မေ ၁၁ ၊ ၂၀၁၄
M-Media
– နောက်ဆုံးပွဲစဉ်အထိ စိတ်ဝင်စားစရာကောင်းခဲ့တဲ့ ပရီးမီးယားလိဂ် ပွဲစဉ် ၃၈ ရဲ့ ၁၀ ပွဲစလုံးကို တနင်္ဂနွေနေ့ညမှာ တစ်ပြိုင်တည်းကစားခဲ့ကြပြီး ပရိတ်သတ်တွေ ထင်ထားတဲ့ရလဒ်အတိုင်းပဲ ၂၀၁၃-၁၄ ဘောလုံးရာသီကို ပိတ်သိမ်းခဲ့ပါတယ်။
၂ မှတ်အသာနဲ့ ဂိုး ၁၀၀ သွင်းထားတဲ့ မန်စီးတီးတို့ ဒီပွဲမှာ သရေရရုံနဲ့ ချန်ပီယံဖြစ်ခွင့်ရမှာဖြစ် ပေမယ့် ဖိဖိစီးစီးကစားခဲ့ပြီး ဂိုးပြတ်ခြေပြတ်နဲ့ အနိုင်ရခဲ့ပါတယ်။ မန်စီးတီး အတွက်ဂိုးတွေကိုတော့ ပထမပိုင်းမှာ နာဆရီက အဝေးကန်ချက်နဲ့တစ်ဂိုး၊ ဒုတိယပိုင်းအစမှာ အသင်းခေါင်းဆောင် ကွန်ပနီက ထောင့်ကန်ဘောက ကျလာတဲ့ဘောလုံးကို ပိတ်ပြီး တစ်ဂိုး အသီးသီးသွင်းပေးခဲ့တာပါ။
ဒီဖလားဟာ မန်စီးတီးရဲ့ ၃ ရာသီမှာ ၂ ကြိမ်မြောက်ရရှိတဲ့ ပရီးမီးယားလိဂ် ဖလားလည်းဖြစ်ပါတယ်။
နောက်တန်းအမှားကြောင့် ခရစ္စတယ်ပဲလေ့စ်ကို ၁၀ မိနစ်အတွင်း ၃ ဂိုးပေးလိုက်ရပြီး ၂၄ နှစ်ကြာစောင့်ဆိုင်းခဲ့ရတဲ့ ပရီးမီးယားလိဂ် ဖလားဆွတ်ခူးဖို့ အခွင့်အရေးကို လက်လွှတ်လိုက်ရတဲ့ လီဗာပူးလ်ကလည်း ဒီနေ့ပွဲမှာ နောက်ခံလူစကာတဲလ်ရဲ့ ကိုယ့်ဂိုးကိုသွင်းမှုနဲ့ ဦးဆောင်ဂိုးပေးခဲ့ရပြီး အဂ္ဂါနဲ့ စတားရစ်ခ်ျတို့ရဲ့ ၃ မိနစ်အတွင်း သွင်းဂိုးနဲ့ ရာသီကို လှပစွာသိမ်းနိုင်ခဲ့ပါတယ်။
ချယ်ဆီးကလည်း အဝေးကွင်းမှာ ရုန်းကန်ခဲ့ရပြီး ဦးဆောင်ဂိုးပေးခဲ့ရပေမယ့် နောက်ကျဂိုးတွေနဲ့ ပြန်အနိုင်ယူနိုင်ခဲ့ပါတယ်။
အာဆယ်နယ်ကတော့ နော်ဝစ်ခ်ျကို ဝေးကွင်းမှာ ၂ ဂိုးပြတ်နဲ့နိုင်ခဲ့ပြီး ဒီပွဲအရှုံးကြောင့် နော်ဝစ်ခ်ျဟာ ဖူလ်ဟမ်၊ ကာဒစ်ဖ်တို့နဲ့အတူ ပရီးမီးယားလိဂ်ကို လက်ပြနှုတ်ဆက်ခဲ့ရပါပြီ။
မန်စီးတီး၊ လီဗာပူးလ်၊ ချယ်ဆီးနဲ့ အာဆင်နယ်တို့ကတော့ နောက်နှစ်ချန်ပီယံလိဂ်ဝင်ခွင့်အတွက် သေချာခဲ့ပြီး အဲဗာတန်နဲ့ စပါးကတော့ ယူရိုပါလိဂ်ဝင်ခွင့်ရခဲ့ပါတယ်။ နည်းပြအပြောင်းအလဲနဲ့ ဖရိုဖရဲဖြစ်ခဲ့ရတဲ့ မနှစ်က ပရီးမီးယားလိဂ်ချန်ပီယံ မန်ယူကတော့ အဆင့် ၇ နဲ့သာ ရာသီသိမ်းနိုင်ခဲ့ပါတယ်။
ပရီးမီးယားလိဂ် ပွဲစဉ် ၃၈ ရဲ့ရလဒ်များကတော့ အောက်ပါ အတိုင်းဖြစ်ပါတယ်။
ကာဒစ်ဖ် ၁-၂ ချယ်ဆီး
ဖူလ်ဟမ် ၁-၂ ခရစ္စတယ်ပဲလေ့စ်
ဟားလ်စီးတီး ၀-၂ အဲဗာတန်
လီဗာပူးလ် ၂-၁ နယူးကာဆယ်
မန်စီးတီး ၂-၀ ၀က်စ်ဟမ်း
နော်ဝစ်ခ်ျ ၀-၂ အာဆင်နယ်
ဆောက်သက်တမ် ၁-၁ မန်ယူ
ဆန်းဒါးလန်း ၁-၃ ဆွမ်ဆီး
စပါး ၃-၀ အက်စတွန်ဗီလာ
ဝက်စ်ဘရွန်း ၁-၁ စတုတ်
ဓါတ်ပုံ- အိမ်ကွင်းမှာ အနိုင်ရပြီး ချန်ပီဖြစ်သွားသည့် မန်စီတီးပရိတ်သတ်များ အောင်ပွဲခံနေစဉ်
Photo- Yahoo Singapore
