်ဖက်တွေဟာ ခုချိန်ထိ ဒီဘာသာပြန် ကုရ်အာန်သုံးမျိုးကိုနှိုင်းယှဉ်လေ့လာနေဆဲဖြစ်ပါတယ်။ Sha Zhong နဲ့  Ma Fulu တို့ ရဲ့ဘာသာပြန်ဟာ Lanzhou ဒေသသုံးစကားတွေ ပါဝင်နေပေမယ့်လည်းမူရင်း အာရဗီဘာသာစကားကို လေးစားမှု အပြည့်ရှိတယ်လို့  Ding ကပြောကြားခဲ့ပါတယ်။

အစ္စလာမ်ဘာသာဟာ တရုတ်နိုင်ငံအတွင်းကို Tang မင်းဆက် (၆၁၈-၉၀၇) က စပြီး စတင် ဝင်ရောက်ခဲ့တယ်လို့ ကျွမ်းကျင်သူတွေကပြောကြားခဲ့ပါတယ်။ သို့သော်လည်း ရှေးတရုတ် မုစ်လင်မ်တွေဟာ အဓိပ္ပာယ်လွဲမှားပြီး ရေးသားမိမှာ စိုးရိမ်လို့ ကုရ်အာန်ကျမ်းမြတ်ကို ဘာသာ မပြန်ခဲ့တာဖြစ်နိုင်တယ်လို့  Ding ကပြောကြားခဲ့ပါတယ်။

(abna.ir)

ဇူလိုင်လထုတ် အလ်မီဇားန် အမှတ်၁၁ မှ ကူးယူဖော်ပြသည်။

August 9, 2012
လုပ်ငန်းခွင်နှင့် ဝတ်ပြုမှုကြားက တရုတ်မွတ်စလင်တို့၏ လမြတ် ရမသွာန်

Chinese Muslims

လမြတ်ရမသွာန်ကို စတင်ဝင်ရောက်ခြင်း ကြိုဆိုသည့် အထိမ်းအမှတ်အဖြစ် သ်ိန်းဂဏန်းရှိ တရုတ်မွတ်စလင်တို့သည် သောကြာနေ့ ဇူလိုင် ၂၀ ရက် နံနက် စောစောမှာ ဖဂျဟ် ဆွလာသ်ဝတ်ပြုရန် ဇင်နင်း ပြည်နယ်ရှိ နှစ်ပေါင်း ၆၀၀ ခန့်ကဆောက်လုပ်ထားသော ဒန်ဂွမ်း ဗလီဝတ်ပြုကျောင်းတော်သို့ စုရုံးရောက်ရှိလာကြပါသည်။

China Muslims

” လမြတ် ရမသွာန်ဟာဆိုရင် မွတ်စလင်အားလုံးအတွက် အမွန်မြတ်ဆုံး၊ အကြီးကြယ်ဆုံး၊ ရိုသေလေးစားတန်ဖိုးထားရဆုံးသော လတစ်လဖြစ်ပါတယ် ” ဟု ဇင်နင်း ပြည်နယ်၌ လော်ဂျစ်စတစ်ကုမ္ပဏီ တစ်ခုပိုင်ဆိုင်သော မာရောင်လင်း(Ma Yongliang)က ဆင်ဟွာ သတင်းဌာနကိုပြောကြားပါတယ်။ ဆက်လက်ပြီးသူက ” လမြတ် ရမသွာန်၏ ပထမဆုံးနေ့ ဆွလာသ်ဝတ်ပြုမှုဟာ အလွန်အင်မတန် အရေးကြီးပါတယ် “

တရုတ်ကဲ့သို့သော ဘာသာမဲ့ ကွန်မြူနစ် (ဘာသာရေးယုံကြည်မှုများကို အားမပေးသော) နိုင်ငံတွင်နေထိုင်ကြသော တရုတ် မွတ်စလင်တို့သည် အခက်အခဲ အတားအဆီး များစွာကို ရင်ဆိုင်ကျော်ဖြတ်ပြီး သူတို့၏အီမာန်ယုံကြည်မှုကို မြဲမြံအောင်ကြိုးစားလျက်ရှိကြပါသည်။

