Tag: indonesia

ဧပြီ ၂၈၊ ၂၀၁၉
M-Media

– အလုပ်အလွန်အကျွံ လုပ်ရမှုကြောင့် သေဆုံးခဲ့တဲ့ ရွေးကောက်ပွဲဝန်ထမ်းဟာ ၂၇၀ ကျော်ရှိခဲ့တယ်လို့ အင်ဒိုနီးရှား ရွေးကောက်ပွဲကော်မရှင်က ထုတ်ပြန်ပြောကြားလိုက်ပါတယ်။

အင်ဒိုနီးရှားဟာ ဧပြီလ ၁၇ ရက်နေ့က သမ္မတ၊ ပြည်ထောင်စုလွှတ်တော်အမတ်၊ ပြည်နယ်လွှတ်တော်အမတ် ရွေးကောက်ပွဲတွေကို တစ်ကြိမ်တည်း စုပေါင်းကျင်းပခဲ့တာပါ။ ကုန်ကျငွေ ချွေတာဖို့အတွက် ဒီလို တစ်ပေါင်းတည်း ကျင်းပခဲ့တာဖြစ်ပြီး နိုင်ငံသမိုင်းတစ်လျှောက်မှာ ပထမဆုံးအကြိမ်လည်း ဖြစ်ပါတယ်။

လူဦးရေ သန်းပေါင်း ၂၆၀ ရှိတဲ့ အင်ဒိုနီးရှားနိုင်ငံမှာ မဲပေးပိုင်ခွင့်ရှိသူ အရေအတွက်ဟာ ၁၉၃ သန်းရှိပြီး မဲရုံပေါင်း ၈ သိန်းရှိပါတယ်။ ရွေးကောက်ပွဲကာလမှာ ကူညီပေးခဲ့တဲ့ဝန်ထမ်းကတော့ ၇ သန်း ရှိပါတယ်။

ရွေးကောက်ပွဲ ၀န်ထမ်းတွေဟာ ပူလောင်တဲ့ရာသီဥတုမှာ အလုပ်အလွန်အကျွံ လုပ်ရတာကြောင့် မူးလဲတာတွေ၊ နေထိုင်မကောင်းတာတွေ ဖြစ်ခဲ့ပါတယ်။ အင်ဒိုနီးရှား ရွေးကောက်ပွဲကော်မရှင် KPU ရဲ့ ပြောရေးဆိုခွင့်ရှိသူ အာရစ်ဖ် ပရီယို ဆူဆန်တိုက နေထိုင်မကောင်းဖြစ်ခဲ့တဲ့ ရွေးကောက်ပွဲဝန်ထမ်း ၁၈၇၈ ဦးရှိပြီး အဲဒီအထဲမှာ ၂၇၂ ဦး သေဆုံးခဲ့တယ်လို့ ပြောကြားခဲ့ပါတယ်။

အင်ဒိုနီးရှားမှာ အစိုးရ၀န်ထမ်းတွေဟာ ပုံမှန်အားဖြင့် တာဝန်မထမ်းဆောင်ခင် ဆေးစစ်ရလေ့ရှိပေမယ့် ရွေးကောက်ပွဲ ၀န်ထမ်းတွေက လုပ်အားပေးသဘောမျိုးသာ ဖြစ်တဲ့အတွက် လုပ်ထုံးလုပ်နည်းတွေအတိုင်း ဆောင်ရွက်ပြီး ခန့်အပ်တာမျိုး မဟုတ်ပါဘူ။

ရွေးကောက်ပွဲကော်မရှင်က သေဆုံးသူတစ်ဦးချင်းစီအတွက် ကျန်ရစ်သူမိသားစုကို ရူပြား ၃၆ သန်း (ကန်ဒေါ်လာ ၂၅၀၀) နစ်နာကြေးပေးဖို့ စီစဉ်နေပါတယ်။ ဒီပမာဏဟာ တစ်နှစ်စာ လုပ်အားခနဲ့ ညီမျှပါတယ်။

ဒါပေမယ့် အစိုးရဟာ ရွေးကောက်ပွဲလုပ်အားပေး ၀န်ထမ်းတွေကို အလွန်အကျွံခိုင်းစေမှုကြောင့် ဒီလို သေဆုံးမှုတွေ ဖြစ်ရတာဖြစ်တယ်လို့ ဝေဖန်မှုတွေ ရှိနေပါတယ်။

လက်ရှိသမ္မတ ဂျိကိုဝီဒိုဒိုဟာ ပြိုင်ဘက် ပရာဘိုဝိုကို မဲအရေအတွက် ၁၀ ရာခိုင်နှုန်းအသာနဲ့ အနိုင်ရတယ်လို့ တရားဝင်မဟုတ်တဲ့ သတင်းရင်းမြစ်တွေကို ကိုးကားပြီး မီဒီယာတွေက ဖော်ပြနေကြပါတယ်။ သမ္မတရွေးကောက်ပွဲရလဒ်နဲ့ ပြည်ထောင်စုလွှတ်တော်အမတ် ရွေးကောက်ပွဲ ရလဒ်တွေကို KPU က မေလ ၂၂ ရက်နေ့မှာ ကြေငြာမှာ ဖြစ်ပါတယ်။

