Tag: US Muslims

ဖေဖော်ဝါရီ ၁၊ ၂၀၁၆
M-Media

– အစ္စလာမ်သာသနာနဲ့ အကြမ်းဖက်ဝါဒကို ချိတ်ဆက်ပြောဆိုမှုတွေ မြင့်တက်လာတဲ့အချိန်မှာ ဘာသာရေးသည်းခံနိုင်မှု မြှင့်တင်ရေးအတွက် အမေရိကန်အစိုးရရဲ့ ဆောင်ရွက်မှု တစ်စိတ်တစ်ပိုင်းအဖြစ် သမ္မတအိုဘားမားဟာ သူ့ရဲ့သမ္မတသက်တမ်း မကုန်ခင်မှာ ဗလီဝတ်ကျောင်းတော်တစ်လုံးကို သွားရောက်လည်ပတ်မယ်လို့ အိမ်ဖြူတော်က စနေနေ့မှာ ကြေငြာလိုက်ပါတယ်။

ယခုတစ်ပတ် ဗုဒ္ဓဟူးနေ့မှာ မေရီလန်းပြည်နယ် ဘာလ်တီမိုးရ်က အကျိုးအမြတ်မယူတဲ့ ပရဟိတအဖွဲ့ဖြစ်တဲ့ Islamic Society of Baltimore အခြေစိုက်ရာ ဗလီဝတ်ကျောင်းတော်ကို သွားရောက်လည်ပတ်မှာဖြစ်တယ်လို့ အိမ်ဖြူတော်ဝဘ်ဆိုက်မှာ လွှင့်တင်ထားပါတယ်။ ဘာလ်တီမိုးရ်မြို့ဟာ အတ္တလန်တိတ်အလယ်ပိုင်းဒေသက မွတ်စလင်အများဆုံးရှိရာမြို့ဖြစ်ပြီး မတူညီတဲ့နောက်ခံ၊ ဒီကရေစီအုပ်ချုပ်မှု၊ သဟဇာတဖြစ်မှု၊ သည်ခံနိုင်စွမ်းရှိမှု၊ အစ္စလာမ့်ပုံစံရှိနေသည့် အိမ်နီးချင်းများရှိမှု စတာတွေနဲ့ပြည့်စုံတဲ့ အားကျဖွယ်ရာ နေရာတစ်ခုဖြစ်တယ်လို့ အိမ်ဖြူတော်က ဆိုပါတယ်။

သမ္မတအိုဘားမားရဲ့ သွားရောက်မှုဟာ “အမေရိကန်မွတ်စလင်တွေရဲ့ တိုင်းပြည်အပေါ် တာဝန်ကျေပွန်မှုကို ချီးမြှောက်ဖို့နဲ့ အမေရိကရဲ့ နေ့စဉ်ဘ၀မှာ ဘာသာရေးလွတ်လပ်ခွင့် အရေးပါတယ်ဆိုတာကို သေချာစေဖို့” အတွက် ဖြစ်တယ်လို့ အိမ်ဖြူတော်က ပေးပို့တဲ့ အီးမေးလ်မှာ ဖော်ပြထားပါတယ်။

“ကျွန်တော်တို့တိုင်းပြည်ရဲ့ အကြီးမားဆုံးအင်အားဟာ ကျွန်တော်တို့ရဲ့ မတူကွဲပြားစွာညီညွတ်မှု၊ မတူညီတဲ့ ဘာသာတရား၊ မတူညီတဲ့ အသိုင်းအ၀ိုင်းတွေက ပေါက်ဖွားလာကြတဲ့ အမေရိကန်တွေဟာ အတူတကွ ကြီးပွားတိုးတက်အောင်လုပ်နိုင်ကြဆိုတဲ့ အယူအဆ၊ ကျွန်တော်တို့ အမေရိကန်အားလုံးဟာ တူညီတဲ့ မိသားစုဝင်တွေဖြစ်ကြတယ်ဆိုတဲ့ အတွေးအမြင်တွေပဲ ဖြစ်ပါတယ်။ သမ္မတ ပြောခဲ့သလိုပဲ – အမေရိကန်မွတ်စလင်တွေဟာ ကျွန်တော်တို့ရဲ့ မိတ်ဆွေ၊ ကျွန်တော်တို့ရဲ့အိမ်နီးချင်း၊ ကျွန်တော်တို့ရဲ့ လုပ်ဖော်ကိုင်ဖက်၊ ကျွန်တော်တို့ရဲ့ အားကစားသူရဲကောင်းတွေဖြစ်သလို၊ မွတ်စလင်တွေဟာ ကျွန်တော်တို့တိုင်းပြည်ကို အသက်ပေးကာကွယ်ကြတဲ့ အမျိုးကောင်းသား၊ အမျိုးကောင်းသမီးတွေ ဖြစ်ပါတယ်”

