ဇန်နဝါရီ ၂၂ ၊ ၂၀၁၅
M-Media
– ရခိုင်ပြည်နယ်ရှိ ရိုဟင်ဂျာမွတ်စလင် လူနည်းစုများအပေါ် သတ်မှတ်ထားသည့် ဆိုးရွားသော ကန့်သတ်ချက်များ အတွက် အမေရိကန်နိုင်ငံခြားရေးဝန်ကြီးဌာန လက်ထောက်နိုင်ငံခြားရေးဝန်ကြီးဖြစ်ပြီး ဒုက္ခသည်များဆိုင်ရာ အကြီးတန်း ကိုယ်စားလှယ်တစ်ဦးဖြစ်သူ အန်နီ ရစ်ချက်က မြန်မာ အစိုးရအား ဝေဖန် လိုက်ပြီး ပဋိပက္ခ ဒဏ်ခံနေရသည့် ရခိုင်ပြည်နယ်ရှိ ရိုဟင်ဂျာ မွတ်စလင်များအား ဖိနှိပ်ချုပ်ချယ် ထားသည်ဟု ပြောကြားခဲ့သည်။
၂၀၁၂ ခုနှစ်က မြန်မာနိုင်ငံအနောက်ပိုင်း ရခိုင်ပြည်နယ်တွင် ဗုဒ္ဓဘာသာဝင်များနှင့် မွတ်စလင်လူနည်းစုအကြား တိုက်ခိုက်မှုများ ဖြစ်ပွားခဲ့ပြီး လူ ၂၀၀ ကျော် သေဆုံးခဲ့သည်။ ထို့နောက်တွင်တော့ ဘာသာရေးနွယ်သည့် အကြမ်းဖက်မှုများက မြန်မာနိုင်ငံတစ်ဝှမ်းတွင် ဖြစ်ပွားခဲ့ပြီး ဒီမိုကရေစီပြု ပြင်ပြောင်း လဲရေးအား လောင်းရိပ်ကျစေခဲ့သည။်
အန်နီ ရစ်ချက်က ရခိုင်ပြည်နယ်သို့ သွားရောက်ကြည့်ရှုခဲ့ပြီးနောက် ထိုဒေသ၌ လူ့အဖွဲ့အစည်း ၂ ခုစလုံးမှာ လွန်ခဲ့သည့် ၃ နှစ်က ဖြစ်ပွားခဲ့သည့် တိုက်ခိုက်မှုများ၏ ဆိုးကျိုးကို ခံစားနေရပြီး ဖိနှိပ်ချုပ်ချယ်ခံရသည့် အခြေအနေမျိုးတွင် နေထိုင်နေရသည်ဟု ပြောကြားခဲ့သည။်
သူမက ဘာသာရေးအရခွဲခြားမှုများ အလုံးစုံရှိလု နီးပါးဖြစ်နေသာ ရခိုင်ပြည်နယ်ရှိ ဈေးတစ်ခုတွင် လူ့အဖွဲ့အစည်းများ အပြန်အလှန် ရောင်းဝယ်ပြုလုပ်သည့် တခုတည်းသော ဈေးတန်းကို ထောက်ပြခဲ့သည်။
`ဒီလိုမျိုး ကျွန်မတို့ မြင်ချင်တာပါ။ ဒါပေမယ့် အခုချက်ခြင်းဖြစ်ဖို့ဆိုတာကတော့ လက်ရှိပုံစံအရ မဖြစ်နိုင်ပါဘူး။ အဲဒီမှာ လောလောဆယ်ချမှတ်ထားတဲ့ ပေါ်လစီတွေက ပြည်သူတွေကို တကယ့်ကို ဖိနှိပ်ချုပ်ချယ်ထားပါတယ်´ ဟု ရစ်ချက်က သတင်းထောက်များအား ပြောကြားခဲ့သည်။
မွတ်စလင်အများစု ပါဝင်သည့် လူပေါင်း ၁၄၀၀၀၀ ခန့်မှာ ၂၀၁၂ ခုနှစ် မငြိမ်မသက်မှုတွင် နေအိမ်များ ဆုံးရှုံးခဲ့ရပြီးနောက် စစ်တွေမြို့အပြင်ဘက်ရှိ အခြေအနေဆိုးရွားသော ဒုက္ခသည် စခန်းများတွင် နေထိုင်နေရသည်။
