Tag: US

ဖေဖော်ဝါရီ ၁၀၊ ၂၀၁၇
M-Media

– ဒုက္ခသည်များ၊ မွတ်စလင် ၇ နိုင်ငံမှ နိုင်ငံသားများအတွက် လူဝင်မှုပိတ်ပင်သည့် သမ္မတဒေါ်နယ်ထရမ့်၏အမိန့် ပြန်လည် အသက်ဝင်စေရန် တောင်းဆိုမှုကို အမေရိကန် ဖက်ဒရယ် အယူခံတရားရုံးက ယမန်နေ့တွင် ထပ်မံပယ်ချလိုက်သည်။

ထရမ့်၏ ထိုအမိန့်အား ဆီယက်တဲလ်မှ ဖယ်ဒရယ်တရားသူကြီးတစ်ဦးက ဖေဖော်ဝါရီ ၄ ရက်နေ့တွင် ယာယီ ပယ်ဖျက်ခဲ့ပြီးနောက်ပိုင်း အမေရိကန်အစိုးရက ပြန်လည်အသက်ဝင်စေရန် 9th US Circuit Court တရားရုံးတွင် အယူခံလျှောက်ထားခဲ့ပြီး ယမန်နေ့က တရားသူကြီး ၃ ဦးပါဝင်သည့်အဖွဲ့က အယူခံအား တစ်ညီတစ်ညွတ်တည်း ပယ်ချခဲ့သည်။

တရားသူကြီးများက တိုင်းပြည်မှာ ဘာသာရေးခွဲခြားမှုဆိုင်ရာ ဆိုးဆိုးဝါးဝါး စွပ်စွဲမှုများကို ရင်ဆိုင်နေရသည်ဟု မှတ်ချက်ပြုခဲ့ပြီး တရားရုံးချုပ်သို့ အယူခံလျှောက်ထားနိုင်သည်ဟု ပြောကြားခဲ့သည်။

ထိုကိစ္စနှင့်ပတ်သက်၍ အိမ်ဖြူတော်က မည်သည့်မှတ်ချက်မှ မပေးခဲ့ဘဲ၊ ထရမ့်ကမူ တရားရုံးချုပ်တွင် ထပ်တွေ့မည်ဖြစ်ကြောင်း၊ တိုင်းပြည်၏ လုံခြုံရေးမှာ ဆုံးရှုံးရမည်အခြေအနေကို ရောက်ရှိနေပြီဖြစ်ကြောင်း ပြောကြားခဲ့သည်။

Ref : CNA

ဖေဖော်ဝါရီ ၇၊ ၂၀၁၇
M-Media

– Apple နှင့် Zynga တို့အပါအ၀င် အမေရိကန်ရှိ ထိပ်တန်း စီးပွားရေးလုပ်ငန်း ၉၇ ခုက သမ္မတ ဒေါ်နယ်ထရမ့်၏ လူဝင်မှု ပိတ်ပင်သည့် အမိန့်ကို ရှုတ်ချပြီး၊ ဆိုးကျိုးများကို ထောက်ပြထားသည့် ဥပဒေပိုင်းဆိုင်ရာ အကြံပြုချက် တစ်ခုကို တရားရုံးသို့ တင်သွင်းလိုက်သည်ဟု သိရသည်။

အယူခံခုံရုံးတစ်ခုဖြစ်သော Ninth Circuit Court of Appeals သို့ တနင်္ဂနွေနေ့ ညနေပိုင်းက တင်သွင်းလိုက်ခြင်းဖြစ်ပြီး နိုင်ငံ၏ စီးပွားရေးနှင့် လူ့အဖွဲ့အစည်းတွင် ပြောင်းရွှေ့အခြေချသူများ၏ အရေးပါမှုကိုလည်း အဆိုပါ အကြံပြုချက်တွင် ထောက်ပြထားသည်။

