အောက်တိုဘာ ၅ ၊ ၂၀၁၄
M-Media
သူရမင်းမင်း ရေးသည်။
၂၀၁၂ ခုနှစ်ကတည်းက မြန်မာပြည်တလွားဖြစ်ပွားခဲ့တဲ့ မွတ်စလင်ဆန့် ကျင်ရေးအကြမ်းဖက်မှုတွေကို ရဲတွေက တားဆီးရမဲ့အစား ရပ်သာကြည့်နေ ခဲ့ကြပါတယ်။ ရှေ့ တည့်တည့်မှာ လူအုပ်ကြီးက မွတ်စလင် ဘာသာရေးအ ဆောက်အအုံတွေ၊ အိမ်တွေ၊ ဆိုင်တွေ၊ ပစ္စည်းဥစ္စာတွေကို ဥပဒေကင်းမဲ့စွာ၊ မင်းမဲ့တိုင်းပြည်ဆန်စွာ ဖျက်ဆီးမီး ရှို့ နေတာကို “အထက်အမိန့် တိတိကျကျမရ လို့ ” ဆိုတဲ့အကြောင်းပြချက်နဲ့ အကြမ်းဖက်နေတဲ့ လူအုပ်ကို မထိန်းခဲ့သလို ခံရတဲ့မွတ်စလင်ပြည်သူတွေကိုလည်း လိုအပ်တဲ့ အကာအကွယ်မပေးခဲ့ပါဘူး။
မြန်မာ ပြည်သူအများစုကလည်း အကြမ်းဖက်မှုကို ရပ်ကြည့်နေခဲ့တဲ့ရဲတွေလုပ်ရပ် ကို အပြစ်လို့  မမြင်ကြပါဘူး။ တချို့ က အားတောင်ပေးပါသေးတယ်။ ကုလားကိုနှိပ်ကွပ်တာ ဘာကိစ္စ၀င်ပြော ပေးရမလဲပေါ့။
နိုင်ငံတကာမီဒီယာများအပါအ၀င် တချို့ ကလည်း ဆိုပါတယ်။ အဲ့ဒီလိုဖြစ်ရတာဟာ မြန်မာအစိုးရ ပေါ်လစီက မွတ်စလင်ဖိနှိပ်ရေးဖြစ်လို့ တဲ့။ တချို့ ကလည်းပြောပါတယ်။ မြန်မာအစိုးရနဲ့  ရဲတွေ ကိုယ်တိုင်က မွတ်စလင်တွေ ကို မုန်းလို့ ။ မှန်သင့်သလောက်မှန်ပါတယ်။
ဒါပေမယ် ရဲတွေရဲ့  ရပ်တည်ချက်က မွတ်စလင် နှိပ်ကွပ်ရေးဆိုတာထက် ပြည်သူ အားလုံးအတွက် အရေးကြီးတဲ့ နိုင်ငံရေး ပြုပြင်ပြောင်းလဲနဲ့ ပိုပြီးဆိုင်ပါတယ်။ တဖက်မှာ နိုင်ငံရေးပြုပြင် ပြောင်းလဲရေးဆိုတာ လုပ်နေပေမဲ့ အစိုးရ အသိုင်းအ၀ိုင်းရဲ့ အကျိုးစီးပွားကို အကာအကွယ်ပေးနိုင်အောင်၊ တနည်းအားဖြင့် ဖိနှိပ်အုပ်ချုပ်တဲ့ စနစ် သက်ဆိုး ရှည်ဖို့ အတွက် ပြည်သူတွေကို ဖိနှိပ်တဲ့ နေရာမှာ အသုံးချတဲ့ ယန္တရားတစ်ခုကို တခြားတစ်ခုနဲ့  အစားထိုးလိုက် တာပါပဲ။ မွတ်စလင်တွေကို ချကျွေးပြီး အစားထိုးလိုက်တော့ ကုလားမုန်း မှိုင်းတိုက်ခံထားရ တဲ့ ပြည်သူတွေအနေနဲ့  အစိုးရက တကွက်ရွေ့  လှည့်စားလိုက်တာကို လှည့်စားလို့ လှည့်စားမှန်း မသိဖြစ်သွားပါတယ်။