လမြတ် ရမသွာန် အတွင်း၌ မွတ်စလင်များဟာ နံနက်တိုင်း ၃နာရီ ၀န်းကျင် စောစီးစွာ နိုးထခါ နံနက် ဆရ်ဟရီ စားသောက်၇န် ပြင်ဆင်ချက်ပြုတ်ကြပါသည်။ ဆရ်ဟရီ စားသောက်ခြင်းဟာဆိုရင်ဖြင့် မိသားစု စုစည်းမှုကို ဖြစ်စေပြီး ၊ စားသောက်ပြီးနောက် ယောကျာ်းများဟာ ဖဂျဟ် ဆွလာသ်ဝတ်ပြုရန် ဗလီဝတ်ပြုကျောင်းတော်သို့ ထွက်ခွာသွားကြပါသည်။ အမျိုးသမီးအများစုဟာ အိမ်တွင်း၌ အတူတကွ ၀တ်ပြုကြပါသည်။

အသက် ၁၇ နှစ်အရွယ်ရှိ တရုတ် မွတ်စလင် အမျိုးသမီးငယ် ဟန်ဂျင်း ဟာဆိုရင် လမြတ် ရမသွာန် အတွင်း၌ နေ့စဉ် ၅ ကြိမ် ဆွလာသ်ဝတ်ပြုကာ ၊ ကျမ်းတော်မြတ် ကိုရ်အာန် ကိုနေ့စဉ်ရွတ်ဖတ်ပါတယ်။ မာရောင်လင်း ဆက်လက်ပြောကြားရာမှာ ” တရုတ် မွတ်စလင်တွေဟာ ကျမ်းတော်မြတ် ကိုရ်အာန် ရဲ့ သွန်သင်ဆုံးမချက်တွေကို လိုက်နာကျင့်သုံးလာခဲ့တာဆိုရင် ရာစုနှစ်ချီပြီး ရှိပြီဖြစ်ပါတယ်။ နေ့စဉ်ဘ၀ပုံစံ တွေဘယ်လိုဘဲပြောင်းလဲတိုးတက်လာပါစေ ၎င်းတို့ရဲ့ အီမာန်ယုံကြည်မှုဟာ အစဉ် အမြဲခိုင်မာလျက်ရှိကြပါတယ်။ ” အစ္စလာမ့် ပြက္ခဒိန် ရဲ့ အမြင့်မြတ်ဆုံးလဖြစ်တယ့် ရမာဒါန်လဟာဆိုရင် ဒီနှစ်မှာတော့ တရုတ်ပြည်သူ့သမ္မတ နိုင်ငံအတွင်း သောကြာနေ့မှ စတင်၍ ကျရောက်ခဲ့ပါတယ်။

Chinese Muslims

ရမသွာန်လမြတ်ဟာ ဆိုရင်ဖြင့် အရွယ်ရောက်ပြီးသော ကမ္ဘာတ၀ှမ်းရှိ မွတ်စလင်အားလုံးအတွက် အစာရေစာ စားသုံးခြင်း၊ လိင်ဆက်ဆံခြင်း စသည်များကို နံနက်နေထွက်ချိန်မှ ညနေနေ၀င်ချိန်အထိ ရှောင်ကျဉ်ရန် ပြဌာန်းထားသည့် လမြတ်ဖြစ်ပါတယ်။ နာမကျန်းဖြစ်နေသူများ ၊ ခရီးသည်များ ကိုတော့ ဥပုသ်စောင့်တည်ခြင်းမှ ကင်းလွတ်ခွင့်ပြုထားပါတယ်။
အလုပ်ခွင်နှင့် ရမသွာန်လမြတ်

