Tag: Iran

ဇွန် ၇၊ ၂၀၁၇
M-Media

– အီရန်နိုင်ငံမြို့တော် တီဟီရန်မြို့ နေရာနှစ်ခုတွင် ယနေ့မနက်ပိုင်းက သေနတ်သမားများ ပစ်ခတ်မှုကြောင့် အနည်းဆုံး လူတစ်ဦး သေဆုံးခဲ့ပြီး အများအပြား ဒဏ်ရာရရှိခဲ့သည်ဟု သိရသည်။

ပစ္စတိုနှင့် ရိုင်ဖယ်များ ကိုင်ဆောင်ထားသော သေနတ်သမား ၄ ဦးမှာ တီဟီရန်မြို့လယ်ကောင်ရှိ လွှတ်တော်အဆောက်အဦးတွင် ၀င်ရောက်ပစ်ခတ်ခဲ့ပြီး အစောင့်တစ်ဦး သေဆုံးခဲ့သည်။ အခြားသေနတ်သမား ၃ ဦးကလည်း မြို့တောင်ဖက်ရှိ အီရန်နိုင်ငံ၏ဖခင် အယာတိုလာ ခိုမေနီ၏ ဂူဗိမာန်တွင် ၀င်ရောက်ပစ်ခတ်ခဲ့ကာ၊ အမျိုးသမီး အသေခံဗုံးခွဲသမားတစ်ဦးက ဗုံးခွဲခဲ့သည်။

အီရန်လွှတ်တော် ၄ ထပ်တွင်လည်း သေနတ်သမားတစ်ဦးက အသေခံဗုံးခွဲခဲ့သည်။

မိနစ်အနည်းငယ်ခြား၍ ဖြစ်ပွားသော အဆိုပါ တိုက်ခိုက်မှုမှာ ကြိုတင်စီစဉ်ကြံစည်သော လုပ်ရပ်ဖြစ်သည်ဟု ယူဆရပြီး အနည်းဆုံး ဒဏ်ရာရရှိသူ ၈ ဦးရှိသည်ဟု အီရန်ပြည်တွင်းမီဒီယာများက ဖော်ပြကြသည်။

လက်ရှိတွင် လွှတ်တော်ကို ပိတ်ထားလိုက်ပြီး လွှတ်တော်အမတ် မဟ်ဒီ ကီအေးက အခြေအနေကို ထိန်းချုပ်နိုင်ပြီဟု ပြောကြားခဲ့သည်။

Tasnim သတင်းဌာနက အစ္စလာမ့်တော်လှန်ရေးအစောင့်တပ်မှ ဓားစားခံ ကယ်တင်ရေးတပ်ဖွဲ့မှာ လွှတ်တော်တွင် သေနတ်သမား ၂ ဦးကို ဖမ်းဆီးနိုင်ခဲ့ပြီး တစ်ဦးကို အသေပစ်သတ်နိုင်ခဲ့သည်ဟု ဖော်ပြခဲ့သည်။ ခိုမေနီ၏ ဂူဗိမာန်တွင် သေနတ်သမားတစ်ဦးကို အီရန်လုံခြုံရေးတပ်ဖွဲ့က အသေပစ်သတ်နိုင်ခဲ့သည်။

ထိုတိုက်ခိုက်မှုများ၏ နောက်ကွယ်မှ လှုံ့ဆော်မှုကို ရှင်းရှင်းလင်းလင်း မသိရသေးပေ။

Ref: Press TV, Aljazeera

မေ ၂၃၊ ၂၀၁၇
M-Media

– အရှေ့အလယ်ပိုင်း တည်ငြိမ်ရေး ဆောင်ရွက်မှုဟာ အီရန်ရဲ့ အကူအညီမပါဘဲ အောင်မြင်နိုင်မှာ မဟုတ်ဘူးလို့ အီရန်သမ္မတ ဟာဆန်ရူဟာနီက ပြောကြားလိုက်ပြီး အရှေ့အလယ်ပိုင်းကို ရောက်နေတဲ့ အမေရိကန်သမ္မတ ဒေါ်နယ်ထရမ့်ရဲ့ ဝေဖန်မှုကိုလည်း တုန့်ပြန်လိုက်ပါတယ်။

