ဖေဖော်ဝါရီ ၁၃၊ ၂၀၁၆
M-Media
– ပါလက်စတိုင်းပြည်သူများနှင့် တစ်သွေးတစ်သားတည်းရှိကြောင်း ပြသမည့် အစ္စရေးအပေါ်သပိတ်မှောက်လှုပ်ရှားမှုတွင်ပါဝင်ရန် လူမှုလှုပ်ရှားသူများကအမေရိကန်အဆိုတော်များဖြစ်သော ဂျနီဖာလိုပလက်ဇ်နှင့် ဘီယွန်းဆေးတို့အား တိုက်တွန်းလိုက်ကြောင်း သတင်းများကဆိုသည်။
တဲလ်အဗစ်၌ ဘီယွန်ဆေး၏ဂီတဖျော်ဖြေပွဲပြုလုပ်မည်ဟု ကောလဟလသတင်းထွက်လာပြီးနောက် ပြီးခဲ့သည့် ကြာသပတေးနေ့က လူမှုကွန်ယက်များတွင် #canceltelaviv ဟူ၍ hashtag ဖြင့် ဖော်ပြကြသည့် သပိတ်မှောက်အစီအစဉ် အနည်းဆုံးနှစ်ခုပေါ်ထွက်လာခဲ့၏။
လာမည့်နွေရာသီ၌ ဖျော်ဖြေပွဲလာရောက်ပြုလုပ်မည် ဟူသော အစ္စရေးမီဒီယာများ၏သတင်းအပေါ် အဆိုပါဂီတပညာရှင်နှစ်ဦးစလုံး၏ ၀က်ဘ်ဆိုဒ်များက မည်သည့်အတည်ပြုချက်ကိုမှ မပေးသေးချေ။ ၎င်းတို့၏ စီစဉ်ရေးအဖွဲ့များထံ အလ်ဂျဇီးရားမှ ဆက်သွယ်ထားသော်လည်း မည်သည့်တုန့်ပြန်ချက်မျှ မရသေးပါ။
အစ္စရေးတွင် ဖော်ျဖြေပွဲ မပြုလုပ်ရန် Tell Beyonce not to play apartheid Israel အမည်ရှိ တောင်းဆိုလွှာ လက်မှတ်ရေးထိုးမှုကို ဦးဆောင်သော လူမှုလှုပ်ရှားသူ Evan Greer က “ဘယွန်းဆေးရဲ့ စီစဉ်ရေးအဖွဲ့က တဲလ်အဗစ်မှာ ဖျော်ဖြေပွဲပြုလုပ်ဖို့ နောက်ဆုံးအဆင့်ညှိနှိုင်းနိုင်ခဲ့ပြီလို့ သတင်းအများအပြား ထွက်နေတယ်။ သူမအနေနဲ့ တဲလ်အဗစ်မှာ သွားရောက်အသုံးတော်ခံမှာ မဟုတ်တဲ့အကြောင်း သူမရဲ့စီစဉ်ရေးအဖွဲ့က လူသိရှင်ကြားအသိပေးခြင်းက အကောင်းဆုံးဖြစ်ပါလိမ့်မယ်။ Elvis Costello ၊ The Pixies ၊ Carlos Santana ၊ Gil Scott-Heron စတဲ့ နာမည်ကြီးဂီတသမားတွေကလည်း သူတို့ရဲ့ဖျော်ဖြေရေးအစီအစဉ် ဖျက်သိမ်းလိုက်ပြီး ဒီသပိတ်မှောက်အစီအစဉ်ထဲ လက်ခံပါဝင်ခဲ့ကြပါတယ်။ အထင်ကရအနုပညာရှင်များရဲ့ ပွဲဖျက်သိမ်းမှု တစ်ကြိမ်စီတိုင်းက အသိမ်းပိုက်ခံပါလက်စတိုင်းရဲ့အနေအထားအပေါ် နိုင်ငံတကာအသိုင်းအ၀ိုင်းရဲ့အရေးထားမှု ရစေလေ့ရှိပါတယ်” ဟု အလ်ဂျဇီးရားသို့ ပြောကြားသည်။
ပါလက်စတိုင်းလူမျိုး အမေရိကန်နိုင်ငံသား စာရေးဆရာ Randa Jarrar ၊ စာရေးသူနှင့် လူမှုလှုပ်ရှားသူ Che Gossett အပါအ၀င် လူများစွာတို့ကလည်း နာမည်ကျော် အမေရိကန်-အာဖရိကန် ဘီယွန်းဆေးအား အစ္စရေးသို့သွားရောက်ကျင်းပမည့် Formation ဖျော်ဖြေပွဲခရီးစဉ်နှင့်ပတ်သက်၍ လူမှုမီဒီယာမှတဆင့် မေတ္တာရပ်ခံခဲ့ကြသည်။ လူမျိုးရေးဘက်လိုက်မှုနှင့် လူမည်းများ၏ဘ၀ရေးရာများကို ဖော်ကျူးတင်ဆက်ထားသည့် သူမ၏ နောက်ဆုံးထွက်သီချင်း Formation မှာ ကြောင်သူတော်လုပ်ရပ်လောဟု လူများစွာက ဘီယွန်းဆေးအား ဝေဖန်လျက်ရှိသည်။
