Tag: Germany

သြဂုတ် ၃၀၊ ၂၀၁၅
M-Media

– ပဋိပက္ခများကြောင့် အတိဒုက္ခရောက်နေကြသော ဒုက္ခသည်များအား မိမိတို့နိုင်ငံမှ ကြိုဆိုသည်ဆိုသော သတင်းစကားပေးရန်အတွက် ဂျာမန်ပြည်သူ ထောင်ပေါင်းများစွာက နိုင်ငံအရှေ့ပိုင်း ဒရက်စ်ဒန်မြို့တွင် ယမန်နေ့က လှည့်လည်ချီတက် ဆန္ဒပြခဲ့ကြသည်ဟု သိရသည်။

ဒုက္ခသည်များအား ကယ်ဆယ်စောင့်ရှောက်ပေးရေးကို ထောက်ခံသော ပိုစတာများကို ကိုင်ဆောင်ကာ ရဲတပ်ဖွဲ့၏ အစောင့်ရှောက်အောက်တွင် လူအုပ်ကြီးမှာ ငြိမ်းချမ်းစွာ ချီတက်ခဲ့ကြခြင်းဖြစ်ပြီး “ကျယ်ကျယ်ပြော၊ ရှင်ရှင်းပြော၊ ဒုက္ခသည်တွေကို ဒီကနေကြိုဆိုတယ်” ဟူသည့် ကျွေးကြော်သံများကိုလည်း ကျွေးကြော်ခဲ့ကြသည်။

နာဇီဆန့်ကျင်ရေး ချီတက်ပွဲဟု အမည်ပေးထားသည့် အဆိုပါဆန္ဒပြပွဲသို့ လူပေါင်း ၁၀၀၀ ခန့် တက်ရောက်ခဲ့သည်ဟု ရဲတပ်ဖွဲ့က ပြောကြားခဲ့သော်လည်း ပွဲစီစဉ်သူများကမူ တက်ရောက်လာသူဦးရေမှာ ၅၀၀၀ ခန့်ရှိသည်ဟု ဆိုသည်။ ဆန္ဒပြပွဲကျင်းပရာ ဒရက်စ်ဒန်မြို့မှာ အစ္စလာမ်ဆန့်ကျင်ရေးအဖွဲ့ဖြစ်သော လက်ယာစွန်းရောက် PEGIDA အဖွဲ့၏ အမာခံဒေသဖြစ်သည်။

ဒရက်စ်ဒန်မြို့တည်ရှိရာ ဆာဇိုနီပြည်နယ်မှာ ပြောင်းရွှေ့အခြေချသူများနှင့် ဒုက္ခသည်များအား ဆိုးဆိုးရွားရွား ဆန့်ကျင်ဆန္ဒပြသော ဒေသလည်းဖြစ်ပြီး၊ ဒရက်စ်ဒန်မြို့အနီး ဟိုင်ဒီနူဒေသရှိ ဒုက္ခသည်စခန်းမှာ လက်ယာစွန်းရောက်များ၏ ပစ်မှတ်ထားဆန္ဒပြရာနေရာ ဖြစ်လာခဲ့ကာ ပြီးခဲ့သည့် တစ်ပတ်အတွင်း ဆန္ဒပြမှုများ၌ ရဲတပ်ဖွဲ့နှင့် ထိပ်တိုက်တွေ့ဆုံခဲ့ကာ ဒဏ်ရာရမှုများလည်း ရှိခဲ့သည်။

ဂျာမန်ဝန်ကြီးချုပ် အိန်ဂျလာမာကဲလ်ကမူ အဆိုပါဒုက္ခသည်စခန်းသို့ ယခုတစ်ပတ်တွင် သွားရောက်လည်ပတ်ခဲ့ပြီး လက်ယာစွန်းရောက်များမှာ ၎င်းကိုပင် လှောင်ပြောင်ခဲ့ကြသည်။ မာကဲလ်ကမူ ဒုက္ခသည်ဆန့်ကျင်ရေး အကြမ်းဖက်မှုကို လုံးဝ သည်းခံမည်မဟုတ်ဟု ပြောကြားခဲ့သည်။

စစ်တမ်းကောက်ယူမှုများအရ ဂျာမန်ပြည်သူများ၏ ၆၀ ရာခိုင်နှုန်းမှာ မာကဲလ်၏သဘောထားအား ထောက်ခံကြသည်။ ဂျာမနီမှာ ယခုနှစ်တွင် ဒုက္ခသည် ၈ သိန်းအထိ လက်ခံရန် စီစဉ်ထားပြီး စံချိန်တင် ပမာဏလည်းဖြစ်သည်။

