Tag: malaysia

ဇန်န၀ါရီ ၂၂၊ ၂၀၁၆
M-Media

– ဟိန္ဒူဘာသာဝင်များ၏ Thaipusam နီးကပ်လာသည့်အချိန်တွင် နိုင်ငံသားများ စိတ်အေးချမ်းသာစွာ ဘာသာရေးထုံးတမ်းဓလေ့များကို ကျင့်သုံးနိုင်ရန်အတွက် မလေးရှားအစိုးရမှာ ဟိန္ဒူများ အထွဋ်အမြတ်ထားရာ ဘုရားကျောင်းရှိသော Batu Caves တစ်ဝိုက်တွင် လုံခြုံရေးကို တိုးမြှင့်ချထားလိုက်သည်ဟု သိရသည်။

Thaipusam ပွဲတော်မှာ ဇန်န၀ါရီ ၂၃ ရက်နှင့် ၂၄ ရက်တို့တွင် ကျရောက်မည်ဖြစ်ပြီး ဆီလန်ဂေါပြည်နယ်တွင်ရှိသည့် အဆိုပါ Batu Caves မှာ ကမ္ဘာပေါ်တွင် အကြီးဆုံးနှင့် အလှပဆုံး Thaipusam ပွဲတော်ကျင်းပရာ နေရာဖြစ်ကာ ကမ္ဘာ့လှည့်ခရီးသွားများ လာရောက်လည်ပတ်ရာ နေရာလည်းဖြစ်သည်။

မလေးရှားလုံခြုံရေးတပ်ဖွဲ့ဝင်များကမူ အဆိုပါနေရာတွင် ဇန်န၀ါရီ ၁၅ ရက်နေ့မှ စတင်ကာ လုံခြုံရေးကို တိုးမြှင့်ချထားခဲ့ခြင်းဖြစ်သည်။ ပြီးခဲ့သည့်တစ်ပတ်က အင်ဒိုနီးရှားနိုင်ငံ ဂျကာတာမြို့တွင် IS အဖွဲ့ဝင်များ အကြမ်းဖက်တိုက်ခိုက်မှု ပြုလုပ်ခဲ့ပြီးနောက် မလေးရှားတွင် အထူးသဖြင့် ကမ္ဘာလှည့်ခရီးသွားများ လည်ပတ်ရာ နေရာများတွင် လုံခြုံရေးကို တိုးမြှင့်ချထားခဲ့သည်။

Batu Caves တွင် ရဲတပ်ဖွဲ့အပြင် စစ်တပ်မှာလည်း လုံခြုံရေးတာဝန်ကို ရယူကာ ကင်းလှည့်စောင့်ကြပ်မှုများကို အချိန်ပြည့်ပြုလုပ်နေသည်။

Ref: Channelnewsasia

ဇန်န၀ါရီ ၅၊ ၂၀၁၅
M-Media

– ဓမ္မတာနှင့် ဆန့်ကျင်သော လိင်ဆက်ဆံမှုဖြင့် ထောင်ဒဏ် ၅ နှစ် ကျခံနေရသည့် မလေးရှားအတိုက်အခံခေါင်းဆောင်ဟောင်း အန်န၀ါရီ အီဗရာဟင်အား နိုဘယ်ဆုအတွက် အမည်စာရင်းပေးသွင်းရန် အန်ဂျီအိုအဖွဲ့များက ကြိုးစား နေသည်ဟု သိရသည်။

၎င်းအား ထောက်ခံသည့် အန်ဂျီအို ၁၅ ဖွဲ့တွင် ပါဝင်သော Otai Reformasi အဖွဲ့က ဒုတိယ၀န်ကြီးချုပ်ဟောင်း အန်ဝါရ်မှာ နိုဘယ်ဆုနှင့် ထိုက်တန်သည်ဟု ယုံကြည်နေသည်။ ထိုအဖွဲ့မှာ အန်ဝါရ်လွတ်မြောက်ရေးအတွက် တွန်းအားပေးနေသည့် အဖွဲ့လည်းဖြစ်သည်။

“သူက ဒီအဆင့်(နိုဘယ်ဆုနဲ့ ထိုက်တန်တဲ့အဆင့်) မှာ ရှိပါတယ်။ သူ့ရဲ့ ဘ၀၊ သူ့ရဲ့ခံစားခွင့်နဲ့ သူ့ရဲ့ လွတ်လပ်မှုတွေကို စစ်မှန်တဲ့အုပ်ချုပ်ရေး၊ ခြစားမှုကင်းဝေးရေး၊ ဒီမိုကရေစီ၊ လွတ်လပ်မှုတွေနဲ့ ဆက်စပ်တဲ့ ကိစ္စတွေလို အရေးပါတဲ့ အရာတွေကို ပြန်လည်ဆောင်ကျဉ်းလာဖို့ဆိုတဲ့ အမှန်တရားအတွက် ပေးဆပ်ဖို့ဆန္ဒရှိတဲ့ လူကောင်းတစ်ယောက် ဖြစ်ပါတယ်” ဟု Otai Reformasi မှ အဖွဲ့ဝင်တစ်ဦးဖြစ်သူ ဆာရီ ဆန်ဂစ်ဘ်က ပြောကြားခဲ့သည်။