ဘာကိုရွှေ့လိုက်တာလဲ။ ဘာယန္တရားကို ဘာနဲ့  အစားထိုးလိုက်တာလဲ။
စစ်တပ်ကို ရဲ နဲ့  အစားထိုးလိုက်တာပါ။ ရော့အင့်ဆိုပြီး လူမြင်သူမြင် နေ့ ချင်းညချင်း အစားထိုးလို့ မဖြစ်နိုင်တဲ့အ တွက် ကျားထိုးသလို အကွက်ချပြီးမှ ထိုးလိုက်တာပါ။
ဆိုလိုတာက စစ်မှန်တဲ့ အပြောင်းအလဲမဟုတ်ဘဲ ဘမ်းပြ ပြုပြင်ပြောင်းလဲရေးပဲ လုပ်ချင် တဲ့အစိုးရ အသိုင်းအ၀ိုင်းအတွက် သူတို့  ချုပ်ကိုင်မှုကို ဆက်ပြီး ထိန်းထားနိုင်ဖို့ အတွက် အရင် လုပ်မြဲအတိုင်း ဆက်လုပ်နေဖို့ လိုတယ်။ အထူးသဖြင့် ပြည် သူတွေ ဖိနှိပ်အုပ်ချုပ်တဲ့နေရာမှာ လိုအပ်တဲ့ “လုံခြုံရေးယန္တရား” (security apparatus) ကို ဆက်ပြီး ကျင့်သုံး သွားဖို့ လိုတယ်။ အဲ့ဒီ ယန္ထရားကို အရင်က စစ်တပ်က အဓိက တာ ၀န် ယူရတယ်။ ဒါပေမဲ့ နိုင်ငံရေးပြုပြင် ပြောင်းလဲရေး လုပ်နေတယ်လို့  ပြချင်တဲ့အတွက် စစ်တပ်က စင်ပေါ် မှာဆက်နေလို့  မရတော့ လို့ စစ်တပ်ကို ကိုယ်ယောင် ဖျောက်ပြီး သူ့ အစား ရဲကို ရှေ့ မျက်နှာစာမှာထား သုံးသွား မှာပါ။ အခုဆိုရင် မြို့ ပေါ်တွေမှာ အရင်လို စစ်ယူ နီဖောင်းဝတ်တွေ မတွေ့ ရတော့ ဘဲ ရဲတွေကိုပဲ တွေ့ ရတော့တာ မဟုတ်ဘူးလား။ အမှန်ကတော့ ရဲရဲ့  နောက်မှာ စစ်တပ်ရှိနေပါတယ်။
၂၀၀၈ ဖွဲ့ စည်း အုပ်ချုပ်ပုံအရ ပြည်သူ့ ရဲတပ်ဖွဲ့ က ပြည်ထဲရေးဝန်ကြီးဌာန အောက်မှာရှိပါတယ်။ ပုဒ်မ ၂၃၂ အရ ပြည်ထဲရေးဝန်ကြီိးဟာ လက်ရှိစစ်တပ် အရာရှိဖြစ်ဖို့ လိုပြီး သူ့ ကို ကာကွယ်ရေးဦးစီးချုပ်က တိုက်ရိုက်ခန့် အပ်ပါ တယ်။ ပြည်သူက ရွေးကောက်တင်မြောက်ထားတာ မဟုတ်တဲ့ ပြည်ထဲရေးဝန်ကြီးဟာ သမ္မတနဲ့  အစိုးရအ ဖွဲ့  ထက် ကာကွယ်ရေးဦးစီးချုပ်ကို တာဝန်ခံရပါတယ်။ ဒုပြည်ထဲရေးဝန်ကြီးဖြစ်တဲ့ ရဲချုပ်ကလည်း စစ်တပ်ကပဲဖြစ် ပြီး တခြားအရာရှိကြီးတွေလည်း စစ်တပ်ကနေပဲ ပြောင်းပို့  တာပါပဲ။ ရဲတပ်ဖွဲ့ ကို တိုင်းပြည်ကာကွယ်ရေးရဲ့ အရံ လက်နက်ကိုင်အဖွဲ့ အဖြစ်လည်း ထားထားပါသေးတယ်။ အရှင်းဆုံးပြောရရင် ရဲတပ်ဖွဲ့ က စစ်တပ်ရဲ့  ကိုယ်ပွား ပါပဲ။ မွတ်စလင်တွေအကြမ်းဖက်ခံနေရချိန်မှာ ရဲတွေက “အထက်အမိန့် ” မရလို့  ဘာမှမလုပ်ဘူးဆိုတော့ ရဲတွေကို ဗဟိုကနေတိုက်ရိုက် ထိန်းချုပ်ထားတယ်ဆိုတာ မထင်ရှားနေဘူးလား။
