သြဂုတ် ၂၁၊ ၂၀၁၅
M-Media
– ပြီးခဲ့သည့် ဖေဖော်ဝါရီက မြောက်ကယ်ရိုလိုင်းနားတွင် သေနတ်ဖြင့်ပစ်သတ်ခြင်း ခံခဲ့ရသည့် မွတ်စလင်တက်ကြွလှုပ်ရှားသူ လူငယ်တစ်ဦး၏ ပရဟိတဆန္ဒကို ၎င်း၏ ဖခင်ဖြစ်သူက ဖြည့်ဆည်းပေးခဲ့သည်ဟု သိရသည်။
ဒီယာဘရကသ်ဟု အမည်ရသည့် သွားဘက်ဆိုင်ရာ ကျောင်းသားတစ်ဦး၏ ဖခင် ဘရကသ်ဆိုသူ ဖြစ်ပြီး သားဖြစ်သူ၏ ဆန္ဒကို ပြည့်ဆည်းပေးသည့်အနေဖြင့် ၎င်းနှင့် ဒေသတွင်း သွားဆရာဝန်၊ အခြားဆရာဝန်များအပါအ၀င် စေတနာ့ဝန်ထမ်း ၅၀ ခန့်မှာ ယခုလအတွင်း တူရကီနိုင်ငံသို့ သွားရောက်ခဲ့ပြီး သွားဆေးခန်းများဖွင့်ကာ ဆီးရီးယားဒုက္ခသည် ကလေးများအား တစ်ပတ်ကြာ ကုသပေးခဲ့သည်။
အသက် ၂၃ နှစ်အရွယ် ဒီယာ ဘရကသ်၊ ၎င်း၏ ဇနီးဖြစ်သူ အသက် ၂၁ နှစ်အရွယ် မိုဟာမက် အဘူ ဆလ်ဟာနှင့် ဆလ်ဟာ၏ညီမ အသက် ၁၉ နှစ်အရွယ် ရာဇန်မိုဟာမက် အဘူဆလ်ဟာတို့မှာ မြောက်ကယ်ရိုလိုင်းနားပြည်နယ် ချက်ပဲဟေးလ်ရှိ မြောက်ကယ်ရိုလိုင်းနား တက္ကသိုလ်အနီး ၎င်းတို့နေထိုင်ရာ ကွန်ဒိုတွင် ဖေဖော်ဝါရီ ၁၀ ရက်နေ့က သေနတ်ဖြင့် ပစ်သတ်ခံခဲ့ရသည်။
သေနတ်သမားမှာ အသက် ၄၆ နှစ်အရွယ် ခရေ့ဂ်ျ စတီဖင် ဟစ်က်ဆိုသူ ဖြစ်ပြီး တိုက်ခိုက်မှုဖြစ်ပွားပြီးနောက် ရဲတပ်ဖွဲ့သို့ သွားရောက် အဖမ်းခံခဲ့သည်။
သွားဘက်ဆိုင်ရာ ကျောင်းသားတစ်ဦးဖြစ်သူ ဒီယာ ဘရကသ်မှာ တူရကီရှိ ဆီးရီးယားဒုက္ခသည် ကလေးငယ်များအား ကူညီရန် “Refugee Smiles” အမည်ဖြင့် ပရဟိတ စီမံကိန်းတစ်ခုကို ပြီးခဲ့သည့်နွေရာသီက စတင်ခဲ့သည်။ ထို့နောက် ထိုစီမံကိန်း၏ ခရီးစဉ်အဖြစ် တူရကီသို့သွားရောက်ရန် စီစဉ်ထားခဲ့သော်လည်း မသွားရောက်နိုင်ခင်မှာပင် ထိုကဲ့သို့ အသတ်ခံခဲ့ရခြင်း ဖြစ်သည်။
