Tag: US

ဖေဖော်ဝါရီ ၆၊ ၂၀၁၆
M-Media

– IS အကြမ်းဖက်အဖွဲ့ဝင်တွေဟာ မွတ်စလင်တွေ မဟုတ်ကြဘဲ၊ အစ္စလာမ်ဘာသာကို အမည်ဖျက်နေတဲ့ ဖောက်ပြန်ရေးသမားများတွေသာ ဖြစ်တယ်လို့ အမေရိကန်နိုင်ငံခြားရေးဝန်ကြီး ဂျွန်ကယ်ရီက ဖေဖော်ဝါရီ ၄ ရက်နေ့ ရောမမှာပြုလုပ်တဲ့ မဟာမိတ်များ အခမ်းအနားတစ်ခုမှာ ပြောကြားလိုက်ပါတယ်။

“အမှန်တော့ ISIS တွေဟာ လူသတ်သမားတွေ၊ ပြန်ပေးသမားတွေ၊ ရာဇ၀တ်ကောင်တွေ၊ လူဆိုးလူမိုက်တွေနဲ့ သူခိုးဂျပိုးတွေ စုပေါင်းထားတာထက် ဘာမှမပိုပါဘူး။ ပြီးတော့ ဒီလူတွေဟာ ဘာသာရေး အရေခြုံ၊ တကယ့်အစစ်အမှန်တရားကို လိမ်လည်ဖုံးကွယ်ပြီးတော့ သူတို့လိုဘပြည့်ဖို့ လုပ်နေတဲ့ ဖောက်ပြန်ရေးသမားတွေပါပဲ” လို့ ဂျွန်ကယ်ရီက ပြောကြားလိုက်တာပါ။

ကယ်ရီရဲ့ IS တွေကို ဒီလို သုံးနှုန်းဖော်ပြမှုဟာ ဒါ ပထမဆုံးအကြိမ်တော့ မဟုတ်ပါဘူး။ ဒီဇင်ဘာလက ပြုလုပ်ခဲ့တဲ့ Saban ဖိုရမ်မှာလည်း ကယ်ရီက IS တွဟာ ဘာသာတရားကို ပြန်ပေးဆွဲထားတဲ့ ဖောက်ပြန်သူတွေသာဖြစ်တယ်လို့ ပြင်းပြင်းထန်ထန် ရှုတ်ချပြောကြားခဲ့ပါတယ်။

အီရတ်နဲ့ ဆီးရီးယားနိုင်ငံအပါအ၀င် ကမ္ဘာတစ်ဝှမ်းမှာ အကြမ်းဖက်လုပ်ငန်းတွေကို လုပ်ကိုင်နေတဲ့ IS အဖွဲ့ကို ကမ္ဘာတစ်ဝှမ်းက အစ္စလာမ်ဘာသာရေးအဖွဲ့အစည်းတွေက တစ်ညီတစ်ညွတ်တည်း ရှုတ်ချပြောဆိုထားပြီး အစ္စလာမ့်ရဲ့ ရန်သူလို့ သတ်မှတ်ထာတာဖြစ်ပါတယ်။

Ref; Daily caller

ဖေဖော်ဝါရီ ၂၊ ၂၀၁၆
M-Media

– အမေရိကန်ပြည်ထောင်စု အိုင်အိုဝါပြည်နယ် ရီပက်ဘလစ်ကန်ပါတီကိုယ်စားပြု သမ္မတလောင်းအဖြစ် ရွေးချယ်ပွဲတွင် မက္ကဆီကိုများ၊ လူမည်းများ၊ မွတ်စလင်များနှင့် မသန်စွမ်းသူများအား နှိမ့်ချစော်ကားပြောဆိုခဲ့သည့် သန်းကြွယ်သူဌေး ဒေါ်နယ်ထရမ့်မှာ တက်ဒ် ခရုဇ်အား ရှုံးနိမ့်ခဲ့သည်ဟု သိရသည်။

တက္ကဆက်ပြည်နယ်မှ ကွန်ဆာဗေးတစ် နိုင်ငံရေးသမားဖြစ်သူ ခရုဇ်မှာ မဲအရေအတွက် ၂၈ ရာခိုင်နှုန်း ရရှိခဲ့ပြီး ထရမ့်မှာ ၂၄ ရာခိုင်နှုန်းသာ ရရှိခဲ့သည်။

