ဖေဖော်ဝါရီ ၁၆၊ ၂၀၁၆
M-Media
– အမေရိကန်ပြည်ထောင်စု မေရီလန်းပြည်နယ်က တောင်ဆန်မြို့အခြေစိုက် ဘာသာပေါင်းစုံလေ့လာရေးနဲ့ ချစ်ကြည်ရေးအသင်းတစ်ခုဟာ သူတို့ရဲ့ လုပ်ငန်းစဉ်အတွင်းမှာ အစ္စလာမ်သာသနာကိုပါ ထည့်သွင်းခဲ့ပြီး လူ့အဖွဲ့အစည်း သဟဇတဖြစ်ပို့ တိုးမြှင့်ဆောင်ရွက်နေတယ်လို့ သိရပါတယ်။
Institute of Islamic, Christian and Jewish Studies (အစ္စလာမ်၊ ခရစ်ယာန်နှင့် ဂျူးဘာသာတရားဆိုင်ရာ လေ့လာမှုအသင်း) ဖြစ်ပြီး၊ ၁၉၈၇ ခုနှစ်က တည်ထောင်ခဲ့တဲ့ အဲဒီအသင်းဟာ စောစောပိုင်းမှာ Christian and Jewish Studies လို့ အမည်ပေးထားရာကနေ အစ္စလာမ်သာသနာကို ထည့်သွင်းလိုက်တဲ့အတွက် နာမည်ကို ပြောင်းလဲခေါ်ဆိုလိုက်တယ်လို့ ပြီးခဲ့တဲ့တစ်ပတ်မှာ ကြေငြာခဲ့ပါတယ်။
သူတို့ရဲ့ စီမံကိန်းတွေမှာ အစ္စလာမ်နဲ့ပတ်သက်တာတွေ ထည့်သွင်းဆောင်ရွက်နေတာကတော့ တော်တော်လေးကြာပြီ ဖြစ်ပါတယ်။
အဖွဲ့က အစ္စလာမ့်ရေးရာပညာရှင်ဖြစ်တဲ့ အိုမေရာ ဇိုက်ဒ်က သူတို့ရဲ့ ရည်ရွယ်ချက်ဟာ ကမ္ဘာတစ်ဝှမ်းက အကြမ်းဖက်ဝါဒကို တိုက်ဖျက်ဖို့မဟုတ်ဘဲ မိမိတို့ လူ့အဖွဲ့အစည်းတွင်းမှာ အစ္စလာမ်အပါအ၀င် ဘာသာတရားနဲ့ ယဉ်ကျေးမှုဆိုင်ရာ ပိုမိုနားလည်လာစေဖို့နဲ့ ငြိမ်းချမ်းဖို့အတွက်ဖြစ်တယ်လို့ ပြောကြားခဲ့ပါတယ်။
သူမကိုယ်တိုင်ဦးဆောင်ပြီး ဘာသာတရားများအကြား နားလည်မှုအစီအစဉ်တွေ၊ ဟောပြောပွဲတွေ၊ ဆွေးနွေးပွဲတွေကို ပြုလုပ်ခဲ့ပြီး ဒီလိုလုပ်ဆောင်တာဟာ သွေးကွဲမှုတွေကို လျော့ပါးစေမယ်လို့ ဇိုက်ဒ်က ဆိုပါတယ်။
“ကျွန်မတို့ရဲ့လုပ်ဆောင်မှုတွေက သွေးကွဲမှုကို ဦးတည်စေတဲ့ စိတ်အမူအကျင့်တွေကတစ်ဆင့် ပေါ်ထွက်လာတဲ့ အတွေးတွေပေါ်မှာ သက်ရောက်မှုရှိမှာ သေချာပါတယ်”
အကျိုးအမြတ်မယူတဲ့ Institute of Islamic, Christian and Jewish Studies အသင်းဟာ ဘာသာပေါင်းစုံ ချစ်ကျည်ရေးလုပ်ငန်းတွေကို လုပ်ကိုင်ဆောင်ရွက်နေတာဖြစ်ပြီး အဖွဲ့ရဲ့ အုပ်ချုပ်မှုဒါရိုက်တာ ခရစ္စတိုဖာ လေတန်က အစ္စလာမ့်ရေးရာ ပညာရှင်တွေကို ခန့်အပ်လိုက်တာဟာ မိမိတို့ရဲ့ ရည်ရွယ်ချက်ကို မိုမို အားဖြစ်စေခဲ့တယ်လို့ ဆိုပါတယ်။
“ဒီလိုခန့်အပ်လိုက်တာက သမိုင်းဝင်ကိစ္စတစ်ခုပါ။ (ဇိုက်ဒ်) ဟာ ခြွင်းချက်မဲ့ပုဂ္ဂိုလ်တစ်ယောက်ဖြစ်ပါတယ်။ အနောက်တိုင်းလူ့အဖွဲ့အစည်းမှာ အစ္စလာမ်က ဘယ်လောက်အရေးပါလဲဆိုတာကို သူက ကျွန်တော်တို့ကို လမ်းဖွင့်ပေးခဲ့ပါတယ်” လို့ လေတန်က ပြောကြားခဲ့ပါတယ်။
ဇိုက်ဒ်နဲ့ လေတန်တို့ နှစ်ယောက်စလုံးဟာ IS အဖွဲ့က အစ္စလာမ်သာသနာကို အလွဲသုံးစားလုပ်နေမှုကို အမေရိကန်တစ်ဝှမ်းမှာ မြင်သာလာအောင်လည်း ဆောင်ရွက်ချင်နေကြပါတယ်။ လေတန်ကတော့ သူတို့ရဲ့အဖွဲ့ဟာ ခရစ်ယာန်နဲ့ ဂျူးတွေကို ကြိုဆိုသလိုပဲ မွတ်စလင်တွေကိုလည်း ကြိုဆိုတယ်လို့ ထည့်သွင်းပြောကြားခဲ့ပါတယ်။
Ref: baltimoresun.com
