Tag: UAE

ဇန်န၀ါရီ ၂၅၊ ၂၀၁၇
M-Media

– အာရပ်စော်ဘွားများပြည်ထောင်စု (ယူအေအီး) နိုင်ငံမှ မွတ်စလင်ဘီလီယံနာတစ်ဦးမှာ အကြွေးမပေးနိုင်မှုကြောင့် ထောင်ကျနေသည့် နိုင်ငံခြားအလုပ်သမား ၁၃၂ ဦးအတွက် လျော်ကြေး ဒီရ်ဟန် ၁၅၀၀၀၀ ပေးကာ ထောင်မှ လွတ်မြောက်စေခဲ့သည်ဟု သိရသည်။

ဖီရို့ဇ်မားချန့်ဖြစ်ပြီး ရွှေလုပ်ငန်းရှင်တစ်ဦးဖြစ်သည့် ၎င်းမှာ ယခုနှစ်တွင် နိုင်ငံအတွင်း ထောင်များရှိ အကျဉ်းသားများ လွတ်မြောက်စေရန်အတွက် ဒီရ်ဟမ် ၃.၈ သန်း သုံးစွဲရန် လျာထားသည်။

မားချန့်၏ ထိုကဲ့သို့ ကူညီမှုကြောင့် အိန္ဒိယ၊ ပါကစ္စတန်၊ ဖိလစ်ပိုင်၊ ဥဇဘက်၊ ဘင်္ဂလားဒေ့ရှ်၊ သီရိလင်္ကာ၊ နီပေါလ်၊ အီသီယိုးပီးယား၊ ဆီးရီးယား၊ ယီမင်နှင့် ဂါနာနိုင်ငံတို့မှ အလုပ်သမား ၁၃၂ ဦး လွတ်မြောက်မည်ဖြစ်သည်။ ၎င်းတို့မှာ ချမှတ်ခံထားရသည့် ထောင်ဒဏ်ကာလ ပြည့်မြောက်သွားသော်လည်း ၎င်းတို့အပေါ် တင်ရှိနေသည့် အကြွေးများ မပေးနိုင်ခြင်းကြောင့် ထောင်မှ မထွက်ရခြင်းဖြစ်သည်။

“ဒီအကျဉ်းသားတွေဟာ အခြေအနေတစ်ခုခုကြောင့် ထောင်ထဲရောက်နေတာဖြစ်ပြီး ရာဇ၀တ်ကောင်တွေ မဟုတ်ပါဘူး။ သူတို့တွေဟာ အကြွေးမပေးနိုင်လို့ ထောင်ကျနေတာပါ။ ပြီးခဲ့တဲ့နှစ်မှာ လူတော်တော်များများဟာ ချက်လက်မှတ်စာအုပ်ထဲမှာ ငွေမရှိတာ၊ ငွေသားအကြွေး မပေးနိုင်တာတွေကြောင့် ထောင်နန်းစံခဲ့ရပါတယ်။ ဒ့ါကြောင့် သူတို့ရဲ့ အကြွေးတွေကို ပေးချေဖို့၊ သူတို့ကို လေယာဉ်လက်မှတ်ဝယ်ပေးပြီး မိသားစုနဲ့ ပြန်လည်ပေါင်းစည်းစေဖို့ ကျွန်တော် ဆုံးဖြတ်ခဲ့ပါတယ်” ဟု မားချန့်က ပြောကြားခဲ့သည်။

အသက် ၅၈ နှစ်အရွယ်ရှိ မားချန့်မှာ အကြွေးမပေးနိုင်သော အကျဉ်းသားများအတွက် လျော်ကြေးပေးကာ လွတ်မြောက်အောင် ကူညီမှုကို ၂၀၀၈ ခုနှစ်ကတည်းက စတင် လုပ်ဆောင်ခဲ့ခြင်းဖြစ်သည်။ ထိုနှစ်အတွင်း ဒီရ်ဟမ် ၉ သန်းသုံးကာ အကျဉ်းသား ၄၅၀၀ ကို စေလွှတ်ပေးခဲ့သည်။

ထိုအကျဉ်းသားများကို ၎င်းတို့ မိခင်နိုင်ငံ ပြန်ရောက်သည်အထိ ကူညီသွားမည်ဖြစ်ပြီး၊ ရထား သို့မဟုတ် တက္ကဆီခအတွက် ဒီရ်ဟမ် ၁၀၀ ထပ်ဆောင်းပေးသွားမည်ဟုလည်း မားချန့်က ပြောကြားခဲ့သည်။

