Tag: Japan

ဇူလိုင် ၇၊ ၂၀၁၈
M-Media

– ဂျပန်နိုင်ငံ အနောက်ပိုင်းနဲ့ အလယ်ပိုင်းဒေသတွေမှာ မိုးသည်းထန်စွာ ရွာသွန်းပြီး ရေကြီးရေလျှံမှုတွေ ဖြစ်ပွားတာကြောင့် လူ ၂၀ လောက်သေဆုံးကာ ဒါဇင်နဲ့ချီ ပျောက်ဆုံးနေပါတယ်။

မိုးရွာမှုကြောင့် မြေပြိုမှုတွေလည်း ဖြစ်ပွားနေပြီး ကယ်ဆယ်ရေးလုပ်ငန်းတွေ နှောင့်နှေးကြန့်ကြာနေပါတယ်။

ဒေသခံ အာဏာပိုင်တွေက လူ ၂၀ လောက်သေဆုံးတယ်လို့ ထုတ်ပြန်ခဲ့ပေမယ့် NHK သတင်းဌာနက သေဆုံးသူ အရေအတွက်ကို ၃၈ ဦးလို့ ဖော်ပြပါတယ်။ လူပေါင်း ၁.၆ သန်းလောက်ကို ဘေးလွတ်ရာ ရွှေ့ပြောင်းဖို့ အမိန့်ထုတ်ထားတယ်လို့လည်း သတင်းဌာနက ဆိုပါတယ်။ ပျောက်ဆုံးနေသူတွေကတော့ တော်တော်များများ ရှိနေပါတယ်။

ဂျပန်ဝန်ကြီးချုပ် ရှင်ဇိုအာဘေးက ထိခိုက်ခံစားရသူတွေကို အားသွန်ခွန်စိုက် ကယ်ဆယ်ကြဖို့အတွက် ၀န်ကြီးတွေကို တိုက်တွန်းခဲ့ပါတယ်။

လာမယ့်ရက်တွေမှာ မိုးထပ်ရွယ်မယ်လို့ ဂျပန် မိုးလေသဌာနက ခန့်မှန်းထားပြီး အစိုးရကလည်း ရေကြီးမှုတွေ ဖြစ်လာနိုင်တဲ့ ဒေသတွေမှာ သတိပေးချက်တွေ ထုတ်ပြန်ထားပါတယ်။

Ref: Aljazeera

ဇွန် ၁၈၊ ၂၀၁၈
M-Media

– ဂျပန်နိုင်ငံ အိုဆာကာမှာ ဒီနေ့မနက် အင်အားပြင်းငလျင်တစ်ခု လှုပ်ခတ်မှုအတွင်း အနည်းဆုံး လူ ၃ ဦးသေဆုံးကာ ၂၀၀ ကျော် ဒဏ်ရာခဲ့ပါတယ်။

ဒေသစံတော်ချိန် မနက် ၈ နာရီ လူစည်ကားချိန်မှာ ဖြစ်ပွားခဲ့တာဖြစ်ပြီး သေဆုံးသူတွေဟာ အသက် ၉ နှစ်အရွယ် မိန်းကလေးငယ်တစ်ဦး၊ အသက် ၈၀ အရွယ် အဖွားအိုတစ်ဦးနဲ့ အမျိုးသားတစ်ဦးတို့ဖြစ်တယ်လို့ ဒေသတွင်းမီဒီယာတွေက ဖော်ပြပါတယ်။

မိန်းကလေးငယ်ဟာ ကျောင်းက အုတ်နံရံ ပြိုကျမှုကြောင့် သေဆုံးခဲ့တာဖြစ်ပြီး၊ အဖွားအိုကလည်း အုတ်နံရံပြိုကျမှုကြောင့် သေဆုံးခဲ့တာပါ။ အမျိုးသားကတော့ အိမ်က စာအုပ်စင် ပိမိသေဆုံးတာ ဖြစ်ပါတယ်။

ပြင်းအား ၆.၁ မဂ္ဂနီကျုရှိတဲ့ အဲဒီငလျင်ကြောင့် ဒဏ်ရာရသူကတော့ ၂၀၀ ကျော်လောက်ရှိပါတယ်။

