News @ M-Media

Tag: EPL 2019-20

  • တနင်္လာနေ့ ဘောလုံးသတင်းများ

    တနင်္လာနေ့ ဘောလုံးသတင်းများ

    ဖေဖော်ဝါရီ ၃၊ ၂၀၂၀
    M-Media

    ဂျူဗင်တပ်စ်မှာ ဂိုး ၅၀ ပြည့်သွားတဲ့ ရော်နယ်ဒို

    ၂၀၁၈ ခုနှစ်က ရီးယဲလ်မက်ဒရစ်ကနေ ဂျူဗင်တပ်စ်ကို ရောက်ရှိလာတဲ့ တိုက်စစ်မှူး ခရစ္စတီယာနို ရော်နယ်ဒိုဟာ ဖီအိုရင်တီးနားကို ၃ ဂိုးပြတ်နဲ့နိုင်တဲ့ ဒီတစ်ပတ် စီးရီးအေပွဲစဉ်မှာ ၂ ဂိုးသွင်းယူခဲ့ပြီး ဂျူဗင်တပ်စ်အတွက် ဂိုး ၅၀ ပြည့်မြောက်ခဲ့ပြီ ဖြစ်ပါတယ်။ ပွဲ ၇၀ နဲ့ ဒီစံချိန်ကို ရခဲ့တာပါ။ ၂၀၀၅ ခုနှစ်က တိုက်စစ်မှူး ထရာဇီဂေးရထားတဲ့ စီးရီး‌အေ ၉ ပွဲဆက် ဂိုးသွင်းနိုင်တဲ့စံချိန်ကိုလည်း ရော်နယ်ဒိုက လက်ရှိမှာ ရရှိထားပါတယ်။ စီးရီးအေမှာ ရော်နယ်ဒိုဟာ ၁၉ ဂိုးနဲ့ ဒုတိယဂိုးအများဆုံးသွင်းယူသူအဖြစ် ရှိနေပါတယ်။ ဂိုး ၅၀ ပြည့်တဲ့အတွက် ဂုဏ်ယူမိတယ်လို့ Twitter စာမျက်နှာမှာ ရော်နယ်ဒိုက ရေးသားခဲ့ပါတယ်။

    ချန်ပီယံလိဂ်ဖလားက ဂွါဒီယိုလာ၏ အောင်မြင်မှုကို ဆုံးဖြတ်မည်

    အသင်းကို ချန်ပီယံလိဂ်ရအောင် မစွမ်းဆောင်ပေးနိုင်ဘူးဆိုရင် ကျရှုံးသူအဖြစ် မှတ်ယူခံရလိမ့်မယ်လို့ မန်စီးတီးနည်းပြ ပက်ပ် ဂွါဒီယိုလာက ပြောကြားလိုက်ပါတယ်။ ၂၀၁၆ ခုနှစ် မန်စီးတီးအသင်းကို ရောက်ပြီးကတည်းက ပရီးမီးယားလိဂ် ၂ ကြိမ်အပါအဝင် အဓိကဖလား ၅ လုံး ရရှိအောင် စွမ်းဆောင်ပေးနိုင်ခဲ့ပေမယ့် ပြီးခဲ့တဲ့ ၃ နှစ် ချန်ပီယံလိဂ်မှာ ကွာတားဖိုင်နယ်အဆင့်ကနေသာ ထွက်ခဲ့ရပါတယ်။ ပြီးခဲ့တဲ့နှစ် အသင်းဟာ အလွန်ကို ကောင်းခဲ့ပေမယ့် ချန်ပီယံလိဂ် မရတဲ့အတွက် ဝေဖန်ခံခဲ့ရတယ်လို့လည်း ဂွါဒီယိုလာက ဆိုပါတယ်။ ၂၀၁၁ ခုနှစ် ဘာစီလိုနာနဲ့အတူ ချန်ပီယံလိဂ်ဖလား ရခဲ့တာဟာ ဂွါဒီယိုလာအတွက် နောက်ဆုံး ဖြစ်ပါတယ်။