ထရမ့်က မွတ်စလင်နိုင်ငံတွေအနေနဲ့ အကြမ်းဖက်ဝါဒကို တိုက်ဖျက်ရေး အမေရိကန်နဲ့ မဟာမိတ်ပြုဖို့ တိုက်တွန်းခဲ့ပြီး၊ အီရန်ကတော့ အာရပ်ကမ္ဘာက လက်နက်ကိုင်အုပ်စုတွေကို ငွေကြေးတွေ၊ အထောက်အပံ့တွေ အဓိကပေးနေတဲ့ နိုင်ငံလို့ ပြောခဲ့တာပါ။

လက်တွေ့ကျသူဖြစ်ပြီး ပြီးခဲ့တဲ့တစ်ပတ် သမ္မတရွေးကောက်ပွဲမှာ ပြန်အနိုင်ရခဲ့တဲ့ ရူဟာနီကလည်း ထရမ့်ရဲ့ ဒီစကားကို တုန့်ပြန်ခဲ့ပြီး ရီယာ့ဒ်မှာလုပ်တဲ့ ထိပ်သီးအစည်းအဝေးဟာ ‘နိုင်ငံရေးတန်ဖိုး ဘာမှမပါတဲ့ ဟန်ပြပွဲသာဖြစ်ကာ ဘာရလဒ်မှ ထွက်မှာမဟုတ်ဘူး’ လို့ ဆိုပါတယ်။

“အီရန်မပါဘဲနဲ့ ဒေသတွင်းတည်ငြိမ်ရေးကို ဘယ်သူက ပြန်ရအောင် လုပ်နိုင်မလဲ။ ဒေသတွင်းမှာ လုံးဝတည်ငြိမ်ရေးကို အီရန်မပါဘဲ ရမယ်လို့ ဘယ်သူပြောနိုင်လဲ” လို့ ရူဟာနီက မနေ့ကပြုလုပ်တဲ့ သတင်းစာရှင်းလင်းပွဲမှာ ပြောကြားခဲ့ပါတယ်။

ထရမ့်က ရီယာ့ဒ်မှာပြုလုပ်တဲ့ ထိပ်သီးအစည်းဝေးမှာ အီရန်ဟာ အီရတ်၊ ယီမင်၊ လက်ဘနွန်က ‘အကြမ်းဖက်သမားတွေ၊ ပြည်သူ့စစ်တွေ၊နဲ့ အခြား အစွန်းရောက်အုပ်စုတွေကို’ ငွေကြေး၊ လက်နက်တွေ ထောက်ပံ့ပေးနေသလို၊ ဆီးရီးယားပြည်တွင်းစစ်မှာ သမ္မတ ဘာရှာ အလ်-အာဆတ်ကို ထောက်ပံ့ပေးနေတယ်လို့ စွပ်စွဲခဲ့ပါတယ်။

ရူဟာနီကတော့ အမေရိကန်အစိုးရဟာ အရှေ့အလယ်ပိုင်းဒေသကို နားမလည်သေးဘူးလို့ ဆိုပါတယ်။

“အမေရိကန်ဟာ အီရန်ကိုဆန့်ကျင်ဖို့ နည်းအမျိုးမျိုးကို အသုံးပြုခဲ့ပြီး တစ်ခုမှ အလုပ်မဖြစ်ပါဘူး။ တည်ငြိမ်ပြီး တစ်သမတ်တည်းရှိတဲ့ ပေါ်လစီကို တွေ့ရဖို့ အမေရိကန်အစိုးရသစ်ကို ကျွန်တော်တို့ စောင့်နေပါတယ်။ ပြဿနာက အမေရိကန်တွေဟာ ကျွန်တော်တို့ဒေသကို မသိတာပါ။ အမေရိကန်တာဝန်ရှိသူတွေကို အကြံပေးတဲ့သူတွေကလည်း သူတို့ကို လမ်းမှား ခေါ်သွားနေပါတယ်”