ထိုကုမ္ပဏီများမှာ ယခုတစ်ပတ်မှသာ ထိုအကြံပြုချက်ကို တင်သွင်းရန် စီစဉ်ထားသော်လည်း ထရမ့်၏ လူဝင်မှုအမိန့်နှင့်ပတ်သက်၍ တရားရေးပိုင်းဆိုင်ရာအရ အခြားစိန်ခေါ်မှုများ ရှိလာခဲ့ပြီးနောက် ယခုကဲ့သို အလျင်အမြန် တင်သွင်းခဲ့ခြင်းဖြစ်သည်ဟု ထိုကိစ္စနှင့် နီးစပ်သူတစ်ဦးက ပြောကြားခဲ့သည်။

လက်မှတ်ထိုးခဲ့သည့် ကုမ္ပဏီ ၉၇ ခုတွင် Airbnb၊ Facebook၊ Google၊ Intel၊ Netflix၊ Snap နှင့် Uber Technologies ကဲ့သို့ နည်းပညာကုမ္ပဏီများ ပါဝင်ပြီး Levi Strauss & Co နှင့် ဒိန်ချဉ် ထုတ်လုပ်ဖြန့်ဖြူးသည့် Chobani ကုမ္ပဏီလည်း ပါဝင်ခဲ့သည်။

“ပြောင်းရွှေ့အခြေချသူတွေက ကျွန်တော်တို့တိုင်းပြည်ရဲ့ အကြီးအကျယ်ဆုံး ဖော်ထုတ်တွေ့ရှိမှုတွေကို လုပ်ပေးခဲ့တာပါ။ ပြီးတော့ တိုင်းပြည်ရဲ့ တီထွင်ဆန်းသစ်မှုအရှိဆုံး၊ အထင်ပေါ်ဆုံး ကုမ္ပဏီအချို့ကိုလည်း တည်ထောင်ပေးခဲ့ပါတယ်။ ကျွန်တော်တို့ကို နာကျင်အောင်လုပ်မယ့် သူတွေကနေ ကိုယ့်ကိုယ်ကို ကာကွယ်ရေး အရေးကြီးမှုကို အမေရိကန်က သိထားတာ ကြာလှပါပြီ။ ဒါပေမယ့် ပြောင်းရွှေ့အခြေချသူတွေကို ကြိုဆိုရေးဆိုတဲ့ ကျွန်တော်တို့ရဲ့ အခြေခံ ကတိက၀တ်ကို ထိန်းသိမ်းရင်း ကျွန်တော်တို့တိုင်းပြည်ကို ၀င်ဖို့ ကြိုးစားသူတွေရဲ့ နောက်ကြောင်း စစ်ဆေးတာတွနဲ့ အခြားထိန်းချုပ်မှုတွေကနေတစ်ဆင့် ဒါကို လုပ်သွားရမှာပါ။ ” ဟု တရားရုံးသို့ တင်ပို့ခဲ့သည့် အကြံပြုချက်တွင် ဖော်ပြထားသည်။

ဒုက္ခသည်များအား ကန့်သတ်ကာ မွတ်စလင်အများစုရှိရာ နိုင်ငံ ၇ နိုင်ငံမှ နိုင်ငံသားများကို ပြည်ဝင်ခွင့် ပိတ်ပင်သည့် ထရမ့်၏ အဆိုပါအမိန့်ကြောင့် လေဆိပ်များတွင် ကသောင်းကနင်းဖြစ်သွားခဲ့ကာ အမေရိကန်နိုင်ငံတစ်ဝှမ်းတွင် ဆန္ဒပြမှုများ ကျယ်ကျယ်ပြန့်ပြန့် ဖြစ်လာခဲ့သည်။

ပြီးခဲ့သည့် သောကြာနေ့က ခရိုင်တရားသူကြီးတစ်ဦးမှာ ထရမ့်၏ ထိုအမိန့်ကို ယာယီပယ်ဖျက်ခဲ့သည်။