    စတာလင်၏ ပြစ်ဒဏ်ကျူးလွန်မှုအပေါ် စိတ်မကွက်ဟု စပါးကွင်းလယ်လူပြော

    မိမိအပေါ် ပြစ်ဒဏ်ကျူးလွန်ခဲ့တဲ့ မန်စီးတီးကွင်းလယ်လူ စတာလင်အပေါ် စိတ်ကွက်တာမျိုးမရှိဘူးလို့ စပါးကွင်းလယ်လူ ဒယ်လီအလီက ပြောကြားလိုက်ပါတယ်။ စပါးအသင်းက ၂ ဂိုး ဂိုးမရှိနဲ့ အနိုင်ရခဲ့တဲ့ တနင်္ဂနွေနေ့ပွဲ မိနစ် ၇၀ မှာ ဘောလုံးလုဖို့ ကြိုးစားရကာနေတစ်ဆင့် စတာလင်ဟာ ပြစ်ဒဏ်ကျူးလွန်မိတာဖြစ်ပါတယ်။ အလီဟာ အဲဒီဒဏ်ရာကြောင့် နောက်ပိုင်းမှာ လူစားလဲခဲ့ရပြီး အသေးစိတ်ကို စပါးအသင်းက ထုတ်ပြန်ခြင်း မရှိပါဘူး။ အလီက စတာလင်ဟာ အခြားသူတစ်ဦးဦးအပေါ် ရည်ရွယ်ပြီး ကျူးလွန်တတ်တဲ့ ကစားသမားမျိုး မဟုတ်တာကို သိရှိထားပြီး မိမိနဲ့လည်း ခင်မင်ရင်းနှီးတယ်လို့ ဆိုပါတယ်။

    Ref: BBC, Daily Mail

  • ကြာသာပ‌တေးနေ့ ဘောလုံးသတင်းများ

    ကြာသာပ‌တေးနေ့ ဘောလုံးသတင်းများ

    ဇန်နဝါရီ ၃၀၊ ၂၀၂၀
    M-Media

    နှစ်ဖက်ပရိသတ်များ၏လုပ်ရပ်ကို မန်ယူနှင့် မန်စီးတီးနည်းပြများ ရှုတ်ချ

    • မနေ့က မန်ချက်စတာ ဒါဘီပွဲမှာ နှစ်ဖက်ပရိတ်သတ်တွေရဲ့ အပြုအမှုအတွက် မန်ယူနဲ့ မန်စီးတီး နည်းပြ ၂ ဦးစလုံးက ပြစ်တင်ရှုတ်ချလိုက်ပါတယ်။ မန်စီးတီးကွင်းမှာကစားပြီး အဲဒီပွဲဟာ လိဂ်ဖလား ဆီးမီးဖိုင်နယ် ဒုတိယကျော့ဖြစ်ပြီး မန်ယူက ၁ ဂိုး ဂိုးမရှိနဲ့ အနိုင်ရခဲ့ပါတယ်။ မန်ယူအသင်းက ကစားသမားနဲ့ တာဝန်ရှိသူ ၂၃ ဦး သေဆုံးတဲ့ ၁၉၅၈ ခုနှစ် မြူးနစ်လေယာဉ်ပျက်ကျမှုကို မန်စီးတီးပရိတ်သတ်တွေက အမူအရာနဲ့ လှောင်ပြောင်ခဲ့သလို၊ မန်ယူပရိတ်သတွေကလည်း ပွဲအပြီး မန်စီးတီးပရိသတ်တွေကို ထိုင်ခုံတွေချိုးကာ ပစ်ပေါက်ခဲ့ပါတယ်။ မန်စီးတီးနည်းပြ ပက်ပ် ဂွါဒီယိုလာက ဒီအဖြစ်အပျက်တွေဟာ ကောင်းမွန်တဲ့ကိစ္စတွေမဟုတ်ဘူးလို့ ပြောကြားခဲ့သလို မန်ယူနည်းပြ ဆိုလ်းရှားကလည်း ဒီလိုအပြုအမူမျိုး ပပျောက်အောင် ဆောင်ရွက်ရမယ်လို့ ဆိုပါတယ်။