နောက်ပြီး IS အကြမ်းဖက်အဖွဲ့ကို တိုက်ခိုက်ရာမှာ အီရန်ဟာ အရေးပါတဲ့ အင်အားတစ်ခုဖြစ်ပြီး၊ အရှေ့အလယ်ပိုင်းက အကြမ်းဖက်ဝါဒကို အမေရိကန်နဲ့ ဆော်ဒီတို့က ငွေကြေး ထောက်ပံ့ပေးနေတယ်ဆိုတဲ့ အီရန်ရဲ့ ရပ်တည်ချက်ကိုလည်း ရူဟာနီက ထပ်လောင်းပြောကြားခဲ့ပါတယ်။

“ဘယ်သူတွေက အကြမ်းဖက်တွေကို တိုက်နေတာလဲဗျ။ အီရန်၊ ဆီးရီးယား၊ ဟစ်ဇ်ဘိုလာနဲ့ ရုရှားတို့ပဲလေ။ ဒါပေမယ့် ဘယ်သူက အကြမ်းဖက်သမားတွေကို ငွေကြေးထောက်ပံ့နေတာလဲ။ အဲဒီလို ထောက်ပံ့နေတဲ့သူတွေက သူတို့ဟာ အကြမ်းဖက်တွေကို တိုက်နေတယ်လို့ ပြောလို့မရဘူး”

အီရန်နဲ့ ဆော်ဒီတို့ဟာ ဆီးရီးယား၊ ယီမင်၊ အီရတ်နဲ့ လက်ဘနွန်တို့မှာ ဆန့်ကျင်ဘက်အဖွဲ့အစည်းတွေကို ပံ့ပိုးပေးပြီး ဒေသတစ်ဝှမ်းက စစ်ပွဲတွေမှာ တစ်ဆင့်ခံ ပါဝင်နေကြတာ ဖြစ်ပါတယ်။

ရူဟာနီကတော့ လက်နက်တွေထုတ်တာ၊ ၀ယ်တာတွေက တိုင်းပြည်တစ်ခုကို အားကောင်းအောင် မလုပ်နိုင်ဘူးလို့ ဆိုပါတယ်။

“လက်နက်တွေဝယ်တာ၊ ထုတ်လုပ်တာဟာ နိုင်ငံတစ်နိုင်ငံကို အားကောင်းအောင် မလုပ်နိုင်ပါဘူး။ စစ်တပ်ဟာ တိုင်းပြည်အင်အားရဲ့ တစ်စိတ်တစ်ပိုင်းဖြစ်ပြီး၊ ကျွန်တော်တို့ ဒါကို ကောင်းကောင်းသိပါတယ်။ ဒါပေမယ့် ဒီအင်အားရဲ့ အခြေခံအုပ်မြစ်က အမျိုးသားအင်အားဖြစ်ပြီး ဒါက ရွေးကောက်ပွဲကနေတစ်ဆင့် လာတာဖြစ်ပါတယ်။ ဆော်ဒီခေါင်းဆောင်တွေနေနဲ့ တိုင်းပြည်ရဲ့ ကံကြမ္မာကို မဲပေးခွင့်ကနေ ပြည်သူတွေကို ဆုံးဖြတ်ခွင့်ပေးမယ်ဆိုရင်တော့ ဒါက သူတို့ကို ပိုပြီး ခိုင်မာတောင့်တင်းစေမှာပါ”

ဒေသတွင်း အိမ်နီးချင်းနိုင်ငံတွေနဲ့ ပိုမိုကောင်းမွန်တဲ့ ဆက်ဆံရေးကို အီရန်က ကြိုဆိုပြီး အီရန်ကို ကမ္ဘာကြီးမှာ ၀င်ဆံ့စေမယ်၊ ပြည်သူတွေကို လွတ်လပ်ခွင့်ပေးမယ် ဆိုတဲ့ မဲဆွယ်ပွဲ ကတိကို ပြည့်ဆည်းပေးသွားမယ်လို့လည်း ရူဟာနီက ကတိပြုခဲ့ပါတယ်။

