Tag: US Muslims

ဇူလိုင် ၁၄၊ ၂၀၁၅
M-Media

– အစ္စလာမ်၏ စစ်မှန်သော သတင်းစကားကို ဖော်ပြခြင်းဖြင့် သာသနာအပေါ် ရှိနေသည့် ထင်မြင်ယူဆချက်အမှားများကို ပြင်ဆင်ပေးရန်၊ အစ္စလာမ်နှင့်ပတ်သက်၍ သတင်းအချက်အလက်များ ပိုမိုရှာဖွေသူများအား ခိုင်မာတိကျသည့် အဖြေများ ပေးရန်အတွက်
အမေရိကန်ပြည်ထောင်စု ဖလော်ရီဒါပြည်နယ်တွင် ဘီလ်ဘုတ်လှုပ်ရှားမှုတစ်ခုကို စတင်ခဲ့သည်ဟု သိရသည်။

ပြည်နယ်၏ လူဦးရေအထူထပ်ဆုံးမြို့ဖြစ်သော ဂျက်ဆွန်ဗီလီတွင် အဆိုပါလှုပ်ရှားမှုကို စတင်ဆောင်ရွက်ခဲ့ခြင်းဖြစ်ပြီး အောင်မြင်မှုများလည်း ရရှိနေသည်။

“ဖုန်းခေါ်ကြတဲ့သူ အများစုကတော့ သူတို့မှာ မေးခွန်းတွေရှိရင် သူတို့ဟာ အစ္စလာမ့်စင်တာကို လာရောက်ချင်ကြပြီး မွတ်စလင်တွေနဲ့ တွေ့ချင်ကြပါတယ်။ ပြီးတော့ ကုရ်အာန်ကျမ်းတော်မြတ် ဘာသာပြန် ဒါမှမဟုတ် အစ္စလာမ့်စာပေတွေကိုလည်း သူတို့က လိုချင်ပါတယ်။ အစ္စလာမ့်စင်တာကို လာရောက်လည်ပတ်ရုံပါပဲ” ဟု မြောက်အမေရိက အစ္စလာမ့်အ၀န်းအ၀ိုင်း ICNA မှ ဒေသတွင်း ဥက္ကဌဖြစ်သူ မိုဟာမက်အီလ်ယက်စ်က ပြောကြားခဲ့သည်။

အဆိုပါ ဘီလ်ဘုတ်လှုပ်ရှားမှုအသစ်ကို ICNA က ဆောင်ရွက်ခြင်းဖြစ်ပြီး “မုဟမ္မဒ်ဆိုတာဘယ်သူလဲ” ဟု ရေးသားထားသော ဘီလ်ဘုတ်ကြီး ၃ ခုကို ဂျက်ဆွန်ဗီလီမြို့တစ်ဝှမ်းတွင် စိုက်ထူထားကာ အစ္စလာမ်နှင့်ပတ်သက်၍ အသိပညာပေးရန် ရည်ရွယ်ဆောင်ရွက်ခြင်းလည်းဖြစ်သည်။ အဆိုပါဘီလ်ဘုတ်များတွင် အစ္စလာမ်နှင့်ပတ်သက်၍ အခမဲ့မေးမြန်းနိုင်သော ဖုန်းနံပါတ်နှင့်
ဝဘ်ဆိုက်လိပ်စာတို့လည်း ဖော်ပြထားသည်။

အီလ်ယက်စ်၏ အဆိုအရ အဆိုပါလှုပ်ရှားမှုကို ပြီးခဲ့သည်လက စတင်ပြီးနောက်ပိုင်းတွင် ICNA မှ စေတနာ့ဝန်ထမ်းများမှာ ဖုန်းခေါ်ဆိုမှု ထောင်နှင့်ချီ ရရှိခဲ့သည်ဟု သိရသည်။

“ကျွန်တော့် အသားအရောင်ကို ကျွန်တော် စီမံလို့မရဘူး၊ ဘာသာစကားကိုလည်း ထိန်းချုပ်လို့မရဘူး၊ ကျွန်တော့် လူမျိုးကိုလည်း ကျွန်တော် မထိန်းချုပ်နိုင်ဘူး။ ဒါပေမယ့် ကျွန်တော့်ကိုယ်ကျွန်တော် ထိန်းနိုင်တယ်။ ကျွန်တော့်ရဲ့ ကိုယ်ကျင့်တရား၊ ကျွန်တော့်ရဲ့အသိသတိ၊ အခြားသူတွေနဲ့ ဆက်ဆံရေး အဲဒါတွေကိုတော့ ကျွန်တော် ထိန်းနိုင်ပါတယ်။ တကယ်လို့များ တစ်ပါးသူတွေကို
ဘယ်လိုယူဆမလဲဆိုတဲ့ ကျွန်တော်တို့ရဲ့ စံသတ်မှတ်ချက်ကို ကျွန်တော်တို့ပြင်နိုင်ရင် တရားမျှတမှုကို ကျွန်တော်တို့ တည်ဆောက်နိုင်မယ်လို့ ထင်ပါတယ်” ဟု အီလ်ယက်စ်က ထည့်သွင်းပြောကြားခဲ့သည်။