ဗလီဝတ်ကျောင်းတော်ကို သွားရောက်လည်ပတ်မှုအတွင်း သမ္မတဟာ မွတ်စလင်ပြည်သူလူထုနဲ့ ဆွေးနွေးမှုတွေ ပြု လုပ်မှာဖြစ်ပါတယ်။

နိုင်ငံအတွင်းမှာ အစ္စလာမ့်ဘာသာဝင်တွေအပေါ် ရန်လိုမှုတွေ မြင့်တက်လာခဲ့တာနဲ့ပတ်သက်လို့ ထင်ရှားကျော်ကြားတဲ့ အမေရိကန်မွတ်စလင်တွေဟာ အိမ်ဖြူတော်တာဝန်ရှိသူတွေနဲ့ ပြီးခဲ့တစ်လအရင်က တွေ့ဆုံဆွေးနွေးခဲ့ပြီး အစိုးရထိပ်တန်းခေါင်းဆောင်တွေပါဝင်ခဲ့တဲ့ အဲဒီဆွေးနွေးမှုအတွင်းမှာ အိုဘားမားအနေနဲ့ ဗလီဝတ်ကျောင်းတော်ကို လာရောက်လည်ပတ်ဖို့ မွတ်စလင်ခေါင်းဆောင်တွေက ဖိတ်ခေါ်ခဲ့တာဖြစ်ပါတယ်။

သမ္မအိုဘားမားဟာ ၀တ်ပြုဆုတောင်းဖို့အတွက် ခရစ်ယာန်ဘုရားကျောင်းကို ပုံမှန်သွားရောက်လေ့ရှိတာကလွဲရင်အခြားသော ၀တ်ပြုရာနေရာတွေကို သွားလားမှု မရှိသလောက်ပါပဲ။ ပြီးခဲ့တဲ့မေလအတွင်းမှာ အိုဘားမားဟာ ဂျူးဘုရားကျောင်းတစ်ခုကို သွားရောက်ခဲ့ပါသေးတယ်။

ယခုနှစ်နှောင်းပိုင်းမှာ ကျင်းပမယ့် ရွေးကောက်ပွဲအတွက် ပြင်ဆင်နေကြတဲ့ နိုင်ငံရေးသမားတွေဟာ မွတ်စလင်ဆန့်ကျင်ရေး အမုန်းစကားတွေသုံးပြီး မဲဆွယ်နေတာကိုလည်း အိုဘားမားက ပြင်းပြင်းထန်ထန် ဆန့်ကျင်ခဲ့ပါတယ်။ ဇန်န၀ါရီလအတွင်း ပြုလုပ်ခဲ့တဲ့ နိုင်ငံတော်အခြေပြမိန့်ခွန်းမှာ အိုးဘားမားက မွတ်စလင်ဆန့်ကျင်ရေးပြောဆိုမှုတွေဟာ မှားယွင်းတဲ့ကိစ္စတွေဖြစ်ပြီး နိုင်ငံအပေါ် သစ္စာဖောက်ရာကြတယ်လို့ ထည့်သွင်းပြောကြားခဲ့ပါတယ်။