အီရန်ရဲ့ တိုက်ချင်းပစ်ဒုံးကျည် အစီအစဉ်အတွက် အမေရိကန်က ပြီးခဲ့တဲ့တစ်ပတ်မှာ စီးပွားရေး ပိတ်ဆို့မှု ပြုလုပ်ခဲ့ပြီး ရူဟာနီက မိမိတို့ရဲ့ ဒုံးကျည်ထုတ်လုပ်မှုဟာ ငြိမ်းချမ်းရေးနဲ့ ကာကွယ်ရေးအတွက်ဖြစ်ကြောင်း၊ နည်းပညာပိုင်းဆိုင်ရာ ဒုံးကျည်စမ်းသပ်မှုလုပ်ဖို့ လိုလာပြီဆိုရင် သူတို့ရဲ့ ခွင့်ပြုချက်ကို စောင့်မနေဘဲ အီရန်က လုပ်ဆောင်သွားမယ်ဆိုတာ အမေရိကန်က သိဖို့လိုကြောင်း ထည့်သွင်းပြောဆိုခဲ့ပါတယ်။

‘အီရန်ရဲ့ ဒုံးကျည်အစီအစဉ် အဆုံးသတ်သွားဖို့ဆိုတဲ့ အမေရိကန်ရဲ့ စိက်ကူးယဉ်အိပ်မက်ဟာ ဘယ်တော့မှ အကောင်အထည်ပေါ်လာမှာ မဟုတ်ပါဘူး’

Ref: Aljazeera

မေး ၁၆၊ ၂၀၁၇
M-Media

– အရှေ့အလယ်ပိုင်းမှာ ဒုတိယအကြီးဆုံး ဂျူးလူ့အဖွဲ့အစည်းရှိတဲ့ အီရန်နိုင်ငံဟာ အစ္စရေးနဲ့ မကြာခဏ ပြဿနာတက်လေ့ ရှိပါတယ်။

အီရန်နိုင်ငံက ဂျူးတွေရဲ့ အသက်ရှင်သန်နေထိုင်မှု အခြေအနေ ဘယ်လိုရှိလဲ ဆိုတာနဲ့ ပတ်သက်ပြီး ပြင်သစ်သတင်းဌာန DW က တီဟီရန် ဂျူးကော်မတီ ဒါရိုက်တာ ဆီယာမက် မိုဆာဒဂ်နဲ့ တွေ့ဆုံမေးမြန်းမှုကို ဖော်ပြပေးလိုက်ပါတယ်။

မေး။ ။ အစ္စလာမ့်သမ္မတနိုင်ငံမှာ ဂျူးတစ်ယောက်ဖြစ်ရတဲ့ဘ၀က ဘယ်လိုရှိလဲ။

ဖြေ။ ။ လူတော်တော်များများ တွေးထင်ထားတာထက်ကို ပိုကောင်းပါတယ်။ ဂျူးတွေဟာ လူနည်းစု တိုင်းရင်းသားတွေအဖြစ် အသိအမှတ်ပြုခံရတယ်။ ကျွန်တော်တို့ရဲ့ ဘာသာတရားကို လွတ်လပ်စွာ ကိုးကွယ် ကျင့်သုံးခွင့်ရတယ်။ တီဟီရန်မှာတင် အသုံးပြုနေတဲ့ ဂျူးဘုရားကျောင်းပေါင်း ၂၀ ကျော်၊ ခိုရှာသားသတ်ရုံ အနည်းဆုံး ၅ ခုလောက် ရှိပါတယ်။ အချို့ ဥရောပနိုင်ငံတွေမှာဆိုရင် တိရိစ္ဆာန်အခွင့်အရေးကြောင့် ဒီ သားသတ်ရုံတွေကို ခွင့်မပြုပါဘူး။ အီရန်မှာတော့ ဒီလိုမဟုတ်ပါဘူး။

