Tag: US

မတ် ၈၊ ၂၀၁၆
M-Media

– ကယ်လီဖိုးနီးယားပြည်နယ်ဟာ အမေရိကန်ပြည်ထောင်စုက တခြားပြည်နယ်တွေထက် ၂၀၁၅ ခုနှစ်အတွင်း မုန်းတီးရေးအုပ်စု ပိုများလာတယ်လို့ တောင်ပိုင်းဆင်းရဲမွဲတေမှုဆိုင်ရာ ဥပဒေဌာန (SPLC) က ထုတ်ပြန်တဲ့ ကိန်းဂဏန်းတွေအရ သိရပါတယ်။

ဖေဖော်ဝါရီ ၂၇ ရက်နေ့က လော့စ်အိန်ဂျလိစ်အပြင်ဘက် အေနာဟမ်မြို့မှာ လူဖြူအစွန်းရောက်အဖွဲ့ Ku Klux Klan (KKK) က ချီတက်ဆန္ဒပြမှု ပြုလုပ်ဆောင်ရွက်အပြီးမှာ ကယ်လီဖိုးနီးယားပြည်နယ်က အမုန်းအခြေခံ အုပ်စုတွေအပေါ် သတိထားမိလာကြတာ ဖြစ်ပါတယ်။

တရားဝင်ထုတ်ပြန်ထားတဲ့ အချက်အလက်တွေအရ ၂၀၁၅ ခုနှစ် အမေရိကန်မှာ မုန်းတီးရေးအုပ်စု စုစုပေါင်း ၈၉၂ ခု ရှိပြီး အဲ့ဒီထဲကမှ ၆၈ ဖွဲ့ဟာ ကယ်လီဖိုးနီးယားပြည်နယ်မှာ ရှိနေတာဖြစ်ပါတယ်။ ၈၉၂ ဆိုတဲ့ အရေအတွက်ဟာ ၂၀၁၄ ခုနှစ်ကထက် ၁၄ ရာခိုင်နှုန်းလောက် မြင့်တက်လာတာ ဖြစ်တယ်လို့ SPLC က ဆိုပါတယ်။

အဆိုပါအဖွဲ့တွေဟာ လူမျိုးရေးခွဲခြားတတ်တဲ့အဖွဲ့အစည်းတွေ သက်သက်သာ မဟုတ်ဘဲ မွတ်စလင်တွေအပေါ် ပစ်မှတ်ထားတဲ့ အုပ်စုတွေကတော့ ၂၀၁၄ ကထက် ၄၅ ရာခိုင်နှုန်းလောက် ပိုများလာပါတယ်။ အဲဒီလို အမုန်းတရားအခြေခံ အုပ်စုအရေအတွက် ပိုများလာတာထက် အဲဒီအုပ်စုတွေနဲ့ ဆက်နွယ်နေတယ်လို့ သတင်းထွက်တဲ့ အစွန်းရောက်တွေရဲ့ အကြမ်းဖက်တိုက်ခိုက်မှုက ပိုများတယ်လို့ SPLC ရဲ့ အကြီးတန်းတာဝန်ရှိသူ မာ့ခ် ပိုတော့က ပြောကြားခဲ့ပါတယ်။

အေနာဟမ် ချီတက်ဆန္ဒပြမှုနောက်ပိုင်း သေစေနိုင်တဲ့ လက်နက်နဲ့ လုပ်ကြံမှုတစ်ခုမှာ ပါဝင်တယ်လို့ သံသယရှိတဲ့အတွက် KKK အဖွဲ့ဝင်ငါးဦးကို အမေရိကန်ရဲတပ်ဖွဲ့က ဖမ်းဆီးထိန်းသိမ်းခဲ့ပြီး ပြင်းထန်စွာ နာကျင်စေဖို့ ရည်ရွယ်တဲ့ တိုက်ခိုက်မှုမှာ ပါဝင်မယ်လို့ ယူဆရတဲ့ လူ ၇ ဦးလည်း ထပ်မံထိန်းသိမ်းခဲ့ပါတယ်။

Ref: IINA

မတ် ၁၊ ၂၀၁၆
M-Media

– အမေရိကန်ပြည်ထောင်စု အိုဟိုင်းယိုးပြည်နယ် ဒေတန်မြို့မှာရှိတဲ့ ခရစ်ယာန်နှစ်ခြင်းအသင်းတော်က အာဖရိကနွယ်ဖွား သင်းအုပ်ဆရာတစ်ဦးဟာ ၀တ်ပြုဆုတောင်းမှု အစီအစဉ်အတွင်းမှာ သေနတ်နဲ့ ပစ်သတ်ခံလိုက်ရတယ်လို့ သိရပါတယ်။

အသက် ၇၀ အရွယ်ရှိတဲ့ ၀ီလီယံ ဘီ စကူလာဖြစ်ပြီး တနင်္ဂနွေနေ့ ဒေသစံတော်ချိန် ည ၁၂း၃၀ ၀န်းကျင်လောက်က စိန့်ပီတာသာသနာပြု နှစ်ခြင်းဘုရားကျောင်းမှာ သေနတ်နဲ့အပစ်ခံရတာ ဖြစ်ပါတယ်။ အဲဒီသင်းအုပ်ဆရာကို ၎င်းရဲ့ ညီအကိုဖြစ်သူက သတ်သွားတယ်လို့ ယုံကြည်ရပါတယ်။