Ref: Washingtonpost

ဇန်န၀ါရီ ၂၉၊ ၂၀၁၆
M-Media

– ခေါင်းဆောင်းပုဝါ ၀တ်ဆင်ထားသည့် ဓာတ်ပုံအား မွတ်စလင်အမျိုးသမီးများ၏ ဂုဏ်သိက္ခာကို ထိခိုက်စေသော ဆောင်းပါးတွင် အသုံးပြုခဲ့သည့်အတွက် AP သတင်းဌာနနှင့် ထိုသတင်းဌာနမှ ဓာတ်ပုံသတင်းထောက်တို့ကို အမေရိကန်မွတ်စလင်အမျိုးသမီးတစ်ဦးက တရားစွဲဆိုလိုက်သည်ဟု သိရသည်။

ဖီဖီ ယူဆက်ဖ်ဟုအမည်ရသည့် အမေရိကန်မွတ်စလင်အမျိုးသမီးဖြစ်ပြီး ၂၀၁၅ ခုနှစ်ဒီဇင်ဘာ ၁၆ ရက်နေ့က နယူးယောက်မြို့ရှိ StarBucks ကော်ဖီဆိုင်တွင် ထိုင်နေသည့် ၎င်းအား AP သတင်းထောက် မာ့ခ် လန်နီဟန်က ဓာတ်ပုံရိုက်ယူခဲ့ခြင်းဖြစ်သည်။

ထို့နောက် အဆိုပါဓာတ်ပုံကို AP သတင်းဌာန၏ ၀ဘ်ဆိုက်မှတစ်ဆင့် ရောင်းချခဲ့ပြီး ၂၀၁၅ ခုနှစ် ဒီဇင်ဘာ ၂၁ ရက်နေ့ ၀ါရှင်တန်ပို့စ် သတင်းဌာနမှဖော်ပြသော As Muslim women, we actually ask you not to wear the hijab in the name of interfaith solidarity (ဘာသာပေါင်းစုံချစ်ကျည်ရေးခေါင်းစဉ်အောက်မှာ ဟီဂျဘ်မ၀တ်ဖို့ မွတ်စလင်အမျိုးသမီးတွေဖြစ်တဲ့ ကျွန်မတို့က လေးလေးနက်နက် တောင်းဆိုပါတယ်) ဟူသော ဆောင်းပါးတွင် ထည့်သွင်းအသုံးပြုခဲ့သည်။

အဆိုပါဆောင်းပါးအောက်တွင် စော်ကားသော မှတ်ချက်များ ကျန်ရစ်ခဲ့ပြီး ယူဆက်ဖ်ကမူ ထိုဆောင်းပါးတွင် သူမ၏ ဓာတ်ပုံအား သုံးစွဲမှုကို မကျေနပ်သောကြောင့် AP သတင်းဌာနနှင့် ဓာတ်ပုံဆရာ လန်နီဟန်တို့အား တရားစွဲဆိုရန် ဆုံးဖြတ်ခဲ့ခြင်းဖြစ်သည်။

“အဲဒီဆောင်းပါးဟာ (ယူဆက်ဖ်ရဲ့) အခြေခံယုံကြည်ချက်တွေကို တိုက်ခိုက်တယ်ဆိုတာ ရှင်းပါတယ်။ ကျူးလွန်သူတွေက သူမရဲ့ ဓာတ်ပုံကို ကြော်ငြာနဲ့ စီးပွားရေးဆိုင်ရာရည်ရွယ်ချက်အတွက် အသုံးပြုပြီး ‘hijab, Muslim, Islam’ စားလုံးတွေနဲ့ တွဲကာ ဖော်ပြထားတဲ့အတွက် တရားလိုဟာ စိတ်ပျက်ရသလို၊ စိတ်မကောင်းလည်းဖြစ်ခဲ့ရပါတယ်” ဟု တရားစွဲဆိုမှုတွင် ဖော်ပြထားသည်။