ယေဘူယျအားဖြင့်ပြောရရင် အီရန်က ဂျူးတွေနဲ့ အခြေအနေဟာ ဥရောပကထက် အမြဲတမ်းကို ပိုကောင်းပါတယ်။ ကျွန်တော်တို့နိုင်ငံရဲ့ သမိုင်းမှာ အီရန်ပြည်သူအားလုံးဟာ ဘာသာတစ်ခုတည်း၊ လူမျိုးတစ်မျိုးတည်း၊ ဘာသာစကားတစ်ခုတည်းဆိုတာ ဘယ်တုန်းကမှ မရှိပါဘူး။ ဒါ့ကြောင့် သည်းခံမှု ဒီဂရီက မြင့်တယ်။ ဂျူးနဲ့ မွတ်စလင်တွေဟာ တစ်ယောက်ကိုတစ်ယောက် လေးစားတယ်။ ဒါပေမယ့် တစ်ချိန်တည်းမှာပဲ မတူညီမှုတွေရှိတယ်တာကိုလည်း ကျွန်တော်တို့ သိကြပါတယ်။ ဒါ့ကြောင့် ဂျူးနဲ့ အခြားအုပ်စုတွေအကြား ဘာသာမတူ လက်ထပ်မှုမှာ အီရန်က ကမ္ဘာ့အနိမ့်ဆုံးဖြစ်ပြီး ၀.၁ ရာခိုင်နှုန်းအောက်ပဲ ရှိပါတယ်။

မေး။ ။ ဂျူးတွေဟာ တစ်နေရာတည်းမှာ နေနေပေမယ့် အခြားသော ဘာသာရေးအုပ်စုတွေနဲ့ သီးခြားဖြစ်နေတယ်လို့ ဆိုလိုချင်တာလား။

ဖြေ။ ။ လုံးဝမဟုတ်ပါဘူး။ မွတ်စလင်တွေနဲ့ ကျွန်တော်တို့ဟာ စီးပွားရေးအရ ဆက်ဆံမှုရှိတယ်။ ကျွန်တော်ရဲ့ အနီးကပ်ဆုံး မိတ်ဆွေတွေက မွတ်စလင်တွေပါ။ ကျွန်တော် အလုပ်လုပ်တဲ့ ဆေးရုံးဆိုရင် ဂျူးဆေးရုံပါ။ ဒါပေမယ့် ကျွန်တော်တို့ဝန်းထမ်းတွေနဲ့ လူနာတွေရဲ့ ၉၅ ရာခိုင်နှုန်းလောက်က မွတ်စလင်တွေ ဖြစ်ပါတယ်။ လူတစ်ယောက်ကို ဘာသာတရားမေးတာကို ပြင်းပြင်းထန်ထန် တားမြစ်ထားပါတယ်။ ဘာ့ကြောင့်လည်းဆိုတတော့ တိုရာကျမ်းရဲ့ အရေးပါတဲ့ ကျမ်းချက် “ကိုယ့်ကို ဆက်ဆံစေချင်သလို အခြားသူတွေကို ဆက်ဆံပါ” ဆိုတာမျိုး ရှိနေတာကြောင့်ဖြစ်ပြီး ဆေးရုံရဲ့ အ၀င်အ၀မှာလည်း ရေးထားပါတယ်။ ဒီကျမ်းချက်က ‘ဂျူးလူမျိုးတွေ’ လို့ မရေးထားပဲ ‘အခြားလူတွေ’ လို့ ရေးထားတာပါ။ ဒါက ကျွန်တော်တို့ဟာ တစ်ယောက်နဲ့တစ်ယောက် ဆက်ဆံရေးရှိနေပြီး ကမ္ဘာကြီးကို ပိုကောင်းတဲ့အနေ
ရာအဖြစ် ပြုလုပ်ဖို့ ပူးပေါင်းဆောင်ရွက်နေတယ်ဆိုတာ ပြသနေပါတယ်။

မေး။ ။ ဥပဒေအရ ဂျူးတွေဟာ တန်းတူအခွင့်အရေး မရဘူး။ ရှင်တို့ဟာ တရားသူကြီးတွေ ဖြစ်လို့မရဘူး။ နိုင်ငံရေးဖက်မှာ ရာထူးကြီးကြီးမရဘူး။ ဒါဟာ ရှင်တို့အတွက် အနှောက်အယှက် မဖြစ်ဘူးလား။