    ကစားပုံထက် နိုင်ပွဲက ပိုအရေးကြီးဟု ရီးယဲလ်မက်ဒရစ်နည်းပြပြော

    အသင်းရဲ့ကစားပုံနဲ့ပတ်သက်ပြီး ဝေဖန်မှုတွေရှိနေပေမယ့် မိမိရဲ့နည်းစနစ်ကို ပြောင်းလဲသွားမှာမဟုတ်ဘူးလို့ ရီးယဲလ်နည်းပြ ဇီဒိန်းက ပြောကြားလိုက်ပါတယ်။ ရီးယဲလ်ဟာ လာလီဂါမှာ နိုင်ပွဲတွေရနေပေမယ့် ကစားပုံမကောင်းမှုအတွက် ဝေဖန်ခံနေရတာပါ။ အထူးသဖြင့် တိုက်စစ်ကစားပုံဖြစ်ပြီး ၂၀၂၀ အတွင်း လာလီဂါမှာ ရီးယဲလ်သွင်းခဲ့တဲ့ ဂိုး ၆ ဂိုးဟာ တိုက်စစ်မှူးတွေ သွင်းယူခဲ့တာ မဟုတ်ပါဘူး။ ဇီဒိန်းကတော့ ကစားပုံလှပဖို့ထက် နိုင်ပွဲတွေကို ဆောင်ကျဉ်းပေးနိုင်ဖို့က ပိုအရေးကြီးတယ်လို့ ပြောကြားခဲ့ပါတယ်။

    အသင်းပြောင်းရသည့်အကြောင်း စပါးပရိတ်သတ်တွေကို အဲရစ်ဆန်ရှင်းပြ

    စီးရီးအေကို ပြောင်းရွှေ့သွားရတာဟာ အတွေ့အကြုံသစ်ကို လိုချင်လို့ဖြစ်တယ်လို့ စပါးကွင်းလယ်လူဟောင်း ခရစ္စတီယန် အဲရစ်ဆန်က ပြောကြားလိုက်ပါတယ်။ ၂၀၁၃ ခုနှစ်က အေဂျက်ကနေရောက်လာပြီး စပါးမှာ ၆ နှစ်ခွဲကြာ ကစားခဲ့တဲ့ အဲရစ်ဆင်ဟာ ပရီးမီးယားလိဂ်မှာ အရေးပါတဲ့ကစားသမားတစ်ဦးအဖြစ် သတ်မှတ်ခံခဲ့ရပြီး မန်ယူနဲ့ ရီးယဲလ်တို့လို အသင်းတွေရဲ့ စိတ်ဝင်စားခြင်းကို ခံခဲ့ရသူလည်း ဖြစ်ပါတယ်။ အင်္ဂါနေ့မှာ စီးရီးအေကလပ် အင်တာမီလန်းအသင်းကို ပြောင်းရွှေ့ခဲ့တဲ့ အဲရစ်ဆင်က စပါးက အချိန်တွေဟာ ပျော်ရွှင်စရာအချိန်တွေဖြစ်ခဲ့ပြီး အနာဂတ်မှာ ပြန်လည်ဆုံစည်းချင်တယ်လို့ ပရိသတ်တွေကို လိပ်မူတဲ့ ဆိုရှယ်မီဒီယာပို့စ်မှာ ရေးသားထားပါတယ်။