တစ်ချိန်တည်းမှာပင် သတင်းမှတ်တမ်းရုပ်ရှင်ဖန်တီးထုတ်လုပ်သူ Ronan Tyana ကလည်း ဂျနီဖာလိုပက်ဇ်၏ လာလတ္တံ့သော တဲလ်အဗစ်ခရီးစဉ်နှင့်ပတ်သက်၍ သူမသည် အစ္စရေးတို့၏ ရက်စက်ယုတ်မာလှသည့် လူမျိုးခွဲခြားရေးဝါဒအပေါ် ရပ်တည်ရခြင်းကို အံ့သြတုန်လှုပ်မိကြောင်း၊ ပါလက်စတိုင်းမှ လူမှုလှုပ်ရှားသူများနှင့် တွေ့ဆုံရန် တိုက်တွန်းကြောင်း ဆိုလိုက်သည်။
ဆီးရီးယား၌ IS အဖွဲ့၏ သတ်ဖြတ်ခြင်းကိုခံရသော အမေရိကန်ကူညီကယ်ဆယ်ရေးလုပ်သား Peter Dassig လွတ်မြောက်ရေးအတွက် အတွင်းကျကျဆွေးနွေးခဲ့ဖူးသည့် ဇီယွန်ဝါဒီဆန့်ကျင်ရေးနှင့် လူ့အခွင့်အရေးလှုပ်ရှားသူ ရှေ့နေ Stanley Cohen က – ဂီတအနုပညာရှင်တို့၏ခြေလှမ်း နောက်ပြန်ဆုတ်ဖို့ လက်ရှိဖြစ်နေသောတွန်းအားပေးဆွေးနွေးမှုများက ပယ်ဖျက်ရုပ်သိမ်းရေးနှင့်ပိတ်ဆို့ရေးသပိတ် Boycott Divestment and Sanctions (BDS) ကို ထောက်ခံသူများအတွက် လုံလောက်နေပါကြောင်း၊ BDS အနေနှင့် ဤုကိစ္စအပေါ် ၎င်းတို့မှ နားလည်သဘောပေါက်သွားအောင် အဓိကဆောင်ရွက်ပေးရမည်ဖြစ်ကြောင်း၊ ၎င်းတို့၏ ကန်ထရိုက်စာချုပ်ရှိ မင်များ ခြောက်ကုန်သည်အထိ မစောင့်ဆိုင်းသင့်ကြောင်း၊ ပါလက်စတိုင်းလူမျိုးမဟုတ်သူများအတွက် BDS သည်သာ အထိရောက်ဆုံးလက်နက်ဖြစ်ကြောင်း အလ်ဂျဇီးရားထံ ဖုန်းဆက်ပြောကြားသည်။
“အစ္စရေးဝန်ကြီးချုပ် ဘင်ဂျမင် နေတန်ယာဟုဟာ အကြမ်းဖက်ဝါဒအကြောင်း အသံကုန်အော်ပြီး သူကိုယ်တိုင်က အဲ့ဒီအပေါ် ဂဏှာမငြိမ်ဖြစ်နေတယ်။ လူတွေက အကြမ်းမဖက်ရေးဖက် ဦးလှည့်တဲ့အခါ – ငြိမ်းချမ်းစွာ နိုင်ငံရေးဖိအားပေးတဲ့အခါ ရာဇ၀တ်သားအဖြစ် တံဆိပ်တပ်လိုက်တယ်။ အစ္စရေးရဲ့နိုင်ငံရေးမူဝါဒအပေါ် ခင်ဗျားတို့ ဖိအားပေးကြရပါမယ်။ အစ္စရေးခေါင်းဆောင်တွေကို အရေးယူနိုင်အောင် ပြုလုပ်ရပါမယ်။ ဒါက နည်းလမ်းအကျဆုံးပါပဲ” ဟု Cohen က ဆိုသည်။
အအောင်မြင်ဆုံး အပြုသဘောဆောင် သပိတ်မှောက်ခြင်း၏ စံနမူနာများကို တောင်အာဖရိက လူမျိုးခွဲခြားခြင်းသမိုင်းကာလများတွင် တွေ့ရသည်ဟု Cohen နှင့် petition ခေါင်းဆောင် Greer နှစ်ဦးစလုံးက ထောက်ပြခဲ့ကြသည်။
“လူ့အခွင့်အရေးကို ဆိုးဆိုးဝါးဝါး ချိုးဖောက်မှု၊ မြေယာအပိုင်စီးမှု၊ မျိုးနွယ်အုပ်စုတွေကို နလံမထူနိုင်စေရေးနှိပ်ကွပ်မှု(genocide)များအပေါ် ကမ္ဘာတစ်ဝှန်း သတိထားမိဖို့ ပြုလုပ်တဲ့နေရာမှာ ယဉ်ကျေးမှုအခြေတည်သပိတ်မှောက်ခြင်းက မယုံနိုင်လောက်အောင် ထိရောက်မှု ရှိကြတယ်။ တောင်အာဖရိကရဲ့ လူမျိုးခွဲခြားမှုတွေ အဆုံးသတ်နိုင်ခြင်းအပေါ် ယဉ်ကျေးမှုသပိတ်က အလွန်ထင်ရှားတဲ့အခန်းကဏ္ဍတစ်ခုဖြစ်ခဲ့တယ်” ဟု Greer က ပြောကြားသည်။
Source : Al Jazeera
