ဇန်န၀ါရီ ၁၉၊ ၂၀၁၆
M-Media
– ခရစ်ယာန်များအား သတ်ဖြတ်ရန်အတွက် တိုက်တွန်းဆော်သြထားသော ဟီဘရူဘာသာစကားဖြင့် ရေးသားထားသည့်စာကို ဂျေရုစလင် ဇီယွန်တောင်ရှိ အော်သိုဒေါ့စ် ခရစ်ယာန်ဘုရားကျောင်းတွင် တနင်္ဂနွေနေ့က တွေ့ရှိခဲ့ရသည်ဟု သိရသည်။
ခရစ်တော် နောက်ဆုံးညစာ စားသုံးခဲ့သည့်နေရာဟု ခရစ်ယာန်များက ယုံကြည်ကြသည့် နေရာအနီးတွင် တည်ရှိသော Benedictine ဘုရာကျောင်းတွင်ဖြစ်ပြီး နံရံများနှင့် တံခါးများတွင် ထိုကဲ့သို့ စပရေးအနီရောင်ဖြင့် စော်ကားရေးသားထားခြင်းဖြစ်ကာ “ခရစ်ယာန်များကို ငရဲသို့ပို့” “အစ္စရေးရန်သူ ခရစ်ယာန်လူရိုင်းများကို သတ်ပစ်” စသည့် စာသားများ ပါဝင်သည်။
ထို့ပြင် ခရစ်တော်အား စော်ကားသည့် စာသားများကိုလည်း ရေးသားခဲ့ကာ ဒေးဗစ်ကြယ်ကိုလည်း ရေးဆွဲခဲ့ကြသည်။ မည်သူက ထိုကဲ့သို့ ဆောင်ရွက်သည်ကို မသိရှိသေးသော်လည်း ယခင်က ထိုကဲ့သို့ လုပ်ရပ်များကို ဆောင်ရွက်ဖူးသည့် ဂျူးအစွန်းရောက်များဖြစ်မည်ဟု ပြောကြားမှုများ ရှိနေသည်။
အစ္စရေးဝန်ကြီးချုပ် နေတန်ယာဟုကမူ ထိုလုပ်ရပ်ကို ရှုတ်ချခဲ့ပြီး ရဲတပ်ဖွဲ့မှာ ထိုကိစ္စအတွက် တာဝန်ရှိသူကို ရှာဖွေရေးဆောင်ရွက်နေသည်ဟု ပြောကြားခဲ့သည်။
ဂျေရုစလင်ရှိ လက်တင်ဂိုဏ်းချုပ်ဘုန်းတော်ကြီးမှထုတ်ပြန်သော ကြေငြာချက်တွင် ဘုရားကျောင်းတည်ရှိရာ Dormition Abbey ပရ၀ုဏ်မှာ ဂျူးဘာသာနှင့် ခရစ်ယာန်ဘာသာန်တို့ကြား ဘာသာရေးဆွေးနွေးမှုဆိုင်ရာ ထင်ရှားသည့် နေရာဖြစ်သည်ဟု ဖော်ပြခဲ့ပြီး ကျူးလွန်သူများမှာ ထိုခြိမ်းခြောက်မှုကို လက်တွေ့လုပ်ရပ်အဖြစ် အကောင်အထည် မဖော်နိုင်ခင် ဖမ်းဆီးရမိမည်ဟု မျှော်လင့်ကြောင်း ဖော်ပြခဲ့သည်။
Ref: Jpost