ဖြေ။ ။ တကယ်တော့ ဘာသာရေးလူနည်းစုဖြစ်ရတာ ပြဿနာအချို့ကိုတော့ ကြုံရတာပေါ့လေ။ စီးပွားရေး ပြဿနာကြောင့် ဒီမှာ အီရန်ပြည်သူအများစုဟာ အလုပ်ရှာရာမှာ ပြဿနာကြုံရတယ်။ ဥပဒေမှာ ကန့်သတ်ချက်တစ်ချို့ ရှိတာကြောင့် ကျွန်တော်တို့အတွက်ဆိုရင်တော့ ပိုပြိးတော့ ခက်တာပေါ့။ ဥပမာအားဖြင့် ကျွန်တော်တို့ဟာ စစ်တပ်မှာ အရာရှိ မဖြစ်နိုင်ဘူး။ သာမန်စစ်သားတစ်ယောက်ပဲ ဖြစ်နိုင်တယ်။ ဒါကို ပြောင်းလဲဖို့အတွက် ကျွန်တော်တို့ အကောင်းဆုံး ဆောင်ရွက်နေပါတယ်။ ဒါဟာ ဖြည်းဖြည်းချင်း သွားရမယ့် လုပ်ငန်းဖြစ်ပြီး တစ်ညတည်းနဲ့တော့ ဖြစ်မလာနိုင်ပါဘူး။ ဒါပေမယ့် တိုးတက်မှုတွေတော့ ရှိနေပါတယ်။ ပြီးခဲ့တဲ့နှစ်တွေမှာ ကျွန်တော်တို့ရဲ့ အကြီးမားဆုံး အောင်မြင်မှုတွေထဲက တစ်ခုက အစိုးရကျောင်းတွေ တက်နေတဲ့ ဂျူးကလေးတွေဟာ စနနေ့မှာ ဥပုသ်စောင့်ချင်ရင် အိမ်မှာနေဖို့ အခွင့်အရေး ရခဲ့တာ ဖြစ်ပါတယ်။ အီရန်က ဂျူးအများစုဟာ အော်သိုဒေါ့စ်တွေဖြစ်တာကြောင့် တော်တော်များများကလည်း ဥပုသ်စောင့်ကြပါတယ်။

မေး။ ။ ၁၉၇၉ ခုနှစ် အစ္စလာမ့်မစ်တော်လှန်ရေး ပြီးတဲ့နောက်ပိုင်းမှာ အီရန်က ဂျူးတော်တော်များများဟာ တိုင်းပြည်ကနေ ထွက်သွားကြတယ်။ ရှင်က ဘာ့ကြောင့် မသွားတာလဲ။

ဖြေ။ ။ အဲဒီတုန်းက လူတော်တော်များများဟာ တိုင်းပြည်က ထွက်သွားကြပြီး မွတ်စလင်တွေတောင် ပါဝင်ပါတယ်။ ဂျူးတွေအတွက် ပြောင်းရွှေ့အခြေချတာဟာ ပိုလွယ်တယ်။ ဒါ့ကြောင့် သူတို့ တော်တော်များများက သွားလိုက်ကြတယ်။ ဒါပေမယ့် ကျွန်တော်က အီရန်နိုင်သားတစ်ယောက်ဗျ၊ ကျွန်တော် ဟီဘရူးလို ၀တ်ပြုဆုတောင်းတယ်၊ အင်္ဂလိပ်လိုလည်း ပြောနိုင်တယ်။ ဒါပေမယ့် ကျွန်တော့်အတွေးကတော့ ပါရှန်လိုပဲ ထွက်ပါတယ်။ ကျွန်တော့် အမြင်အရတော့ နိုင်ငံသားဆိုတာနဲ့ ဘာသာတရားကြားမှာ ကြီမားတဲ့ ကွာခြားချက် ရှိပါတယ်။ ဒါပေမယ့် သူတို့နှစ်ခုစလုံးဟာ ဆန့်ကျင်မှုတော့ မရှိပါဘူး။ နိုင်ငံရပ်ခြား – အထူးသဖြင့် အစ္စရေးကို သွားတာဟာ ကျွန်တော့်အတွက် ရွေးချယ်မှုတစ်ခု မဟုတ်ပါဘူး။ ဘာ့ကြောင့်လည်းဆိုတော့ ကမ္ဘာပေါ်က သီးသန့်နေရာတစ်ခုမှာ ဂျူးတွေ နေရမယ်ဆိုတဲ့ ကိစ္စက ကျွန်တော်တို့ဟာ သူများနဲ့ မတူဘူးဆိုတဲ့ အယူအဆပေါ်မှာ အခြေတည်ပါတယ်။ ဒါပေမယ့် ကျွန်တော်က လူတိုင်းဟာ အတူတူပဲလို ယူဆပါတယ်။

