Tag: SaudiArabia

ဒီဇင်ဘာ ၂၇၊ ၂၀၂၀
M-Media

-ဆော်ဒီအာရဗျနိုင်ငံ ရီယာ့ဒ်မြို့ ကင်းအဘ်ဒူလာဘဏ္ဍာရေးရပ်ကွက်မှာရှိတဲ့ ဂျာမေဗလီ KAFD Grand Mosque ဟာ ၂၀၂၀ ခုနှစ်အတွက် ဗိသုကာလက်ရာမြောက် ဘာသာရေးအဆောက်အဦးဆုကို ရရှိသွားပါတယ်။

အမေရိကန်ပြည်ထောင်စု ချီကာဂိုအခြေစိုက်Athenaeum ဗိသုကာပြတိုက်က ဒီဆုကို ရွေးချယ် ချီးမြှင့်တာပါ။ ကမ္ဘာတစ်ဝှမ်းက ဗိသုကာလက်ရာမြောက် အဆောက်အဦးတွေကို ရွေးချယ်ချီးမြှင့်တဲ့ ဒီဆုဟာ ဗိသုကာနယ်ပယ်မှာ ဂုဏ်သိက္ခာရှိတဲ့ ဆုလည်း ဖြစ်ပါတယ်။

ကန္တာရနှင်းဆီသဏ္ဍာန် အဆောက်အဦးကို အလယ်ထောက်တိုင် လုံး၀မပါဘဲ တည်ဆောက်ထားတဲ့ အင်ဂျင်နီယာဆိုင်ရာ တီထွင်ဆန်းသစ်မှုကြောင့် ဒီလိုချီးမြှင့်တာဖြစ်တယ်လို့ ဆုရွေးချယ်ရေးအဖွဲ့က ပြောပါတယ်။

ကမ္ဘာတစ်ဝှမ်းက အင်ဂျင်နီယာနဲ့ ဗိသုကာလက်ရာမှာ ထူးခြားဆန်းသစ်တဲ့ ခေတ်ပေါ်အဆောက်အဦးတွေကို ဂုဏ်ပြုတဲ့အနေနဲ့ ချီကာဂိုက ဗိသုကာအဖွဲ့ Athenaeum of Architecture နဲ့ ဥရောပ ဗိသုကာနဲ့ အနုပညာဆိုင်ရာအဖွဲ့ Center for Architecture Art Design တို့ ပူးပေါင်းကာ ၂၀၀၄ ခုနှစ်ကစပြီး ဒီဆုကို ရွေးချယ်ချီးမြှင့်ခဲ့တာ ဖြစ်ပါတယ်။

KAFD Grand Mosque ဗလီကို ဆော်ဒီဗီသုကာကုမ္ပဏီ Omrania and Associates က တည်ဆောက်ပြီး ၂၀၁၇ ခုနှစ်မှာ ဖွင့်လှစ်နိုင်ခဲ့ပါတယ်။ ၂ ထပ်အဆောက်အဦးအဖြစ်ကာ တစ်ကြိမ်တည်း လူ ၁၅၀၀ လောက် ဝတ်ပြုနိုင်ပါတယ်။

ဒီဗလီဟာ ခေတ်သစ်အစ္စလာမ်ဗိသုကာလက်ရာ ထိပ်တန်းအဆောက်အဦး ၁၀ ခုစာရင်းမှာ ပါဝင်ပြီး ကမ္ဘာ့ဗိသုကာလက်ရာဆိုင်ရာ ဆုအချို့မှာလည်း အမည်စာရင်းတင်သွင်းခံခဲ့ရပါတယ်။

Ref: Saudi Gazette

ဒီဇင်ဘာ ၂၅၊ ၂၀၂၀

M-Media

-ကမ္ဘာ့အသိုင်းအဝိုင်းမှာ ဝင်ဆံ့နိုင်ဖို့ ပြီးခဲ့တဲ့နှစ်အနည်းက စတင်ကြိုးစားလာတဲ့ ဆော်ဒီအာရေဗျမှာ ခရစ္စမတ်ပွဲတော်ကို လူသိရှင်ကြား ကျင်းပနိုင်ပြီဖြစ်ပါတယ်။ အနောက်တိုင်း ဓလေ့ထုံးတမ်းတွေဟာ အစ္စလာမ့်သွန်သင်မှုနဲ့ ဆန့်ကျင်တယ်လို့ ယူဆကာ နိုင်ငံရပ်ခြားပွဲတော်တွေကို မိမိတို့ နေအိမ်အတွင်းမှာပဲ ကျင်းပဖို့ အရင်က ဆော်ဒီအာဏာပိုင်တွေ အမိန့်ထုတ်ထားတာပါ။ အခုတော့ ဒီအခြေအနေက ပြောင်းလဲလာပြီ ဖြစ်ပါတယ်။ Video Source – Gravitas M-Media မှ ဘာသာပြန်ဆို စာတမ်းထိုး တင်ဆက်ပါသည်။