သေနတ်ပစ်ခတ်မှုအတွက် ဘုရားကျောင်းထဲမှာရှိတဲ့ အသက် ၆၈ နှစ်အရွယ် ဒန်နီယဲလ် ဂရီဂိုရီ စကူလာကို ရဲတပ်ဖွဲ့က ဖမ်းဆီးခဲ့ပြီး မောင့်ဂိုမာရီ ခရိုင်အကျဉ်းထောင်မှာ ထိန်းသိမ်းထားကာ လူသတ်မှုနဲ့ တရားစွဲဆိုထားပါတယ်။

ဘာကြောင့်ပစ်သတ်ရလဲဆိုတာကို မသိရပေမယ့် သင်းအုပ်ဆရာကို တမင် ရည်ရွယ်ပစ်ခတ်ခဲ့တာဖြစ်တယ်လို့ ရဲတပ်ဖွဲ့က ပြာပါတယ်။ တူဖြစ်သူ ဂျွိုက်စ် နပီးရ်က ဒန်နီယဲလ် စကူလာဟာ စိတ်ရောဂါဖြစ်ခဲ့ဖူးတယ်လို့ ဆိုပါတယ်။ သေဆုံးခဲ့တဲ့ သင်းအုပ်ဆရာဟာ ဒေတန်ကျောင်းဘုတ်အဖွဲ့မှာ ဦးဆောင်နေသူတစ်ဦးဖြစ်တဲ့အပြင် ဒေသတွင်း နှစ်ခြင်းသင်း အုပ်ဆရာများအသင်းရဲ့ အကြီးအကဲလည်း ဖြစ်ပါတယ်။

Ref: Presstv

ဖေဖော်ဝါရီ ၂၃၊ ၂၀၁၆
M-Media

– ရီပက်ဘလစ်ကန်သမ္မတလောင်းဖြစ်ရေး ၀င်ရောက်ယှဉ်ပြိုင်နေတဲ့ ဒေါ်နယ်ထရမ့်ရဲ့ ဆူဆူပူပူဖြစ်စေတဲ့ အပြောအဆိုတွေကို ဆန့်ကျင်တဲ့အနေနဲ့ အမေရိကန်ပြည်ထောင်စု နယူးမက္ကဆီကိုပြည်နယ်မှာ အမေရိကန်ပြည်သူတွေက ဆန္ဒပြမှုတွေကို ပြုလုပ်ခဲ့ကြပါတယ်။

တနင်္ဂနွေနေ့က ပြုလုပ်ခဲ့တဲ့ အဲဒီဆန္ဒပြမှုမှာ လူရာပေါင်းများစွာ ပါဝင်ခဲ့ပြီး “အမုန်းတရားကိုဆန့်ကျင်ကာ စည်းလုံးကြ၊ ထရမ့်နဲ့ တယူသန်မှုအားလုံးကို ဆန့်ကျင်ကြ” စတဲ့ စာတမ်းတွေကို ကိုင်ဆောင်ကာ ဆန္ဒထုတ်ဖော်ခဲ့ကြပါတယ်။

ဆန္ဒပြသူတစ်ဦးက “ထရမ့်ရဲ့ဟောပြောချက်တွေဟာ ကျွန်တော်တို့အားလုံးအတွက် အလွန်ကြောက်မက်ဖွယ်ရာကောင်းတယ်ဆိုတာ တစ်နိုင်ငံလုံးနဲ့ တစ်ကမ္ဘာလုံးကို သိစေချင်ပါတယ်။ ကျွန်တော်တို့ ဒါကို မထောက်ခံပါဘူး။ ကျွန်တော်တို့က ဒီလိုအမုန်းတရားတွေနဲ့ ခွဲခြားမှုမပါဘဲ ဦးဆောင်မှုပေးနိုင်တဲ့သူမျိုးကိုသာ ရှာဖွေနေတာပါ” လို့ ပြောကြားခဲ့ပါတယ်။

ဒေါ်နယ်ထရမ့်ဟာ မဲဆွယ်တဲ့ကာလတစ်လျှောက်လုံး လူဝင်မှုကိစ္စ၊ ဒုက္ခသည်များရဲ့အခြေအနေ၊ အစ္စလာမ်ဘာသာအပေါ် ဝေဖန်ပြောဆိုနေခဲ့တာပါ။ ၂၀၁၅ ဒီဇင်ဘာမှာ အမေရိကန်နိုင်ငံကို ဘယ်မွတ်ဆလင်တစ်ဦးတစ်ယောက်မှ ၀င်ရောက်ခြင်းမပြုဖို့ ၎င်းက ပြောဆိုလိုက်ပြီးနောက်တွင် သူ့အား ပြင်းပြင်းထန်ထန် ၀ိုင်းဝန်းရှုတ်ချခဲ့ကြပါတယ်။

အခုလို အငြင်းပွားစရာမှတ်ချက်တွေချခဲ့သော်လည်း ထရမ့်အနေနဲ့ နိုင်ငံတစ်ဝှမ်းမှာ မဲအရေအတွက် ဦးဆောင်လျက်ရှိပြီး ရီပက်ဘလစ်ကန်ပါတီရဲ့ သမ္မတလောင်း အမည်စာရင်းမှာ လက်ရှိအချိန်ထိ လူကြိုက်အများဆုံးဖြစ်နေခဲ့ပါတယ်။

Ref : Presstv