ဓမ္မတာမဟုတ်သော လိင်ဆက်ဆံမှုစွဲချက်ဖြင့် အန်ဝါရ်အား ထောင်ဒဏ် ၅ နှစ် ချမှတ်မှုကို နိုင်ငံတကာအသိုင်းအ၀ိုင်းက ရှုတ်ချခဲ့ပြီး၊ နိုင်ငံရေးလုပ်ကြံမှုဟု အန်ဝါရ်ကိုယ်တိုင်က ပြောကြားခဲ့သည်။ ၁၉၉၉ ခုနှစ်ကလည်း ခြစားမှုဖြင့် ထောင်ကျဖူးပြီး နိုင်ငံရေးအကြောင်းကြောင့် မိမိအား ချောက်ချခဲ့ခြင်းဖြစ်သည်ဟု ဆိုခဲ့သည်။ ပထမအကြိမ် အကျဉ်းကျစဉ်က အန်ဝါရ်မှာ နိုဘယ်ဆုရရှိရန် ရေပန်းစားခဲ့သည်။

ယခုအကြိမ်တွင်မူ အန်ဝါရ်အား အချို့သူများက နိုဘယ်ဆုအတွက် အမည်စာရင်းတင်သွင်းခဲ့သည်ဟု အဖွဲ့က ပြောကြားခဲ့သော်လည်း မည်သူမည်ဝါက တင်သွင်းခဲ့သည်ဆိုသည်ကို ဖော်ပြခဲ့ခြင်းမရှိချေ။ နိုဘယ်ဆုအား ယခုနှစ် အောက်တိုဘာလတွင် ကြေငြာမည်ဖြစ်သည်။

နိုဘယ်ဆုအတွက် အမည်စာရင်း တင်သွင်းခြင်းအပြင် အန်ဝါရ်လွတ်မြောက်ရေးအတွက်လည်း ထိုအဖွဲ့က ဆက်လက်လုပ်ဆောင်နေပြီး ဧပြီလတွင် အန်ဝါရ်အား ထောက်ခံသည့် ဆန္ဒပြပွဲများကို နိုင်ငံတစ်ဝှမ်း ပြုလုပ်ရန် စီစဉ်ထားသည်။

Ref: Channenewsasia

ဒီဇင်ဘာ ၅၊ ၂၀၁၅
M-Media

– မလေးရှားဝန်ကြီးချုပ် နာဂျစ်ရာဇက်၏ ဘဏ်အကောင့်တွင် ကန်ဒေါ်လာ သန်း ၇၀၀ ရှိနေမှုနှင့် စပ်လျဉ်း၍ မလေးရှား ခြစားမှုတိုက်ဖျက်ရေးကော်မရှင် MACC က ယနေ့တွင် ၀န်ကြီးချုပ်နှင့်တွေ့ဆုံကာ ထွက်ချက်ယူခဲ့သည်ဟု သိရသည်။

MACC မှထုတ်ပြန်သော ကြေငြာချက်တွင် ၎င်းတို့မှာ နာဂျစ်နှင့် ၂ နာရီခွဲကြာ တွေ့ဆုံခဲ့ပြီး ၀န်ကြီးချုပ်ကလည်း ပူပေါင်းဆောင်ရွက်ခဲ့ကြောင်း ဖော်ပြထားပြီး အသေးစိတ်အချက်အလက်ကို ထုတ်ပြန်ခဲ့ခြင်းမရှိချေ။

၂၀၁၃ ခုနှစ် ရွေးကောက်ပွဲမတိုင်ခင် နာဂျစ်၏ ဘဏ်စာရင်းထဲသို့ လွှဲပြောင်းပေးခဲ့သည်ဟု ယုံကြည်ရသည့် နိုင်ငံတော်ပိုင်ငွေ မလေးရှားရင်းဂစ် ၂.၆ ဘီလီယံနှင့် ပတ်သက်၍ ဇူလိုင်လက စုံစမ်းစစ်ဆေးမှုများကို ပြုလုပ်ခဲ့ပြီးနောက် မလေးရှားဝန်ကြီးချုပ်မှာ ဝေဖန်မှုများနှင့် ရင်ဆိုင်ခဲ့ရသည်။

