Tag: US

ဒီဇင်ဘာ ၈၊ ၂၀၁၆
M-Media

– အမေရိကန်၏ ရွေးကောက်ခံသမ္မတ ဒေါ်နယ်ထရမ့်မှာ Time မဂ္ဂဇင်း၏ ၂၀၁၆ ခုနှစ်အတွက် တစ်နှစ်တာ အကျော်ကြားဆုံး ပုဂ္ဂိုလ်အဖြစ် ရွေးချယ်ခံခဲ့ရသည်။

အိမ်ခြံမြေ လုပ်ငန်းရှင်ဖြစ်ပြီး၊ TV အစီအစဉ်တင်ဆက်သူလည်းဖြစ်သည့် ထရမ့်မှာ နိုဝင်ဘာ ၈ ရက် အမေရိကန်သမ္မတ ရွေးကောက်ပွဲတွင် ဒီမိုကရက်တစ်ပြိုင်ဘက် ဟီလာရီကလင်တန်အား အနိုင်ယူက နိုင်ငံရေးသမိုင်းတွင် မှတ်တမ်းသစ်ရယူနိုင်ခဲ့သည်။

ထရမ့်ကမူ ထိုကဲ့သို့ Time မဂ္ဂဇင်းမှ ရွေးချယ်မှုမှာ ကြီးမားသည့် ဂုဏ်ပြုမှုတစ်ခုဖြစ်ပြီး မိမိအတွက် အလွန်အမင်း အဓိပ္ပါယ်ရှိသည်ဟု ပြောကြားခဲ့သည်။ ထရမ့်မှာ ဇကာတင်စာရင်းမှ ရုရှားသမ္မတ ဗလာဒီမီရ်ပူတင်၊ ဟီလာရီကလင်တန်တို့ကို ကျော်ဖြတ်ကာ ယခုကဲ့သို့ ရွေချယ်ခံခဲ့ရခြင်းဖြစ်သည်။

ဟီလာရီကလင်တန်ကမူ ဒုတိယနေရာတွင် ရှိခဲ့သည်ဟု Time မဂ္ဂဇင်း၏ မန်းနေးဂျင်းအယ်ဒီတာဖြစ်သူ နန်ဇီ ဂစ်ဘ်က ပြောကြားခဲ့သည်။ Time ကမူ ထရမ့်မှာ အမေရိကန်၏ နိုင်ငံရေး စည်းမျဉ်းများကို ထူးခြားစေခဲ့သည်ဟု ပြောကြားခဲ့သည်။

ထိုကဲ့သို့ ရွေးချယ်ရန်အတွက် စာဖတ်သူများထံမှ ဆန္ဒမဲ တောင်းခံခဲ့သော်လည်း နောက်ဆုံး ဆုံးဖြတ်ချက်ကို အယ်ဒီတာများက ပြုလုပ်ခြင်းဖြစ်သည်။

Ref : BBC

ဒီဇင်ဘာ ၇၊ ၂၀၁၆
M-Media

– အမေရိကန်သမ္မတ စီးနင်းရန်အတွက် ဘိုးအင်းလေယာဉ်ကုမ္ပဏီမှ Air Force One လေယာဉ် အသစ်စက်စက် မှာယူထားမှုကို ဖျက်သိမ်းရန် ထရမ့်က အမေရိကန်အစိုးရကို တိုက်တွန်းလိုက်ပြီး ထိုလေယာဉ်အတွက် ကုန်ကျမှုမှာ အလွန်များသည်ဟု ပြောကြားခဲ့သည်။

Air Force One လေယာဉ်မှာ အမေရိကန် သမ္မတရာထူး၏ ထင်ရှားသော အမှတ်သညာများထဲမှ တစ်ခုဖြစ်ပြီး ယခုအသုံးပြုနေသည့် လေယာဉ်မှာ ၁၉၄၃ ခုနှစ်ကတည်းက အသုံးပြုခဲ့ခြင်းဖြစ်သည်ဟု ဘိုးအင်းကုမ္ပဏီ၏ ၀ဘ်ဆိုက်တွင် ဖော်ပြထားသည်။

ထိုကဲ့သို့ အသစ်မှာယူထားမှုကို ထရမ့်က အဘယ်ကြောင့် ကန့်ကွက်ရလဲဆိုသည်ကို ရှင်းရှင်းလင်းလင်း မသိရသေးသော်လည်း ၎င်း၏ အသွင်ကူးပြောင်းရေးအဖွဲ့ကမူ ထရမ့်မှာ ဇန်န၀ါရီ ၂၀ ရက်နေ့ အာဏာရယူပြီးနောက်ပိုင်းတွင် ပြည်သူများ၏ အခွန်ဘဏ္ဍာများကို ခြွေတာမည်ဆိုသည့် သတင်းစကားမျိုး ပေးရန် ရည်ရွယ်ခြင်းဖြစ်သည်ဟု ပြောကြားခဲ့သည်။