ပြုပြင်ပြောင်းလဲရေး ရေစီးကြောင်းထဲမြောနေတဲ့ အစိုးရက နိုင်ငံတကာ အသိုင်းအ၀ိုင်းရဲ့ ထောက်ခံမှုရအောင် နိုင် ငံတကာ စံနှုန်းတွေနောက်ကို အမှီလိုက်ရပါတယ်။ အတွေးအခေါ်တွေလည်း ပြောင်းရပါတယ်။ အရင်တုန်းက ရဲ တွေနဲ့  ဒေသခံတွေ နီးစပ်သွားမှာကို အားမပေးပါဘူး။ ဗဟိုအစိုးရ အမိန့် နာခံတာထက် ဒေသခံတွေနဲ့ ပိုပြီးနီး စပ်သွားမှာကို တားဆီးထားခဲ့ပေမယ့် ခုတော့ “community policing” ဆိုတဲ့ အတွေးအခေါ်ကို စပြီးကျင့်သုံးဖို့ ကြိုး စားလာပါတယ်။ ကော်မြူနတီ အခြေပြု ဖြစ်ဖို့ အတွက်ဆိုတာ ဒေသခံ ကော်မြူနတီနဲ့  ပြည်သူတွေနဲ့  နီးနီးစပ် စပ်ရှိဖို့ ၊ ပြည်သူတွေရဲ့ ယုံကြည် စိတ်ချအားထားမှုရှိဖို့ လိုတယ်။ ဒါပေမဲ့ မြန်မာပြည်က ရဲတွေကို ပြည်သူတွေက အယုံအကြည်မရှိတဲ့အပြင် ရွံ့ ကြောက်၊ ရွံ့ မုန်းဖြစ်တဲ့အတွက် community policing အတွေးအခေါ်က အလှမ်း ဝေးနေတယ်။ စစ်အစိုးရ ကာလတလျှောက် အစိုးရရဲ့ လက်ကိုင် ဒုတ်လုပ်ပြီး ၈၈ နောက်ပိုင်းအဖမ်းအဆီးတွေ၊ စစ်ကြောရေးတွေ၊ ထောင်တွင်းနှိပ်စက်မှုတွေ၊ သတင်းပို့ တွေ အပြင် ၂၀၀၃ ဒီပဲယင်းကိစ္စ၊ ၂၀၀၇ ရွှေဝါရောင် တော်လှန်ရေးကိစ္စ၊ လက်ပံတောင်းတောင် ကိစ္စတွေအတွက် ရဆိုရင် လူမုန်းပါတယ်။ အဲ့ဒါအပြင် လာဘ်စားတာ၊ မတရားလုပ်တာ၊ ပါဝါပြတာတွေကြောင့် ရဲတွေဟာ ပြည်သူ့ ချဉ်ဖတ်ပါပဲ။
ဒီလိုပြည်သူ့ ချဉ်ဖတ် အဖွဲ့ အစည်းကို အစိုးရအသိုင်းအ၀ိုင်း သက်ဆိုးရှည်ရေးအတွက် အလွန်အရေးပါတဲ့ လုံခြုံရေး ယန္ထရားကို လည်ပတ်ခိုင်းဖို့ ဆိုတာ အကြီးစား ပြုပြင်ပြောင်းလဲမှုတွေလိုပါတယ်။ အထူးသဖြင့် community policing အောင်မြင်ဖို့ အတွက်ဆိုရင် ပြည်သူတွေရဲ့  ချက်ချင်းလက်ငင်း အင်တိုက်အားတိုက် ထောက်ခံ ဖို့ လိုပါတယ်။ နည်းလမ်းရှာရင်း မွတ်စလင် ဆန့် ကျင်နည်းကို လမ်းကြုံတွေ့ သွားသလား၊ တမင် အကွက်ရှာ အခြေအနေ ဖန်တီးသလားတော့  မပြောတတ်ပါ။ အမျိုး၊ဘာသာ၊ သာသနာ လှုပ်ရှားမှုဟာ ပြည်သူ တွေကို ဖိနှိပ်တဲ့နေရာမှာ အသုံးတော်ခံမယ့် ရဲတပ်ဖွဲ့  အနာဂတ်အတွက် အသုံးတော့ တည့်သွားပါတယ်။