    Ref:Goal, BBC

  • အင်္ဂါနေ့ ဘောလုံးသတင်းများ

    အင်္ဂါနေ့ ဘောလုံးသတင်းများ

    ဇန်နဝါရီ ၂၈၊ ၂၀၂၀
    M-Media

    FA နိုင်ပွဲရသည့်အသင်းကို အာဆင်နယ်နည်းပြ ချီးကျူး

    FA ဖလား ဘုန်းမောက်နဲ့ပွဲကို အနိုင်ကစားခဲ့တဲ့ အသင်းရဲ့ စွမ်းဆောင်ရည်ကို အလွန်ကျေနပ်မိတယ်လို့ အာဆင်နယ်နည်းပြအာတီတာက ပြောကြားလိုက်ပါတယ်။ လူငယ်တွေကို ဦးစားပေးအသုံးပြုခဲ့တဲ့ အာဆင်နယ်အသင်းဟာ ၂ ဂိုး ၁ ဂိုးနဲ့ အနိုင်ရခဲ့ပြီး နောက်တစ်ဆင့်ကို တက်ရောက်နိုင်ခဲ့တာပါ။ အာတီတာက အသင်းဟာ တာဝန်ယူစိတ်အပြည့်နဲ့ သတ္တိရှိရှိ ကစားနိုင်ခဲ့တယ်လို့ ဆိုပါတယ်။

    ဆန်းချက် ခြစွမ်းပြန်ပြမည်ဟု ဆိုးလ်ရှားယုံကြည်နေ

    အသက် ၃၁ နှစ်အရွယ် ချီလီတိုက်စစ်မှူး အလက်ဆစ် ဆန်းချက်ဟာ လာမယ့်နွေရာသီအပြောင်းအရွှေ့မှာ မန်ယူကို ပြန်ရောက်လာပြီး ခြေစွမ်းကောင်းတွေ ပြန်လည်ပြသလိမ့်မယ်လို့ မန်ယူနည်းပြ ဆိုးလ်ရှားက ပြောကြားလိုက်ပါတယ်။ ၂၀၁၈ ခုနှစ် ဇန်နဝါရီက အာဆင်နယ်ကနေပြောင်းရွှေ့လာပြီးနောက်ပိုင်း ဆန်းချက်ဟာ မန်ယူအတွက် ၄၅ ပွဲကစားကာ ၅ ဂိုးသာ သွင်းယူနိုင်ခဲ့ပါတယ်။ အခုရာသီအစ အင်တာမီလန်ကို အငှားနဲ့ သွားရောက်ကစားခဲ့ပေမယ့် ဒဏ်ရာကြောင့် ၇ ပွဲသာကစားရပြီး ၁ ဂိုး သွင်းယူထားပါတယ်။ ကစားသမားသစ်တွေ ဝယ်ယူရေးမှာ ရုန်းကန်ရမှုတွေ ရှိနေတယ်လို့လည်း ဆိုးလ်ရှားက ဝန်ခံခဲ့ပါတယ်။

    ဒဏ်ရာကြောင့် ဆာဒီယိုမာနေး ၂ ပွဲနားရမည်

    လီဗာပူးလ်အသင်းတိုက်စစ်မှူး ဆာဒီယိုမာနေးဟာ ဝုလ်ဗ်အသင်းကို ၂ ဂိုး ၁ ဂိုးနဲ့ အနိုင်ရခဲ့တဲ့ပွဲမှာ ရရှိတဲ့ ကြွက်သား စုတ်ပြဲဒဏ်ရာကြောင့် လာမယ့် ဝက်စ်ဟမ်းနဲ့ ဆောက်သက်တမ်အသင်းပွဲစဉ်တွေကို လွဲချော်တော့မှာ ဖြစ်ပါတယ်။ ပရီးမီးယားလိဂ်မှာ ၁၅ ဂိုး သွင်းယူပေးထားတဲ့ မာနေးဟာ ဖလားရရှိရေး ကြိုးပမ်းနေတဲ့ လီဗာပူးလ်ရဲ့ အဓိကကစားသမားတစ်ဦးလည်း ဖြစ်ပါတယ်။ နည်းပြ ယာဂန်ကလော့ပ်ကတော့ မာနေးရဲ့ဒဏ်ရာဟာ မပြင်းထန်တဲ့အတွက် ကံကောင်းတယ်လို့ ပြောကြားခဲ့ပါတယ်။