Ref: Channelnewsasia

သြဂုတ် ၂၅၊ ၂၀၁၅
M-Media

– ဟိုင်ဒန်နူမြို့ရှိ ဒုက္ခသည်များနေထိုင်ရာနေရာ အပြင်ဘက်တွင် ဆန္ဒပြသူများနှင့် ရဲတပ်ဖွဲ့ဝင်များအကြား တနင်္ဂနွေနေ့က ရုန်းရင်းဆန်ခတ်မှုများ ဖြစ်ပွားခဲ့ပြီးနောက် နိုင်ငံအတွင်းရှိ လက်ယာယိမ်း စစ်သွေးကြွများနှင့် လူမျိုးရေးခွဲခြားသူများအား နှိမ်နင်းရန် ဂျာမနီပြည်ထဲရေးဝန်ကြီးက တိုက်တွန်းဆော်သြလိုက်သည်။

အဆိုပါ ရုန်းရင်းဆန်ခတ်ဖြစ်မှုမှာ ဒုတိယမြောက်နေ့ဖြစ်ပြီး စနေနေ့ကလည်း ထိုနေရာတွင်ပင် လူ ၂၀၀ ခန့်မှာ ဒုက္ခသည်ဆန့်ကျင်ရေး ဆန္ဒပြခဲ့ကြကာ မီးပန်းများ၊ ပုလင်းများဖြင့် ပစ်ပေါက်ခဲ့သောကြောင့် ရဲတပ်ဖွဲ့ဝင် ၃၁ ဦး ဒဏ်ရာရရှိခဲ့သည်။ ဆန္ဒပြသူများတွင် အချို့မှာ “ဟိုင်းဟစ်တာလာ” ဟု အော်ခဲ့ကြသည်။

ပဋိပက္ခများကြောင့် ခိုလှုံလာသူများအတွက် ဂျာမနီတွင် လစ်ဘရယ်ကျသည့် ဥပဒေများရှိပြီး ယခုနှစ်အတွင်း ဒုက္ခသည် ၈ သိန်းခန့်ကို လက်ခံရန် စီစဉ်ထားသည်။ ဂျာမနီဝန်ကြီးချုပ် အိန်ဂျလာမာကဲလ်ကမူ အဆိုပါ ဒုက္ခသည်ပြဿနာမှာ ဂရိ၏ အကြွေးပြဿနာထက် ဥရောပအတွက် ပိုမိုကြီးမားသည့် ပြဿနာဖြစ်သည်ဟု ပြောကြားခဲ့သည်။

ပြည်ထဲရေးဝန်ကြီး သောမက်စ် ဒီ မိုက်ဇီရီကလည်း ထိုအခြအနေမှာ စိန်ခေါ်မှုကြီးဖြစ်ပြီး ဒုက္ခသည်များအား တိုက်ခိုက်မှုကို ရှုတ်ချခဲ့သည်။

“တစ်ချိန်တည်းမှာ ကူညီချင်တဲ့လူတွေကို ကျွန်တော်တို့ မြင်တွေ့ရသလို၊ အမုန်းတွေ၊ စော်ကားမှုတွေနဲ့ ခိုလှုံလာသူတွေအပေါ် အကြမ်းဖက်တိုက်ခိုက်မှုတွေလည်း မြင့်လာပါတယ်။ ဒါဟာ ကျွန်တော်တို့နိုင်ငံအတွက် တန်ဖိုးမရှိတဲ့ လုပ်ရပ်တွေပါပဲ။ ဒီလိုမျိုးလုပ်တဲ့ ဘယ်သူမဆို ဥပဒေကို အပြည့်အ၀ ရင်ဆိုင်ရမှာပါ” ဟု မိုက်ဇီရီက ပြောကြားခဲ့သည်။

တရားရေးဝန်ကြီး ဟေကို မက်စ်ကလည်း ဟိုင်ဒန်နူမြို့ရှိ အဆိုပါအဖြစ်အပျက်ကို ဆန့်ကျင်ခဲ့ပြီး နိုင်ငံခြားသားကြောက်ရောဂါနှင့် လူမျိုးရေးခွဲခြားမှုများအား လုံးဝ သည်းခံမည်မဟုတ်ဟု ပြောကြားခဲ့သည်။

ဂျာမနီနိုင်ငံအတွင်း နိုင်ငံခြားသားများအပေါ် ရန်လိုမှုများ မြင့်တက်လာခြင်းနှင့်ပတ်သက်၍ နိုင်ငံရေးသမား အများစုက သတိပေးခဲ့ကြပြီး ယခုနှစ် ပထမနှစ်ဝက်မှာပင် ဒုက္ခသည်များနေထိုင်ရာ နေရာများသို့ မီးရှို့မှုနှင့် အခြားတိုက်ခိုက်မှုပေါင်း ၁၅၀ ခန့် ဖြစ်ပွားခဲ့သည်။

Ref: Reuters