ထိုကဲ့သို့သော ဘီလ်ဘုတ်လှုပ်ရှားမှုကို အမေရိကန်ရှိ အခြားသောမြို့များတွင်လည်း ပြုလုပ်ခဲ့ပြီး ဘီလ်ဘုတ် ၈၀ ကျော်ဖြင့် အစ္စလာမ်နှင့်ပတ်သက်သည့် တင်ကူးမှန်းဆမှုများကို ပပျောက်ရန် ဆောင်ရွက်နေသည်။

ICNA မှာ မြောက်အမေရိကတွင် အောက်ခြေအထိရောက်ရှိသည့် အကျိုးအမြတ်မယူသော အကြီးဆုံး မွတ်စလင်အဖွဲ့အစည်းဖြစ်ပြီး လူ့အဖွဲ့အစည်းတွင် ကျယ်ကျယ်ပြန့်ပြန့် ပြုပြင်ပြောင်းလဲရေးလုပ်ငန်းများအတွက် ကူညီရန် ဖော်ဆောင်ထားသော စီမံကိန်းများ
အစီအစဉ်များနှင့် လှုပ်ရှားမှုများကို ဆောင်ရွက်နေသည်။

ICNA မှာ ၁၉၆၈ ခုနှစ်ကတည်းက ပညာရေး၊ ဆေးဘက်ဆိုင်ရာ၊ လူမှုဝန်ဆောင်မှုလုပ်ငန်းနှင့် ကူညီကယ်ဆယ်ရေးလုပ်ငန်းများကို ဖော်ဆောင်ပေးခြင်းဖြင့် လူ့အဖွဲ့အစည်းများအကြား ဆက်ဆံရေးတည်ဆောက်မှုတွင် လုပ်ဆောင်ခဲ့သည်။

ပြီးခဲ့သည့်နှစ်တွင် ICNA မှာ ရှရီအာနှင့် ပတ်သက်၍ အမေရိကန်များအား ပညာပေးရန်၊ မှားယွင်းသော အမြင်များကို ဖယ်ရှားရန်အတွက် လှုပ်ရှားမှုတစ်ခုလည်း ပြုလုပ်ခဲ့သေးသည်။

Ref: Onislam

ဇူလိုင် ၁၂၊ ၂၀၁၅
M-Media

– သမရိုးကျအမြင်များနှင့် လူမျိုးရေးခွဲခြားမှုကို ဟာသဖြင့် တိုက်ဖျက်ရန်အတွက် အမေရိကန်ရှိ မွတ်စလင်လူရွှင်တော်များမှာ ပထမဆုံး မွတ်စလင်ဟာသပွဲတော်ကို ယခုလနှောင်းပိုင်း၌ နယူးယောက်မြို့တွင် ကျင်းပသွားမည်ဟု သိရသည်။

“မွတ်စလင်တွေလည်း ပျော်တတ်တယ်ဆိုတာ၊ ကျွန်တော်တို့မှာ ဟာသဥာဏ်ရှိတယ်ဆိုတာ၊ အရေးအကြီးဆုံးက ကျွန်တော်တို့ကိုယ်တိုင် ရယ်တတ်တယ်ဆိုတာ လူတွေကိုပြဖို့ တကယ့်ကို ထင်ထင်ရှားရှား လိုအပ်နေတယ်လို့ ကျွန်တော်တို့ ခံစားရပါတယ်” ဟု အဆိုပါ ပွဲတော်ကို စီစဉ်ကျင်းပမည့် မွတ်စလင် လူရွှင်တော် ၂ ဦးမှ တစ်ဦးဖြစ်သူ ဒီယန် အိုဘိုက်ဒါလာဟ်က ဇူလိုင်လ ၉ ရက်နေ့တွင် Huffington Post သို့ ပြောကြားခဲ့သည်။

Muslim Funny Fest ဟု အမည်ပေးထားသည့် အဆိုပါဟာသပွဲတော်ကို နယူးယောက်မြို့၌ ဇူလိုင် ၂၁ ရက်နေ့မှ ၂၃ ရက်နေ့အထိ ကျင်းပသွားရန် စီစဉ်ထားပြီး မွတ်စလင်လူရွှင်တော် ၁၀ ဦးက ၃ ညတိုင်တိုင် ဖျော်ဖြေတင်ဆက်သွားမည်ဖြစ်သည်။