    Ref: Goal, BBC

  • တနင်္လာနေ့ ဘောလုံးသတင်းများ

    တနင်္လာနေ့ ဘောလုံးသတင်းများ

    ဇန်နဝါရ ၂၇၊ ၂၀၂၀
    M-Media

    FA ဖလား ပြန်ကန်ပွဲကို လီဗာပူးလ် ကစားမည်မဟုတ်

    ဖေဖော်ဝါရီ ပထမအပတ်မှာ ကစားမယ့် FA ဖလား စတုတ္ထအဆင့် ပြန်ကန်ပွဲစဉ်အတွင်း Shrewsbury Town နဲ့ပွဲကို ကစားမှာမဟုတ်ဘူးလို့ လီဗာပူးလ်နည်းပြ ယာဂန်ကလော့ပ်က ပြောကြားလိုက်ပါတယ်။ ဒီကနေ့မနက်ကပွဲမှာ ၂ ဂိုးပြတ်နဲ့ ဦးဆောင်ခဲ့တဲ့လီဗာပူးလ်ဟာ နောက်ပိုင်းမှာ ချေပဂိုးတွေ ပေးခဲ့ရကာ သရေကျခဲ့တာပါ။ ပြန်ကန်ပွဲဟာ ပရီးမီးယားလိဂ် ဆောင်းရာသီနားရက်ကာလဖြစ်ပြီး အင်္ဂလန်ဘောလုံးအဖွဲ့ချုပ် FA က ကစားသမားတွေအတွက် နားရက်ကာလကို အလေးမထားပေမယ့် မိမိတို့က အလေးထားတယ်လို့ ကလော့ပ်က ဆိုပါတယ်။

    ပရိတ်သတ်တွေကြောင့် အက်စပန်ညိုကွင်း ပိတ်ခံရဖွယ်ရှိနေ

    စနေနေ့က ၁ ဂိုးစီသရေကျတဲ့ပွဲမှာ ပြိုင်ဘက် ဘီဘာလ်အို တိုက်စစ်မှူး အီနာဂီ ဝီလီယံကို အက်စပန်ညိုပရိတ်သတ်တွေက လူမျိုးရေးခွဲခြားမှုအတွက် အက်စပန်ညိုအသင်း ကွင်းတစ်စိတ်တစ်ပိုင်းပိတ်တဲ့ ပြစ်ဒဏ်မျိုးချမှတ်ဖို့ လာလီဂါပြိုင်ပွဲ ကျင်းပရေး တာဝန်ရှိသူတွေက စပိန်ဘောလုံးအဖွဲ့ချုပ်ကို တောင်းဆိုလိုက်ပါတယ်။ ဘောလုံးအဖွဲ့ချုပ်က ဒီကိစ္စကို ဗုဒ္ဓဟူးနေ့မှာ ဆွေးနွေးဖို့ ရှိနေပါတယ်။ လာလီဂါတာဝန်ရှိသူတွေက ဒီအဖြစ်အပျက်မှာ ပါဝင်တဲ့ ပရိတ်သတ်တွေကို စုံစမ်းဖော်ထုတ်ကာ အမုန်းရာဇဝတ်မှုနဲ့ တရားစွဲဆိုဖို့လည်း လုပ်ဆောင်နေပါတယ်။