ရခိုင်ပြည်နယ်မြောက်ပိုင်းတွင် သီးသန့် သဘောမျိုး နေထိုင်နေရသည့် ရိုဟင်ဂျာမွတ်စလင် ရာပေါင်း များစွာမှာလည်း သွားရေးလာရေး၊ အလုပ်အကိုင်နှင့် ကလေးငယ်များ၏ ပညာရေး ကဏ္ဍတို့တွင် ကန့်သတ်ချက်ပေါင်း များစွာနှင့် ရှင်သန်နေထိုင်နေရသည်။
မြန်မာအစိုးရနှင့် မြန်မာပြည်သူ အများစုက ရိုဟင်ဂျာများအား ဘင်္ဂလားဒေ့ရ်ှမှ တရားမ၀င် ၀င်ရောက်နေထိုင် သူများအဖြစ် ရှုမြင်ကြပြီး၊ ရိုဟင်ဂျာအများစုမှာ နိုင်ငံသားဖြစ်ခွင့်ကို ငြင်းပယ်ခြင်း ခံထားရသည်။
ရစ်ချက်ကမူ ယခုအခြေအနေက ဗုဒ္ဓဘာသာဝင်လူ့အဖွဲ့အစည်း၊ မွတ်စလင်လူ့အဖွဲ့အစည်း နှစ်ခုစလုံးကို နစ်နာစေပြီး၊ ပြည်နယ်အတွင်းရှိ လူတိုင်းအတွက် (lose-lose) ရလဒ်သာ ထွက်စေသည်ဟုဆိုသည်။
ရန်လိုမှု၊ တစ်ဘက်နှင့်တစ်ဘက် ကြောက်ရွံ့မှုတို့က လူ့အဖွဲ့အစည်း၏ နေရာတိုင်း၌ ပြန့်နှံ့နေပြီး ထိုပြဿနာကို ဖြေရှင်းရန်အတွက် ပြည်ထောင်စုအစိုးရအပေါ် မူတည်နေသည်ဟု သူမက ထပ်ပြောခဲ့သည်။
`ဒါကိုဖြေရှင်းဖို့ဆို ဒေသတွင်းနဲ့ပဲ မပြီးပါဘူး။ အစိုးရရဲ့ ပါဝင်မှုနဲ့ ဖြေရှင်းရမှာပါ´
ကုလသမဂ္ဂကမူ နိုင်ငံမဲ့ ရိုဟင်ဂျာများအား နိုင်ငံသားအဖြစ် သတ်မှတ်ပေးရန် မြန်မာအစိုးရအား တိုက်တွန်းသည့် ဆုံးဖြတ်ချက်မူကြမ်းတစ်ခုကို မကြာသေးမီကပင် အတည်ပြုခဲ့သည်။ သို့ရာတွင် ထိုသို့အတည်ပြုလိုက်မှုကာ ဗုဒ္ဓဘာသာဝင်အများစုရှိရာ မြန်မာနိုင်ငံ၌ အငြင်းပွားမှုကို လှုံ့ဆော်ပေးလိုက်သကဲ့သို့ ဖြစ်၏။
မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် ယန်ဟီးလီက ရခိုင်ပြည်နယ်ရှိ ဗုဒ္ဓဘာသာဝင်များနှင့် မွတ်စလင်များအကြား ပြင်းထန်သော တင်းမာမှုများက နေရာအနှံ့ ဂယက်ရိုက်မှုများ ဖြစ်လာနိုင်သည်ဟု ပြီးခဲ့သည့် သောကြာနေ့က ပြောကြားခဲ့သည်။
မြန်မာနိုင်ငံမှမပြန်ခင် ပြောကြားခဲ့သည့် လီ၏ စကားများကြောင့် သံဃာတချို့ ဦးဆောင်သော ဆန့်ကျင်ဆန္ဒပြမှုများ ပေါ်ထွက်လာခဲ့ပြီး လီမှာလည်း ရိုဟင်ဂျာလိုလားသော ဘက်လိုက်သူအဖြစ် စွပ်စွဲ သမုတ်ခံခဲ့ရသည်။
Source: AFP