ခုလို အမျိုး၊ဘာသာ၊ သာသနာဆိုပြီး မွတ်စလင် မုန်းတီးရေး ရေချိန်မြင့်နေချိန်မှာ မွတ်စလင်တွေကို ထိခိုက်အောင် လုပ်တဲ့ လုပ်ရပ်တွေဟာ အမျိုး၊ ဘာသာ၊ သာသနာကို စောင့်ထိန်းတဲ့ လုပ်ရပ်၊ တိုင်းပြည်နဲ့  ပြည်သူ့ အကျိုးစီးပွားကို ကာကွယ်တဲ့ လုပ်ရပ်လို့  မျက်စိမှိတ် ယုံကြည်နေကြပါတယ်။ ဒီအချိန်မှာ မွတ်စလင်တွေကို အကြမ်းဖက်နေတာကို မျက်စိရှေ့ တည့်တည့် မြင်နေလျက်နဲ့ လျစ်လျူရှုပေးတဲ့ ရဲတပ်ဖွဲ့ ကို ပြည်သူ့ ဖက်က ရပ်တည်တဲ့ ပြည်သူ့ သား ကောင်းတွေ၊ အမျိုးဘာသာသာသနာ စောင့် ထိန်းသူတွေ၊ ပြည်သူတွေနဲ့  တထပ်တည်း တသားတည်းကျတဲ့ အစိုးရအဖွဲ့ အစည်းဆိုပြီး လက်လီလက်ကား အားပေးလ်ိမ့်မယ်လို့  တွက်ချက်လိုက်ပုံပါပဲ။
ရဲတွေကို ပြည်သူတွေက ယုံကြည်သွားတယ်ဆိုရင် အစိုးရ အပြောင်းအလဲအကွက်တွေထဲက တစ်ကွက်ဖြစ်တဲ့ စစ်တပ် ကိုယ်ယောင်ဖျောက်၊ ရဲကို စင်ပေါ်တင်ပေးတဲ့ ကိစ္စလည်း အောင်မြင်ပြီး သွားဖြစ်သွားမှာပါ။ အစိုးရအတွက် တချက်ခုတ် သုံးချက်ပြတ်ကာ နိုင်ငံတကာကလည်း police reform (community policing) ကို အားရ၊ အစိုးရ အသိုင်းအ၀ိုင်းရဲ့  အကျိုးစီးပွားကို ကာကွယ်ပေးဖို့  လုံခြုံရေး ယန္တရား လည်ပတ်ရေးကို စစ်တပ်လက်ကနေ ရဲလက် ထဲထည့်ပေးပြီးသား၊ အစိုးရ အသိုင်းအ၀ိုင်းကို ကာကွယ်ပေးမယ့် ရဲတပ်ဖွဲ့ ကိုလည်း ပြည်သူတွေက ထောက်ခံပြီး သွားဖြစ်သွားမှာပါ။ အစိုးရ အသိုင်းအ၀ိုင်း အကျိုးစီးပွားအတွက် ပြည်သူတွေကို ဖိနှိပ်မဲ့ အဖွဲ့ အစည်းကို ပြည်သူ တွေကိုယ်တိုင်က လက်ခံအောင် လှည့်ဖျားလိုက်လေခြင်း။
ဒါပေမဲ့ မြန်မာပြည်သူတွေက ဒီလောက်တော့ မညံ့သင့်ဘူးထင်တယ်။
ရဲတပ်ဖွဲ့ ပြုပြင်ပြောင်းလဲရေး ဘယ်သူလုပ်တာလဲ?
