ဒီဇင်ဘာ ၂၅၊ ၂၀၂၁၂
M-Media
-အခုတစ်ပတ်အတွင်း ပြုလုပ်ခဲ့တဲ့ စစ်ရေးလေ့ကျင့်မှုမှာ အီရန်က တာဝေးပစ်ဒုံးကျည် ၁၆ လုံး သုံးစွဲခဲ့ပြီး ဒါဟာ အစ္စရေးကို သတိပေးတာလို့ အီရန်ဗိုလ်ချုပ်တွေက ပြောပါတယ်။
Payambar-e-Azam လို့ အမည်ပေးထားတဲ့ စစ်ရေးလေ့ကျင်မှုကို ပင်လယ်ကွေ့နဲ့ ကပ်နေတဲ့ ပြည်နယ် ၃ ခုမှာ တနင်္လာနေ့က စတင် ပြုလုပ်ခဲ့တာ ဖြစ်ပါတယ်။
လေ့ကျင့်မှုအတွင်း Emad၊ Ghadr၊ Sejjil၊ Zalzal၊ Dezful နဲ့ Zolfaghar လို့ အမည်ရတဲ့ ဒုံးကျည်တွေကို ပစ်မှတ်တွေဆီ ပစ်ခတ်ခဲ့တာပါ။ ဒီ ဒုံးကျည်တွေဟာ မိုင် ၂၂၀ ကနေ ၁၂၅၀ လောက်အထိ ရောက်ရှိနိုင်တဲ့ ဒုံးကျည်တွေ ဖြစ်ပါတယ်။
လေ့ကျင့်မှုမှာ ဒုံးကျည်သယ်နိုင်တဲ့ ဒရုန်း အနည်းဆုံး ၁၀ စင်းလောက် ပါဝင်ပြီး ပစ်ခတ်စမ်းသပ်မှုတွေ ပြုလုပ်ခဲ့ပါတယ်။
“ဇိုင်ယွန်အစိုးရရဲ့ မကြာခင်က ခြိမ်းခြောက်မှုကို တုန့်ပြန်ဖို့ ရည်ရွယ်ပြီး ဒီစစ်ရေးလေ့ကျင့်မှုကို လုပ်ဆောင်တာပါ” လို့ အီရန်စစ်တပ်ရဲ့ စစ်ဦးစီးအရာရှိချုပ် ဗိုလ်ချုပ် မိုဟာမက် ဘဂ်ဟီရီက ပြောပါတယ်။
လေ့ကျင့်မှုမှာ စမ်းသပ်ခဲ့တဲ့ ဒုံးကျည်တွေဟာ အီရန်ကိုတိုက်ခိုက်လာရင် တုန့်ပြန်ဖို့ နိုင်ငံတစ်ဝှမ်း ရာပေါင်းများစွာ ဖြန့်ကျက်ထားတဲ့ ဒုံးကျည်တွေထဲကဖြစ်တယ်လို့လည်း ဗိုလ်ချုပ်က ထည့်သွင်းပြောဆိုခဲ့ပါတယ်။
အီရန်တော်လှန်ရေးအစောင့်တပ်ဖွဲ့ IRGC ရဲ့ အကြီးအကဲ ဗိုလ်ချုပ် ဟိုစိန် ဆလ်မာနီက စစ်ရေးလေ့ကျင့်မှုဟာ အစ္စရေးကို သတိပေးတာလို့ ပြောပါတယ်။
“နည်းနည်းလေးအမှားလုပ်လိုက်တာနဲ့ ဆော်ပြီးသားပဲ”
အမေရိကန်ဦးဆောင်တဲ့ အင်အားကြီး ၆ နိုင်ငံနဲ့ အီရန်တို့ဟာ နျူသဘောတူညီချက်ရဖို့ ကြိုးပမ်းနေပြီး အစ္စရေးကတော့ ဒီသဘောတူညီချက်မရအောင် ဖျက်နေတာပါ။
ဗုဒ္ဓဟူးနေ့ အမေရိကန် နိုင်ငံတော်လုံခြုံရေးအကြံပေး ဂျိတ်ဆူလီဗန်နဲ့ တွေ့ဆုံစဉ်အတွင်း အစ္စရေးဝန်ကြီးချုပ် နက်ဖ်တာလီ ဘန်းနက်က လိုအပ်လာရင် အီရန်ကို တိုက်ခိုက်သွားမယ်လို့ ပြောကြားခဲ့ပါတယ်။
Ref: Aljazeera