“ဒီညဟာ အိုင်အိုဝါနဲ့ ကြီးကျယ်တဲ့ ဒီနိုင်ငံတစ်ဝှမ်းက ရဲရင့်တဲ့ ကွန်ဆာဗေးတစ်တွေရဲ့ အောင်ပွဲပါပဲ။ ရီပက်ဘလစ်ကန်ရဲ့ သမ္မတလောင်းကို မီဒီယာ၊ အစိုးရ၊ လော်ဘီသမားတွေက ရွေးချယ်တာမဟုတ်ဘဲ စိတ်ချရဆုံး၊ ပါဝါအာဏာအရှိဆုံး အမေရိကန်ပြည်သူတွေက ရွေးချယ်တယ်ဆိုတာကို အိုင်အိုဝါက သတိပေးခေါင်းလောင်း ထိုးလိုက်တာပါပဲ” ဟု ခရုဇ်က အနိုင်ရပြီးနောက် ပြောကြားခဲ့သည့်မိန့်ခွန်းတွင် ထည့်သွင်းပြောဆိုခဲ့သည်။

ဖလော်ရီဒါမှ အထက်လွှတ်တော် အမတ်ဖြစ်သူ မာကို ရူဘီယိုက မဲအရေအတွက် ၂၃ ရာခိုင်နှုန်းဖြင့် တတိယနေရာတွင် ရှိခဲ့သည်။

ဒီမိုကရက်တစ်ပါတီအတွက် ယှဉ်ပြိုင်မှုအတွင်း နိုင်ငံခြားရေးဝန်ကြီးဟောင်း ဟီလာရီကလင်တန်က ဗားမောင့်ပြည်နယ်မှ ဆန်းဒါးစ်ကို နှာတစ်ဖျားအသာဖြင့် အနိုင်ရရှိခဲ့သည်။ ဟီလာရီက မဲအရေအတွက် ၄၉.၈ ရာခိုင်နှုန်း ရရှိခဲ့ခြင်းဖြစ်ပြီး ဆန်းဒါးစ်က ၄၉.၆ ရာခိုင်နှုန်း ရရှိခဲ့ခြင်းဖြစ်သည်။

အိုင်အိုဝါတွင် ယခုပြုလုပ်ခဲ့သည့် ပါတီကြီးနှစ်ခု၏ သမ္မတလောင်းရွေးချယ်ပွဲမှာ နောက်ဆုံး ရွေးချယ်မှုမဟုတ်သော်လည်း လာမည့် မဲဆွယ်မှုများအတွက် အရေးပါသည့် အင်အားတစ်ခု ဖြစ်စေခဲ့ခြင်းလည်း ဖြစ်သည်။ သမ္မတလောင်းရွေးချယ်ရန် ဆန္ဒပြုမှုကို အခြားသောပြည်နယ်များတွင် ထပ်မံပြုလုပ်သွားမည်ဖြစ်ပြီး ဖေဖော်ဝါရီ ၉ ရက်နေ့ နယူးဟမ့်ရှိုင်းယားပြည်နယ်တွင် ပြုလုပ်မည့် မဲပေးမှုမှာ အရေးပါသည့် အလှည့်အပြောင်း ဖြစ်မည်ဖြစ်သည်။

Ref: Aljazeera

ဇန်န၀ါရီ ၂၅၊ ၂၀၁၆
M-Media

– ဟောလီးဝုဒ်၏ နှစ်စဉ် ကျင်းပပြုလုပ်နေကျ အော်စကာဆုပေးပွဲအခမ်းအနားကို စီစဉ်သော Academy of Motion Picture Arts and Sciences အဖွဲ့က မိမိတို့အဖွဲ့တွင် အမျိုးသမီးများနှင့် လူနည်းစုဝင်များ ပါဝင်မှုကို ၂၀၂၀ ခုနှစ်အရောက်တွင် ၂ ဆဖြစ်အောင် ဆောင်ရွက်သွားမည်ဟု ကတိပြုပြောကြားလိုက်သည်။

အဓိက သရုပ်ဆောင်နေရာအတွက် အမည်စာရင်း တင်သွင်းထားသူများမှာ ၂ နှစ်ဆက်တိုက် လူဖြူများသာ ဖြစ်ခဲ့ပြီး ညီတူမျှတူ မရှိခဲ့သည့်အတွက် ပြီးခဲ့သည့်တစ်ပတ်က ဝေဖန်မှုများ ပေါ်ထွက်လာပြီးနောက် အကယ်ဒမီက ယခုကဲ့သို့ ကြေငြာလိုက်ခြင်းဖြစ်သည်။ ထိုသို့ အဓိကသရုပ်ဆောင်နေရာများအတွက် အမည်စာရင်းများတွင် လူမည်း၊ သို့မဟုတ် အခြားသော လူနည်းစုဝင်များမှ တစ်ဦးမှ ပါမ၀င်ပေ။