    ဆော်ဒီက နယူးကာဆယ်အသင်းကို ဝယ်ယူရန် နီးစပ်လာ

    ဆော်ဒီအာရေဗျရဲ့ နိုင်ငံပိုင် ရန်ပုံငွေအဖွဲ့ PIF က ပရီးမီးယားလိဂ်ကလပ် နယူးကာဆယ်အသင်းကို ပေါင် သန်း ၃၄၀ နဲ့ဝယ်ယူဖို့အတွက် ပြီးခဲ့တဲ့လအနည်းက ပြုလုပ်လာခဲ့တဲ့ ဆွေးနွေးမှုဟာ တိုးတက်မှု ရနေပါတယ်။ အသင်းကို ဗြိတိန် ဘီလီယံနာ မိုက် အက်ရှ်လေက ၂၀၀၇ ခုနှစ်ကတည်းက ပိုင်ဆိုင်ခဲ့တာပါ။ ဆော်ဒီအိမ်ရှေ့မင်းသား မိုဟာမက် ဘင် ဆလ်မန်ဟာ ပရီးမီးယားလိဂ်ဘောလုံးကလပ်အသင်း တစ်ခုခုကို ဝယ်ယူဖို့ စိတ်အားထက်သန်နေတာဖြစ်ပါတယ်။ ယူအေအီးကို အုပ်စိုးသူမိသားစုထဲက တစ်ဦးဖြစ်တဲ့ ဘီလီယံနာ ရှိခ်ခါလစ်ဟာ ပြီးခဲ့တဲ့နှစ်က နယူးကာဆယ်အသင်းကို ဝယ်ယူဖို့ နီးစပ်ခဲ့ပေမယ့် နောက်ပိုင်းမှာ သဘောတူညီချက် ပျက်ပြယ်ခဲ့ပါတယ်။

    Ref: BBC

  • အင်္ဂါနေ့ ဘောလုံးသတင်းများ

    အင်္ဂါနေ့ ဘောလုံးသတင်းများ

    ဇန်နဝါရီ ၂၁၊ ၂၀၂၀
    M-Media

    ပြဿနာအားလုံးဖြေရှင်းနိုင်သည့် ရော်နယ်ဒိုဟု ဂျူဗင်တပ်စ်နည်းပြ ချီးကျူး

    တိုက်စစ်မှူး ခရစ္စတီယာနိုရော်နယ်ဒိုဟာ ပြဿနာအားလုံးကို ဖြေရှင်းနိုင်တဲ့ ကစားသမား ဖြစ်တယ်လို့ ဂျူဗင်တပ်စ်နည်းပြ မောင်ရီဇီယို ဆာရီက ပြောကြားလိုက်ပါတယ်။ အခုတစ်ပတ် ပါးမားအသင်းကို ၂ ဂိုး ၁ ဂိုးနဲ့ အနိုင်ရတဲ့ပွဲမှာ ရော်နယ်ဒိုဟာ ၂ ဂိုးစလုံး သွင်းပေးခဲ့သလို ‌အသင်းရဲ့ခံစစ်အတွက်လည်း ကူညီပေးခဲ့ပါတယ်။ ရော်နယ်ဒိုဟာ စီးရီးအေ ၇ ပွဲဆက်တိုက် ဂိုးသွင်းနိုင်တဲ့ စံချိန်ကိုလည်း အဲဒီပွဲမှာ ရရှိခဲ့ပါတယ်။ ဂျူဗင်တပ်စ်ဟာလက်ရှိ စီးရီးအေကို ဦးဆောင်နေပြီး ဆာရီက ရော်နယ်ဒိုကို ချီးကျူးခဲ့ပေမယ့် အသင်းလိုက်ကစားပုံအတွက် စိတ်ပျက်ရတယ်လို့‌ ပြောဆိုခဲ့ပါတယ်။