၈၈ အာဏာသိမ်းပြီး စစ်တပ်က အရာရာကို ထိန်းချုပ်လာပြီးနောက် ပထမဆုံး ရဲတပ်ဖွဲ့ ပြုပြင်ပြောင်းလဲရေးကို ၁၉၉၄ မှာ ဗိုလ်ချုပ်ခင်ညွန့် ကစလုပ်ပါတယ်။ ဗိုလ်ချုပ်ခင်ညွန့် အဖမ်းခံရပြီးနောက် ရဲတပ်ဖွဲ့ ပြုပြင်ပြောင်းလဲရေး ကို လက်ရှိ သမ္မတ ဦးသိန်းစိန်က ဆက်လုပ်ပါတယ်။ သူနဲ့ အတူ ရဲတပ်ဖွဲ့ ပြုပြင်ပြောင်းလဲရေး လုပ်တာကတော့ ဗိုလ်ချုပ် ခင်ရီ (ယခု လ၀က ၀န်ကြီး) ပါပဲ။ နောက်တော့ စစ်တပ်ကနေ ရဲချုပ် ခင်ရီဖြစ်လာတယ်။ နှစ်ရှည် စီမံကိန်း ဆိုပြီးတော့လည်း ဆွဲခဲ့ပါသေးတယ်။ ဦးသိန်းစိန်တို့ ဦးခင်ရီတို့ ဆိုတာ အခု ပြုပြင်ပြောင်းလဲရေးကို ဦးဆောင်နေ ပါတယ်။ တိုင်းရင်းသား လက်နက်ကိုင်အဖွဲ့ အစည်းတွေနဲ့  ငြိမ်းချမ်းရေးဆွေးနွေး ပွဲတိုင်းလိုလိုမှာ ပါဝင်တဲ့ ဦးခင် ရီက အခု လ၀က ၀န်ကြီးဖြစ်ပြီး သန်းခေါင်စာရင်းကောက်ခံရေး မှာ အဓိက တာဝန်ရှိသူဖြစ်ပါတယ်။ တိုင်းရင်းသား လက်နက်ကိုင်ကိစ္စဆိုတော့ နယ်စပ်နဲ့ လ၀က ကိစ္စလည်း အရေးပါပါတယ်။ လ၀က ဆိုတော့ ရခိုင်ကိစ္စ မပါမ ဖြစ်ကနေ ဘာသာရေး ကိစ္စလည်း နွယ်လာတာပါပဲ။
ဘာသာရေး ကိစ္စနွယ်တယ်ဆိုရင် လက်ရှိ ပြည်ထဲရေး ၀န်ကြီး ဒုတိယ ဗိုလ်ချုပ်ကြီး ကိုကို ဆိုရင် ၀န်ကြီး မဖြစ်ခင် ကာကွယ်ရေး ဝန်ကြီးဌာန အထူး စစ်ဆင်ရေး အဖွဲ့ ၃ (Bureau of Special Operation 3) ကို တာဝန်ယူရပါတယ်။ ဒီဌာနက အနောက်ပိုင်းတိုင်း (ရခိုင်၊ ချင်း)၊ တောင်ပိုင်းတိုင်း (ပဲခူး၊ မကွေး)၊ အနောက်တောင်တိုင်း (ဧရာဝတီ) စစ်တိုင်းတွေကို ကွပ်ကဲရ ပါတယ်။ မွတ်စလင် ဆန့် ကျင်ရေး အကြမ်းဖက်မှုတွေက ရခိုင်ပြည်နယ်အပြင် ပဲခူး၊ မကွေးနဲ့  ဧရာဝတီတိုင်းတွေ မှာလည်း ဖြစ်ခဲ့တာရယ်၊ မိတ္ထီလာနဲ့ ဝန်ကြီးရဲ့ ဇာတိ မန္တလေးမှာ အကြမ်းဖက်မှု ဖြစ်သွားတာ ကလည်း ရဲ၊ ရခိုင်၊ မွတ်စလင်၊ နိုင်ငံတော်ပြုပြင်ပြောင်းလဲရေး ကိစ္စဆက်နွယ်မှုတွေက စဉ်းစားစရာတွေပါ။
ဘယ်လိုပဲဖြစ်ဖြစ် စစ်တပ် ကိုယ်ပွား ရဲတပ်ဖွဲ့ (သို့ ) အနာဂတ်၏ လုံခြုံရေး အယောင်ပြ ချုပ်ချယ်ဖိနှိပ်မှုကိုယ်ရံ တော်ကို ဖိနှိပ်ခံ ချုပ်ချယ်ခံရမဲ့ ပြည်သူတွေ ကိုယ်တိုင်ကထောက်ခံလာအောင် မွတ်စလင်တွေကို ထိုးကျွေးလိုက် တာကတော့ အသေအချာပါပဲ။ မွတ်စလင်တွေ ခံရလို့  ငြိမ်ငြိမ်လေး မသိချင် ဟန်ဆောင်နေမယ် ဆိုရင် အစိုးရရဲ့ အဓိက ပစ်မှတ်က ကိုယ်ကိုယ်တိုင် ဖြစ်နေတယ်ဆိုတာ မသိလိုက်ဘူးဖြစ်သွားမယ်။ ကျော ချမှ ဓားပြမှန်းသိတာ မျိုးမဖြစ်သင့်ပါ။ ဓားပြ ကျောချ ချင်ချ၊ ကုလားနာရင်ပြီးရောဆိုရင်တော့ မြန်မာပြည်သူတွေရဲ့ ဆုံးဖြတ်ချက်အတိုင်း ပါပဲ။