မွတ်စလင်လူရွှင်တော်များဖြစ်သော အိုဘိုက်ဒါလာဟ်နှင့် မေဆွန်ဇာယစ်တို့ လွန်ခဲ့သည့် ၁၁ နှစ်က ကျင်းပခဲ့သော “နယူးယောက် အာရပ်အမေရိကန် ဟာသပွဲတော်” ကို အားကျသဖြင့် ထူးခြားသည့် ယခုပွဲတော်ကို ကျင်းပခြင်းဖြစ်ပြီး ၎င်းတို့နှစ်ဦးပင် ပြန်လည်စီစဉ်ခြင်း ဖြစ်သည်။

အဆိုပါ ဟာသပွဲတော်အတွင်း IS၊ အစ္စလာမ်ကြောက်ရောဂါ၊ မွတ်စလင်များနှင့် ဆက်နွယ်နေသည့် အခြားအကြောင်းများကို ပြက်လုံးများ ထုတ်သွားမည်ဖြစ်ကာ မွတ်စလင်မဟုတ်သည့် ပရိတ်သတ်ကို ဆွဲဆောင်ရန် ရည်ရွယ်ခြင်းလည်း ဖြစ်သည်။

“လူရွှင်တော်အားလုံးဟာ မွတ်စလင်တွေဖြစ်ပေမယ့် ကျွန်တော်တို့ ကြီးပြင်းလာခဲ့ရတဲ့ ယဉ်ကျေးမှု ဒါမှမဟုတ် ကျွန်တော်တို့ရဲ့ အယူဝါဒကိုကျင့်သုံးမှု အတိုင်းအတာ စသဖြင့် ကျွန်တော်တို့မှာ မတူညီတဲ့အတွေ့အကြုံတွေ ရှိပါတယ်။ ၀မ်းနည်းစရာကောင်းတာက ကျွန်တော်တို့ကို ဒီလို စုစည်းစေတဲ့ ဘုံဆက်စပ်မှုတစ်ခုဟာ အမေရိကန်မွတ်စလင်တွေ ခံစားနေရတဲ့ အယူသည်းမှုတွေ၊ အမုန်းတရားတွေပါပဲ။ အဲဒီအမုန်းတရားကို မွတ်စလင်ဟာသပွဲတော်က လျော့ပါးသွားစေမယ်လို့ ကျွန်တော် မျှော်လင့်ပါတယ်” ဟု ဇာယစ်က ပြောကြားခဲ့သည်။

သရုပ်ဆောင်နှင့် လူမှုရေးတက်ကြွလှုပ်ရှားသူတစ်ဦး ဖြစ်သော နီဂင် ဖာရ်၊ ခရီးသွားဟာသအစီအစဉ် Allah Made Me Funny တွင် ပါဝင်ခဲ့သူ မိုအမီရ်၊ ရှေ့နေဟောင်းဖြစ်ပြီး တိုက်ကြီးငါးတိုက်စလုံးသို့ သွားရောက်၍ ဟာသဖျော်ဖြေရေးကို ဆောင်ရွက်ခဲ့သူ အဇ်ဟာရ်အူစမန်တို့ကဲ့သို့ ဟာသလူရွှင်တော်များကလည်း အဆိုပါပွဲတော်တွင် ပါဝင်မည်ဖြစ်သည်။

“အမေရိကန်ဟာ နှစ်ခုသောအရာကို ကြောက်ပါတယ်။ အဲဒါက လူမည်းနဲ့ မွတ်စလင်ပါပဲ။ ကျွန်တော်က ဒီအကြောင်းအရင်းနှစ်ခုစလုံးကို အကောင်းဆုံးကို ပိုင်ဆိုင်ထားပါတယ်” ဟု လူရွှင်တော် ပရီချာ မော့စ်က ဟာသပွဲတော်၏ မိတ်ဆက်ဗီဒီယိုတွင် အရွှန်းဖောက် ပြောကြားခဲ့သည်။

အဇ်ဟာရ် အူစမန်၊ ပရီချာ မော့စ်နှင့် မို အေမီရ်တို့ ပါဝင်တင်ဆက်သော Allah Made Me Funny ဟာသရှိုးမှာလည်း ထိုပွဲတော်တွင် ပါဝင်မည်ဖြစ်ပြီး တတိယနေ့၌ တင်ဆက်သွားမည်ဖြစ်သည်။ Muslim Comedy All-Stars နှင့် America’s Funniest Muslims ရှိုးတို့ကို ပထမနှင့် ဒုတိယနေ့များတွင် ဖျော်ဖြေတင်ဆက်သွားမည်ဖြစ်သည်။

Ref: Onislam