ယူဆက်ဖ်ကမူ ဓာတ်ပုံဆရာနှင့် AP သတင်းဌာနတို့မှာ နယူးယောက်ပြည်နယ်၏ ‘ပြည်သူလူထု အခွင့်အရေး’ ဥပဒေတွင် ပြဌာန်းထားသည့် ဓာတ်ပုံများကို ကာယကံရှင်၏ တရားဝင်ခွင့်ပြုချက်မရှိဘဲ စီးပွားရေး ရည်ရွယ်ချက်ဖြင့် သုံးစွဲမှုမပြုရဟူသည့် ဥပဒေကို ချိုးဖောက်ခြင်းဖြစ်သည်ဟု စွပ်စွဲခဲ့သည်။

“သူရဲ့ပုံကို ရိုက်တာဟာ သတင်းဖော်ပြဖို့ဆိုရဲ့ ရည်ရွက်ချက်အတွက်လို့ တရားဝင်ပြောကြားမှုမရှိတာက ဒီအမှုအတွက် အဓိက အချက်အချာပါပဲ။ Starbucks ကော်ဖီဆိုင်မှာထိုင်ပြီး ဆဲလ်ဖုန်းသုံးတဲ့ ဟီဂျဘ်ဝတ်အမျိုးသမီးနဲ့ ပတ်သက်လို့ သတင်းလုပ်စရာ ဘာအကြောင်းမှ မရှိပါဘူး” ဟု ယူဆက်ဖ်၏ ရှေ့နေဖြစ်သူ ဒန်နီယဲလ် ဇာလ်ကီဝစ်ဇ်က ပြောကြားခဲ့သည်။

သတင်းနှင့် ဆောင်းပါးများ ဖော်ပြရာတွင် ဈေးကွက်တင်ထားသော ဓာတ်ပုံကို အသုံးပြုခြင်းမှာ ဥပဒေအရ ခွင့်ပြုချက်ရှိသောကြောင့် ၀ါရှင်တန်ပို့စ်သတင်းစာကိုမူ ယူဆက်ဖ်က တရားစွဲဆိုခြင်းမပြုခဲ့ပေ။

Ref: Washintong Post

ဇန်န၀ါရီ ၁၈၊ ၂၀၁၆
M-Media

– အမေရိကန်ပြည်ထောင်စု နယူးမက္ကဆီကို ပြည်နယ် လက်စ် ခရူးဆက်မြို့မှ မွတ်စလင်များမှာ အစ္စလာမ်ဘာသာနှင့်ပတ်သက်၍ နားလည်မှု အလွဲများကို ဖြေရှင်းရန်အတွက် ပြည်သူလူထုအား အစ္စလာမ်အသိပညာရေး လှုပ်ရှားမှုကို ပြီးခဲ့သည့် သီတင်းပတ်အတွင်း ပြုလုပ်ခဲ့ကြသည်ဟု သိရသည်။

“မီဒီယာတွေကဖော်ပြတဲ့ အစ္စလာမ်ဆိုတာ ကျွန်မနားလည်တဲ့ အစ္စလာမ်နဲ့ မတူညီဘူးလို့ ကျွန်မ ခံစားရပါတယ်။ ပြီးတော့ အခြားသော မွတ်စလင်တွေဟာလည်း ကျွန်မလိုပဲ ခံစားနေရတယ်ဆိုတာ ကျွန်မ ပတ်ဝန်းကျင်ကလူတွေကို ပြောပြပါတယ်။ ကျွန်မတို့ရဲ့ အစ္စလာမ်သာသနာဟာ တကယ့်လက်တွေ့မှာ ဘယ်လိုဆိုတာကို အခြားလူတွေကို ပြောပြသင့်တယ်လို့ ကျွန်မ ထင်ပါတယ်။ ကျွန်မတို့ လိုက်ကြည့်လေလေ၊ လူတွေဟာ အစ္စလာမ်နဲ့ပတ်သက်ပြီး အသိနည်းကြတယ်ဆိုတာ တွေ့လာလေလေပါပဲ။ ဒါက သိပ်စိုးရိမ်စရာကောင်းပါတယ်” ဟု အဆိုပါ အသိပညာပေး လှုပ်ရှားမှုတွင် ပါဝင်ခဲ့သူ ဆူရီယာ ဟူစိန်က ပြောကြားခဲ့သည်။

