အောက်တိုဘာ ၁၁၊ ၂၀၁၆
M-Media
– ရခိုင်ပြည်နယ်က နယ်ခြားစောင့် ကင်းစခန်းတွေ တိုက်ခိုက်ခံရမှု အကြောင်းအရင်းကို စုံစမ်းစစ်ဆေးနေဆဲဖြစ်ပြီး မူးယစ်မှောင်ခိုမှုနဲ့ ဆက်စပ်နိုင်တယ်လို့ အာဏာပိုင်တွေက ပြောကြားကြောင်း နိုင်ငံတော်သမ္မတရုံးရဲ့ Facebook စာမျက်နှာမှာ လွှင့်တင်ထားတဲ့ သတင်းမှာ ဖော်ပြထားတာ တွေ့ရပါတယ်။
တနင်္ဂနွေနေ့ မနက်အစောပိုင်းက ရသေ့တောင်နဲ့ မောင်တော မြို့နယ်တွေမှာ တုတ်၊ ဓားလက်နက် ကိုင်ဆောင်ထားတဲ့ လူတစ်စုက နယ်ခြားစောင့် ကင်းစခန်းတွေကို ၀င်ရောက်တိုက်ခိုက်ခဲ့တာဖြစ်ပြီး ရဲတပ်ဖွဲ့ဝင် ၉ ဦး ကျဆုံးခဲ့ကာ၊ ၅ ဦး ဒဏ်ရာရရှိပြီး၊ တစ်ဦး ပျောက်ဆုံးနေပါတယ်။
တိုက်ခိုက်မှုအတွင်းမှာ လက်နက်တွေလည်း ခိုးယူခံလိုက်ရပြီး လက်ရှိအချိနမှာ လုံခြုံရေးတပ်ဖွဲ့ဝင်တွေဟာ နယ်မြေရှင်းလင်းရေးတွေ ပြုလုပ်နေတယ်လို့ သိရပါတယ်။
တိုက်ခိုက်မှုဖြစ်ပွားပြီးပြီးချင်းမှာ RSO စစ်သွေးကြွအဖွဲ့က ဒီတိုက်ခိုက်မှုကို ဆောင်ရွက်တာဖြစ်တယ်လို့ Eleven Media အပါအ၀င် ပြည်တွင်းပြည်ပ မီဒီယာအချို့နဲ့ ရခိုင်ခေါင်းဆောင်အချို့က ပြောကြားခဲ့ပေမယ့် နိုင်ငံတော်အစိုးရက တနင်္ဂနွေနေ့ည ၇ နာရီမှာ ပြုလုပ်ခဲ့တဲ့ သတင်းစာရှင်းလင်းပွဲမှာ မည်သည့် အဖွဲ့အစည်းက လုပ်တယ်ဆိုတာကို ထည့်သွင်းပြောကြားခဲ့ခြင်း မရှိပါဘူး။
တိုက်ခိုက်ရတဲ့ အကြောင်းအရင်းကလည်း ရိုဟင်ဂျာကိစ္စကို နိုင်ငံတကာ အာရုံစိုက်မှုပြန်ရအောင် အကွင်ဆင်ဖန်တီးတာလို့ ဦးသိန်းစိန်အစိုးရလက်ထက်က ပြန်ကြားရေးဝန်ကြီးဟောင်း ဦးရဲထွဋ်၊ ရခိုင်အမျိုးသားပါတီ ဥက္ကဌ ဦးအေးမောင်တို့က ပြောကြားခဲ့ပါတယ်။
ဒါပေမယ့် ဒီနေ့မနက်ပိုင်း နိုင်ငံတော်သမ္မတရုံးက အင်္ဂလိပ်ဘာသာစကားနဲ့ထုတ်ပြန်တဲ့ သတင်းမှာတော့ တိုက်ခိုက်မှုအကြောင်းအရင်းကို စုံစမ်းစစ်ဆေးနေဆဲဖြစ်ပြီး အာဏာပိုင်တွေက တိုက်ခိုက်မှုဟာ မူးယစ်မှောင်ခိုမှုနဲ့ ပတ်သက်ဖွယ်ရှိတယ်လို့ ပြောကြားကြောင်း ဖော်ပြထားပါတယ်။
တိုက်ခိုက်မှုဖြစ်ပွားပြီးနောက်ပုိုင်း အစိုးရစစ်တပ်က ပြုလုပ်ခဲ့တဲ့ နယ်မြေရှင်းလင်းရေးလုပ်ငန်းတွေမှာ အပြစ်မဲ့ အရပ်သားတွေကို သတ်ဖြတ်မှုရှိနေတယ်လို့ နယူးယောက်တိုင်းမ်စ်သတင်းစာက ယမန်နေ့မှာ ဖော်ပြခဲ့ပါတယ်။
ဒီတိုက်ခိုက်မှုအပြီး ရခိုင့်တပ်မတော် AA က ထုတ်ပြန်တဲ့ ကြေငြာချက်မှာတော့ စစ်တပ်ဟာ တိုင်းရင်းသားဒေသတွေမှာ မတည်မငြိမ်ဖြစ်အောင်လုပ်ပြီး နိုင်ငံရေးအမြတ်ထုတ်တတ်တဲ့အကျင့် ရှိတဲ့အတွက်ကြောင့် အခု ဒီကိစ္စဟာလည်း လှည့်ကွက်ဖြစ်နိုင်တဲ့အတွက် ရခိုင်တိုင်းရင်းသားတွေအနေနဲ့ သတိထားကြဖို့ တိုက်တွန်းခဲ့ပါတယ်။
Ref: facebook page of Myanmar President Office