မေး။ ။ အီရန်မှာ အစ္စရေးနဲ့ ဘယ်လို ဆက်သွယ်မှုကိုမှ ခွင့်မပြုထားဘူး။ ဂျူးတစ်ယောက်ဖြစ်တဲ့ ရှင့်အနေနဲ့ ဒါက အခက်အခဲ မဖြစ်ဘူးလား။

ဖြေ။ ။ ဘာသာရေးသင်ကြားမှုအရ ကျွန်တော်တို့ နေထိုင်ရာတိုင်းပြည်ရဲ့ ဥပဒေကို လိုက်နာရမယ်။ ဂျူးတစ်ယောက်ဖြစ်တာနဲ့ ဇိုင်ယွန်ဝါဒီတစ်ယောက် ဖြစ်တယ်ဆိုတာ လုံးဝ မတူပါဘူး။ အစ္စရေး အစိုးရနဲ့ စစ်တပ်ရဲ့ အပြုအမူတွေကို တော်တော်လေး ဝေဖန်ကြတဲ့ ဂျူးတွေ ကမ္ဘာတစ်ဝှမ်းမှာ အရင်ကတည်းက ရှိခဲ့ပါတယ်။ ဂျူးတစ်ယောက်ဆိုတာ တိုရာနဲ့ တဲလ်မွဒ်ကျမ်းတွေကို လိုက်နာရမယ်လို့ အဓိပ္ပါယ်ရတယ်။ အခြားတိုင်းပြည်တစ်ခုကို ကျူးကျော်တာ၊ အပြစ်မဲ့တဲ့သူတွေကို သတ်ဖြတ်တာတွေဟာ မောရှေရဲ့ သင်ကြားမှု မဟုတ်ပါဘူး။ ဂျူးတစ်ယောက်အနေနဲ့ အစ္စရေးရဲ့ အပြုအမူကို ကျွန်တော်တို့ လက်မခံပါဘူး။ ဒါဟာ နိုင်ငံရေးဖြစ်ပြီး ဘာသာရေးလှုပ်ရှားမှု မဟုတ်ပါဘူး။ တစ်ကိုယ်ရေအရ ပြောရရင် ကမ္ဘာပေါ်က အကြီးအကျယ်ဆုံး လူမျိုးတုန်းသတ်ဖြတ်မှုရဲ့ သားကောင်တွေဖြစ်ခဲ့တဲ့ ဂျူးတွေဟာ ပါလက်စတိုင်းပြည်သူတွေအပေါ်မှာ ပိုပြီးတော့ စာနာနားလည်ရမှာ ဖြစ်ပါတယ်။

မေး။ ။ ရှင်ပြောတဲ့ ဒီ လူမျိုးတုန်းသတ်ဖြတ်မှုဟာ ပြီးခဲ့တဲ့နှစ်တွေအတွင်းမှာ အငြင်းပွားစရာ ဖြစ်ခဲ့တယ်။ သမ္မတဟောင်း မဟ်မူးဒ် အဟ်မဒ်ဒီနီဂျဒ်ရဲ့ Holocaust ကို လူသိရှင်ကြား ငြင်းချက်ထုတ်ခဲ့တဲ့ အပေါ်မှာရော အီရန်ဂျူးတစ်ယောက်အနေနဲ့ ဘယ်လိုထင်လဲ။