ထိုလှုပ်ရှားမှုကို လက်စ် ခရူဆက်စ်မြို့ အစ္စလာမ့်စင်တာမှ ဦးစီးကာ ကျင်းပပြုလုပ်ခြင်းဖြစ်ပြီး၊ မြို့၏ ထင်ရှားသော နေရာများ၊ ရှော့ပင်းစင်တာများ၊ လမ်းဆုံလမ်းခွများတွင် စားပွဲများချကာ အစ္စလာမ်နှင့်ပတ်သက်၍ စာရွက်စာတမ်းများ အခမဲ့ဖြန့်ဝေခြင်း၊ အစ္စလာမ်နှင့်ပတ်သက်၍ မေးမြန်းသူများအား ဖြေကြားပေးခြင်းတို့ကို ဆောင်ရွက်ခြင်းဖြစ်သည်။

၂၀၁၅ ခုနှစ် နွေရာသီမှစတင်ကာ ထိုလှုပ်ရှားမှုကို တစ်လတစ်ကြိမ် ပုံမှန်ဆောင်ရွက်ခဲ့ကြသည်။

“ကျွန်မတို့ရဲ့ ရည်ရွယ်ချက်တွေထဲက တစ်ချို့ဟာ အစ္စလာမ်အပေါ် အထင်မှားအမြင်မှားဖြစ်နေမှုတွေကို တိုက်ဖျက်ဖို့ပါ။ ဒါပေမယ့် အစ္စလာမ်မှာ တကယ်အရေးကြီးတာက ဘာလဲဆိုတာကို ဆွေးနွေးဖို့ဘက် ပြန်လည်လှည့်ဖို့လည်း ရည်ရွယ်ပါတယ်။ လူသားတွေရဲ့အခွင့်အရေးဆိုတာ အစ္စလာမ်မှာ တကယ့်ကိုအရေးကြီးပါတယ်” ဟု အစ္စလာမ့်စင်တာမှ တာဝန်ရှိသူတစ်ဦးဖြစ်သည့် ဂျိုင်စီ လာဆန်က ပြောကြားခဲ့သည်။

ထို့ပြင် သတင်းများ၊ နိုင်ငံရေးသမားများက ၎င်းတို့၏အလိုကျ ပြောကြားမှုမှာ အစ္စလာမ်အား ကိုယ်စားမပြုကြောင်းကို ပြည်သူလူထုအား အသိပညာပေးရန် လိုအပ်သည်ဟု သူမက ထပ်လောင်းပြောကြားခဲ့သည်။

မွတ်စလင်အမည်ခံ အကြမ်းဖက်သမားများကြောင့် အမေရိကန်တွင် အစ္စလာမ်ကြောက်ရောဂါ မြင့်တက်လာခဲ့သောကြောင့် အမေရိကန်မွတ်စလင်များမှာ အစ္စလာမ်နှင့်ပတ်သက်သည့် အသိပညာပေးမှုများကို တိုးမြှင့်လုပ်ဆောင်နေကြသည်။

Ref: IINA

ဇန်န၀ါရီ ၁၆၊ ၂၀၁၆
M-Media

– မွတ်စလင်အမည်ခံ အကြမ်းဖက်သမားများေကြောင့် အစ္စလာမ်သာသနာအပေါ် ကြောက်ရွံ့စိတ်၊ သံသယစိတ်များ မြင့်တက်လာမှုများကို တိုက်ဖျက်ရန်အတွက် အခမ်းအနားတစ်ခုကို မကြာသေးမီက အမေရိကန်မှ အစ္စလာမ့်အဖွဲ့စည်းများ ပူးပေါင်းထားသည့် အဖွဲ့တစ်ခုက ကျင်းပပြုလုပ်ခဲ့သည်ဟု သိရသည်။

“အစ္စလာမ်ကြောက်ရောဂါကို စိန်ခေါ်ခြင်း” ဟု အမည်ပေးထားသည့် အဆိုပါ ညီလာခံကို ဖရိုက်ဒလေမြို့ရှိ မင်နီဆိုတာအစ္စလာမ့်စင်တာတွင် ကျင်းပခဲ့ခြင်းဖြစ်ပြီး လူ ၄၀ နီးပါး တက်ရောက်ခဲ့သည်။