နွေရာသီ၌ အချိန်ကြာညောင်းစွာ အစာရေစာ စားသုံးခြင်းမရှိဘဲ ဥပုသ်စောင့်တည်ခဲ့ရသော်လည်း တရုတ် မွတ်စလင်တို့သည် သူတို့၏နေ့စဉ်လုပ်ငန်းခွင်ကို ထိခိုက်မခံခဲ့ပေ။ ကွင်ဟိုင်းယင်းဂျီ ဗဟားလာ့ နေရှင်း ဖက်ရှင်ကုမ္ပဏီ၌ အလုပ်လုပ်ကိုင်လျက်ရှိသော အလုပ်သမလေး ဟန်ယန်း(Han Yan)က သူမသည် အိမ်၌ မိဘသက်ကြီးရွယ်အိုများ၊ ကလေးများကို ကြည့်ရှုစောင့်ရှောက်ယုံသာမက အပိုဝင်ငွေရစေရန် ကုမ္ပဏီအလုပ်ကို ယူ၍လုပ်ကိုင်ပါသည်။ သူမက ဆက်လက်ပြီး ထိုကဲ့သို့ အလုပ်များ လုပ်ကိုင်ခြင်းအားဖြင့် သူမ၏ ရမသွာန်လမြတ် အေဘာဒတ် ခ၀ပ်ကိုးကွယ်မှုလုပ်ငန်းစဉ်များကို ထိခိုက်မှုမရှိပါကြောင်း အတည်ပြုပြောဆိုပါသည်။

လွန်ခဲ့တဲ့ နှစ်အနည်းငယ်အတွင်းမှ အစပြုကာ တရုတ်ပြည်သူ့ သမ္မတ နိုင်ငံ၏ မွတ်စလင် အများစုနေထိုင်သော အဓိက ပြည်နယ်တစ်ခုဖြစ်သည့် နင်းဇီယာ

Chinese Muslims

ဝှီကိုယ်ပိုင်အုပ်ချုပ်ခွင့်ရဒေသ၌ မွတ်စလင် ရိုးရာ ဦးထုပ် နှင့် အ၀တ်အစားများ ထုတ်လုပ်ရာဒေသတစ်ခု အဖြစ်ဖွံဖြိုးတိုးတက်လာခဲ့ပါသည်။ ထိုဒေသမှ ထွက်ရှိသော ပစ္စည်းများကို ပို့ကုန်အဖြစ် ကမ္ဘာ့ဒေသအသီးသီးသို့ တင်ပို့နိုင်ခဲ့ပါသည်။ ” အတိတ်နှစ်များ၌ တရုတ် မွတ်စလင် အမျိုးသမီးများ အနေဖြင့် ၀င်ငွေရှာဖွေခြင်းအလုပ်ကိုလုပ်ကိုင် နိုင်ရန် အင်မတန်မှ ခဲယဉ်းပါသည်။ ဒါပေမဲ့ ယခုအချိန်မှာတော့ အိမ်တွင်းမှု အလုပ်အကိုင်များ ဖော်ဆောင်လုပ်ကိုင်ပေးခြင်းဖြင့် အမျိုးသမီးထုရဲ့ ဘ၀ကို တိုးတက်စေခဲ့ပါတယ် ” ဟု ဖက်ရှင်ကုမ္ပဏီ၏ ဥက္ကဌဖြစ်သူ ဟန်ဒက်ချန်း (Han Decheng) ကပြောကြားခဲ့ပါတယ်။

ဒါတင်မကသေးပါ ၊ မွတ်စလင်များအနေဖြင့် ကြီးမားလှသော ဟလာဟ် စားသောက်ကုန် လုပ်ငန်းကြီးကိုလည်း အောင်မြင်စွာ ဖွံဖြိုးတိုးတက်အောင်လုပ်ဆောင်နိုင်ခဲ့ပါတယ်။ ၂၀၁၁ ခုနှစ် စာရင်းဇယားများအရ နင်းဇီရာ ၀ှီ ဒေသရှိ ဟလာဟ် စားသောက်ကုန် လုပ်ငန်းကြီးသည် စုစုပေါင်း ယွမ်ငွေတန်ဖိုး ၁၀.၃ ဘီလီယံမျှ တင်ပို့နိုင်ခဲ့ပါသည်။ ၂၀၁၅ ခုနှစ်ရောက်လျှင် ဟလာဟ် စားသောက်ကုန် လုပ်ငန်းသည် ၂၀ ဘီလီယံထိ တင်ပို့နိုင်လိမ့်မည်ဟု ခန့်မှန်းထားရှိပါသည်။
အလုပ်တစ်ဘက် အေဘာဒတ် ခ၀ပ်ကိုးကွယ်မှု တစ်ဘက် ချိန်ခွင်ညှိရင်း သူတို့၏ဘ၀ကို တည်ဆောက်လျက်ရှိသော တရုတ် မွတ်စလင်အများစု၏ အဓိက အရေးကြီးဆုံး ဘ၀ရည်မှန်းချက်မှာ မွတ်စလင်အားလုံးတို့ အတွက်အထွတ်အမြတ် တန်ဖိုးထားရာ ကာဘာကျောင်းတော်ရှိရာ မကာမြို့သို့ ဟဂ်ျပြုသွားရောက်ခွင့်ရရှိရေးဟု ဆိုလျှင် စာရှုသူမိတ်ဆွေ အံ့သြမည်မထင်ပါ။

