Tag: Palestine

ဇူလိုင် ၂၈၊ ၂၀၂၅

M-Media 

ပါလက်စတိုင်းနိုင်ငံ အနောက်ဖက်ကမ်းဒေသက ခရစ်ယာန်ဘာသာ၀င်တွေနေထိုင်တဲ့ တိုင်ဘာမြို့ကို တရားမ၀င် ဂျူးအခြေချသူတွေက ဇူလိုင် ၂၇ ရက်နေ့မှာ ထပ်မံ တိုက်ခိုက်ဖျက်ဆီးခဲ့ပါတယ်။

ကားတွေမီးရှို့တာ၊ နေအိမ်တွေကို ဖျက်ဆီးတာ၊ ဘာသာရေးအမုန်းစကားတွေရေးသားတာ စတာတွေကို လုပ်ဆောင်ခဲ့တာဖြစ်ပါတယ်။ တိုင်ဘာမြို့ကို ဂျူးအခြေချသူတွေ တိုက်ခိုက်မှုဟာ ပြီးခဲ့တဲ့ သီတင်းပတ်အနည်းငယ်အတွင်း ပိုမို မြင့်တက်လာခဲ့ပါတယ်။ 

နာဇီရန်ကြောင့် ဥရောပကနေ ထွက်ပြေးလာတဲ့ ဂျူးတွေ လက်နက်ကိုင်ကာ ပါလက်စတိုင်းပိုင်နက်တွေကို တိုက်ခိုက်သိမ်းပိုက်ပြီး အစ္စရေးနိုင်ငံ ထူထောင်တဲ့ ၁၉၄၈ ခုနှစ်ကစလို့ ပါလက်စတိုင်းက ခရစ်ယာန် မြို့ရွာပေါင်းများစွာ ဖျက်ဆီးခံခဲ့ရပါတယ်။ 

Video Credit – TRT World

ဇူလိုင် ၂၇၊ ၂၀၂၅

M-Media

အစ္စရေးက တိုက်ခိုက်မှုတွေလုပ်နေတဲ့ ဂါဇာမှာ ဇူလိုင်လ ၂၇ ရက်နေ့က အဟာရ ပြတ်လပ်သေဆုံးသူ ၆ ဦး ထပ်မံ တိုးလာခဲ့ပြီး စုစုပေါင်း ၁၃၃ ဦးအထိ ရှိလာပြီဖြစ်ပါတယ်။

သေဆုံးသူတွေထဲက ၈၇ ဦးက ကလေးငယ်တွေဖြစ်ပါတယ်။ ၂၀၂၃ ခုနှစ်အောက်တိုဘာလက စတင်တဲ့ ဂါဇာက အစ္စရေးရဲ့ တစ်ကျော့ပြန်လူသတ်ပွဲမှာ အစ္စရေးဟာ ငတ်မွတ်ခေါင်းပါးမှုကို လက်နက်အဖြစ် အသုံးချခဲ့တာကြောင့် ကမ္ဘာနိုင်ငံတွေရဲ့ ၀ေဖန်မှုကို ခံခဲ့ရပါတယ်။

နိုင်ငံတကာ အကူအညီတွေကို အစ္စရေးက ၀င်ခွင့်မပေးတာကြောင့် ဂါဇာမှာ အငတ်ဘေးဆိုက်ခဲ့တာဖြစ်ပါတယ်။

ဂါဇာက ပါလက်စတိုင်းပြည်သူတွေ အငတ်ဘေးဆိုက်တဲ့ ဓာတ်ပုံတွေကို နာဇီလက်ထက် ဂျူးတွေကို အငတ်ထားညှင်းဆဲတဲ့ ပုံတွေနဲ့ ယှဥ်တွဲဖော်ပြမှုတွေလည်း ဆိုရှယ်မီဒီယာမှာ မြင့်တက်လာပါတယ်။

Ref: Aljazeera

ဇူလိုင် ၂၆၊ ၂၀၂၅
M-Media

ပါလက်စတိုင်းကို အချုပ်အခြာအာဏာပိုင်နိုင်ငံတစ်ခုအဖြစ် လာမယ့်စက်တင်ဘာလ ကုလအထွေထွေအစည်းအ၀ေးမှာ အသိအမှတ်ပြုတော့မယ်လို့ ပြင်သစ်သမ္မတ မာခရွန်က ဇူလိုင် ၂၅ ရက်နေ့မှာ ထုတ်ပြန်ပါတယ်။

ပါလက်စတိုင်းကို အသိအမှတ်ပြုထားတဲ့ ကမ္ဘာနိုင်ငံပေါင်း ၁၄၀ ကျော်ရှိပြီး အစ္စရေးရဲ့ အဓိကမဟာမိတ်တွေဖြစ်တဲ့ အမေရိကန်၊ ပြင်သစ်နဲ့ ဥရောပအင်အားကြီးနိုင်ငံတွေ မပါ၀င်ပါဘူး။ ပြင်သစ်ရဲ့ အခုဆုံးဖြတ်ချက်ဟာ နှစ်ပေါင်း ၇၀ အတွင်း ထင်ရှားတဲ့ ရပ်တည်ချက်ပြောင်းလဲမှုဖြစ်ပါတယ်။