သောကြာနေ့က ထုတ်ပြန်ခဲ့သည့် ကြေငြာချက်တွင် အကယ်ဒမီက မိမိတို့မှာ လူနည်းစုဝင်များမှ အဖွဲ့ဝင်အရေအတွက်ကို ၂၀၂၀ ခုနှစ်တွင် ၂ ဆ ဖြစ်အောင် တိုးသွားမည်ဟု ပြောကြားခဲ့သည်။ ထို့ပြင် အဖွဲ့ဝင်ဆိုင်ရာနှင့် အုပ်ချုပ်ရေးဆိုင်ရာ အဓိကဆုံးဖြတ်ချက်များကို ချမှတ်သည့် အမှုဆောင်ကော်မတီနှင့် ဘုတ်အဖွဲ့ ကော်မတီများတွင်လည်း သာတူညီမျှဖြစ်မှုကို တိုးမြှင့်ရန်အတွက် လူနည်းစုဝင်များမှ အဖွဲ့ဝင်အသစ်များကို ပေါင်းထည့်သွားမည်ဟု ကတိပြုခဲ့သည်။

ထင်ရှားသည့် ဒါရိုက်တာ စပိုက်ကီ လီ၊ မင်းသမီး ပင်ကတ်-စမစ်နှင့် ၎င်း၏ခင်ပွန်း မင်းသား ၀ီလ်စမစ်တို့ အပါအ၀င် လူမည်းနှင့် အခြားသော လူနည်းစုဝင်များမှ သရုပ်ဆောင်များကို အသိအမှတ်ပြုမှု မရှိခြင်းကြောင့် အော်စကာဆုပေးပွဲကို သပိတ်မှောက်မည်ဟု သရုပ်ဆောင်များနှင့် ထင်ရှားကျော်ကြားသူများက စနေနေ့တွင် ပြောကြားခဲ့သည်။

သို့သော်လည်း အချို့သရုပ်ဆောင်များကမူ အနုပညာအသိုင်းအ၀ိုင်းမှာ ယခင်ကထက်ပို၍ မတူကွဲပြားစွာ ညီညွတ်မှုရှိနေသည်ဟု ပြောကြားခဲ့သည်။ အော်စကာဆုပေးပွဲအခမ်းအနားကို လာမည့် ဖေဖော်ဝါရီလ ၂၈ ရက်နေ့တွင် ပြု လုပ်သွားမည်ဖြစ်သည်။

Ref: Aljazeera

ဇန်န၀ါရီ ၂၄၊ ၂၀၁၆
M-Media

– အမေရိကန်နိုင်ငံတစ်ဝှမ်းတွင် ဖြစ်ပွားနေသော ပြင်းထန်သည့် ဆီးနှင်းမုန်တိုင်းကြောင့် သေဆုံးသူ အနည်းဆုံး ၁၉ ဦးအထိ ရှိလာခဲ့ပြီး နိုင်ငံအရှေ့မြောက်ပိုင်းရှိ ပြည်နယ်များတွင်လည်း ပြည်သူသန်းပေါင်းများစွာမှာ အဆိုပါ ဆီးနှင်းမုန်တိုင်းဒဏ် ခံစားနေရသည်။

နယူးယောက်တွင် ဆီးနှင်းကျဆင်းမှုမှာ ၂၆.၈ လက်မအထိ ရှိပြီး ပြည်နယ်သမိုင်းတွင် ဒုတိယမြောက်အဆိုးဝါးဆုံး ဆီးနှင်းမုန်တိုင်းလည်း ဖြစ်ခဲ့သည်။ အဆိုးဝါးဆုံးမှာ ၂၀၀၆ ခုနှစ်က ကြုံခဲ့ရသည့် မုန်တိုင်းဖြစ်ပြီး ဆီးနှင်းထုမှာ ၂၆.၉ လက်မအထိ ရှိခဲ့သည်။ နယူးယောက်ပြည်နယ်ကို အရေးပေါ်အခြေအနေ ကြေငြာထားရသည်။

သေဆုံးမှုများမှာ ယမန်နေ့က ပြည်နယ် ၉ ခုတွင် ဖြစ်ပွားခဲ့ခြင်းဖြစ်ပြီး ရာသီဥတုနှင့်ဆက်စပ်သည့် ယာဉ်တိုက်မှု၊ နှင်းထုပြိုကျမှုနှင့် အအေးလွန်ကဲမှုတို့ကြောင့်ဖြစ်သည်။ ယနေ့တွင် ဆီးနှင်းမုန်တိုင်းမှာ အဆိုပါပြည်နယ်များမှ အဝေးသို့ ရောက်ရှိမည့်အခြေအနေ ရှိနေသည်။

ဆီးနှင်းမုန်တိုင်းကြောင့် လေကြောင်းခရီးစဉ်များ၊ ရထားခရီးစဉ်များအပါအ၀င် သယ်ယူပို့ဆောင်ရေး ခရီးစဉ်များကိုလည်း ဖျက်သိမ်းခဲ့ရပြီး၊ မုန်တိုင်းကြောင့် ပိတ်မိနေသူအချို့ကိုလည်း ကယ်ဆယ်မှုများ ပြုလုပ်နေရသည်။

Ref: Channelnewsasia