Bloomberg News သတင်းဌာနကမူ Microsoft နှင့် Alphabet တို့ကဲ့သို့ ထိပ်တန်း နည်းပညာကုမ္ပဏီများမှာ အဆိုပါ လူဝင်မှုပိတ်ပင်သည့်အမိန့်အတွက် စိုးရိမ်မိပြီး ထိုအမိန့်နှင့် အခြားသော ပေါ်လစီမျာကိုပြင်ဆင်ရာ ကူညီပေးမည်ဟု ကမ်းလှမ်းမှုပါဝင်သည့် အိတ်ဖွင့်ပေးစာတစ်စောင်ကို သမ္မတထရမ့်ထံ ပေးပို့ရန် စီစဉ်နေသည်ဟု ဖော်ပြခဲ့သည်။

Ref: Independent

ဖေဖော်ဝါရီ ၅၊ ၂၀၁၇
M-Media

– သမ္မတဒေါ်နယ်ထရမ့်၏ လူဝင်မှုပိတ်ပင်သည့်အမိန့်ကို တရားရေးက ယာယီ ပယ်ဖျက်ထားမှုအား ဖယ်ရှားပေးရန် အမေရိကန်အစိုးရ၏ လျှောက်ထားမှုကို ဆန်ဖရန်စစ္စရှိ အယူခံတရားရုံးက ပယ်ချလိုက်သည်ဟု သိရသည်။

သမ္မတထရမ့်မှာ ပြီးခဲ့သည်လက ဥပဒေကဲ့သို့ အာဏာတည်သောအမိန့်ဖြင့် ဒုက္ခသည်များအား ၀င်ရောက်ခွင့် ယာယီပိတ်ပင်ခြင်း၊ မွတ်စလင် ၇ နိုင်ငံမှ နိုင်ငံသားများအား ယာယီဗီဇာ ပိတ်ပင်ခြင်းတို့ကို ပြုလုပ်ခဲ့သည်။

ထိုအမိန့်က အမေရိကန်ပြည်သူများကို အခက်အခဲတွေ့စေသောကြောင့် သောကြာနေ့တွင် ခရိုင်တရားသူကြီးတစ်ဦးက ထိုအမိန့်ကို တစ်နိုင်ငံလုံးအတိုင်းအတာဖြင့် ယာယီပယ်ဖျက်ရန် အမိန့်ပေးခဲ့သည်။

ထိုအတွက် ထရမ့်ဦးဆောင်သည့် အစိုးရက မကျေမနပ်ဖြစ်ခဲ့ပြီး ခရိုင်တရားသူကြီး၏ ဆုံးဖြတ်ချက်ကို ပယ်ဖျက်ကာ လူဝင်မှုပိတ်ပင်သည့်အမိန့်ကို ပြန်လည်ကျင့်သုံးရန် တရားရေးဌာနမှတစ်ဆင့် အယူခံတရားရုံး၌ အရေးပေါ်တောင်းဆိုခဲ့ကာ တရားရုံးကမူ ဖေဖော်ဝါရီ ၄ ရက်နေ့ညပိုင်းတွင် ထိုတောင်းဆိုမှုအား ပယ်ချခဲ့သည်။

ထို့ကြောင့် တရားရေးဘက်မှ သုံးသပ်မှု မပြီးမချင်း ထရမ့်၏ လူဝင်မှုပိတ်ပင်သည့်အမိန့်မှာ အာဏာသက်ရောက်မည်မဟုတ်ပေ။

အမေရိကန်ပြည်သူများကလည်း ထိုကဲ့သို့ လူဝင်မှုပိတ်ပင်ခြင်းကို မကျေနပ်သောကြောင့် နိုင်ငံတစ်ဝှမ်းတွင် ဆန္ဒပြမှုများ ပြုလုပ်ခဲ့သည်။

Ref: Aljazeera