ပြင်သစ်ဟာ ယူကေ၊ ဂျာမနီတို့နည်းတူ အစ္စရေးကို လက်ရှိအချိန်အထိ လက်နက် အကြီးအကျယ်ထောက်ပံ့တဲ့ နိုင်ငံလည်း ဖြစ်ပါတယ်။

ဒုတိယကမ္ဘာစစ်အတွင်းက နာဇီရန်ကြောင့် ဥရောပကနေ ပါလက်စတိုင်းကို ထွက်ပြေးလာတဲ့ ဂျူးတွေဟာ လက်နက်ကိုင်အဖွဲ့တွေ ဖွဲ့စည်းပြီး ဌာနေ ပါလက်စတိုင်းတွေကို သတ်ဖြတ်မောင်းထုတ်ကာ ၁၉၄၈ ခုနှစ်မှာ အစ္စရေးနိုင်ငံအဖြစ် ထူထောင်ခဲ့တာ ဖြစ်ပါတယ်။

ပါလက်စတိုင်းတွေကတော့ အဲဒီအချိန်ကစပြီး နိုင်ငံပျောက်ဆုံးခဲ့ရပါတယ်။

Ref: AP

ဇူလိုင် ၂၁၊ ၂၀၂၅
M-Media

၂၀၂၃ ခုနှစ် အောက်တိုဘာလက စတင်တဲ့ အစ္စရေးရဲ့ ဂါဇာက တစ်ကျော့ပြန် လူသတ်ပွဲအတွင်း သေဆုံးသူ ပါလက်စတိုင်းအရေအတွက်ဟာ ၅၉၀၂၉ ဦး ရှိလာပြီလို့ ပါလက်စတိုင်း ကျန်းမာရေး၀န်ကြီးဌာနက ထုတ်ပြန်ပါတယ်။

ဒဏ်ရာရသူအရေအတွက်က ၁၄၂၁၃၅ ဦးရှိပြီး၊ အဆောက်အဦး အပျက်အဆီးတွေအတွင်း ပိတ်မိ ပျောက်ဆုံးနေသူ အရေအတွက်က ထောင်သောင်းချီ ရှိပါတယ်။

အမေရိကန်ဦးစီးတဲ့ အကူအညီပေးရေးနေရာတွေမှာ အစ္စရေးရဲ့ သတ်ဖြတ်မှုကို ခံရသူအရေအတွက်က ၁၀၂၁ ဦး ရှိပြီး၊ ဒဏ်ရာရသူ အရေအတွက်က ၆၅၁၁ ဦးရှိနေပါတယ်။

ကမ္ဘာ့နိုင်ငံတွေကတော့ အစ္စရေးရဲ့လုပ်ရပ်ကို ဆက်လက်ရှုတ်ချနေဆဲပါ။

Ref: Aljazeera

ဇူလိုင် ၁၅၊ ၂၀၂၅

M-Media 

ပါလက်စတိုင်းနိုင်ငံ အနောက်ဖက်ကမ်းဒေသက ရှေးဟောင်း ခရစ်ယာန်ဘုရားကျောင်းနဲ့ ခရစ်ယာန် သုဿန်တစ်ခုကို ဂျူးအခြေချနေထိုင်သူတွေက ပြီးခဲ့တဲ့တစ်ပတ်မှာ မီးရှို့ဖျက်ဆီးခဲ့ပါတယ်။ 

တိုင်ဘာဆိုတဲ့ ခရစ်ယာန်မြို့လေးမှာ ဖြစ်ပွားခဲ့တာဖြစ်ပြီး ပြီးခဲ့တဲ့လကလည်း အဲဒီမြို့က နေအိမ်တစ်ချို့ကို တရားမ၀င် ဂျူးအခြေချနေထိုင်သူတွေက ဖျက်ဆီးခဲ့ကာ လယ်ယာမြေတွေလည်းကို မီးရှို့ခဲ့ပါတယ်။ 

အစ္စရေးအာဏာပိုင်တွေဟာ ပါလက်စတိုင်း ပိုင်နက်တွေမှာ တရားမ၀င်အခြေချအိမ်ယာတွေ တည်ဆောက်ကာ ကမ္ဘာတစ်၀ှမ်းက ၀င်လာတဲ့ ဂျူးတွေကို နေထိုင်စေတာဖြစ်ပါတယ်။ 

ဒုတိယကမ္ဘာစစ်အတွင်းက နာဇီရန်ကြောင့် ပါလက်စတိုင်းကို ထွက်ပြေးလာရတဲ့ ဂျူးတွေ လက်နက်ကိုင်ကာ ပါလက်စတိုင်းတွေကို သတ်ဖြတ်မောင်းထုတ်ပြီး ၁၉၄၈ ခုနှစ် အစ္စရေးနိုင်ငံ ထူထောင်တဲ့အချိန်မှာ ပါလက်စတိုင်းက ခရစ်ယာန် မြို့ရွာပေါင်း ၃၀ ကျော် ဖျက်ဆီးခံရပြီး အဲဒီက ခရစ်ယာန်တွေလည်း သတ်ဖြတ်မောင်းထုတ်ခံခဲ့ရပါတယ်။ 

Ref : AP