မာရောင်လင်းက ” ငါမိသားစုအတွင်းက လူကြီးပိုင်းအချို့ကတော့ မကာမြို့သို့ ဟဂ်ျပြုရန် သွားပြီးကြပြီး၊ ငါအနေနဲ့လည်း ငါရဲ့ အိမ်မက်ကို အကောင်အထည်ဖော်ဖို့ ဘယ်တော့မှမေ့မှာ မဟုတ်ပါဘူး ” ဟုပြောကြားပါသည်။ ဘာသာရေးယုံကြည်မှုများကို အားမပေးသော ကွန်မြူနစ် တရုတ်ပြည်သူ့ သမ္မတ နိုင်ငံအတွင်း၌ အစိုးရ အသိအမှတ်ပြုသော ဘာသာရေးယုံကြည်မှု ၅ ခုရှိပါသည်။ ၎င်းတို့မှာ အစ္စလာမ်၊ ပရိုတက်စတင့် ခရစ်ယာန်၊ ကက်သလစ်၊ တာအို နှင့် ဗုဒ်ဓဘာသာ တို့ဖြစ်ပါသည်။ ထိုဘာသာယုံကြည်မှုအားလုံး၏ ကျင့်သုံးပုံနှင့် စီမံအုပ်ချုပ်ပုံအားလုံးကို အစိုးရ၏ မျက်ခြေမပျက် စောင့်ကြည်မှုအောက်၌ တင်းကျပ်စွာထားရှိပါသည်။

တရားဝင် စာရင်းဇယားများအရ ကွန်မြူနစ် တရုတ်ပြည်သူ့ သမ္မတ နိုင်ငံအတွင်း ၌ မွတ်စလင်စုစုပေါင်း ၂၂ သန်းရှိပါသည်။ အများစုမှာ နင်းဇီရာ၊ ဇင်ဂျင်း၊ ကွင်ဟိုင်း စသည့်ပြည်နယ်များ နှင့် ဆင်ခြေဖုန်းဒေသများ၌ နေထိုင်ကြပါသည်။ သေးငယ်သော မွတ်စလင်အစုအဝေးများကိုလည်း တရုတ်ပြည်သူ့ သမ္မတ နိုင်ငံအတွင်းပိုင်း အနှံမြင်တွေ့ရနိုင်ပါသည်။ တရားဝင် မဟုတ်သော စာရင်းအရ မွတ်စလင်အဖွဲ့များ၏ အဆိုအရ မွတ်စလင်စုစုပေါင်းဦးရေသည် ဒီထက်မက မြင့်မားနိုင်ပါသည်၊ မွတ်စလင်စုစုပေါင်း ၆၅ သန်းမှ သည် ၁၀၀ သန်း အထိရှိနိုင်ပြီး တရုတ်ပြည်သူ့ သမ္မတ နိုင်ငံ စုစုပေါင်းလူဦးရေ၏ ၇.၅ ရာခိုင်နှုန်းခန့်ရှိနိုင်ပါသည်။

ဘာသာပြန်သူ – ဆောင်းသစ္စာ (စင်ကာပူရ်)

မူရင်လင့် : OnIslam.net

July 24, 2012