Wall Street ဂျာနယ်ကမူ ၎င်းတို့၏ စုံစမ်းစစ်ဆေးသူများကမူ နာဂျစ် အကြံပေးအဖြစ် တာဝန်ထမ်းဆောင်သည့် အကြွေးပတ်လည်ဝိုင်းနေသော 1MDB ရင်းနှီးမြှုပ်နှံမှုကုမ္ပဏီမှ ယခင်ကပိုင်ဆိုင်သော SRC International ကုမ္ပဏီ၏ ရန်ပုံငွေများအပါအ၀င် အဆိုပါ ငွေပမာဏမှာ နာဂျစ်၏ သီးခြားဘဏ်စာရင်း ၅ ခုထဲသို့ ရောက်ရှိခဲ့သည်ဟု ဖော်ပြခဲ့သည်။

သြဂုတ်လအတွင်းက MACC မှာ နာဂျစ်၏ ထိုငွေစာရင်းများတွင် ရှိနေသော ငွေများမှာ 1MDB နှင့် ဆက်သွယ်မှုမရှိဘဲ အရှေ့အလယ်ပိုင်းမှ ပေးအပ်သည့် အလှူငွေများဖြစ်သည်ဟု ဆုံးဖြတ်ခဲ့သည်။ သို့သော်လည်း ယနေ့တွေ့ဆုံမှုမှာ ထိုခြစားမှုကိစ္စနှင့်ပတ်သက်၍ နာဂျစ်ထံမှ ပထမဆုံး ထွက်ချက်ယူခြင်းလည်းဖြစ်သည်။

Ref: Channelnewsasia

နိုဝင်ဘာ ၂၇၊ ၂၀၁၅
M-Media

– ၂၀၁၃ ခုနှစ်က ဆာဘားပြည်နယ်သို့ ကျူးကျော်ဝင်ရောက်ခဲ့သည့် လက်နက်ကိုင်များထဲမှ တစ်ဦး၏ သမီးဖြစ်သူနှင့် တွဲရိုက်ထားသော ပုံတစ်ပုံမှာ ဆိုရှယ်မီဒီယာများတွင် ပြန့်နှံခဲ့ပြီးနောက်ပိုင်း မလေးရှားအတိုက်အခံ ခေါင်းဆောင်ဟောင်း အန်န၀ါရ် အီဗရာဟင်မ်၏ သမီးဖြစ်သူကို ယနေ့တွင် မလေးရှား အာဏာပိုင်များက စစ်ဆေးမေးမြန်းမှုများ ပြုလုပ်ခဲ့သည်ဟု သိရသည်။

နူရူလ် အစ်ဇာဟ် အန်ဝါရ်ဖြစ်ပြီး ထိုဓာတ်ပုံကြောင့် နိုင်ငံတော်သစ္စာဖောက်မှုနှင့် စွပ်စွဲခံထားရကာ၊ ၎င်းတို့၏ တွေ့ဆုံမှုအတွက်လည်း ပြည်သူများက ဝေဖန်မှုများ ရှိနေသည်။

အတိုက်အခံ PKR ပါတီ၏ ဒုတိယဥက္ကဌဖြစ်ပြီး လက်ရှိလွှတ်တော်အမတ်လည်းဖြစ်သူ အစ်ဇာဟ်က ထိုဓာတ်ပုံမှာ ဖိလစ်ပိုင်နိုင်ငံ မနီလာမြို့ရှိ အခမ်းအနားတစ်ခုတွင် တွေ့ဆုံမှုဖြစ်ပြီး သူမက တွေ့ဆုံရမည့် ဧည့်သည်များစာရင်းကို စွက်ဖက်ပိုင်ခွင့်မရှိခဲ့ဟု ပြန်လည် တုန့်ပြန် ပြောဆိုခဲ့သည်။

သူမမှာ မလေးရှားရဲတပ်ဖွဲ့ဌာနချုပ်တွင် ၂ နာရီကြာ စစ်ဆေးမေးမြန်းခြင်း ခံခဲ့ရပြီး အဘယ့်ကြောင့် ထိုကဲ့သို့ စစ်ဆေးခံခဲ့ရသည်ကို ရှင်းရှင်းလင်းလင်း မသိရပေ။ သို့သော်လည်း သူမကမူ ရဲတပ်ဖွဲ့ထံ တိုင်ကြားမှု၏ ၉၀ ရာခိုင်နှုန်းမှာ ဆိုရှယ်မီဒီယာတွင် ပြန့်နှံ့ခဲ့သည့် ဓာတ်ပုံကြောင့်ဟု ပြောကြားခဲ့သည်။

Ref: Channelnewsasia