ဖြေ။ ။ သမ္မတ အဟ်မဒ်ဒီနီဂျဒ်နဲ့ ကျွန်တော်တို့ အမြင်မတူပါဘူး။ သူပြောတာကို သဘောမတူဘူးလို့လည်း သူ့ကို ကျွန်တော် ပြောခဲ့ပါတယ်။ သူက တိုက်ရိုက်တော့ Holocaust ကို မငြင်းပါဘူး။ သူ မေးခွန်းထုတ်တာပါ။ ဒါပေမယ့် ကျွန်တော်ကတော့ ဒီ မေးခွန်းထုတ်တာမျိုးကိုတောင် လက်မခံပါဘူး။ လုံးဝ ရှင်းလင်းပြီး၊ တစ်ကမ္ဘာလုံးက လက်ခံထားတဲ့ ကိစ္စတွေကို မေးခွန်းထုတ်တယ်ဆိုတာ အဓိပ္ပါယ်ကို မရှိပါဘူး။

ဒါပေမယ့် ဒါက ကျွန်တော့်တို့ရဲ့ နေ့စဉ်ဘ၀တွေမှာ အနှောက်အယှက် မဖြစ်ပါဘူး။ ဥပမာအားဖြင့် ဂျူးဆေးရုံတွေကို အစိုးရရဲ့ ဘဏ္ဍာရေးထောက်ပံ့မှုတွေဟာ အဟ်မဒ်ဒီနီဂျဒ်ရဲ့ သမ္မတသက်တမ်းအတွင်းမှာ စတင်ခဲ့တာပါ။ သူဟာ အစ္စရေးဆန့်ကျင်ရေးသမား ဖြစ်ပေမယ့်၊ ဂျူးဆန့်ကျင်ရေးသမားတော့ မဟုတ်ပါဘူး။ အီရန်ရဲ့ အခြေခံပေါ်လစီတွေက သမ္မတပြောင်းတာနဲ့ လိုက်ပြောင်းမှာ မဟုတ်ပါဘူး။ အဓိက ပေါ်လစီချမှတ်သူဟာ ခေါင်းဆောင်ကြီး (အယာတိုလာ အလီ ခါမေနီ) ဖြစ်ပါတယ်။ အဓိက မူဘောင်က ဖွဲ့စည်းပုံဖြစ်ပါတယ်။

မေး။ ။ သမ္မတက သြဇာလွှမ်းမိုးမှု တော်တော်များများ ရှိနေပြီး အခု သောကြာနေ့မှာလည်း သမ္မတသစ်တစ်ယောက်ကို ရွေးတော့မှာပါ။ အီရန်က ဂျူးတွေအတွက် ဘယ်လိုဖြစ်မလဲ။

ဖြေ။ ။ အီရန်ကဂျူးတွေမှာ ဘယ်သမ္မတလောင်းကို မဲပေးရမယ်ဆိုတာမျိုး မရှိပါဘူး။ ပြည်သူတွေဟာ သူတို့ရဲ့ နိုင်ငံရေး အကျိုးစီးပွားတွေအတွက် သမ္မတလောင်းတွထဲက တစ်ယောက်ကို မဲပေးရမှာပါ။ ဒီရွေးကောက်ပွဲက စီးပွားရေးသက်သက်ပါပဲ။ ကျွန်တော်တို့တိုင်းပြည်က စီးပွားရေးပြဿနာအတွက် ဘယ် သမ္မတလောင်းက အကောင်းဆုံးအဖြေတွေကို ပေးနိုင်မလဲ၊ အဲဒီလူက နိုင်မှာပါ။ ဒါကလွဲပြီး ဘယ်သူပဲတက်တက် ဂျူးတွေအတွက် ခြားနားမှု မရှိပါဘူး။ ကျွန်တော်တို့ဟာ အီရန်နိုင်ငံသားတွေဖြစ်ပြီး၊ သမ္မတဖြစ်လာသူတိုင်းဟာ ဖွဲ့စည်းပုံရဲ့ မူဘောင်အောက်မှာ အလုပ်လုပ်ရမှာ ဖြစ်ပါတယ်။

Ref : DW