“အကျဉ်းသားအများစုက သူတို့လွတ်မြောက်တဲ့အခါမှာ အိမ်ပြန်ဖို့ ပိုက်ဆံမရှိကြဘူးလို့ ကျွန်တော်တို့ကိုပြောပါတယ်။ သူ့တို့နိုင်ငံ ပြန်ရောက်တဲ့အခါမှာ ကား၊ ဒါမှမဟုတ် ရထားထပ်စီးရပါတယ်။ ဒါ့ကြောင့် လေယာဉ်လက်မှတ်ဝယ်ပေးတာအပြင် ကျွန်တော်တို့ဟာ သူတို့ သွားဖို့လာဖို့အတွက် ထပ်ကူညီဖို့ ဆုံးဖြတ်ခဲ့ပါတယ်” ဟု မားချန့်က ထပ်လောင်း ပြောကြားခဲ့သည်။

အိန္ဒိယဇာတိဖြစ်သည့် မစ္စတာမားချန့်မှာ ၁၉၈၉ ခုနှစ်က ရွှေလုပ်ငန်းအတွင်းသို့ စတင်ဝင်ရာက်ခဲ့ခြင်းဖြစ်ပြီး လက်ရှိတွင် ကန်ဒေါ်လာ ၁ ဘီလီယံကျော် ပိုင်ဆိုင်ထားကာ ပင်လယ်ကွေ့ဒေသနှင့် အိန္ဒိယတို့တွင် အလုပ်အကိုင်ပေါင်း ၅၀၀၀ ခန့် ဖန်တီးပေးထားနိုင်သည်။

Ref: The National

နိုဝင်ဘာ ၂၅၊ ၂၀၁၆
M-Media

– အာရပ်စော်ဘွားများပြည်ထောင်စု (ယူအေအီး) နိုင်ငံမှာ ဗုဒ္ဓဟူးနေ့တွင် သံအမတ် ၈ ဦးကို ခန့်အပ်ခဲ့ပြီး ထိုအထဲမှ ၃ ဦးမှာ အမျိုးသမီးများဖြစ်သည်ဟု သိရသည်။

အမျိုးသမီး သံအမတ်ကြီးများမှာ နူရာ မိုဟမက် ဂျူမာ၊ ဖာတီမှာ ခါမစ် အလ် မက်ဇရူဝီနှင့် ဟန်နန် ခါလ်ဖန် အလ် အလီလီတို့ ဖြစ်ကြပြီး ဖင်လန်၊ ဒိန်းမတ်နှင့် လတ်ဗီးယားနိုင်ငံဆိုင်ရာ ယူအေအီး သံအမတ်များအဖြစ် တာဝန်ထမ်းဆောင်ရမည်ဖြစ်သည်။

အဆိုပါ သံအမတ်များမှာ ယူအေအီး ဒုတိယသမ္မတဖြစ်ပြီး ဒူဘိုင်း အုပ်ချုပ်ရေးမှူး ရှိခ် မိုဟာမက် ဘင် ရာရှစ်၏ ရှေ့မှောက်တွင် ကျမ်းကျိန်ခဲ့သည်။

ရှိခ် မိုဟာမက်ကမူ သံအမတ်များအနေဖြင့် သည်းခံမှု၊ ငြိမ်းချမ်းရေး၊ ချစ်ခြင်းမေတ္တာနှင့်အတူ နိုင်ငံကို ကိုယ်စားပြုရန်၊ သက်ဆိုင်ရာနိုင်ငံများနှင့် နှစ်နိုင်ငံ မိတ်ဖက်ဆက်ဆံမှုကို တိုးတက်အောင် ဆောင်ရွက်ရန် တိုက်တွန်းခဲ့သည်။

ယူအေအီးမှာ ယခင်ကလည်း အမျိုးသမီးများကို သံအမတ်မျာအဖြစ် ခန့်အပ်ဖူးပြီး စပိန်၊ ပေါ်တူဂီနှင့် မွန်တီနီဂရိုးတို့တွင် တာဝန်ထမ်းဆောင်နေသည်။ လက်ရှိ ကုလတွင် ယူအေအီးနိုင်ငံဆိုင်ရာ အမြဲတမ်းသံအမတ်အဖြစ် တာဝန်ထမ်းဆောင်နေသူမှာလည်း အမျိုးသမီး လာနာ နူဆီဘာဟ်ဖြစ်ပြီး ၂၀၁၃ ခုနှစ်က ခန့်အပ်ခံခဲ့ရခြင်းဖြစ်သည်။

ယူအေအီးနိုင်ငံ၏ သံတမန်ဝန်ထမ်းများတွင် အမျိုးသမီးအရေအတွက်က ၂၀ ရာခိုင်နှုန်းရှိနေပြီး နိုင်ငံအတွင်း အုပ်ချုပ်ရေးနှင့် နိုင်ငံရေးပိုင်းတွင်လည်း အမျိုးသမီးခေါင်းဆောင်များ နေရာရမှု ပိုမို မြင့်တက်လာခဲ့သည်။

Ref: stepfeed