သားဖြစ်သူ၏ကိုယ်စား သွားရောက်ခဲ့သည့် ထိုခရီးစဉ်အတွင်း ဘရကသ်တို့ဖွဲ့မှာ ကလေးငယ်အများစု အပါအ၀င် လူနာ ၈၀၀ ကျော်ကို ကုသပေးခဲ့ပြီး ၄ နှစ်ကြာဖြစ်ပွားနေသော ပြည်တွင်းစစ်အတွင်း ထိခိုက်ခံစားခဲ့ရသူများ ဖြစ်ခဲ့ကြသည့် ဒုက္ခသည်များ၏ မျက်နှာများတွင် အပြုံးပန်းများ ဝေဆာစေခဲ့သည်။
“ဖော်မပြနိုင်လောက်အောင်ပါပဲဗျာ။ သူတို့လေးတွေပြုံးနေတာကိုမြင်ရတဲ့အခါ ဒါမှမဟုတ် အားရပါးရလာဖက်ကြတဲ့အခါ ကမ္ဘာကြီးက ကျွန်တော့်ဆီကို ရောက်လာသလိုပါပဲ” ဟု ဘရကသ်က ၎င်း၏ ခံစားချက်ကို ပြောကြားခဲ့သည်။
ဆန္ဒတွေ ဖြည့်ဆည်းခဲ့ပြီ
အဆိုပါ ခရီးစဉ်မှ ပြန်လာသူ ဘရကသ်က ၎င်းမှာ သားဖြစ်သူ၏ဆန္ဒကို ဖြည့်ဆည်းပေးခဲ့သည်ဟု ခံစားရကြောင်း ပြောကြားခဲ့သည်။
“(တူရကီကနေ) ကျွန်တော်ပြန်ရောက်တဲ့နေ့က ညကြီးမိုးချုပ် ဖြစ်နေပါပြီ။ နောက်နေ့မှာ (ဒီယာရဲ့ အုတ်ဂူရှိရာကို) ကျွန်တော် သွားခဲ့ပါတယ်။ အတော်ပီတိဖြစ်ရပါတယ်။ အနည်းဆုံးတော့ သားလေးလုပ်ချင်တာကို ကျွန်တော်တို့ လုပ်ပေးခဲ့တဲ့အတွက် ဒါနဲ့ပတ်သက်လို့ တော်တော် ကျေနပ်ပါတယ်။ အကောင်းဆုံးတော့ မဟုတ်နိုင်ပါဘူး။ ဒါပေမယ့် ကျွန်တော်တို့ ကြိုးစားခဲ့ပါတယ်”
ဒီယာဘရကသ်မှာ အသတ်မခံရခင်တွင် ပရဟိတ ၀ဘ်ဆိုက်တစ်ခုဖြစ်သော youcaring.com မှ ၎င်း၏ ပရဟိတလုပ်ငန်းအတွက် ရန်ပုံငွေ ကန်ဒေါ်လာ ၁၅၀၀၀ မှ ၂၀၀၀၀ ကြားအထိ ရှာနိုင်ခဲ့ပြီး ၎င်း သေဆုံးခဲ့သည့် သတင်းများ ထွက်ပေါ်လာခဲ့ပြီးနောက် ၃ ရက်အတွင်းမှာပင် လှူဒါန်းမှုများမှာ ဒေါ်လာ ၃ သိန်းအထိ မြင့်တက်လာခဲ့ပြီး၊ ရက်အနည်းငယ်အကြာတွင် ၅ သိန်း ၁ သောင်းအထိ ရောက်ရှိခဲ့သည်။
အဆိုပါရန်ပုံငွေများကို အခြားနေရာများမှ ရရှိသည့် လှူဒါန်းငွေ ဒေါ်လာ ၉ သိန်းနီးပါးနှင့်အတူ တူရကီတွင် ဒီယာ ဦးစီးကာ ဖွင့်လှစ်ထားသော သွားဆေးခန်းများနှင့် အနာဂတ်တွင် ဖြစ်လာမည့် အခြားသော ၀န်ဆောင်မှုလုပ်ငန်းများအတွက် ထောက်ပံ့ပေးနေသည့် “Our Three Winners Trust” အဖွဲ့သို့ ပေးအပ်ခဲ့သည်။
Ref: Onislam