ငလျင်ဟာ အိုဆာကာပြည်နယ်မြောက်ပိုင်းကို ဗဟိုပြုတာဖြစ်ပြီး ဆူနာမီသတိပေးချက် ထုတ်ပြန်ထားခြင်း မရှိပါဘူး။

ဝန်ကြီးချုပ် ရှင်ဇိုအာဘေးက အစိုးရအနေနဲ့ ပူးပေါင်းဆောင်ရွက်နေပြီး လူတွေရဲ့အသက် ကယ်တင်ဖို့ကိစ္စကို အဓိကထားတယ်လို့ ပြောကြားခဲ့ပါတယ်။

ငလျင်ကြောင့် မြေအောက်ရေပိုက်တွေ ပေါက်ထွက်တာ၊ တစ်ချို့နေရာမှာ မီးလောင်တာတွေ ဖြစ်ခဲ့ပေမယ့် ကြီးကြီးမားမားပျက်ဆီးတယ်ဆိုတဲ့ သတင်းမျိုး မရသေးဘူးလို့ အာဏာပိုင်တွေက ပြောပါတယ်။

ကျည်ဆံရထားလိုင်းအပါအ၀င် ရထားလိုင်းတွေနဲ့ စက်ရုံတစ်တွေကို ရပ်ဆိုင်းခဲ့ရပါတယ်။ အိုဆာကာမှာ နျူဓာတ်အားပေးစက်ရုံတွေ ရှိနေပမယ့် ငလျင်ကြောင့် ထိခိုက်ဒဏ်ရာရမှု မရှိပါဘူး။

Ref: CNA

မေ ၁၇၊ ၂၀၁၈
M-Media

– သတ်မှတ်ချိန်ထက် ၂၅ စက္ကန့်စောပြီး ဘူတာကနေ ရထားထွက်ခွာမိတဲ့အတွက် ဂျပန်က ရထားလိုင်းကုမ္ပဏီတစ်ခုဟာ ပြည်သူတွေကို ပြန်လည်တောင်းပန်လိုက်ပါတယ်။

နိုင်ငံအလယ်ပိုင်း နိုတိုဂါဝါမြို့မှာ ဒီနေ့မနက်ပိုင်းက ဖြစ်ပွားခဲ့တာပါ။

မနက် ၇ နာရီ ၁၂ မိနစ်မှာထွက်ဖို့ သတ်မှတ်ထားတဲ့ ရထားကို ကပ္ပတိန်က ၇ နာရီ ၁၁ မိနစ်မှာ တံခါးမှားပိတ်ခဲ့ပြီး သူ့ရဲ့အမှားကို သူသိပေမယ့် ဘူတာမှာ စောင့်နေတဲ့သူ မတွေ့တော့တဲ့အတွက် ၂၅ စက္ကန့်စောကာ ရထားကို ခုတ်မောင်းသွားခဲ့တာဖြစ်ပါတယ်။ အမှန်တကယ်မှာတော့ ရထားလွတ်သွားတဲ့သူတွေ ရှိခဲ့ပါတယ်။

ဒီအဖြစ်အပျက်နဲ့ပတ်သက်လို့ ရထားလွတ်သွားသူတွေနဲ့ ပြည်သူတွေက ကန့်ကွက်မှုတွေ လုပ်ခဲ့ပြီးတဲ့နောက် ရထားလိုင်းကုမ္ပဏီဟာ သိပ်မကြာခင်မှာပဲ ပြန်လည်တောင်းပန်ခဲ့ပါတယ်။

ဂျပန်က ရထားလိုင်းတွေဟာ အလွန်အမင်း အချိန်တိကျမှုအတွက် နာမည်ကျော်ကြားပါတယ်။

ပြီးခဲ့တဲ့နှစ် နိုဝင်ဘာလမှာလည်း တိုကျိုနဲ့ ဆူကူဘာတို့ကို ပြေးဆွဲတဲ့ Tsukuba Express က ရထားတစ်စီးဟာ စက္ကန့် ၂၀ စောထွက်ခဲ့တဲ့အတွက် ပြည်သူတွေကို ပြန်လည်တောင်းပန်ခဲ့ရပါတယ်။

Ref: BBC