နိုဝင်ဘာ ၅၊ ၂၀၁၆
M-Media
– မိတ်ဆွေဖြစ်သူကို နိုင်ငံ့ရေးရာများတွင် ၀င်ရောက်စွက်ဖက်ခွင့် ပေးမှုအတွက် တောင်ကိုရီးယားသမ္မတ ပတ်ဂျုံဟေးမှာ ယမန်နေ့က တိုင်းပြည်အား တောင်းပန်ခဲ့သော်လည်း ပြည်သူလူထုကမူ ယနေ့တွင် ၎င်းနှုတ်ထွက်ပေးရန် ထပ်မံ ဆန္ဒပြခဲ့ကြသည်ဟု သိရသည်။
မြို့တော်ဆိုးလ်တွင်ပြုလုပ်သည့် အဆိုပါဆန္ဒပြပွဲတွင် လူပေါင်း ၄ သောင်းကျော်ပါဝင်ခဲ့ပြီး ပတ်ဂျုံဟေး၏ တောင်းပန်မှုကို လက်မခံကြောင်း ဟစ်ကြွေးခဲ့ကြကာ ရာထူးမှ နှုတ်ထွက်ရန်လည်း တောင်းဆိုခဲ့သည်။ အဓိက အတိုက်အခံပါတီကလည်း ထိုကိစ္စအတွက် နိုင်ငံရေးသမားများ၊ လွတ်လပ်သော အဖွဲ့တစ်ခုနှင့်အတူ စုံစမ်းစစ်ဆေးမှု ပြုလုပ်ရန် တောင်းဆိုခဲ့သည်။
ပတ်ဂျုံဟေး၏ မိတ်ဆွေဖြစ်သူ ချိုဆွန်ဆီလ်မှာ သာမန်နိုင်ငံသားတစ်ယောက်သာ ဖြစ်သော်လည်း သမ္မတ၏ နိုင်ငံရေးဆိုင်ရာ ခန့်အပ်မှုများနှင့် ပေါ်လစီချမှတ်မှုများတွင် ကူညီပေးခဲ့ပြီး သမ္မတနှင့် သိကျွမ်းမှုကို အလွဲသုံးစားလုပ်ခဲ့သည်ဟု ပြီးခဲ့သည့် ရက်များတွင် သတင်းများထွက်ပေါ်လာမှုကြောင့် ပြည်သူလူထု၏ ပတ်ဂျုံဟေးအပေါ် မကျေနပ်မှု မြင့်တက်လာခဲ့ပြီး ဆန္ဒပြမှုများ နေ့စဉ်လိုလို ဖြစ်လာခဲ့ခြင်းဖြစ်သည်။
လက်ရှိတွင် ဖမ်းဆီးထိန်းသိမ်းခြင်းခံထားရသည့် ချိုဆွန်ဆီလ်က မိမိအနေဖြင့် မှားယွင်းကြောင်း ၀န်ခံခဲ့ပြီး၊ ပတ်ဂျုံဟေးကလည်း ယမန်နေ့တွင် တောင်းပန်ခဲ့သည်။
Ref: Aljazeera