    ကစားသမားများ၏ အပြုအမူကြောင့် မန်ယူကို FA က တရားစွဲ

    လီဗာပူးလ်ကို ၂ ဂိုး ဂိုးမရှိနဲ့ ရှုံးနိမ့်ခဲ့တဲ့ တနင်္ဂနွေနေ့ပွဲမှာ ကစားသမားတွေ ဒိုင်လူကြီးကို ၀ိုင်းအုံစောဒကတက်မှုအတွက် မန်ယူအသင်းကို အင်္ဂလန်ဘောလုံးအဖွဲ့ချုပ် FA က တရားစွဲဆိုထားပါတယ်။ လီဗာပူးလ်တိုက်စစ်မှူး ဖာမီနို ဒုတိယဦးဆောင်ဂိုး သွင်းယူမှုမှာ နောက်ခံလူ ဗန်ဒိုက်ဟာ ဂိုးသမား ဒီဂီယာအပေါ် ပြစ်ဒဏ်ကျူးလွန်ခဲ့တယ်လို့ မန်ယူကစားသမားတွေက ကွင်းလယ်ဒိုင် ခရေ့ဂျ် ပေါ်ဆန်ကို စောဒကတက်ခဲ့တာပါ။ ကွင်းလယ်ဒိုင်က VAR ကြည့်ကာ ဂိုးပေးမှုကို ပယ်ဖျက်ခဲ့ပါတယ်။ ဒီအဖြစ်အပျက်အတွင်း မန်ယူကစားသမားတွေဟာ ကစားသမားကျင့်ဝတ်နဲ့ မညီတဲ့ အပြုအမူတွေ ပြုလုပ်ခဲ့တယ်လို့ဆိုကာ FA က တရားစွဲဆိုခဲ့တာ ဖြစ်ပါတယ်။ မန်ယူနောက်ခံလူဟောင်းဖြစ်ပြီး လက်ရှိမှာ ဘောလုံးပွဲသုံးသပ်သူအဖြစ် ဆောင်ရွက်နေတဲ့ ဂယ်ရီနဗီးလ်က ဗန်ဒိုက်ဟာ ဒီဂီယာကို ပြစ်ဒဏ်ကျူးလွန်မှုမရှိဘဲ မန်ယူကစားသမားတွေရဲ့ ဖိအားကြောင့် ဒိုင်လူကြီးက ဂိုးမပေးခဲ့တာဖြစ်တယ်လို့ ဝေဖန်ခဲ့ပါတယ်။

    နေးမာလက်သစ်ဟု နာမည်ကြီးနေသူကို ရီးယဲလ်ခေါ်ယူ

    ဘရာဇီးလ်ကလပ် ဖလာမင်ဂိုအသင်းက အသက် ၁၈ နှစ်အရွယ် ကွင်းလယ်တိုက်စစ်မှူး ရီနီ ဂျီးဆက်စ်ကို ရီးယဲလ်မက်ဒရစ်အသင်းက ကန်ဒေါ်လာ ၃၃ သန်းနဲ့ မနေ့မှာခေါ်ယူခဲ့ပြီး အသင်းသမိုင်းတစ်လျှောက် ဆောင်းရာသီမှာ စျေးအကြီးဆုံးပေးပြီး ခေါ်ယူမှုလည်းဖြစ်ပါတယ်။ နေးမာလက်သစ်အဖြစ် သတ်မှတ်ခံထားရတဲ့ ဂျီးဆက်စ်ဟာ ဖလာမင်ဂိုအသင်းကြီးနဲ့ ပထမဆုံးရာသီမှာပဲ ခြေစွမ်းပြကာ အသင်းနဲ့အတူ အမှတ်ပေးဖလား၊ ရှုံထွက်ဖလားတွေကို ရရှိခဲ့ပါတယ်။ ရီးယဲလ်ဟာ အလားအလာရှိတဲ့ လူငယ်သွေးသစ် ကစားသမားတွေအတွက် ဘရာဇီးလ်စျေးကွက်ကို အဓိကထားပြီး ပြီးခဲ့တဲ့ ၂ နှစ်အတွင်း ဘရာဇီးလ်လူငယ်ကစားသမား အနည်းဆုံး ၃ ဦးအထိ ခေါ်ယူထားပါတယ်။

    Ref: Goal, BBC