အခမ်းအနားဖြစ်မြောက်ရေးအတွက် ပါဝင်ခဲ့သည့်အဖွဲ့များတွင် အမေရိကန်ရှိ အကြီးဆုံး မွတ်စလင်အဖွဲ့ဖြစ်သော အမေရိကန်-အစ္စလာမ် ဆက်ဆံရေးကောင်စီ (CAIR) ၏ ဒေသတွင်းအဖွဲ့ခွဲလည်း ပါဝင်ခဲ့သည်။ ထိုအဖွဲ့၏ ဒါရိုက်တာဖြစ်သူ ဂျလာနီဟူစိန်က ယခုသီတင်းပတ်ထဲတွင် အကြမ်းဖက်မှုပုဒ်မဖြင့် ဒုက္ခသည်နှစ်ဦး ဖမ်းဆီးထိန်းသိမ်းခံရမှု၊ IS ထောက်ခံသူဟု ကြေညာကာ ဖီလာဒဲလ်ဖီးယား ရဲအရာရှိအား ပစ်သတ်ခဲ့မှု စသည့်ကိစ္စများနှင့်ပတ်သက်၍ မိမိတို့မှာ စိုးရိမ်မိသည်ဟု ပြောကြားခဲ့သည်။

“ဒီပြဿနာကို မီးမွှေးလှုံ့ဆော်နေတဲ့ အရာတွေရှိပါတယ်၊ ဒါတွေသာမကဘဲ မွတ်စလင်တွေအပေါ် တော်တော်လေး မကောင်းမြင်စေတဲ့ သတင်းအချက်အလက်တွေဟာလည် အွန်လိုင်းမှာ အများအပြား ပြန့်နှံ့နေပါတယ်” ဟု ဟူစိန်က ဆိုသည်။ ထို့ပြင် မိမိတို့ပြုလုပ်သည့် အခမ်းအနားသို့ တက်ရောက်လာကြသူများအနေဖြင့် ပြည်သူလူထု၏ အစ္စလာမ်အပေါ်နားလည်မှုကို တိုးမြှင့်နိုင်မည်ဟု မျှော်လင့်ကြောင်း ၎င်းက ထည့်သွင်းပြောကြားခဲ့သည်။

မင်နီဆိုတာ အစ္စလာမ်စင်တာ ဥက္ကဌဖြစ်သူ ရှားဟ်ခန်းကလည်း အမေရိကန်မွတ်စလင်လူ့အဖွဲ့အစည်းအပေါ် ရန်လိုမှုများ မြင့်တက်လာမှုအတွက် စိုးရိမ်မိသည်ဟု ပြောကြားခဲ့သည်။

လ၀ကအရာရှိတစ်ဦးဖြစ်ပြီး နှစ်ခြင်းခရစ်ယာန်တက္ကသိုလ်၏ အဖွဲ့ဝင်တစ်ဦးဖြစ်သူ ဂျွန်မီဒီယာက မွတ်စလင်များနှင့် ပတ်သက်သည့် ၎င်း၏အမြင်ကို ယခုကဲ့သို့ ဖွင့်ဟခဲ့သည်။

“ကျွန်တော့်ပတ်ဝန်းကျင်မှာရှိတဲ့ မွတ်စလင်တွေကို နားလည်ပေးဖို့ နည်းအမျိုးမျိုးနဲ့ ကျွန်တော် ကြိုးစားနေပါတယ်။ ကျွန်တော့်မှာ မွတ်စလင်မိတ်ဆွေတွေရှိပါတယ်၊ ပြီးခဲ့တဲ့နှစ်က ရမ်ဇာန်လမှာလည်း ဥပုသ်နည်းနည်း စောင့်ခဲ့ပါတယ်၊ ကျွန်တော်တို့က တစ်ဖက်သားကို နားလည်ရှုမြင်တတ်ဖို့ ကြိုးစားမယ်ဆိုရင် အကောင်းဆုံးပါပဲ”

Ref: IINA