Ref: BBC

မတ် ၂၄၊ ၂၀၁၉
M-Media

– အင်ဒိုနီးရှားနိုင်ငံရဲ့ ပထမဆုံး မြေအောက်ရထားလိုင်းကို မြို့တော် ဂျကာတာမှာ ဒီကနေ့ ဖွင့်လှစ်ခဲ့ပြီး ဆိုးဆိုးဝါးဝါး ယာဉ်ကျောပိတ်ဆို့မှုကို ဖြေရှင်းနိုင်မယ့် နည်းလမ်းတစ်ခုအဖြစ် မျှော်လင့်နေကြပါတယ်။

မြေအောက်ဘူတာ ၆ ခု၊ မိုးပျံဘူတာ ၇ ခု ပါဝင်မယ့် အဲဒီရထားလိုင်းဟာ ၁၆ ကီလိုမီတာ ရှည်လျားပြီး ဂျကာတာမြို့ တောင်ဘက်ကနေ မြို့တွင်းကို ပြေးဆွဲမှာ ဖြစ်ပါတယ်။ ရထားလိုင်းကို သမ္မတ ဂျိုကို ၀ီဒိုဒိုက တက်ရောက်ဖွင့်လှစ်ပေးခဲ့ပါတယ်။

“ဂျကာတာ အမြန်ရထားလိုင်းရဲ့ ပထမအဆင့်ကို ဒီကနေ့ ဖွင့်လှစ်လိုက်တာဟာ ခေတ်သစ်တစ်ခုကို စတင်တာလည်း ဖြစ်ပါတယ်” လို့ ၀ီဒိုဒိုက ပြောကြားခဲ့ပါတယ်။

ဒုတိယအဆင့်အဖြစ် ဂျကတာမြို့ မြောက်ဖက်ကို ဆက်သွယ်မယ့် လိုင်းကို ထပ်မံ တည်ဆောက်မှာဖြစ်ပြီး ၂၀၂၄ ခုနှစ်မှာ ပြီးစီးမှာ ဖြစ်ပါတယ်။ စီမံကိန်းနှစ်ခုပေါင်း ကန်ဒေါ်လာ ၂.၆ ဘီလီယံ ကုန်ကျမှာပါ။

ဂျိုကိုဝီဒိုဒိုက ဂျာကာတာမြို့ အရှေ့ကနေ အနောက်ကို ဆက်သွယ်ပြီး ၈၇ ကီလိုမီတာရှည်မယ့် ရထားလိုင်းတစ်ခုကို တည်ဆောက်ဖို့ မြို့တော်ဝန် အန်နီစ် ဘက်စ၀ီဒန်ကို ညွှန်ကြားထားတယ်လို့ ထည့်သွင်းပြောဆိုခဲ့ပါတယ်။

ဒီကနေ့ဖွင့်လှစ်တဲ့ ရထားလိုင်းဟာ လက်မှတ်ခ ကန်ဒေါ်လာ ပြား ၇၀ ကနေ ၁ ဒေါ်လာသာ ကျသင့်မှာဖြစ်ပြီး အခုလကုန်အထိ ပြည်သူတွေ အခမဲ့ စီးနင်းနိုင်မှာ ဖြစ်ပါတယ်။

ဂျကာတာမှာ လူပေါင်း ၁၀ သန်းလောက် နေထိုင်တယ်လို့ တရားဝင်စာရင်းဇယားတွေမှာ ဖော်ပြထားပေမယ့် အမှန်တကယ်မှာ သန်း ၃၀ လောက်ရှိတယ်လို့ ဆိုပါတယ်။

ဂျကာတာ မြေအောက်ရထားလိုင်း စီမံကိန်းကို ဂျပန်နိုင်ငံရဲ့ အကူအညီနဲ့ ၁၉၈၀ ပြည့်နှစ်တွေကတည်းက စတင်ဆောက်လုပ်ဖို့ စီစဉ်ခဲ့ပေမယ့် နိုင်ငံရေးမတည်ငြိမ်မှုတွေ၊ ကြိုးနီးစနစ်တွေနဲ့ ငွေကြေးဆိုင်ရာ သဘောတူညီချက် ပြဿနာတွေကြောင့် နှောင့်နှေးခဲ့ပြီး သမ္မတ ၀ီဒိုဒိုလက်ထက် ၂၀၁၃ ခုနှစ် အောက်တိုဘာလရောက်မှ စတင်နိုင်ခဲ့ပါတယ်။

Ref: Aljazeera