“ဘိုးအင်းက အနာဂတ်သမ္မတအတွက် 747 Air Force One လေယာဉ်အသစ်ကို တည်ဆောက်နေတယ်ဗျ။ ဒါပေမယ့် ဒေါ်လာ ၄ ဘီလီယံကျော်ဆိုတော့ ကုန်ကျစားရိတ်က သိပ်များပါတယ်” ဟု ထရမ့်က ယမန်နေ့တွင် Twitter စာမျက်နှာ၌ ရေးသားခဲ့သည်။

အမေရိကန်သမ္မတအတွက် သတ်မှတ်ပေးထားသည့် လေယာဉ်များကို စီမံနေသည့် အမေရိကန်လေတပ်က လက်ရှိ သမ္မတအသုံးပြုနေသော လေယာဉ် ၂ စင်းကို ဘိုးအင်း၏ 747-8 လေယာဉ်ဖြင့် အစားထိုးသွားမည်ဟု ၂၀၁၅ ခုနှစ် ဇန်န၀ါရီလတွင် ကြေငြာခဲ့သည်။

အဆိုပါ လေယာဉ်အစားထိုးမှုအစီအစဉ်အတွက် ဘက်ဂျက်ကို ဒေါ်လာ ၂.၈၇ ဘီလီယံ သတ်မှတ်ထားပြီး ၂၀၁၅ ခုနှစ် ဘဏ္ဍာရေးနှစ်မှ ၂၀၂၁ ခုနှစ် ဘဏ္ဍာရေးနှစ်အထိ ထုတ်နှုတ်သုံးစွဲရန် လျာထားခဲ့သည်။

Ref: Aljazeera

ဒီဇင်ဘာ ၅၊ ၂၀၁၆
M-Media

– ဌာနေအမေရိကန်များနှင့် ပတ်ဝန်းကျင်ဆိုင်ရာ တက်ကြွလှုပ်ရှားသူများက လပေါင်းများစွာကြာ ဆန္ဒပြမှုများ ပြုလုပ်ခဲ့ပြီးနောက် မြောက်ဒါကိုတာကိုဖြတ်၍ ဖောက်လုပ်မည့် ပိုက်လိုင်းစီမံကိန်း ဆောက်လုပ်ခွင့် ပါမစ်ပေးထားမှုကို အမေရိကန်စစ်တပ်၏ အင်ဂျင်နီယာတပ်ဖွဲ့မှ ရုပ်သိမ်းလိုက်သည်ဟု သိရသည်။

တက္ကဆက်ပြည်နယ်အခြေစိုက် စွမ်းအင်ကုမ္ပဏီတစ်ခုဖြစ်သော Energy Transfer Partners LP က ပိုင်ဆိုင်သည့် အဆိုပါ ပိုက်လိုင်းမှာ အားလုံးနီးပါး ပြီးစီးနေပြီး မစ်ဇူရီမြစ်ပေါ်ရှိ ရေလှောင်တမံတစ်ခုပါဝင်သော အပန်းဖြေနေရာ အိုဟေ ရေကန် အောက်မှ ဖြတ်ဖောက်ရန်သာ ကျန်ရှိတော့သည်။

သို့သော်လည်း ဌာနအေမေရိကန်များနှင့် တက်ကြွလှုပ်ရှားသူများကမူ ကန်ဒေါ်လာ ၃.၈ ဘီလီယံ တန်ဖိုးရှိသည့် အဆိုပါ စီမံကိန်းမှာ ရေပေးဝေမှုကို ညစ်ညမ်းစေပြီး၊ မိမိတို့လူမျိုး၏ အထွဋ်အမြတ်ထားရာ နေရာများကို ထိခိုက်ပျက်ဆီးစေနိုင်သည်ဟုဆိုကာ လပေါင်းများစွာ ဆန္ဒပြခဲ့ခြင်း ဖြစ်သည်။

ယမန်နေ့က အမေရိကန်စစ်တပ်မှ ထုတ်ပြန်သည့် ကြေငြာချက်တွင် မိမိတို့အနေဖြင့် အိုဟေးရေကန်အောက်မှ ဖြတ်ဖောက်ရန် ခွင့်ပြုထားမှုကို ရုပ်သိမ်းလိုက်သည်ဟု ဖော်ပြခဲ့သည်။ ဌာနေအမေရိကန်အဖွဲ့မှ ဥက္ကဌဖြစ်သူ ဒေ့ဗ် အာရ်ချမ်ဘော့ ၂ ကလည်း စစ်တပ်အနေဖြင့် အခြားလမ်းကြောင်းတစ်ခုကို ရွေးချယ်နိုင်သည်ဟု ဆိုသည်။

Energy Transfer Partners LP ကုမ္ပဏီမှာ ထိုဆုံးဖြတ်ချက်အတွက် အယူခံဝင်နိုင်ပြီး၊ ရှေ့နေတစ်ဦးဖြစ်သူ ဂျန် ဟက်ဆဲမန်က ကုမ္ပဏီမှာ ထိုဆုံးဖြတ်ချက်အတွက် တရားစွဲနိုင်ကာ ထရမ့်အစိုးရသစ်ကလည်း စစ်တပ်ဆုံးဖြတ်ချက်ကို ပယ်ချနိုင်သည်ဟု ပြောကြားခဲ့သည်။

Ref: Aljazeera